The Latest
وحدت نیوز(گلگت) مجلس وحدت مسلمین پاکستان گلگت ڈویژن نے گلگت بلتستان کے عوام کو گندم پر دی جانیوالی سبسڈی کی بحالی کیلئے پورے گلگت بلتستان میں احتجاجی تحریک چلانے کا اعلان کردیا۔ گلگت ڈویژن نے سیکرٹری جنرل علامہ محمد بلال سمائری نے پریس کانفرنس سے خطاب کرتے ہوئے کہا کہ عوام کی طاقت سے حکمرانوں کو گھٹنے ٹیکنے پر مجبور کردیں گے۔ یہ علاقہ انتہائی پسماندہ علاقہ ہے اور یہاں کے باشندے غربت کی لکیر سے نیچے زندگی گزاررہے ہیں ۔ مہنگائی نے عوام کا جینا دوبھر کردیا ہے اور اب سبسڈی کے خاتمے سے غریب عوام کے گھروں کے چولہے بجھ جائیں گے۔لہٰذا حکومت ہوش کے ناخن لے اور سبسڈی کو بحال کرے ورنہ پھر احتجاجی تحریک کا سامنا کرنے کیلئے تیار رہے۔
وحدت نیوز(کراچی) مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے کہا ہے کہ شرک کے عالمی مرکز یعنی امریکہ کے ساتھ کوئی دوستی نہیں ہوسکتی، امریکہ عالمی فتنہ کا مرکز ہے ہمارا اس سے ٹکراؤ ہے اور انشاءاللہ جب تک یہ جنگ جاری رہے گی، ہم بھی اپنی پوری طاقت کے ساتھ اس جنگ میں حاضر رہیں گے۔ ان خیالات کا اظہار انہوں نے انقلاب اسلامی کی سالگرہ کے موقع پر ایم ڈبلیوایم کے شعبہ تربیت کے تحت کراچی کی مسجد و امام بارگاہ مدینۃ العلم میں منعقدہ ’’معرفت خط امام خمینی (رہ) سیمینار‘‘ کے شرکاء سے خطاب کرتے ہوئے کیا۔ سیمینار میں علامہ احمد اقبال رضوی، علامہ علی افضال رضوی و دیگر علمائے کرام سمیت مجلس وحدت کے کارکنان نے بھی بڑی تعداد میں شرکت کی۔ اس موقع پر اپنے خطاب میں علامہ ناصرعباس جعفری کا کہنا تھا کہ ہمارا مقصد صرف رضائے الٰہی کا حصول ہونا چاہیئے، تنظیمی افراد کی ذمہ داری ہے کہ اپنی فعالیت کو قرب خدا کے حصول کا وسیلہ قرار دیں۔ انہوں نے کہا کہ امام خمینی (رہ) نے ہمارے مبارزہ کو ایک جہت عطا کی ہے اور یہ بتا دیا ہے کہ اس دنیا میں عالمی استکبار (امریکہ) سب سے بڑا شیطان ہے، اب ہماری ذمہ داری ہے کہ ہمیں اس مبارزہ کو جاری و ساری رکھنا ہے۔
علامہ ناصر عباس جعفری کا کہنا تھا کہ شرک کے عالمی مراکز کے ساتھ کبھی دوستی نہیں ہوسکتی، قرآنی اصولوں کے مطابق ان سے ہمارا ہمیشہ سے ٹکراؤ ہے اور جب تک حق و باطل کا معرکہ جاری ہے یہ ٹکراؤ بھی جاری رہے گا، بس ہمیں اس مبارزہ کا حصہ بنتے ہوئے امام خمینی (رہ) کے افکار پر کاربند رہنا ہے اور اس میں کسی بھی صورت ٹھراؤ نہیں پیدا ہونے دینا ہے۔ انہوں نے کہا کہ کربلا کی جنگ دمشق کے یزید اور کوفہ کے ابن زیاد کے خلاف جنگ نہیں تھی بلکہ یہ ہر دور کے یزید اور ابن زیاد کے خلاف قیام تھا، اگر جناب اکبر (ع) اور جناب قاسم (ع) نے کربلا میں قیام کیا تو ان کا قیام ہر دور کے شرک کے مراکز کے خلاف قیام تھا، یہ ہمارے لئے سعادت ہے کہ ہم اس قیام کا حصہ ہیں، لہٰذا عالمی استکبار کے خاتمے تک ہمیں یہ مبارزہ و قیام جاری رکھنا ہے۔ ان کا کہنا تھا کہ امام خمینی (رہ) کا انقلاب صرف ایران کی عوام کے لئے نہیں تھا بلکہ یہ مظلوموں کا ظالموں کے خلاف قیام تھا اور آج دنیا بھر کے مظلوم چاہے وہ ایران میں ہوں، شام میں ہوں، فلسطین میں ہوں، عراق میں ہوں یا پاکستان میں امام خمینی (رہ) کے اس انقلاب کے ثمرات سے ہی باطل کے خلاف اس مبارزہ کو جاری رکھے ہوئے ہیں۔
وحدت نیوز (جوہرآباد) مجلس وحدت مسلمین کے مرکزی سیکرٹری سیاسیات سید ناصر عباس شیرازی نے کہا ہے کہ حکومت کی جانب سے طالبان کے ساتھ شروع کیا جانیوالا مذاکراتی عمل دہشت گردوں کو طاقتور اور ریاست کو کمزور بنانے کی سنگین سازش کا حصہ ہے ، حکومت کی طالبان نواز پالیسیوں کے خلاف مجلس وحدت مسلمین،سنی اتحاد کونسل،وائس آف شہداء اور تحریک منہاج القرآن سمیت ملک کی بارہ سیاسی جماعتیں محب وطن کونسل کے عنوان سے مشترکہ تحریک چلا ئیں گی، ہم انشاء اللہ دہش گردوں کے خلاف شروع ہونیوالی اس جنگ میں عوامی طاقت کے ذریعے ظفر یاب ہونگے ، انہوں نے ان خیالات کا اظہار دورہ جوہرآباد کے دوران شالیمار ہوٹل میں منعقدہ پر ہجوم پریس کانفرنس میں کیا ، اس موقع پر ایم ڈبلیو ایم کے صوبائی راہنما ملک غلام شبیر جوئیہ اور ایم ڈبلیو ایم کے مقامی قائدین بھی موجود تھے ، سید ناصر عباس شیرازی نے کہا کہ موجودہ مذاکراتی عمل میں طالبان کے ساتھ ہی مذاکرات ہوں گے ، کیونکہ حکومت کی جانب سے تشکیل دی جانیوالی مذاکراتی کمیٹی میں پاکستانی عوام کا کوئی حقیقی نمائندہ شامل نہیں ہے ، وزیر داخلہ پاکستان خود طالبان کے سب سے بڑئے ترجمان ہیں، مسلم لیگ کی حکومت دہشت گردوں سے خوفزدہ ہے اور انہی کے ایجنڈے پر کام کر رہی ہے ، سید ناصر عباس شیرازی نے کہا کہ مذاکراتی عمل شروع ہونے کے باوجود وطن عزیز میں قتل و غارتگری ، بم دھماکوں اور فورسز پر ہونیوالے حملوں کا نہ رکنے والا سلسلہ ظاہر کرتا ہے کہ طالبان اپنی مذموم کاروائیوں کو روکنے میں مخلص نہیں، چاہیے تو تھا کہ قتل و غارت کی ان سنگین وارداتوں کے بعد حکمران ان سفاک قاتلوں پر بھروسہ کرنے کی بجائے ان کے خلاف طاقت کا استعمال کرتے لیکن سب کچھ جاننے کے باوجود حکمرانوں کی سوئی مذاکرات پر اٹکی ہوئی ہے ، حکمرانوں کا یہ طرز عمل آئین پاکستان اور پچاس ہزار شہداء کے خون کے ساتھ غداری کے متراد ف ہے، ایم ڈبلیو ایم کے مرکزی پولٹیکل سیکرٹری نے کہا کہ نو ستمبر کو آ ل پارٹیز کانفرنس میں طالبان کے ساتھ مذاکرات کا فیصلہ ہوا جس کا جواب دہشت