The Latest

وحدت نیوز ( سکھر) پشاور میں مسیحی برادری پر تکفیری طالبان دہشت گردوں کی جانب سے خودکش حملے میں جاں بحق افراد کی یاد میں سکھر کی کلیسا میں دعائیہ تقریب منعقد ہو ئی ، اس تقریب میں مجلس وحدت مسلمین پاکستان صوبہ سندھ کے سیاسی امور کے سیکریٹری عبد اللہ مطہری نے خصوصی خطاب کیا ان کا کہنا تھا کہ حکومت پاکستان کی جانب سے اب سانحہ پشاور کے بعد طالبان درندوں سے مزاکرات کی خواہش ختم ہو جانی چائیے ، جو لوگ اس روز ہمیں لاشوں کے تحفے دے رہے ہیں ہم ان کی خواہشات کو پو را کرنے کے لئے روز انکے ساتھوں کو جیل سے رہا کر رہے ہیں ، سانحہ پشاور پر مسیحی برادری کے ساتھ ساتھ شیعہ کمیونٹی کے دل بھی غمگین ہیں ، اہل تشیع کے کے بعد آج عیسائی برادری کاکون بھی اس وطن کی مٹی میں شامل ہو چکا ہے ۔

وحدت نیوز (بدین ) پشاور میں مسیحی برادری کی عبادت گاہ پر تکفیری دہشت گردو کی جانب سے خودکش حملوں اور اسی سے زائد بے گناہوں کے قتل عام کے خلاف مجلس وحدت مسلمین ضلع بدین کی جانب سے ایوان صحافت بدین کے سامنے احتجاجی مظاہرہ کیا گیا جس میں ایم بلیو ایم کے کارکنان کی بڑی تعداد موجود تھی ، اس موقع مظاہرین سے خطاب کر تے ہوئے مجلس وحدت مسلمین ضلع بدین کے سیکریٹری جنرل آغا بہادر میمن نے کہا کہ سانحہ گرجا گھر میں وہی قوتیں ملوث ہیں کہ جو کوئٹہ ، گلگت ، کراچی ، لاہور، پاراچنار اور پشاورمیں اہل تشیع اور داتا دربار، دربار سخی سرور اور دربار عبد اللہ شاہ غازی میں اہل سنت بھائیوں کے قتل میں ملوث تھے ، افسوس کے ہماری حکومت اس وطن اور اس کے تمام شہریوں کے قتل میں ملوث دہشت گردوں کے خلاف کوئی موثر قانونی کاروائی کرنے کے بجائے مذاکرات کے لئے بے چین ہے ۔
 
اس موقع پر مولانا عالم طاہری ، سید نادر شاہ آغا عرفان ملاح اور اقبال خواجہ بھی احتجاجی مظاہرے میں شریک تھے۔

وحد ت نیوز ( اسلام آباد) مجلس وحدت مسلمین اسلام آباد نے پریس کلب کے سامنے سانحہ پشاور میں شہدائے وطن مسیحی بھائیوں بہنوں اور بچوں کی یاد میں شمعیں روشن کیں اس تقریب میں علمائے کرام علامہ اصغرعسکری علامہ اسرارحسین علامہ جہانزیب اور مجلس وحدت اسلام آباد کے کارکن شامل تھے جبکہ مسیحی ہم برادری  بھی شریک ہوئی۔

اس موقع پر خطاب کر تے ہو ئے مجلس وحدت مسلمین پنجاب کے صوبائی ترجمان علامہ اصغر عسکری نے کہا کہ سانحہ گرجا گھر پر تمام شیعیان پاکستان کے دل اسی طرح غمگین ہیں جیسے ہمارے مسیحی بھائیوں کے ہیں ، دشمنان وطن کی اس سفاکیت نے پاکستان کا چہرہ پوری عالم انسانیت کے سامنے مسخ کر دیا ہے ، سانحہ پشاور تعلیمات اسلامی کی کھلم کھلا پامالی کے سوا کچھ نہیں ۔

