The Latest

وحدت نیوز (اسلام آباد ) وفاقی حکومت دہشت گردی، مہنگائی اور لوڈشیڈنگ کے عذاب میں مبتلا عوام کو مہنگی بجلی کا تحفہ دے رہی ہے ، موجودہ دور حکومت میں سوائے اضافے کے کچھ نہیں ہوا ، دہشت گردی میں اضافہ ، لوڈشیڈنگ میں اضافہ ، خودکش حملوں میں اضافہ پٹرولیم مصنوعات کی قیمتوں میں اضافہ اور اب بجلی کی قیمتوں میں اضافہ اگر حکومت عوام کے زخموں پر مرہم رکھنے کی اہلیت نہیں رکھتی تو کم از کم نمک بھی نہ چھڑکے ، مجلس وحدت مسلمین پاکستان بجلی کے نرخوں میں اضافے کے حکومتی فیصلے کو مسترد کر تی ہے ۔

ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے بجلی کے نرخوں میں اضافے کے حکومتی فیصلے کی مذمت کر تے ہو ئے مرکزی سیکریٹریٹ سے جاری اپنے بیان میں کیا ، ان کا کہنا تھا کہ لوڈشیدنگ نے پہلے کی پاکستانی معیشت کا جنازہ نکال رکھا ہے ، اب رہی سہی کسر بجلی کے نرخوں میں اضافہ پوری کرے گا ، فیکٹریوں میں تالے پڑ رہے ہیں ، عوام بے روز گار ہو رہے ہیں ، نئے سرمایہ کار پاکستان کا رخ نہیں کر رہے ، اور حکومت ہے کہ مہنگائی پر قابوپانے کے بجائے اس میں اضافے پر اضافے کیئے جا رہی ہے ، ان کا کہنا تھا کہ بجلی کی قیمتوں میں اضافے کے حکومتی فیصلے کا اثر نہ صرف صنعتی صارفین پر پڑے گا بلکہ گھریلو صارفین بھی اس بوجھ تلے دبیں گے ،انہوں نے حکومتی کارکر دگی پر تشویش کا اظہار کر تے ہو ئے کہا کہ تھر کول میں موجود دنیا کے سب سے بڑے ذخیرے سے استفادہ نہ کر نا حکومتی خیانت کی عکاسی کر تا ہے ، پاکستان کے پڑوسی ممالک تھر کول کے ذخائر سے بجلی پیدا کر نے میں ہماری معاونت پر آمادہ ہیں لیکن ہمارے حکمران امریکی ناراضگی کی خاطر قومی مفادات کو مسلسل پس پشت ڈال رہے ہیں ۔

وحدت نیوز ( پشاور) گزشتہ روز خیبر پختون خوا کے تین اضلاع میں مجلس وحدت مسلمین پاکستان کی تنظیم سازی کا عمل مکمل کر لیا گیا۔ صوبائی سیکرٹری تنظیم سازی مولانا وحید عباس کاظمی نے نوشہرہ، مردان اور چارسدہ میں تنظیمی اجلاسوں کے دوران نئے عہدیداران کو ذمہ داریاں سونپیں۔ اس موقع پر صوبائی سیکرٹری اطلاعات ایس اے زیدی ، ہریپور کے ضلعی سیکرٹری جنرل اسرارحسین سید اور اسلام ٹائمز کی ٹیم ان کے ہمراہ تھی۔ تفصیلات کے مطابق نوشہرہ سے اورنگزیب علی، چارسدہ سے ریاض احمد علوی اور مردان سے اکرام حسین کو ایم ڈبلیو ایم پاکستان کے ضلعی سیکرٹری جنرل کی ذمہ داریاں تفویض کی گئیں۔ علامہ وحید عباس کاظمی نے اس موقع پر اپنے خطاب میں کہا کہ مجلس وحدت مسلمین پاکستان ایک قومی قو ت بن کر ابھر رہی ہے۔ ملک کے طول و عرض میں اس تنظیم کی موجودگی ملت تشیع کے لئے تقویت کا باعث ہوگی۔