گردوں نے آرمی کے دو اعلیٰ افسران کی لاشوں کی شکل میں دیا اور اس کے بعد قتل و غارت اور خونریزی اک ایک نہ رکنے والا سلسلہ شروع ہو گیا ، اور اب مذاکراتی عمل شروع ہونے کے بعد بھی دہشت گردوں کی جانب سے کوئی مثبت جواب ملنے کی بجائے لاشوں پر لاشیں مل رہی ہیں ، ان حالات میں حکومت کی پالیسیوں پر انحصار کرنے کی بجائے عوام کو دہشت گردوں کے مد مقابل کھڑا کرنے کی ضرورت ہے ، انہوں نے مزید کہا کہ پاکستان کی تما م وطن دوست جماعتیں ایم ڈ بلیو ایم کے ایجنڈے سے متفق ہیں اور انشاء اللہ محب وطن کونسل کے عنوان سے شروع ہونیوالی عوامی تحریک نتیجہ خیز ثابت ہو گی ۔
وحدت نیوز(کراچی) اکیسویں صدی میں عالم بشریت کو استعماری قوتوں کے سامنے سینہ سپر ہونے کا حوصلہ امام خمینی رضوان اللہ تعالیٰ علیہ نے دیا ، ڈھائی ہزار سالہ شہنشاہیت کے بت کو توڑنا امام خمینی رضوان اللہ تعالیٰ علیہ کا عظیم الشان معجزہ تھا، پسے ہو ئے اور ظالم حکمرانوں کے ڈسے ہو ئے مستضعفین کو قیام برائے خدا کر نے کی تعلیم امام خمینی رضوان اللہ تعالیٰ علیہ نے ہی فراہم کی ،پینتیس سال بعد بھی اسلامی جمہوریہ ایران امام خمینی کی تلقین پر عمل پیرا ہے اور مظلوموں کی پناہ گاہ بنا ہو ا ہے ، ان خیالات کا اظہار مجلس وحدت مسلمین پاکستان کے مرکزی سیکریٹری جنرل علامہ علامہ راجہ ناصرعباس جعفری نےحسینی ینگ آرگنائزیشن کے زیر اہتمام عزاخانہ زہرا سلام اللہ علیہا میں انقلاب اسلامی ایران کی سالگرہ کی مناسبت سے منعقدہ سیمینار سے خطاب کر تے ہو ئے کیا ۔دیگر مقررین میں مولانا علی مرتضیٰ زیدی ، مولانا نقی ہاشمی اور آقائے مہدی خطیب شامل تھے ۔
علامہ راجہ ناصر عباس جعفری کا کہنا تھا کہ امام خمینی رضوان اللہ تعالیٰ علیہ نے جس عظیم انقلاب کی بنیاد ڈالی آج اس کی جڑیں تمام خطہ عرض میں پھیل چکی ہیں ، بوذر زمان امام سید علی خامنہ ٰای حفظ اللہ تعالیٰ نے امام خمینی رضوان اللہ تعالیٰ علیہ کی ولایت کا سنگین بوجھ انتہائی قابل مہارت ، شجاعت ، بہادری اور جواں مردی سے اٹھا رکھا ہے، امام خمینی رضوان اللہ تعالیٰ علیہ تلقین پر عمل پیرا ہو کر حکومت اسلامی آج بھی تمام مستضعفین جہان کے لئے پناہ گاہ بنی ہوئی ہے، مسئلہ فلسطین جسےخائن عرب حکمرانوں نے سودے بازی کی نظر کر دیا تھا آج امت مسلمہ کا بنیادی مسئلہ امام خمینی رضوان اللہ تعالیٰ علیہ کی توجہ اور تاکید کی سبب بنا ۔ غرض دنیا بھر کے آزادی خواہ اورحریت پسندوں کی محفوظ پناہ گاہ حکومت اسلامی کی صورت میں موجود ہے ، جن کی پشتی بانی رہبر انقلاب اسلامی امام سید علی خامنٰہ ای انجام دے رہے ہیں ۔