وحدت نیوز(پشاور) مجلس وحدت مسلمین پاکستان کی مرکزی شوریٰ عالی کے رکن اور سابق سینیٹرعلامہ سید جواد حسین ہادی نے چرچ میں ہونے والے خودکش حملوں کی شدید الفاظ میں مذمت کرتے ہوئے کہا ہے کہ یہ سانحہ عالمی سطح پر پاکستان کو بدنام کرنے کی سازش ہے، حکمرانوں نے اگر اب بھی ہوش کے ناخن نہ لئے اور دہشتگردی کے حوالے سے اپنی پالیسی واضح نہ کی تو ہمیں اس سے بھی بڑے سانحات کیلئے تیار رہنا ہوگا۔ اپنے ایک بیان میں ان کا کہنا تھا کہ شیعیان پاکستان مسیحی برادری کے غم میں برابر کے شریک ہیں اور مشکل کی اس گھڑی میں اپنے ان مظلوم ہم وطنوں کو تنہاء نہیں چھوڑیں گے۔پشاور میں گرجا گھر پر حملہ در اصل ریاست اور آئین پاکستان پر حملہ ہے ، اس سانحہ سے ریاست کو ناقابل تلافی نقصان پہنچے گا اور عالمی برادری میں پاکستان کا تشخص اور تقدس مزید پائمال ہو گا۔ انہوں نے کہا کہ پاکستان ان دنوں مٹھی بھر، بزدل دہشت گردوں کے ہاتھوں یرغمال بنا ہوا ہے، کوئی طبقہ فکر اور مقام محفوظ نہیں۔ مسجد، امام بارگاہ، اسکول، تعلیمی ادارے، مارکیٹ، شیعہ، سنی، عیسائی الغرض کوئی جگہ محفوظ ہے اور نہ طبقہ فکر۔ان کا کہنا تھا کہ خودکش حملے کھلی دہشتگردی، سیکورٹی اداروں کی نا اہلی اور رسول خدا(ص) کے احکامات کی خلاف ورزی ہے۔ اسلامی ریاست تمام غیر مسلموں کی عبادتگاہوں اور جان و مال کے تحفظ کی ذمہ دار ہے۔غیر مسلم خصوصی حقوق رکھتے ہیں ۔ان کا کہنا تھا کہ مجلس وحدت مسلمین کی جانب سے مسیحی برادری کیساتھ اظہار یکجہتی کیلئے تین روزہ سوگ کا اعلان کیا گیا ہے۔ ہم ہر مظلوم کیساتھ ہیں اور بیرونی ایجنڈے پر پلنے والے ان دہشتگردوں کی نابودی تک آواز بلند کرتے رہیں گے۔حکومت نے دہشتگردی کے حوالے سے اپنی پالیسی واضح نہ کی تو ہمیں اس سے بھی بڑے سانحات کیلئے تیار رہنا ہوگا۔

وحدت نیوز ( کراچی ) مجلس وحدت مسلمین پاکستان اور امامینز کراچی کے جانب سے سیمینار بعنوان شام کے خلاف اسلام دشمن قوتوں کی سازشیں کل شب کیتھولک گارڈن سولجر بازار میں منعقد ہو گا جس میں نمائندہ ولی فقیہ آیت اللہ خامنہ ای حفظ اللہ برائے شام آیت اللہ سید مجتبیٰ حسینی دام ظلہ عالی خطاب فرمائیں گے ،جب کہ مترجم کے فرائض ڈاکٹر مبشر حیدر زیدی انجام دیں گے ، جب علماء ، خطباء اور عوام کی بڑی تعداد کو سیمینار میں شرکت کی دعوت دی گئی ہے ،اس سیمینار میں شرکت کے لئے ایم ڈبلیو ایم کراچی ڈویژن کے رہنماؤں علامہ دیدا ر علی جلبانی ، حسن ہاشمی ، رضا نقوی ، مبشر حسن ، میثم عابدی اور علامہ علی انور نے شیعہ علماء کونسل ، جے ڈی سی ، مرکزی تنظیم عزاء ، پیام ولایت فاؤنڈیشن ، امامیہ اسٹوڈنٹس آرگنائزیشن ، ہیت آئمہ مساجد ، مجلس ذاکرین امامیہ اور دیگر ملی اداروں اور شخصیات کو علیحدہ علیحدہ دعوت نامے بالمشافہ ملاقات میں پہنچادیئے ہیں ۔

