وحدت نیوز (لاہور) حضرت علامہ راجہ ناصر عباس جعفری (حفظ اللہ) کی اپیل پرمجلس وحدت مسلمین کے زیراہتمام شام میں تکفیری دہشت گردوں کے نواسی رسول حضرت بی بی زینب (ع) کے روضہ مبارک پر حملے کیخلاف مال روڈ الحمرا ہال لاہور سے پریس کلب تک احتجاجی ریلی نکالی گئی۔ ریلی میں خواتین اور بچوں کی بڑی تعداد نے شرکت کی مرکزی ڈپٹی سیکریٹری جنرل مجلس وحدت مسلمین پاکستان علامہ حسن ظفر نقوی ، سابق رکن پنجاب اسمبلی عاصمہ ممدوٹ، سیکرٹری جنرل مجلس وحدت مسلمین پنجاب علامہ عبدالخالق اسدی ،مجلس وحدت مسلمین خواتین ونگ کی سیکرٹری جنرل خانم سکینہ مہدوی  نے مظاہرین سے خطاب جبکہ مظاہرے میں شیعہ علما کونسل کے رہنما علامہ حافظ کاظم رضا، علامہ افضل حیدری، علامہ مصطفٰی مہدی، سید اسد عباس نقوی، سید حسن رضا، سید حسنین جعفر، آئی ایس او کے مرکزی سیکرٹری اطلاعات سید زین زیدی شریک ہوئے۔

 علامہ حسن ظفر نقوی کا کہنا تھا کہ پاکستان کا غیرت مند شہری شام میں اہل بیت (ع)اور اصحاب رسول(رض)کے دشمنوں اور معصوم انسانوں کے قاتلوں کو وافر مقدار میں امداد دینے والے سعودی عرب، بحرین، مصر اور قطر سمیت نواز حکومت نیز پاکستانی میڈیا کی مجرمانہ خاموشی کی شدید مذمت کرتا ہے۔ شام میں اسرائیلی اور سعودی کھیل کیخلاف برسرپیکار حزب اللہ اور شامی حکومت اور شامی فوج کی حمایت کا اعلان کرتے ہیں۔

مظاہرین سے سیکرٹری جنرل مجلس وحدت مسلمین پنجاب علامہ عبدالخالق اسدی نے بھی خطاب کیا۔ اُنہوں نے کہا کہ آج ناموس رسالت(ص) پر حملہ کر کے امریکی و اسرائیلی گماشتوں نے ایک دفعہ پھر مسلمانوں کی غیرت کو للکارا ہے، ہم جناب زینب(ع) کے روضے پر مارٹر حملے کی مذمت کرتے ہیں اور واضح کرتے ہیں کہ پاکستانی حکومت اور عالمی ادارے اس دہشت گردی کا نوٹس لیں۔شام میں بدامنی پھیلانے والا گروہ امریکہ کا ہی پیدا کردہ ہے، جس کو پہلے افغانستان میں استعمال کیا گیا اور اب اسے شام میں لڑایا جا رہا ہے۔ مجلس وحدت مسلمین دس ورزہ سوگ کے دوران ملک بھر میں مظاہرے اور عزاداری کے اجتماعات ہونگے اور صدائے احتجاج بلند کرتے رہیں گے۔

احتجاجی ریلی میں خواتیں کی بڑی تعداد شریک تھی۔ مجلس وحدت مسلمین خواتین ونگ کی سیکرٹری جنرل خانم سکینہ مہدوی نے کہا کہ شام میں محسنہ اسلام کے روضہ اقدس پر حملہ دراصل اسلام پر حملہ ہے۔ انہوں نے کہا کہ اس بہادر بی بی نے واقعہ کربلا کے بعد فوج یزید اور یزیدی سوچ کو شکست دی آج بھی اولاد یزید بی بی زینب(ع)سے خوفزدہ ہے۔

مظاہرین نے خطاب کرتے ہوئے سابق رکن پنجاب اسمبلی عاصمہ ممدوٹ نے کہا کہ بی بی زینب (ع) کے مزار پر حملے کے خلاف ہر عزت اور غیرت مند ماں بہن بیٹی کو آواز احتجاج بلند کرنا چاہیے کیونکہ اس محسنہ اسلام بی بی نے کربلا میں اپنی پاک چادر قربان کرکے قیامت تک عورت کے پردے کو بچا لیا۔

وحدت نیوز (لاہور)  شام میں بی بی سیدہ زینب (س) کے روضہ پر ہونے والے ظلم نے وقت کے یزید کی نقاب الٹ دی، اب ہمیں اپنے عمل سے ثابت کرنا ہے کہ ہم حسین (ع) کے ساتھ ہیں یا یزید کے ساتھ ہیں۔ ان خیالات کا اظہار مجلس وحدت مسلمین پاکستان کے مرکزی ڈپٹی سیکرٹری جنرل و مرکزی ترجمان علامہ سید حسن ظفر نقوی نے لاہور میں مجلس عزا سے خطاب کرتے ہوئے کیا۔ ان کا کہنا تھا کہ ایسا ظلم تاریخ میں بارہا ہوا ہے، روضہ سیدہ زینب (س) پر حملے کا یہ واقعہ ایسا ہے کہ بڑے بڑے مفتیانِ دین بھی مذمت کرنے پر مجبور ہوگئے ہیں، یزیدیت سمٹ کر سامنے آ رہی ہے اور تنہا ہو رہی ہے، اب یہ تکفیری اہلسنت کا سہارا نہیں لے سکتے، شام ان کا قبرستان بن جائے گا، سامراجی طاقتوں کی جانب سے تکفیری قوتوں کا ساتھ دینے کے باوجود انشاءاللہ، اللہ کا گروہ (حزب اللہ) ہی غالب آئے گا۔