وحدت نیوز(کراچی) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری سے روشن دل افراد کے ایک تنظیم اسلامک فورم فار دی بلائنڈ (آئی ایف ایف بی )کے نمائندہ وفد نے ملاقات کی ،ڈویژنل دفتر میں ملاقات کے لئے آنے والے وفد کی قیادت تنظیم کےآرگنائزرمولانا علی انور جعفری نے کی ، علامہ راجہ ناصر عباس جعفری نے وفد سے ملاقات میں قرآن و حدیث کی روشنی میں اہل بصیرت کی صفات پر گفتگو کی، وفد نےعلامہ راجہ ناصر عباس جعفری کو پاکستان میں بینائی سے محروم افراد کو درپیش مسائل پر تفصیلی بریفنگ دی علامہ راجہ ناصر عباس جعفری نے وفد کو یقین دھانی کروائی کے پاکستان بھر میں بینائی سے محروم افراد کو درپیش مسائل کے حل میں مجلس وحدت مسلمین بھر پورتعاون کرے گی اور ہر فورم پر خصوصی افراد کے حقوق کے لئے آواز بلند کریں گے ۔
وحدت نیوز(کوہاٹ)ّ مجلس وحدت مسلمین خیبر پختونخوا کے الیکشن کے بعد باقاعدہ طور پر تنظیمی سرگرمیوں کا آغاز کر دیا گیا ہے، نومنتخب صوبائی سیکرٹری جنرل علامہ سید سبطین حسین الحسینی نے 12 جنوری 2014ء کو جامعہ شہید علامہ عارف الحسینی میں اپنے انتخاب کے بعد اس عزم کا اظہار کیا تھا کہ صوبہ خیبر پختونخوا میں مخصوص حالات کے باوجود ملت کی خلوص دل کیساتھ خدمت کرتے ہوئے مجلس وحدت مسلمین کو یہاں بھی ایک فعال ترین تنظیم کے طور پر متعارف کرانے میں اپنا بھرپور کردار ادا کریں گے۔ اسی جذبہ کے تحت انہوں نے تنظیمی دورہ جات کا آغاز کیا، اور پہلے مرحلہ میں کوہاٹ، ہنگو اور اورکزئی ایجنسی کا دورہ کیا، اس موقع پر علامہ مصطفیٰ بہشتی، علامہ سید زاہد علی اور صوبائی آفس مسئول ارشاد حسین بنگش بھی ان کے ہمراہ تھے۔
اپنے چار روزہ دورے کے دوران وفد سب سے اورکزئی کے علاقہ حسین آباد گیا، جہاں مقامی عمائدین کی جانب سے ایک نشست کا اہتمام کیا گیا، جہاں بڑی تعداد میں موجود لوگوں کو مجلس وحدت مسلمین کے اغراض و مقاصد، اہداف اور ملک بھر میں تنظیم کی کارکردگی کے حوالے سے آگاہ کیا گیا، نشست میں مقامی عمائدین، اہم شخصیات اور عوام نے ایم ڈبلیو ایم کا خیرمقدم کرتے ہوئے اپنی جانب سے ہر قسم کے تعاون کی یقین دہانی کرائی۔ بعدازاں وفد نے اورکزئی ایجنسی کے علاقہ کوریز کا دورہ کیا، جہاں مقامی افراد نے وفد کا بھرپور استقبال کیا، جہاں علامہ سبطین حسینی اور علامہ مصطفیٰ بہشتی نے اجتماع سے خطاب کیا۔ اس موقع پر مقامی عمائدین نے ایم ڈبلیو ایم کے وفد کا شکریہ ادا کیا، اور اپنی خدمات پیش کرتے ہوئے کہا کہ آج سرزمین کوریز پر شہید علامہ عارف الحسینی کی یاد تازہ ہو گئی، ہم مجلس وحدت مسلمین کو مضبوط بنانے کیلئے ہر قربانی پیش کریں گے۔