وحدت نیوز ( ٹھٹھہ ) مجلس وحدت مسلمین پاکستان ضلع ٹھٹھہ کےسیکریٹری جنرل مختیار دایو نے اپنے ایک بیان میں کہا کہ پشاور میں گرجا گھر پر حملہ در اصل ریاست اور آئین پاکستان پر حملہ ہے اس سانحہ سے ریاست کو ناقابل تلافی نقصان پہنچے گا اور عالمی برادری میں پاکستان کا تشخص اور تقدس مزید پائمال ہو گا۔ انہوں نے کہا کہ پاکستان ان دنوں مٹھی بھر، بزدل دہشت گردوں کے ہاتھوں یرغمال بنا ہوا ہے، کوئی طبقہ فکر اور مقام محفوظ نہیں۔ مسجد، امام بارگاہ، اسکول، تعلیمی ادارے، مارکیٹ، شیعہ، سنی، عیسائی الغرض کوئی جگہ محفوظ ہے اور نہ طبقہ فکر۔ اگر اس وقت کوئی طبقہ فکر محفوظ ہے تو وہ دہشت گرد ٹولہ ہے۔ دہشت گردوں کے خلاف کوئی ضابطہ ہے اور نہ کوئی قانون، ان دہشت گردوں کو جیلوں سے باعزت رہا کیا جاتا ہے اور سرکاری پشت پناہی حاصل ہے۔ دہشت گردوں کو جب تک کیفر کردار تک نہیں پہنچایا جاتا امن بحال ہونا ممکن نہیں۔ حکومت مذاکرات کا مذاق بند کریں اور دہشت گردوں کو سزا دیں۔ ًمختیار دایونے کہا کہ میں آزاد عدلیہ سے سوال کرتا ہوں کہ عدلیہ کب ریاست کے دشمنوں، قاتلوں اور دہشت گردوں کو تختہ دار پر لٹکائے گی۔

وحدت نیوز(ہری پور) وطن عزیز کی سرزمین کو ایک دفعہ پھر بے گناہ انسانوں کے خون سے رنگین کرنے کی ایک اور گھناؤنی حرکت نے ہر صاحب فکر و نظر کی روح کو لرزا کر رکھ دیا۔ ہمارا مذہب اسلام قطعاً اس بات کی اجازت نہیں دیتا کہ کسی بھی انسان کو بغیر کسی جرم کے تکلیف دی جائے۔ ان خیالات کا اظہار مجلس وحدت مسلمین ضلع ہری پور کے سیکرٹری جنرل سید اسرار حسین نقوی نے وحدت نیوزکے ساتھ بات کرتے ہوئے کیا۔ ان کا کہنا تھا کہ جو لوگ پاکستان کے معصوم شہریوں کو خون میں نہلا رہے ہیں، اسلام کیا وہ تو کسی بھی دین و مذہب سے تعلق نہیں رکھتے۔ مظلوم چاہے مسلمان ہو یا غیر مسلم ہم ہر صورت میں اس کی حمایت کرتے ہیں اور بھرپور انداز میں حکومت وقت سے یہ اپیل کرتے ہیں کہ خدارا وطن عزیز کے ہر شہری کو اس کا حق تحفظ دیا جائے۔ حکومت وقت اور ریاست کے ذمہ دار اداروں سے مطالبہ ہے کہ سانحہ گرجا گھر میں ملوث درندہ صفت دہشت گردوں کے پالنے والوں بے نقاب کرکے کیفر کردار تک پہنچایا جائے۔

وحدت نیوز (پشاور)ایم ڈبلیو ایم کے صوبائی ترجمان کی جانب سے جاری کردہ بیان میں کہا گیا ہے کہ دہشتگردوں کے ہاتھوں ملک کا کوئی بھی شہری محفوظ نہیں۔ کبھی مساجد کو نشانہ بنایا جاتا ہے تو کبھی امام بارگاہوں پر حملے ہوتے ہیں، کبھی بازاروں میں دھماکے ہوتے ہیں تو کبھی چرچوں میں۔ انہوں نے کہا کہ اگر نواز شریف حکومت نے اپنی پالیسی تبدیل نہ کی تو اس کے مزید سنگین نتائج برآمد ہوں گے۔ خیبر پختونخوا دہشتگردی کی شدید ترین لپیٹ میں ہے، تاہم تحریک انصاف کی صوبائی حکومت اس حوالے سے کوئی کردار ادا نہیں کر رہی۔ ترجمان کا کہنا تھا کہ پشاور کا سانحہ حکومت کی جانب سے طالبان کیساتھ مذاکرات کا نتیجہ ہے۔ حکومت مذاکرات کی بجائے فوری طور پر آپریشن کا آغاز کرے اور دہشتگردوں کو کیفر کردار تک پہنچائے۔ انہوں نے مزید کہا کہ ہم اس موقع پر مسیحی بھائیوں کے غم میں برابرکے شریک ہیں، پاکستان ہم سب کا ہے، صرف دہشتگردوں کا نہیں۔