ایم ڈبلیو ایم کے مرکزی ڈپٹی سیکرٹری جنرل نے مزید کہا کہ روضہ سیدہ زینب (س) پر حملہ کے بعد سب کی ذمہ داری ہے کہ اس موقع پر نکلیں، زبانی دعویدار نہ بنیں، ماتمی، نمازی تمام مومنین کو بھرپور احتجاج کرنا چاہیئے، ہمیں اپنی شیعت کے اظہار کے لئے نکلنا ہے، ڈر ڈر کر نہیں رہنا ہے، گھروں سے نکلنا ہے، علماء، طلباء، مومنین و مومنات اس وقت نکلیں اور بی بی کے روضے کی اہانت کے خلاف صدائے احتجاج بلند کریں۔

وحدت نیوز (اسکردو) مجلس وحدت مسلمین پاکستان بلتستان ڈویژن کے زیر اہتمام یادگار چوک اسکردو پر شام میں بی بی زینب (س) پر تکفیری حملہ کے خلاف منعقدہ احتجاجی جلسے سے خطاب کرتے ہوئے سیکرٹری جنرل مجلس وحدت مسلمین پاکستان بلتستان ڈویژن آغا علی رضوی نے کہا کہ ہم شام کی صورتحال کے حوالے سے رہبر معظم سید علی خامنہ کے حکم کے منتظر ہیں اگر رہبر معظم حکم دیں تو سر پر کفن باندھ کر امریکی مفادات کو سبوتاژ کرنے اور شام میں حزب اللہ کے جوانوں کی ہر طرح کی معاونت کے لئے تیار اور آمادہ ہیں۔ شام میں موجود مرکز پاسدار حریم امامت حضرت زینب (س) کی روضہ اقدس کی حفاظت کے لیے ہم اپنے خون کا آخری قطرہ تک بہانے کو تیار ہیں۔

 انہوں نے مزید کہا کہ پاکستان کی طالبان نواز حکومت باز آجائیں اور تکفیریوں کی پشت پناہی ختم کرے اور پاکستان سے شام جانے والے امریکی ٹکڑوں پر پلنے والے دہشت گردوں کا راستہ مسدود کریں بصورت دیگر حکومت کے لیے آنے والے دن دشوار ہوجائیں اور موجودہ حکومتی پارٹی کا حشر بھی سابقہ شکست خوردہ پارٹیوں سے مختلف نہیں ہوگا۔

وحدت نیوز (اسکردو)  شام میں حضرت سیدہ زینب (س) کے روضہ اقدس پر تکفیری دہشت گردوں کے حملوں کے خلاف بلتستان کی مختلف تنظیموں کی جانب سے معروف عالم دین علامہ آغا علی رضوی کی قیادت میں ایک احتجاجی ریلی نکالی گئی۔ احتجاجی ریلی کا انعقاد کلفٹن پل اسکردو سے یادگار شہداء اسکردو تک کیا گیا۔ ریلی میں تحریک بیداری امت مصطفی کے جوانوں کے علاوہ مجلس وحدت مسلمین پاکستان بلتستان ڈویژن، امامیہ اسٹوڈنٹس آرگنائزیشن پاکستان  بلتستان ڈویژن اور انجمن تحفظ حقوق بلتستان کے رہنماوں اور کارکنوں نے شرکت کی۔ مظاہرین نے ہاتھوں میں پلے کارڈز اٹھا رکھے تھے جس پر آل سعود اور تکفیریوں کے خلاف نعرے درج تھے۔ مظاہرین سے راجہ ذکریہ حسین کے علاوہ فدا حسین اور سیکرٹری جنرل ایم ڈبلیو ایم بلتستان آغا علی رضوی نے خطاب کیا۔

مقررین نے اپنے خطاب میں کہا کہ روضہ بی بی زینب س پہ حملہ یزید وقت کی کارستانی ہے۔ انہوں نے کہا کہ شام  میں ظالم باغیوں اور تکفیریوں کی معاونت کے لئے پاکستان سے بڑی تعداد میں افرادی قوت کا جانا اور اس پر حکومتی خاموشی لمحہ فکریہ ہے۔ انہوں نے کہا کہ پاکستانی حکومت امریکہ و اسرائیل کے اشارے پر شام میں دہشتگردوں کے ساتھ شمولیت اختیار کرنے والے دہشت گردوں کے راستے مسدود کریں۔ علامہ آغا علی رضوی نے کہا کہ اتوار کی شام کو بی بی کے روضے پر حملہ کے خلاف ایک عظیم الشان احتجاجی ریلی جامع مسجد اسکردو سے نکالی جائیگی۔