وحدت نیوز ( بلتستان ) مجلس وحدت مسلمین پاکستان بلتستان ڈویژن کے سیکرٹری جنرل علامہ آغا علی رضوی نے اپنے ایک بیان میں کہا ہے کہ گلگت بلتستان کے عوام نے اپنی زور بازو اور طاقت سے آزادی حاصل کی ہے اور بغیر کسی دباؤ کے لاالہٰ الا اللہ کی بنیاد پر بننے والی ریاست وطن عزیز پاکستان کے ساتھ الحاق کیا ہے۔ ہم نے آزادی خیرات میں نہیں بلکہ جانوں کی قربانیاں دے کر حاصل کی ہے۔ گلگت بلتستان کی آزادی میں کشمیر کا کوئی کردار نہیں، جس وقت ہماری عوام ڈوگرہ فوج کے ساتھ حالت جنگ میں تھی، کشمیر کی شخصیات ہندوؤں کے ساتھ دوستیاں نبھانے میں مصروف تھیں، یہی وجہ تھی کہ مقبوضہ کشمیر ہاتھ سے نکل گیا ہے۔ گلگت بلتستان میں رہ کر کشمیر کے مفادات کی باتیں کرنا مناسب نہیں۔

انہوں نے کہا کہ اگر کشمیر کے نام نہاد رہنما گلگت کو کشمیر کا حصہ سمجھتے ہیں تو ہم ان سے پوچھنا چاہتے ہیں کہ 63 سالوں سے کشمیر حکومت نے گلگت بلتستان کو کیا دیا؟ گلگت بلتستان کو کسی طرح سے کشمیر کا حصہ ثابت نہیں کر سکتے، کشمیر نے اگر چار پیسے کا کام بھی جی بی میں آزادی سے اب تک کیا تو ہم مان جائیں گے بصورت دیگر کشمیری رہنماؤں کو حق نہیں پہنچتا کہ گلگت بلتستان میں مسلکی بنیاد پر عوام کو ورغلائیں۔ ہم گلگت بلتستان کو پاکستان کا آئینی حصہ دیکھنا چاہتے ہیں اور مقصد کے حصول کے لیے منظّم جدوجہد کریں گے۔

وحد ت نیوز (اسلام آباد) مجلس وحدت مسلمین پاکستان کے سربراہ علامہ ناصر عباس جعفری نے پشاور میں انسانیت دشمن دہشتگردوں کی جانب سے بے گناہ عوام کو بربریت کا نشانہ بنانے کی شدید الفاظ میں مذمت کرتے ہوئے کہا کہ دہشت گردوں کو مذاکرات کی پیشکش کرکے ان کی حوصلہ افزائی کی گئی جس کا نتیجہ آئے دن درجنوں محب وطن بے گناہ شہریوں کی لاشوں کی صورت دے کر ثابت کر رہا ہے کہ ان کا  مقصد صرف اور صرف فساد فی الارض پھیلانا ہے۔ ان کا کہنا تھا کہ اب تمام سیاسی و مذہبی جماعتوں کو ہوش کے ناخن لیتے ہوئے ان شرپسندوں کیخلاف بھرپور آپریشن کا اعلان کر دینا چائیے بصورت دیگر ملک میں خانہ جنگی دور کی بات نہیں۔

ان خیالات کا اظہار انہوں نے مرکزی سیکریٹریٹ سے جاری اپنے مذمتی بیان میں کیا ان کا کہنا تھا کہ ابھی سیکریٹریٹ بس کے شہداء کا کفن میلا نہیں ہوپایا تھا کہ عوام دشمن عناصر نے ایک مرتبہ پھر قصہ خوانی بازار میں آگ و خون کا کھیل کھیلا اور دسیوں بے گناہ مظلوم شہریوں کو خودکش دھماکے کی نظر کر دیا ، حکمران کب تک قتل عام کا تماشہ دیکھتے رہیں گے ، دہشت گرد اسٹیٹ سے زیادہ طاقتور نہیں ہیں ، حکومت ہمت کرے اور دہشت گردی نہیں بلکہ دہشت گردوں کے خاتمے کی جدو جہد کا آغاز کر ے ، عوام فوج کو تنہا نہیں چھوڑے گی ۔