وحدت نیوز(مظفرآباد ) پشاور مسیحی برادری کے چرچ پر یکے بعد دیگر خودکش حملے کھلی دہشتگردی، سیکورٹی اداروں کی نا اہلی اور رسول خدا ؐ کے احکامات کی خلاف ورزی ہے۔ اسلامی ریاست تمام غیر مسلموں کی عبادتگاہوں اور جان و مال کے تحفظ کی ذمہ دار ہے۔غیر مسلم خصوصی حقوق رکھتے ہیں ۔مباھلہ میں بنی نجران کے عیسائیوں کے ساتھ عالمگیر معائدہ کر کے رسول خداؐ نے تمام عالم اسلام کے فرائض اور عیسائیوں کے حقوق ، مسلمانوں اور عیسائیوں کے درمیان تعلقات اور مساوات اور غیر مسلموں کی مکمل مذہبی آزادی کے تعین کیلئے عظیم الشان مثال قائم کی جس کی تقلید ہر اسلامی ریاست پر لازم اور احکامات نبویؐ پر عمل درامد کرنا ہر مسلمان پر فرض ہے۔حکومت طالبان سے مزاکراتی عمل کو شروع کرنے سے پہلے طالبان کو دہشتگردی اور خودکش حملے کرنے سے روکے۔ حکومت کمزور وکٹ پر مذاکرات کر رہی ہے، جو ہر صورت ایک بہت بڑے خطرے کا پیش خیمہ ثابت ہوں گے۔

ان خیالات کا اظہار مجلس وحدت مسلمین آزاد کشمیر کے ریاستی کابینہ کے اراکین نے علامہ سید تصور حسین نقوی الجوادی سیکرٹری جنرل مجلس وحدت مسلمین آزاد کشمیر کی صدارت میں منعقدہ اجلاس سے خطاب کرتے ہوئے کیا، ڈپٹی سیکرٹری جنرل عبدالرحمٰن شاہ کاظمی ،ایڈیشنل سیکرٹری جنرل سید سرفراز حسین کاظمی ، سیکرٹری سیاسیات سید تصور عباس موسوی ، سیکرٹری تنظیم سازی عابد حسین قریشی ، سیکرٹری آفس سید سجاد حسین ، سیکرٹری یوتھ سید عمران حیدر، سیکرٹری فلاح و بہبود سید محسن رضا ایڈووکیٹ ، سیکرٹری روابط سید حمید حسین نقوی ، سیکرٹری نشرواشاعت سید قلندر حسین نقوی و دیگر نے کہا کہ حکومت کو اب ہوش کے ناخن لینے چاہییں،طالبان سے مذاکرات کا مطلب مملکت خداداد کو خانہ جنگی کی طرف دھکیلنا ہے، پشاور میں ہونے والے المناک سانحے کی ہم بھرپور مذمت کرتے ہیں، مسیحی برادری کا قتل انسانیت کا قتل ہے، حکومت کو مسیحی بردری کو تحفظ دینے کے ساتھ ساتھی مذموم کاروائی کرنے والوں سے آہنی ہاتھوں سے نمٹا چاہیے، ہم ہر مظلوم کے ساتھ ہیں اور مسیحی برادری کے غم میں برابر کے شریک ہیں ۔مجلس وحدت مسلمین ہر مظلوم کے ساتھ ہے چاہے وہ عیسائی ہی کیوں نہ ہو، ہم مظلوموں کے لیئے آواز بلند کرتے رہیں گے، ہم ظالم کے مقابلے میں ہر وقت میدان عمل میں موجود رہ کر آوازا ٹھاتے رہیں گے، حکمرانوں کی طرف سے دہشت گردوں کی رہائی ان کی مملکت خداداد سے وفاداری مشکوک کرتی ہے، 50ہزار سے زائد شہدا کے مقدس لہو سے غداری کے مترادف ہے، یہ قدم ملکی سلامتی کے لیئے ایک سنگین مذاق ہے۔

وحدت نیوز ( کراچی ) مجلس وحدت مسلمین پاکستان کراچی ڈویژن کے رابطہ سیکریٹری علامہ سید علی انور جعفری نے بشپ آف کراچی بشپ اعجاز عنایت کو ٹیلیفون کرکے ان سے پشاور میں چرچ میں ہونے والے خودکش دھماکے میں درجنوں مسیحی نوجوانوں، بزرگوں، خواتین اور بچوں کے جاں بحق ہونے پر ایم ڈبلیو ایم کے سربراہ علامہ راجہ ناصر عباس جعفری کی جانب سے افسوس کا اظہار کیا۔ علامہ علی انور جعفری نے بشپ اعجاز عنایت سے گفتگو کرتے ہوئے کہا کہ یہ ایک بڑا سانحہ ہے اور اس سانحہ پر پوری ملت جعفریہ جاں بحق ہونے والے افراد کے لواحقین سمیت پوری مسیحی برادری کے غم میں برابر کے شریک ہیں۔ بشپ اعجاز عنایت نے سانحہ پر مسیحی برادری سے اظہار ہمدردی پر ایم ڈبلیو ایم کے سربراہ علامہ راجہ ناصر عباس جعفری اور ایم ڈبلیو ایم کی پوری قیادت کا شکریہ ادا کیا۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree