وحدت نیوز (ہنگو)  مجلس وحدت مسلمین خیبر پختونخوا کے ڈپٹی سیکرٹری جنرل اور ترجمان علامہ سید عبدالحسین الحسینی نے کہا ہے کہ علامہ ناصر عباس جعفری رمضان المبارک کے بعد خیبر پختونخوا کا دورہ کرینگے۔ صوبہ میں ملت تشیع کو کئی مشکلات کا سامنا ہے، جن کے ازالہ کیلئے ایم ڈبلیو ایم کوئی کسر اٹھا نہیں رکھے گی۔

 ان خیالات کا اظہار انہوں نے ’’اسلام ٹائمز‘‘ کیساتھ خصوصی بات چیت کرتے ہوئے کیا۔ ان کا کہنا تھا کہ صوبہ خیبر پختونخوا کے مسائل حوالے سے مجلس وحدت مسلمین پاکستان کے سربراہ علامہ ناصر عباس جعفری نے نوٹس لیا ہے اور رمضان المبارک کے بعد صوبہ خیبر پختونخوا کا دورہ کرنے کی یقین دہانی کرائی ہے، جبکہ اس سے قبل ایم ڈبلیو ایم کی صوبائی کابینہ ان سے ملاقات کرے گی۔ انہوں نے کہا کہ ملک کے دیگر صوبوں کی طرح صوبہ خیبر پختونخوا کے عوام کو بھی مجلس وحدت مسلمین سے بے حد امیدیں وابستہ ہیں، انشاءاللہ تعالٰی ایم ڈبلیو ایم عوام کی تمام تر توقعات پر پورا اترے گی۔ پشتون مٹی نے قائد شہید علامہ عارف حسین الحسینی جیسا عظیم سپوت قوم و ملت کو دیا، پشتون سرزمین انتہائی زرخیز ہے۔ انہوں نے کہا کہ جلد مجلس وحدت مسلمین خیبر پختونخوا کی نئی کابینہ کا اعلان کیا جائے گا، جس کے بعد بھرپور انداز میں تنظیمی سرگرمیاں شروع کی جائیں گی۔

وحدت نیوز (اسلام آباد ) سنی اتحاد کونسل کے چیئرمین صاحبزادہ حامد رضا کی جانب سے کل بروز جمعہ روضہ حضرت زینب (س) او ر اصحاب کرام (رض ) پر حملے کے خلاف ملک گیر یوم احتجاج کی کال دی گئی ہے ، صاحبزادہ حامد رضاکی اس اپیل پر مجلس وحدت مسلمین پاکستان کے سربراہ علامہ راجہ ناصر عباس جعفری (حفظ اللہ ) نے مرکزی میڈیا سیل سے جاری اپنے بیان میں کہا ہے کہ ہم شام میں تکفیری دہشت گردوں کے ہاتھوں نواسی رسول (ص) سیدہ زینب (س) اور اصحاب کرام اجمعین کے مزارات پر تکفیری وخارجی دہشت گردوں کی جانب سے حملوں کے خلاف سنی اتحاد کونسل پاکستان کے پر امن یوم احتجاج کی بھر پور حمایت کر تے ہیں۔

ان کا کہنا تھا کہ امریکہ، اسرائیل اور بعض عرب ریاستیں پو ری دنیا بالخصوص مشرق وسطیٰ میں جاری انقلابی بیداری سے بوکھلاکر شام میں داخلی خانہ جنگی کی صورت حال پیدا کر رہے ہیں ، جس کے لئے ان استعماری قوتوں نے بیرون ممالک کی اوپن مارکیٹ سے دہشت گرد شام امپورٹ کیئے ہیں، آج یہ تکفیری دہشت گرد مقدسا ت اسلامی پر بھی حملہ آور ہو چکے ہیں ، اس تنازر میں ضروری ہے کہ دنیا ئے اسلام کے تمام معتدل سنی و شیعہ مل کر اس اہانت و بد کاری پر مشترکہ لائحہ عمل اختیار کریں ۔

علامہ راجہ ناصر عباس جعفری نے مجلس وحدت مسلمین کے تمام اضلاع کے زمہ داران کو ہدایات جاری کی ہیں کہ جہاں تک ممکن ہو سنی اتحاد کونسل کے احتجاجی پروگرامات میں شرکت کی جائے اور ان پروگرامات کے کامیاب انعقاد میں سنی اتحاد کو نسل کے کارکنان کے ساتھ تعاون بھی کیا جائے ۔

وحدت نیوز (بیروت) حزب اللہ لبنان کے سیکرٹری جنرل سید حسن نصراللہ نے بیروت میں حزب اللہ کی سپورٹرز خواتین کی جانب سے دی گئی ایک دعوت افطار سے خطاب کرتے ہوئے یورپی ممالک کی جانب سے حالیہ اس فیصلے کے بارے میں کہ جس میں انہوں نے حزب اللہ کے عسکری سیکشن کو دہشتگرد قراردیا ہے کہا کہ یورپی ممالک کے اس بکواس سے فیصلے سے اگر کوئی سمجھتا ہے کہ حزب اللہ جھک جائے گی تو وہ خوابوں خیالوں کی دنیا میں رہتا ہے ۔یہ مزاحمتی تحریک صیہونیوں اور لبنان کی جانب میلی آنکھ سے دیکھنے والوں کے سامنے ایک آہنی چٹان بن کر کھڑا رہی گی
حزب اللہ کو ختم کرنے اور مٹانے کی ہمیشہ سے ناکام کوششیں ہوتیں رہی ہیں ۔

ہم یورپی ممالک کی جانب سے حزب اللہ کے عسکری سیکشن کو دہشتگرد قراردینے کا آج سے بہت پہلے توقع رکھ رہے تھے عجیب بات یہ ہے کہ انہوں نے اس میں دیر کردی البتہ انہوں نے جوحزب اللہ کو عسکری اور سیاسی میں تقسیم کیا ہے یہ برطانیہ کی مکاری ہے یورپی ممالک پر امریکہ اور اسرائیل کا شدید دباو تھا یہاں تک کہ وہ مجبور ہوئے کہ ایسا فیصلہ کریں ،انہوں نے کہا کہ یورپی ممالک کے ذمہ دار اب وضاحتیں دیتے ہیں کہ اس کا مطلب یہ ہے اس کا مطلب وہ ہے وہ کہتے ہیں ہم لبنان کو حزب اللہ کے ساتھ قبول کرتے ہیں ہمیں آنے والی کوئی بھی حکومت جس میں حزب اللہ شامل ہو قبول ہے،وہ کہتے ہیں کہ ہم اس کے قائل نہیں کہ حزب اللہ دہشتگرد جماعت ہے تو یورپ کے لئے یہ بات شرم آور ہے کہ وہ اس کے قائل نہ ہونے کے باوجود اسرائیلی اور امریکی دباو کو قبول کرلیا اور سرجھکا کر دستخط کردیے۔

البتہ یہ بات واضح رہے کہ انہوں نے حزب اللہ کو دہشتگرد قراردینے کی کوئی دلیل یا وجہ بیان نہیں کی ان کے پاس ایسی کوئی دلیل بھی نہیں ہے کہ وہ یہ کہہ سکیں کہ حزب اللہ نے کوئی ایسا کام کیا ہو جو دہشتگردی کے زمرے میں آئے جبکہ اسرائیلی عسکری سکیشن کو وہ دہشتگرد نہیں کہہ رہے جس نے اس وقت بھی دوسروں کی زمین پر قبضہ کیا ہوا ہے اور اس کی فوج مسلسل جنگی جرائم کا مرتکب ہورہی ہے جس کی مثالیں آپ فلسطین میں غزہ صبرا شتیلا ،قانا اور درجنوں علاقے ہیں ۔

انہوں نے کہا کوئی سمجھتا ہے کہ اس سے حزب اللہ کا اقتصادی محاصرہ ہوگا تو میں پہلے ہی کہہ چکا ہوں کہ بیرون ملک نہ ہی ہمارے کوئی اثاثے ہیں اور نہیں کوئی رقوم کہ وہ منجمد کئے جائیں ۔

انہوں نے مزید کہا کہ یورپی ممالک کے اس فیصلے نے لبنان اور لبنانی عوام کی توہین کی ہے اور اسرائیل کی جانب سے کسی بھی ممکن جارحیت کے لئے راستہ کھول دیا ہے اور ایسی کسی بھی قسم کی جارحیت میں یورپی ممالک بھی شریک ہونگے کیونکہ انہوں نے اسرائیل کو اب ایک قانونی شلٹر فراہم کرنے کی کوشش کی ہے اور اسرائیل کی جانب سے لبنان پرکسی بھی ممکنہ جارحیت کے بارے میں اب اسرائیل کہہ سکتا ہے کہ اس نے دہشتگرد وں کے ٹھکانوں پر حملہ کیا تھا ۔

انہوں نے یورپی ممالک سے مخاطب ہوکر مزید کہا کہ تم اپنے اس فیصلے سے سوائے ناامیدی اور ناکامی کے کچھ نہیں پاوگے کوئی یہ سمجھتا ہے کہ وہ حزب اللہ کہ جس نے خطے کی سب سے بڑی فوج کا ڈٹ کر سامنا کیا ہے اسے ایسے بکواس فیصلے ڈرادینگے تو وہ خیالی دنیا میں رہتا ہے
انہوں نے یورپی ممالک کے فیصلے کے بارے میں لبنانی عام معاشرے کی ایک ضرب المثل بیان کی جس کا مطلب یوں بنتا ہے کہ ’’جاہل اپنی جہالت پر فخر بھی کرے اور پھر خود کوکامیاب دانشور بھی سمجھے ‘‘

وحدت نیوز (گلگت ) شام میں تکفیری دہشت گردوں کی جانب سے حرم مطہر سیدہ زینب سلام اللہ علیہا پر راکٹ حملے کے خلاف قائد وحدت علامہ راجہ ناصر عباس جعفری (حفظ اللہ) کی اپیل پر گلگت میں بھی پر زور یوم احتجاج منایا گیا اس سلسلے میں مرکزی جامع مسجد امامیہ میں احتجاجی اجتماع منعقد ہوا جس میں قائد وامام جمعہ والجماعت گلگت حجتہ السلام علامہ سید راحت حسین الحسینی اور صوبائی سیکریٹری جنرل حجتہ السلام علامہ شیخ نیئر عباس مصطفوی نے خطاب کیا ۔

بعد ازاں مرکزی جامع مسجد امامیہ سے ایک ریلی نکالی گئی جس کی قیادت حجتہ السلام علامہ سید راحت حسین الحسینی اور صوبائی سیکریٹری جنرل حجتہ السلام علامہ شیخ نیئر عباس مصطفوی نے کی جبکے سیکٹروں کی تعداد میں مومنین نے احتجاجی ریلی میں شرکت کی ، شرکاء ریلی امریکہ ، اسرائیلی اور آل سعود کے خلاف بھر پور نعرے لگا رہے تھے ۔