ان کا کہنا تھا کہ عمران خان نے اے پی سی میں نواز شریف کے فیصلے کی تائید کر کے اپنی کنفیوژن ثابت کردی ، مزاکرات ان قوتوں سے کیئے جاتے ہیں جو ملک کا ائین اور قانون تسلیم کر تے ہیں ، اور نہ ماننے والوں سے طاقت کی زبان استعمالکی جاتی ہے ، یہ جمہوری رویہ ہے ، جب تک پاکستانی حکومت فوج اور خفیہ ایجنسیوں کی مشاورت سے کوئی حکمت عملی مرتب نہیں کر ے گی ، حالات پر قابو پانا مشکل ہی نہیں ناممکن بھی ہے ۔

وحدت نیوز (لاہور) امامیہ اسٹوڈنٹس آرگنائزیشن پاکستان کی مرکزی مجلس عمومی  کے اراکین نے برادر اطہر عمران طاہر کو آئندہ ایک سال کے لئے مرکزی صدر منتخب کر لیا ہے ، آئی ایس او پاکستان کے بیالیس ویں سالانہ مرکزی امید مستضعفین جہان کنونشن کے اختتامی روز پاکستان کے طول وعرض سے جامعتہ المنتظر لاہور میں جمع ہو نے والے طلبہ امامیہ نے استصواب رائے سے برادر اطہر عمران طاہر کو اپنا میر کاروان منتخب کیا ۔

مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری ڈپٹی سیکریٹری جنرل علامہ امین شہیدی اور دیگر قائدین نے  برادر اطہر عمران کو ملت جعفریہ کی واحد نمائندہ طلبہ تنظیم آئی ایس او کا دوبارہ میر کاروان منتخب ہو نے پرمبارک باد پیش کی ہے اور انکی کی نیک توفیقات میں اضافے کے ساتھ ساتھ طلباء کی صحیح سمت میں رہنمائی کی بھی دعا کی ہے ۔

وحدت نیوز(حیدر آباد) مجلس وحدت مسلمین ضلع حیدرآباد کی جانب سے ایک ہنگامی اجلاس منعقد کیا گیا جس کی صدارت مولانا امداد علی نسیمی نے کی اجلاس میں مولانا امداد علی نسیمی نے پشاور میں قصہ خوانی بازار اورگورنمنٹ سیکریٹریٹ کی بس پر بم دھماکے کی پرزور الفاظ میں مذمت کرتے ہوئے کہا کہ کراچی میں شیعہ عالم دین کو بے گناہ ٹارگٹ کلنگ کر کے شہید کیاگیا ہم اس واقعے کی مذمت کرتے ہیں مولانا امداد علی نسیمی نے اجلاس میں مزید کہا کہ آخر کب تک ہم یہ لاشیں اٹھاتے رہے گے آخرکب تک حکمران صرف کرسی کے چکر میں لڑتے رہے گے یہ دہشت گرد بے گناہ لوگوں کو کبھی بس میں دھماکہ کبھی مسجد کبھی امام بارگاہ اور کبھی چرچ میں کرتے رہیں گے آخر ان دہشت گردو ں کو کبھی شراب خانوں جوئے خانوں اور بے حیائی والی جگہوں پر دھماکے کرتے ہوئے دیکھا آخر کب تک ان دہشت گردوں کو ہم برداشت کرتے رہیں گے یہ حکمران ان دہشت گردوں کی سرپرستی چھوڑ دیں ورنہ ہمارے پیارے ملک پاکستان کو یہ دہشت گرد اور دہشت گردوں کی سر پرستی کرنے والے حکمران ملک کو بدنام کرتے رہیں گے ۔خدارااب بھی ہم نے آنکھیں نہ کھولی تو یہ دہشت گرد پورے ملک کی فضاء کو خراب کرنے میں کوئی قصر نہیں چھوڑیں گے ہم تمام مسلمانوں سے اپیل کرتا ہے کہ ایک صف میں مظبوطی کے ساتھ کھڑے ہوجائے وار ان دہشت گردوں کے ارادوں کو مٹی میں ملادیں آخر میں ہم حکومت سے مطالبہ کرتے ہیں کہ جلد ازجلد دہشت گردوں کو گرفتار کر کے سرعام پھانسی دی جائے اور جو لوگ پشاور دھماکہ میں شہید ہوئے ہیں ان کے اہل خانہ کو معاوضہ دیا جائے جو زخمی ہے ان کا بہتر سے بہتر علاج کروایا جائے ۔