اس موقع پر بنوں دھماکہ میں شہید ہونے والے فوجی جوان شعیب حسین کے ایصال ثواب کیلئے مجلس عزاء کا اہتمام کیا گیا، جس سے علامہ سبطین حسینی نے خطاب کیا۔ وفد بعدازاں شہید شعیب حسین کے گھر حاضر ہوا، جہاں شہید کے والد گرامی سمیت دیگر لواحقین سے ملاقات کی اور شہید کی خدمات کو خراج تحسین پیش کیا۔ ایم ڈبلیو ایم کے مسئولین نے اورکزئی ایجنسی سے ہنگو کی طرف سفر کیا، اور وہاں سب سے پہلے شیعہ علماء کونسل ضلع ہنگو کے رہنماء علامہ منصف علی اور علامہ اصحاب علی کے والد مرحوم کی تعزیت کیلئے ان سے ملاقات کی۔ اس کے بعد وفد استرزئی گیا، جہاں شیعہ علماء کونسل ضلع ہنگو کے رہنماء علامہ حمید امامی، علامہ نبی حسین اور سیاسی شخصیت حاجی اسماعیل سے ملاقات کی۔
مجلس وحدت مسلمین کے رہنماوں نے پھر لدی خیل کا رخ کیا، جہاں علامہ سید نور آغا اور علامہ جبار سے ملاقات کی، اور ہنگو میں تنظیم کو فعال بنانے کے حوالے سے تفصیلی گفتگو کی۔ علاوہ ازیں وفد نے ہنگو کی معروف دینی درس گاہ جامعہ العسکریہ کا دورہ کیا، جہاں علامہ عامر شمسی سے ملاقات کی۔ جس کے بعد رئیسان میں علامہ باقر حسین اور تحریک جعفریہ کے سابق سینئر رہنماء سعید حسین جبکہ پاس کلے میں علامہ ارشاد علی اور انشاد علی سے ملاقاتیں کیں۔ وفد نے ضلع کوہاٹ کے علاقہ ہادی زئی کا بھی دورہ کیا، جہاں بزرگ عالم دین علامہ اعوان علی شاہ، وحدت کونسل کے رہنماء علامہ سیدین اور علامہ میر حسن کیساتھ تنظیمی امور کے حوالے سے نشستیں کیں، اور باہمی تعاون کو فروغ دیتے ہوئے ملت تشیع کی خدمت کرنے پر بات چیت ہوئی۔
وفد نے اپنے اس دورے کے دوران علی زئی میں اسوہ پبلک اسکول کے مدرس علامہ سجاد حسین، اسکول کے سٹاف اور بچوں سے ملاقات کی، اس موقع پر علامہ سید سبطین الحسینی نے اسکول کے بچوں سے خطاب کیا، بعدازاں علامہ قیصر عباس سے کوہاٹ کے علاقہ شیرکوٹ میں ملاقات کی گئی، پھر وفد نے کوہاٹ ہی کے علاقہ چکر کوٹ کا دورہ کیا، جس کے بعد وفد نے علامہ سید مجتبیٰ حسین الحسینی سمیت مختلف شیعہ عمائدین اور شخصیات سے ملاقاتیں کیں اور تنظیمی امور پر تفصیلی گفتگو کی گئی۔ مجلس وحدت مسلمین خیبر پختونخوا کے وفد کے اورکزئی ایجنسی، ضلع ہنگو اور کوہاٹ کے چار روزہ دورہ کو مقامی افراد، علمائے کرام اور عمائدین کی جانب سے سراہا گیا۔
وحدت نیوز (لاہور) پنجاب حکومت عالمی دہشتگردوں کی سرپرستی چھوڑ کر پنجاب میں امن و امان کیلئے ان دہشتگردوں کی پناہ گاہوں کیخلاف فوری آپریشن شروع کرے۔ ان خیالات کااظہار مجلس وحدت مسلمین پنجاب کے رہنماء علامہ سید حسن رضا ہمدانی نے لاہور ڈویژن کے کارکنان کے اجلاس سے خطاب کرتے ہوئے کہا۔ ان کا کہنا تھا کہ پنجاب حکومت ہوش کے ناخن لے۔ خانیوال میں ہونے والا خود کش دھماکے میں ہلاک دہشتگرد وزیرستان سے نہیں آئے تھے۔ پنجاب حکومت عالمی دہشتگرد کالعدم تکفیری گروہ کی سرپرستی پر صوبائی وزیر قانون کو برطرف کرے۔ پنجاب میں شہید ہونے والے ملت جعفریہ کے شہداء کے قاتلوں کو تحفظ دینے کی بجائے عدالت کے کٹہرے میں لاکھڑا کریں۔ نفاذ شریعت کی راگ آلاپنے والوں سے پوچھا جائے ان کے ساتھ ملک کی 12کڑور کی آبادی پر مشتمل اہلسنت (بریلوی) مسلمانوںاور 5کڑور شیعہ مسلمانوں کا کونسا نمائندہ ان کمیٹیوں میں شامل ہیں ؟پاکستان کا آئین مکمل اسلامی ہیں ہم محمد عربی ۖ کی شریعت کے پابند ہیں نہ کی گلے کاٹنے والے اور انسانی سروں سے فٹ بال کھیلنے والوں کی خود ساختہ شریعت کے علامہ ہمدانی کا کہنا تھا کہ پاکستان کی سا لمیت اور دفاع کیلئے فرزندانِ اسلام ہمہ وقت تیار ہیں۔ دنیا میں بغاوت کرنے والے باغیوں سے مذاکرات کی کوئی مثال نہیں ملتی۔ ملک محب وطن اور بہادر لیڈر شپ کی ضرورت ہے۔
وحدت نیوز(قم المقدسہ) مجلس وحدت مسلمین قم شعبہ خواتین کی مرکزی کمیٹی کا اہم اجلاس ایم ڈبلیو ایم قم کے دفتر میں منعقد ہوا۔ اس اجلاس میں سیکرٹری جنرل قم کی زیر صدارت شعبہ خواتین کی تاسیس نو کی گئی۔ مرکزی کمیٹی کی سفارش پر ایم ڈبلیو ایم قم کے سیکرٹری جنرل نے خواہر عاصمہ جعفری کا شعبہ خواتین کی نئی مسئول کے طور پر اعلان کیا۔ اجلاس میں ایم ڈبلیو ایم قم کے ڈپٹی سیکرٹری جنرل سید میثم ہمدانی اور مولانا حسن باقریمولانا حسن باقری
بھی موجود تھے۔ مجلس وحدت مسلمین قم کے سیکرٹری جنرل حجت الاسلام و المسلمین غلام محمد فخرالدین نے اپنے افتتاحی خطاب میں آیات و روایات کی روشنی میں خواتین کی اہمیت کے بارے میں گفتگو کی۔ ان کا کہنا تھا کہ کسی بھی تحریک کی کامیابی صرف اسی صورت ممکن ہوسکتی ہے جب معاشرے کے تمام طبقات اور تمام افراد اس تحریک کیلئے فعالیت کریں۔ ایم ڈبلیو ایم اس وقت ملت کی آواز ہے اور اس نے ملت کے تمام مسائل کیلئے آواز اٹھائی ہے، ہم سب پر لازم ہے کہ اس حق کی آواز کا ساتھ دیں اور اس کام میں عورت اور مرد میں کوئی فرق نہیں ہے، کیونکہ خدا کے حضور مرد و زن کا اختلاف نہیں ہے بلکہ سب خدا کے بندے ہیں اور سب پر ضروری ہے کہ خدا کی خاطر اس کی عبودیت میں اپنی فعالیت انجام دیں اور خدا سب کو اس کی جزا دے گا۔
سرپرست شعبہ خواتین و ڈپٹی سیکرٹری جنرل سید میثم ہمدانی نے شعبہ خواتین کی مرکزی کمیٹی کا ایم ڈبلیو ایم قم کے دفتر میں تشریف لانے پر شکریہ ادا کیا اور کہا کہ عصر حاضر میں خواتین کے کردار سے انکار ممکن نہیں ہے۔ انہوں نے کہا کہ خواتین کی سب سے پہلی ذمہ داری نسل نو کی اسلامی بنیادوں اور اصولوں کے مطابق تربیت ہے، تاکہ خدا پرست ملت کا قیام وجود میں آسکے۔ شعبہ خواتین کے قیام کی ضرورت کو بیان کرتے ہوئے ان کا کہنا تھا کہ قم المقدسہ میں موجود خواہران پر بہت بڑی ذمہ داری عائد ہوتی ہے، ضرورت اس بات کی ہے کہ یہ شعبہ خواتین کی جدید تقاضوں کے مطابق تربیت کی خطیر ذمہ داری کو انجام دے۔ سید میثم ہمدانی کا کہنا تھا کہ ہم چاہتے ہیں کہ خواہران کو مختلف عقیدتی اور روزمرہ ضرورت کے موضوعات پر مبنی کورسز کروائے جائیں۔ خواہران کیلئے مختص ایک وب سائٹ کا اجرا ہو، جسکو مکمل طور پر خود شعبہ خواہران ہی سنبھالے اور اسی طرح پاکستان میں تبلیغ کے میدان میں بھی خواہران کی بھرپور شرکت ہونی چاہیئے۔ ایم ڈبلیو ایم قم اس سلسلے میں شعبہ خواتین کے ساتھ مکمل تعاون کرے گا اور اپنی مدد فراہم کریگا۔ اجلاس کا اختتام مولانا حسن باقری نے دعائیہ کلمات کے ساتھ کیا۔
وحدت نیوز(کوئٹہ) مجلس وحدت مسلمین کوئٹہ ڈویژن کے جاری کردہ بیان کے مطابق ڈویژنل سیکریٹری جنرل سید محمد عباس موسوی نے کہاہے اگرپاکستان دنیامیں امن دوست ملک کی حیثیت سے اپنی شناخت کراناچاہتاہے تواس کے لئے پاکستان اپنے ہمسایہ ممالک میں عدم مداخلت کے واضح اورعملی اقدامات کرے۔ اوریہ کام ملک کی داخلی اورخارجہ پالیسیوں کوغیرجمہوری اداروں کے شکنجے سے مکمل آزادکرائے بغیرممکن نہیں ہوگا۔
انہوں نے کہا کہ پاکستان کی غیرجمہوری اداروں کی طرف سے ہمسایہ ممالک میں شدت پسندمذہبی اورانتہاپسندتنظیموں کے ذریعہ مداخلت کی وجہ سے آج حکومت اِن دہشت گرد تنظیموں کے ہاتھوں بلیک میل ہورہی ہے۔ اورپاکستان بھرمیں موجوداِن کے ٹریننگ کیمپس اورمضبوط ٹھکانوں کے خلاف کوئی آپریشن عمل میں نہیں لاسکتی۔ یہی دہشت گردتنظیمیں ہیں جنہیں غیرجمہوری قوتیں اپنے حقوق کے لئے آوازبلندکرنے والی علاقائی متعدل سیاسی و مذہبی جماعتوں کے خلاف بھی استعمال کرتی ہیں۔
انہوں نے کہا کہ پاکستان جب سے قائم ہواہے طاقت اوراختیارکااصل مرکزغیرجمہوری ادارے ہی رہے ہیں۔ جب تک ملک کی داخلہ اورخارجہ پالیسی اِن غیرجمہوریہ اداروں کے چنگل سے آزادنہیں ہوجاتیں تب تک پاکستان اقوام عالم کے ساتھ برابری کی بنیادپردوستانہ تعلقات قائم نہیں کرسکتا۔اِن شدت پسندتنظیموں کی ذریعہ سے جب تک ہمسایہ ممالک میں مداخلت کاسلسلہ جاری رہے گاعالمی برادری اورہمسایہ ممالک پاکستان کی امن کی جانب بڑھانے والے ہرقدم کوشک کی نگاہ سے دیکھے گی۔اورایک وقت ایساآئے گاجب پاکستان عالمی دنیامیں تنہاہوکررہ جائے گا۔
انہوں نے مزید کہا کہ ملک میں جاری طالبان کاطالبان کے ساتھ نام نہادامن مذاکرات دراصل عالمی برادری کودیاجانے والاایک اوردھوکہ ہے۔ جس کے ذریعہ دہشت گردتنظیموں کو ملک کے کونے کونے میں اپنی جڑیں مزیدمضبوط کرنے کے لئے موقع فراہم کرناہے۔ ہم ستر ہزارمعصوم انسانوں کے قاتلوں کے ساتھ امن کے نام پرغیرآئینی مذاکرات کی پرزورمذمت کرتے ہیں اورطالبان کا طالبان کے ساتھ مذاکرات کوستر ہزارمعصوم انسانوں کے خون کے ساتھ خیانت تصورکرتے ہیں۔
وحدت نیوز(اسلام آباد ) ایم ڈبلیوایم کے مرکزی ڈپٹی سیکرٹری و مسئول امور خارجہ علامہ سید شفقت حسین شیرازی نے کہا ہے کہ حکومتی رٹ کو چیلنج کرنے اور آئین پاکستان کا تمسخر اڑانے والے وطن دشمنوں کے خلاف فوجی طاقت کا استعمال ضروری ہے، کوئی بھی محب وطن شہری مذاکرات کا حامی نہیں ، عوام کے ووٹوں سے اقتدار حاصل کرنیوالے حکمران طالبان کی بجائے عوام کی ترجمانی کریں ، پاک فوج کے افسران کو شہید کرنے اور ان کے سروں کے ساتھ فٹ بال کھیلنے والے سفاک درندے کسی ہمدردی اور رعایت کے مستحق نہیں، حکمرانوں کو جلد یا بدیرانکے خلاف فوجی آپریشن کا آپشن استعمال کرنا پڑے گا ۔ ایم ڈبلیو ایم کے مرکزی سیکرٹریٹ سے جاری ہونیوالے ایک بیان میں انہوں نے کہا کہ شدت پسندوں نے وطن عزیز میں قتل و غارت اور خونریزی کا بازار گرم کر رکھا ہے ، ان کو بھر پور قوت کے ساتھ جواب نہ دینا اور میدان خالی چھور دینا قومی غیرت و حمیت کا سودا کرنے کے مترادف ہے ، سرزمین پاکستان پر دہشت گردوں کا نشانہ بننے والے پچاس ہزار شہداء کی مائیں بہنیں اور بچے انصاف کے منتظر ہیں ، جمہوریت کے دعویدار حکمرانوں کو عوامی جذبات و احساسات کو مد نظر رکھ کر فیصلے کرنا ہوں گے ، علامہ شفقت شیرازی نے کہا دہشت گرد اسلامی جمہوریہ پاکستان پر طالبانی خلافت کا نظام مسلط کرنا چاہتے ہیں ، حکمران ہوش کے ناخن لیں ، اگر ان کے خلاف طاقت کا استعمال نہ کیا گیا تو وہ حکومت کے لئے بھی خطرہ بن سکتے ہیں ۔
انہوں نے مزید کہا کہ اس وقت وطن عزیزکو بیرونی دشمنوں سے نہیں ان وطن فروش غداروں سے خطرہ ہے طالبان دہشت گردوں کی کاروائیاں جی ایچ کیو تک پہنچ چکی ہیں اور یہ ک خطرہ کبوتر کی طرح آنکھیں بند کرنے سے ختم نہیں ہو گا، سرزمین پاکستان کے باوفا فرزندوں کو ناموس وطن کے تحفظ کے لئے ان درندوں خلاف اٹھنا ہو گا ، انہوں نے اس بات پر افسوس کا اظہار کا اظہار کیا کہ حکمران ایک جانب تو مسلح افواج ، پولیس ، اور سیکور ٹی ٰ فورسز کی مہارت کے گن گا تے ہیں اور دوسری جانب ، وطن عزیز میں جاری قتل و غارت گری اور خونریزی کو روکنے کے لئے ان کی صلاحیتوں سے رکھتے تو طالبان کے ترجمان شاہد اللہ شاہد کو وزیر دفاع اور ملاں فضل اللہ کو آرمی چیف کا عہدہ دے دیں تاکہ ان کے اقتدار کو منور حسن، عمران خان اور مولانا فضل الرحمان سے کوئی خطرہ نہ رہے اور سعودی حکمرانوں کی بھی خوشنودی حاصل رہے۔