وحدت نیوز(پشاور) مجلس وحدت مسلمین خیبر پختونخوا کے آرگنائزر علامہ سید سبطین حسینی نے پشاور میں سرکاری ملازمین کی بس میں ہونے والے دھماکے کے نتیجے میں 19بے گناہ افراد کی شہادت پر انتہائی افسوس کا اظہار کرتے ہوئے کہا ہے کہ پے در پے دہشتگردی کے باوجود حکمرانوں کی جانب سے طالبان کیساتھ مذاکرات کی باتیں سمجھ سے بالاتر ہیں، عمران خان کی جماعت کو خیبر پختونخوا میں نے جو مینڈیٹ دیا تھا وہ اس کا ناجائزہ فائدہ اٹھا رہے ہیں۔ اپنے ایک مذمتی بیان میں ان کا کہنا تھا کہ عمران خان کو ووٹ دینے والے ملک میں امن چاہتے ہیں اور اسی بنیاد پر انہوں نے عمران خان کو ووٹ دیئے لیکن عمران خان نے ان کی امیدوں پر پانی پھیر دیا ہے۔ عمران خان کی جانب سے طالبان کیلئے دفتر کھولنے کا بیان ایک بچگانہ سوچ کی عکاسی ہے، نواز شریف کی حکومت بھی مرکزی سطح پر ناکام نظر آرہی ہے، نواز حکومت کو اپنا رویہ اور پالیسی تبدیل کرتے ہوئے ریاست کو بچانا ہوگا۔ بصورت دیگر قائد اعظم کا پاکستان طالبان سٹیٹ بن جائے گا۔ انہوں نے کہا کہ پشاور میں 19بے گناہ سرکاری ملازمین کو شہید کردیا گیا اور پھر باقاعدہ ذمہ داری بھی قبول کی گئی، جو کہ ریاست کو چیلنج کرنے کے مترادف ہے۔ خیبر پختونخواکا کونہ کونہ بے گناہ افراد کے خون سے رنگین ہے، اگر حکمرانوں نے ہوش کے ناخن نہ لئے تو ان کو اقتدار میں لانے والے عوام انہیں گھسیٹ کر ایوانوں سے باہر بھی پھینک سکتے ہیں۔

وحدت نیوز (لاہور)  پاکستان کے دورے پر آئے ہوئے مسئول دفتر رہبری حضرت آیت اللہ  سید علی خامنہ ای برائے بین الاقوامی امور آیت اللہ محسن قمی نے لاہور میں مجلس وحدت مسلمین پنجاب کے دفتر کا دورہ کیا۔ اس موقع پر ایم ڈبلیو ایم کے مرکزی سیکریٹری جنرل علامہ راجہ ناصر عباس جعفری، علامہ سید حسین گردیزی، علامہ محمد امین شہیدی، علامہ اعجاز بہشتی، علامہ شیخ صلاح الدین، علامہ حیدر علی جوادی ، علامہ ابوزرمہدوی ، علامہ احمد اقبال ،علامہ مبارک موسوی ،رائے علی رضا بھٹی ،محمد مہدی ، سید شاہ ، ناصر شیرازی ، فضل نقوی ، ملک اقرار حسین ، علامہ عبد الخالق اسدی ،علامہ امتیاز کاظمی سمیت شوریٰ عالی کے ارکان و مرکزی کابینہ کے اراکین نے معزز مہمانان گرامی کا استقبال کیا اور انہیں دفتر آمد پر خوش آمدید کہا۔ اس موقع پرآیت اللہ محسن قمی نے ایم ڈبلیو ایم کے مسئولین سے خطاب کیا اور پاکستان میں ایم ڈبلیو ایم کی قومی و ملی خدمات کوبھی خوب سراہا۔

مجلس وحدت مسلمین کے مسئولین سے گفتگو کرتے ہوئے آقائے محسن قمی کا کہنا تھا کہ میں تمام ارکان اور مسئولین کو رہبر معظم سید علی خامنہ ای کی طرف سے سلام پیش کرتا ہوں۔ انہوں نے کہا کہ آپ اسلام اور شیعیت کے فروغ کیلئے جو خدمات سرانجام دے رہے ہیں، اس میں رہبر معظم اور اسلامی جمہوریہ ایران کی پوری پوری حمایت حاصل ہے، رہبر کی ایک روش ہے کہ جب کہیں کوئی مسئلہ پیش آتا ہے تو رہبر وہ مسئلہ وہیں کے لوگوں پر چھوڑ دیتے ہیں، یعنی داخلی مسائل کی نوعیت کو مدنظر رکھتے ہوئے وہاں کے عمائدین، علماء کرام اور شخصیات جو بھی فیصلہ دیتی ہیں، رہبر اسے مان لیتے ہیں اور اس کی تائید کرتے ہیں۔ اس حوالے سے انہوں نے بحرین، حوزہ علمیہ نجف سمیت متعدد ممالک کی مثالیں بھی دیں۔

آیت اللہ محسن قمی کا کہنا تھا کہ پاکستان کی بہت اہمیت ہے، اس ملک کی 20 کروڑ سے زائد آبادی ہے، اس کی سرحدیں اسلامی جمہوریہ ایران سے ملتی ہیں۔ ہمسایہ ملک ہونے کے ناطے ہمارے درمیان کئی قدریں مشترک ہیں۔ انہوں نے کہا کہ پاکستانی پوری دنیا میں پھیلے ہوئے ہیں، بین الاقوامی حالات پر ان کی گہری نظر ہے اور ان کا بڑا رول ہے، جب کبھی عالم اسلام کو کوئی مسئلہ درپیش آتا ہے تو ان کا رول کھل کر سامنے آتا ہے، اس لئے پاکستان کا عالم اسلام میں ایک اہم کردار ہے، اس میں پاکستان کے تمام طبقات شامل ہیں، ان کا کہنا تھا کہ اللہ بلند ارادے اور ہمت کو پسند کرتا ہے، اس لئے آپ کو بلند ہمت رکھنی چاہیے، بڑے ایشوز پر بڑا سوچنا چاہئے اور چھوٹی چیزوں کو نظر انداز کر دینا چاہیے۔ جب آپ بڑے اہداف کیلئے بڑا قدم اٹھائیں گے تو چھوٹی چیزیں خودبخود ختم ہو جائیں گی۔ ان کا کہنا تھا کہ تنظیمیں ہدف نہیں ہوا کرتیں بلکہ ہدف تک پہنچنے کا ذریعہ ہوا کرتی ہیں، یعنی اگر ہدف تک پہنچنے میں تنظیم رکاوٹ ہو تو تنظیم کو قربان کیا جاسکتا ہے۔ اگر تنظیم ان اہداف تک پہنچنے میں معاون ثابت ہو تو پھر یہ تنظیم کی بہترین خصوصیت ہوتی ہے۔

وحدت نیوز (اسلام آباد)شام میں رہبر کے نمائندہ آیت اللہ مجتبیٰ حسینی نے خیر العمل فاﺅنڈیشن کے ہیڈآفس کا دورہ کیا ،مجلس وحدت مسلمین پاکستان کے مرکزی سکیرٹری جنرل علامہ راجہ ناصر عباس جعفری، مرکزی ڈپٹی سکیرٹری جنرل علامہ شفقت شیرازی اور مرکزی سیکرٹری فلاح و بہبود و مسئول خیر العمل فاﺅنڈیشن پاکستان برادر نثار فیضی نے آیت اللہ مجتبیٰ حسینی کا استقبال کیااور انہیں خوش آمدید کہا،مسئول خیر العمل فاﺅنڈیشن برادر نثار علی فیضی نے آیت اللہ مجتبیٰ حسینی کو دفتر کے شعبوں کا معائنہ کروایااور تفصیلات بتائیں۔ خیر العمل فاﺅنڈیشن کی ورکنگ باڈی کے اراکین سے اپنے خصوصی خطاب میں آیت اللہ مجتبیٰ حسینی نے ادارے کی کارکردگی کوسراہا اور مزید کامیابی کے لیے دعا کی۔

مزید گفتگو کرتے ہو ئے انہوں نے فرمایا کہ مجلس کا رفاہی ادارہ انشاءاللہ پاکستان میں عوامی خدمت کے لیے رول ماڈل بنے گا، اس شعبہ کو تمام وابستگیوں سے بالاتر ہوکر عوام و انسانیت کی خدمت کو اپنا طرہ امتیاز بنانا چاہیے،اسلام اجتماعی روش کا دین ہے جس کی تمام عبادات کو اجتماعی حوالے سے ادا کرنے کا اجر و ثواب زیادہ رکھا گیا ہے ، اس میں انفرادی سطح پر صلہ رہمی ، پڑوسیوں کے حقوق سے لیکر معاشرتی و علاقائی سطح پر وطن کی خدمت اور پھر اس سے بڑھ کر بڑے دائرہ اسلام کی خدمت کوقرار دیا گیا ہے ،ہمیں نیکی و تقویٰ کے کاموں کے لیے اکٹھے ہونا چاہیے ۔امام خمینی کی روش حزبی تھی لیکن انکی نگاہ حزبی نہ تھی بلکہ ا نھوں نے ہمیشہ پورے معاشرے کی طرف توجہ دی ،آخر میں مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے آیت اللہ مجتبیٰ حسینی کا ان حالات میں پاکستان آنے پر خصوصی شکریہ ادا کیا اور انکی شام کے موجودہ سخت ترین حالات میں ثابت قدمی کے ساتھ مقاومت کی رہنمائی اور سرپرستی کرنے پر خراج تحسین پیش کیا۔

وحدت نیوز(پشاور) مجلس وحدت مسلمین پاکستان پارا چنار کے آرگنائزر شبیر حسین ساجدی کا کہنا ہے کہ دہشتگردوں کے سرپرست جاوید ابراہیم پراچہ اور کور کمانڈر کا گذشتہ دنوں پارا چنار کے دورے پر آنا خطرے کی گھنٹی ہے۔ نیوز ویب سائٹ اسلام ٹائمز کیساتھ انٹرویو کے دوران ایک سوال کے جواب میں ان کا کہنا تھا کہ جاوید پراچہ کا پارا چنار کا دورہ کرنا صرف پارا چنار کے معاملہ تک محدود نظر نہیں آتا، یہ ایجنسیوں کے لوگ ہیں، یہ ڈالرز کیلئے کام کر رہے ہیں۔ میں یہ سمجھتا ہوں کہ چند روز قبل کور کمانڈر صاحب جو پارا چنار گئے تو اس کو میں شک کی نگاہ سے دیکھتا ہوں۔ وہ کہتے ہیں کہ آباد کاری ہوگی تو وہاں سے ہوگی جہاں مینگل قبیلہ آباد ہے۔ جبکہ ہمارا مطالبہ یہ ہے کہ انہوں نے جو ہماری اراضی قبضہ کی ہے اس کو چھڑوایا جائے۔ یہ وہاں جاکر کہتے ہیں کہ آباد کاری شلوزان تنگی سے شروع کریں۔ لہذا اس کو ہم بہت شک کی نگاہ سے دیکھتے ہیں۔ انہوں نے مزید کہا کہ اس کے علاوہ جاوید ابراہیم پراچہ کا دورہ کرنا، اور پولیٹیکل ایجنٹ کی جانب سے اسے مکمل پروٹوکول دینا بھی خطرناک اشارہ ہے۔ سیکورٹی ایجنسیاں اور ایف سی یہ چاہتے ہیں کہ طالبان بھگوڑوں کو ایک بار پھر کرم ایجنسی میں غالب لایا جاسکے۔ ان طالبان نے ہی ہمیں تباہ و برباد کیا، لوٹا۔ مری معاہدہ کے تحت وہ لوگ آباد ہوں گے جن کا کرم ایجنسی سے مستقل کوئی تعلق ہو، تاہم یہ لوگ طالبان کو آباد کرنے کی کوشش دوبارہ کر رہے ہیں۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree