The Latest

وحدت نیوز(لاہور)جناب سید حسین زیدی صوبائی سیکرٹری سیاسیات کے بھائی مرحوم سید حسن زیدی کی رحلت کے بعد ابھی مختلف شعبہ ہائے زندگی سے تعلق رکھنے والی شخصیات  سید حسین زیدی کی رہائش گاہ پر آمد کا سلسلہ جاری ہے ۔ اور سید حسین زیدی سے ان کے بھائی مرحوم سید حسن زیدی کی وفات پر تعزیت پیش کرتے ہوئے مرحوم کی بلندی درجات کے دعائے مغفرت فرما رہی ہیں ۔

 8 جون کو صوبہ پنجاب کی ممتاز علمی مذہبی شخصیت جناب حجت الاسلام و المسلمین علامہ سید امتیاز حسین کاظمی اپنے وفد کے ہمراہ آستانہ آل عباء تشریف لائے اور انہوں سید حسن زیدی کی وفات پر گہرے دکھ اور افسوس کا اظہار کرتے ہوئے سید حسین زیدی سے تعزیت کی ۔ وہ کافی دیر تک صوبائی سیکرٹری سیاسیات سے محو گفتگو رہے ۔حسین ناصر معروف سماجی رہنما ، برادر نجم عباس خان ضلعی صدر مجلس وحدت مسلمین ضلع لاہور ، برادر شعیب معروف سیاسی وسماجی رہنما ، علی بھولا وبرادر شیرازی ودیگران بھی ان کے ہمراہ تھے ۔

وحدت نیوز(لاہور)صوبائی شعبہ فلاح وبہبود مجلس وحدت مسلمین پنجاب کوسال 2024ء میں پنجاب میں ویلفیئر کے میدان میں اعلی کارکردگی کامظاہرہ کرنے پر حسن کارکردگی کا انعام دیا گیا کسی بھی تنظیم،جماعت میں کسی خاص مہم یا شعبہ میں اعلیٰ کارکردگی کا مظاہرہ کرنے والےفرد کو سند حسن کارکردگی دی جاتی ہے۔سال  2024ءمیں بہترین کارکردگی کا مظاہرہ کر نے والے اراکین مرکزی کابینہ ،صوبائی کابینہ ، ڈویژنل کابینہ ، ضلعی کابینہ کےلئے مسئولین کو جناب حجت الاسلام والمسلمین سنیٹرعلامہ ناصر راجہ ناصر عباس جعفری صاحب کی جانب سے حسن کارکردگی انعام سےنوازا گیا ۔

مرکزکی جانب سے صوبائی شعبہ فلاح وبہبود پنجاب کی حسن کارکردگی‘کمال کارکردگی کے تناظر میں صوبائی شعبہ فلاح وبہبود کےصؤبائی سیکرٹری جناب عمران علی شخ کو اعزازی سند (حسن کارکردگی ) سے نوازا گیا یہ اعزای سند عمران علی شیخ صوبائی سیکرٹری فلا ح وبہبود نےمجلس وحدت مسلمین پنجاب کے صوبائی صدر جنا ب علامہ سیدعلی اکبر کاظمی سے وصول کی ۔ عمران علی شیخ نے حسن کارکردگی کی اعزازی سند ملنےپر مرکزی مسئولین بالخصوص علامہ سنیٹرراجہ ناصر عباس جعفری اور دیگر حوصلہ افزائی کرنے افراد کا شکریہ ادا کیا ۔

وحدت نیوز(مشھد مقدس) ساقی کوثر اور کوثر کے عقد مبارک کی مناسبت سے دفتر مجلس وحدت مسلمین شعبہ مشہدمقدس میں ایک محفل برگزار کی گئی جس میں تلاوت قرآن پاک کی سعادت برادر حافظ عزیر نے حاصل کی،برادر شھباز علی نے منقبت پڑھی۔

حجۃ الاسلام عقیل حسین خان مسئول شعبہ مشھد مقدس نے معزز مہمان کا جشن میں شرکت کرنے پر شکریہ ادا کیا. وائس چیئرمین مجلس وحدت مسلمین پاکستان حجۃالاسلام والمسلمین علامہ سید احمد اقبال رضوی نے شعبہ مشھد کے فعالان کے ساتھ تبلیغ دین کی ضرورت واھمیت پر گفتگو فرمائی اور سوالات کے جوابات دیے. اسکے بعد علامہ سید احمد اقبال رضوی نے جشن مرج البحرین کا کیک کاٹا۔

وحدت نیوز (سکردو) سربراہ مجلس وحدت مسلمین پاکستان علامہ راجہ ناصرعباس جعفری نے اپنے اعزاز میں منعقدہ عشائیہ کی تقریب سے خطاب کرتے ہوئے کہا کہ غلامی کو قبول کرنا گناہ ہے- ظالموں اور جابروں کی حاکمیت کو تسلیم کرنا بدترین غلامی ہے جو ہمارے لیے ناقابل برداشت ہے۔ایک مستحکم اور منتخب حکومت کو گرایا جانا غلامانہ طرز عمل ہے۔ پاکستان کی داخلی و خارجی خودمختاری کے لیے عمران خان کے ساتھ کھڑے تھے،کھڑے ہیں اور کھڑے رہیں گے۔جی بی میں مجلس وحدت مسلمین کے رکن صوبائی اسمبلی اور اپوزیشن لیڈر میثم کاظم ‎نے امریکی آلہ کاروں کے دباؤ کو جرات مندانہ انداز سےمسترد کر کے ہم سب کا سر فخر سے بلند کر دیا ہے۔

انہوں نے مزید کہا کہ یہ وطن شیعہ سنی بھائیوں نے مل کر بنایا تھا اسے ہم مل کر ہی بچائیں گے۔ظالم کی مخالفت اور مظلوم کی حمایت ہمارے منشور کا حصہ ہے۔گلگت بلتستان کی سرزمین یہاں کےعوام کی ملکیت ہے۔کسی کو جی بی کے عوام کی میراث اور حقوق غصب نہیں کرنے دیں گے۔یہ سرزمین آپ لوگوں کے آباؤ اجداد نے آزاد کرائی ہے۔ اس کی حفاظت آپ کا فریضہ ہے۔اس ملک کی باگ ڈور پوری قوم خود دار لوگوں کے ہاتھوں میں دیکھنا چاہتی ہے۔ عمران خان ان شاءاللہ اب زیادہ دیر جیل میں نہیں رہیں گے۔گلگت بلتستان میں باصلاحیت نوجوانوں کی کوئی کمی نہیں۔انہیں صرف اس لیے نظر انداز کیا جاتا ہے تاکہ  لیٹروں کو ان علاقوں پر مسلط کیا جا سکے۔

وحدت نیوز(سکردو)مجلس وحدت مسلمین گلگت بلتستان کے زیر اہتمام عظمت شہداء وحمایت مظلومین فلسطین کانفرنس کا فقید المثال انعقاد، ہزاروں غیور اہل بلتستان کی شرکت ۔مجلس وحدت مسلمین پاکستان گلگت بلتستان کے زیر اہتمام عظیم الشان عظمت شہداء و حمایت فلسطین کانفرنس سے خطاب کرتے ہوئے چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے کہا کہ گلگت بلتستان کے عوام غیور اور باہمت ہیں اپنا اور اپنے حقوق کا دفاع کرنا جانتے ہیں، گلگت بلتستان کی زمینوں پر قبضہ ہو رہا ہے، ہم مرجائیں گے لیکن اپنی زمینوں پر قبضہ ہونے نہیں دیں گے، ہمارے حقوق پامال ہو رہے ہیں، ہمارے حقوق غصب ہوتے رہیں گے تو ہم اٹھیں گے اور اپنے حقوق کا دفاع کریں گے، ظالم کے آگے سر نہ جھکانا اصلی دستور زندگی ہے، ہم کبھی ظالموں کے سامنے نہیں جھکیں گے، ظالم کے سامنے سر تسلیم خم کرنایزیدیت ہے، حسینیت میں غلامی کی گنجائش نہیں. اس وقت جی بی کے اندر زمینوں پر ناجائز قبضہ کرنا ظلم ہے، پہاڑ ،دریا زمین جی بی کی عوام کے ہیں۔

انہوں نے کہا کہ گلگت بلتستان کے عوام 76 سال سے پاکستان میں شامل ہونا چاہتے ہیں نہیں بنا رہے، یہاں کے زمینوں کے ، معدنیات، پانی کے مالک گلگت بلتستان کے عوام ہے، بلوچستان میں علیحدگی پسند تحریکیں چل رہی ہے, جو پاکستان کو توڑنا چاہتے ہیں ہم انہیں توڑ دیں گے, عوام کا ہر طرف سے تنگ کیا جارہا ہے، معدنیات پر کام کرنے والوں کو کام کرنے نہیں دیا جارہا، گلگت بلتستان کے تمام فرقے ایک جان کے مانند ہے، دیامر بھاشا ڈیم متاثرین کے ساتھ کھڑے ہیں ان کے ساتھ کوئی بھی زیادتی برداشت نہیں کریں گے، مدنیات جی بی کے عوام کی ملکیت ہے،گلگت بلتستان کے عوام غیور اور باہمت ہیں اپنا اور اپنے حقوق کا دفاع کرنا جانتے ہیں، جو پاکستان کو توڑے گا ہم اس کے ہاتھ توڑ دیں گے، ہم آپ کے حقوق کی جنگ لڑیں گے ہم آپ کے ترجمان ہیں، یہ نہیں ہو سکتا کہ فلسطین کی طرح باہر کے لوگ آ کر مالک بن جائیں اور مقامی لوگ انکے ملازم ہوں، بلاسٹنگ مواد پر پابندی عوام پر ظلم ہے، یونیورسٹی کے نام پر پانچ سو کنال کو پانچ ہزار کنال بنا کر قبضہ کیا جارہا ہے، ایک سازش کے تحت مالک کو نوکر اور نوکر کو مالک بنا یا جارہا ہے، میں اپنے سینے میں گولی کھاؤں گا مظلوم کو بچانے کی کوشش کروں گا۔

انہوں نے مزید کہا کہ فلسطین کے عوام ہمارے سر کا تاج ہے، فلسطینیوں کی صبر و استقامت ہمارے لئے نمونہ عمل ہے، غزہ کے مظلوم صبر کا پیکر ہے لاشیں زمین پر پڑی ہوئی ہیں لیکن اف تک ان کے زبان پر نہیں ہے، ساری دہشت گرد تنظیمیں امریکہ کی بنائی ہوئی ہیں، فلسطینی کاز کی امام خمینی نے ترجمانی کی کہ وہ مظلوم ہیں اور یہی سید الشہداء حضرت امام حسین ع کا درس ہے کہ مظلوم کے حامی وناصر رہنا ہے، اس وقت سارے مظلومین متحد اور یکجا ہیں، ہمیں فخر ہے کہ ہم ظالموں کے ساتھ نہیں ہیں ہمیں فخر ہے کہ ہم ظالموں کو جا کر نہیں ملتے، ہمارے لیئے باعث عزت و وقار ہے کہ ہمارا لیڈر بہادر، بابصیرت، مدبر و عوام کا محبوب ترین رہنما ہمیں سید علی خامنہ ائ کی لیڈرشپ پر فخر ہے۔

 اپوزیشن لیڈر گلگت بلتستان میثم کاظم نے کانفرنس سے خطاب کرتے ہوئے کہا کہ میں ان تمام پرعزم افراد کو سلام پیش کرتا ہوں جو اصولی مؤقف پر ڈٹے رہے، ہمیں جمہوری جدوجہد سے نہ روکا جائے، ہم جمہوری روش سے ہٹ کر ذاتی انا کی پالیسی کو یکسر مسترد کرتے ہیں، اپنی سر زمین کے انچ انچ چپے چپے کی حفاظت کریں گے، یہ میری سر زمین ہے اس پر کوئی بھی آئین وقانون یہاں کی عوامی منشاء کے مطابق بنے گا، گلگت بلتستان کی زمینوں پر قبضے کی کوشش ہو رہی ہے، عوامی و علاقائی وسائل پر قابض نہیں ہونے دیں گے، اس ملک کو بنایا تھا ہم ہی اسے بچائیں گے اور اس کی آبیاری کرتے رہیں قراقرم بینک پر بھی حملہ کرنے کی کوشش کی جا رہی ہے، معدنیات پر قبضہ ہو تو ہم خاموش نہیں رہیں گے، ہم قیدی نمبر 804 کی حمایت سے پیچھے نہیں ہٹیں گے، صوبائی حکومت میں بیٹھے نمائندے آلہ کار ہے، ہم گرین ٹورازم پر حکومت سے مباحثہ کرنے کا چیلنج کرتے ہیں۔

کانفرنس سے جنرل سیکرٹری ایم ڈبلیو ایم پاکستان سید ناصر عباس شیرازی نے کہا کہ گلگت بلتستان کا پانی پورے ملک کو سیراب کرتا ہے لیکن خود گلگت بلتستان والے پیاسے ہیں، پانی سے مالا مال خطے میں بیس 20 گھنٹے بجلی لوڈ شیڈنگ انتہائی ظلم ہے .گرین ٹورازم کے نام پر بلیک ٹورازم کو فروغ دے رہے ہیں۔ پر امن جدوجہد کے راستے بند نہ کرو یہ قوم باہمت قوم ہے اپنا دفاع کرنا خوب جانتے ہیں،

کانفرنس کے آخر میں گلگت بلتستان کے صوبائی صدر آغا علی رضوی نے تمام مہمانوں اور شرکاء کانفرنس کا دلی شکریہ ادا کیا، اور شہداء کے رستے پر چلنے کا عزم و اعادہ کرتے ہوئے کہا کہ شہدا ہمارے سروں کا تاج ہیں اور ہمارے لئے مشعل راہ ہیں، کانفرنس سےعلامہ مرزایوسف حسین، آغا احمد نوری، آغا نیئر عباس مصطفوی ،ولایت حسین ایڈووکیٹ، علامہ مشتاق حکیمی، ملک اقرار علوی، سید اسدعباس  نقوی، شیخ علی محمد کریمی،آغا اعجاز بہشتی، کاچو ولایت علی خان ، اور ارشاد حسین بنگش، معظم علی مرزا سمیت دیگر مقررین نے خطاب کیا اور شہداء اسلام کو خراج عقیدت و سلام پیش کیا۔

وحدت نیوز(کوئٹہ)مجلس وحدت مسلمین کے رہنماء اور امام جمعہ کوئٹہ علامہ علی حسنین حسینی نے کہا ہے کہ کوئٹہ میں شیعہ ہزارہ قوم کے خلاف دہشتگردی میں ملوث عناصر کو آج تک سزائیں نہیں ملیں۔ ملک و قوم کی خدمت کا جذبہ رکھنے والے سینکڑوں افراد شہید ہو گئے، لیکن ان کے قاتلوں کو گرفتار نہیں کیا جا سکا ہے۔ ان خیالات کا اظہار ایم ڈبلیو ایم رہنماء علامہ علی حسنین حسینی نے آٹھ جون 2003 کو سانحہ سریاب روڈ کے پولیس کیڈٹ کے شہداء کی برسی کے موقع پر اپنے جاری کردہ بیان میں کیا۔ انہوں نے کہا کہ پولیس کیڈٹ کے شہداء کی یاد آج تک ہمارے دلوں میں تازہ ہے۔ جن میں اس ملک و قوم کی خدمت کا بھرپور جذبہ تھا۔ تاہم دہشتگردوں نے ان پر حملہ کرکے وطن عزیز کو 12 عظیم پسروں سے محروم کر دیا۔

علامہ علی حسنین نے کہا کہ بیس سال تک ہماری قوم کا قتل عام ہوا۔ پاکستان کا نام روشن کرنے والے پروفیشنلز اور اہم شخصیات کو نشانہ بنایا گیا۔ دہشت گردوں نے خواتین اور بچوں کو بھی نہیں بخشا اور محلوں پر حملے کئے۔ تاہم ہماری حفاظت کا ذمہ اٹھانے والے انہیں کیفر کردار تک پہنچانے میں ناکام ہو گئے۔ انہوں نے شیعہ ہزارہ قوم کے قتل عام میں ملوث دہشت گردوں کی گرفتاری کا مطالبہ کرتے ہوئے کہا کہ ہر سانحہ کے بعد تحقیقاتی کمیشنز بنائے گئے۔ ہم سے انصاف کے وعدے کئے گئے، مگر انصاف نہیں ملا۔ ہم آج بھی اپنے قاتلوں کی گرفتاری اور انہیں کیفر کردار تک پہنچانے کا مطالبہ کرتے ہیں۔ انہوں نے آخر میں شہدائے پولیس کیڈٹ کے اعلیٰ درجات کیلئے دعا کی۔

وحدت نیوز(کوئٹہ)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے سابق صوبائی وزیر چیف آف بیرک نواب محمد خان شاہوانی سے کوئٹہ میں ملاقات کی۔ جس میں بلوچستان کی صورتحال قبائلی معاملات پر گفتگو کی گئی۔ اس موقع پر گفتگو کرتے ہوئے علامہ مقصود علی ڈومکی نے کہا کہ فارم 47 پر قائم حکومت عوام کی نمائندہ ہے نہ ہی اسے عوام کا اعتماد حاصل ہے۔ آئین پاکستان صاف و شفاف انتخابات کا تقاضا کرتا ہے۔ بلوچستان کے عوام کے مینڈیٹ کو ٹھکرا کر جعلی قیادت مسلط کی گئی ہے۔ بلوچستان کی محب وطن قوتیں بلوچستان میں دیرپا امن و ترقی چاہتی ہیں۔ بلوچستان کی محرومی اور پسماندگی کا خاتمہ ضروری ہے۔

نواب محمد خان شاہوانی نے اس موقع پر کہا کہ بلوچستان میں عوام کے منتخب نمائندوں کو ہرا کر مصنوعی جعلی مینڈیٹ کو عوام پر مسلط کیا گیا ہے۔ انہوں نے کہا کہ بلوچستان کا مسئلہ سنجیدہ کوششوں سے حل ہو سکتا ہے۔ انہوں نے کہا کہ ڈاکٹر عبدالمالک بلوچ نے مسئلہ بلوچستان کو مذاکرات کے ذریعے حل کرنے کی سنجیدہ کوشش کی۔ جس کمیٹی کا میں حصہ تھا نے خان آف قلات سے بھی لندن میں ملاقات کی۔ مگر بعض مقتدر حلقوں نے اسے سبوتاژ کر دیا۔ نواب اکبر خان بگٹی کے قتل سے بلوچستان کے مسئلے کو مزید الجھا دیا گیا اور مسئلہ بلوچستان کا حل فقط بامقصد مذاکرات کے ذریعے ممکن ہے۔

وحدت نیوز(کراچی) مجلس وحدت مسلمین پاکستان کراچی ڈویژن کے صدر علامہ شیخ محمد صادق جعفری نے جامع مسجد حیدری اورنگی ٹاؤن کے باہر مجلس وحدت مسلمین ضلع غربی کی جانب سے اورنگی ٹاؤن میں بنیادی سہولیات کی عدم فراہمی، کے الیکٹرک کی جانب سے غیراعلانیہ لوڈشیڈنگ، اورنگی ٹاؤن میں خستہ حال سڑکوں، پینے کے صاف پانی کی عدم فراہمی، سیوریج اور صفائی ستھرائی نہ ہونے کے خلاف احتجاجی مظاہرے کا انعقاد کیا گیا۔ مظاہرے میں ڈویژنل رہنماء سید کلیم رضا، ضلع ویسٹ کے صدر میثم عباس، ضلعی کابینہ و یونٹ کے ذمہ داران اور عوام کی بڑی تعداد میں شرکت کی۔

اپنے خطاب میں علامہ صادق جعفری نے کہا کہ سندھ حکومت سیاسی و جماعتی مفادات سے بالاتر ہوکر کراچی سمیت صوبے بھر کی عوام کو درپیش بحرانوں اور مسائل کو حل کرنے کیلئے جدوجہد کریں، کراچی سمیت صوبے میں اس وقت پانی، لوڈشیڈنگ، بنیادی سہولیات کی عدم فراہمی، صحت و صفائی ستھرائی کی تباہ کن صورتحال، بے روزگاری سمیت کئی بحرانوں اور مسائل کا سامنا ہے، پیپلز پارٹی اور اسکی سندھ حکومت سے لیکر تمام سیاسی و مذہبی جماعتیں بحرانوں اور مسائل کو حل کرنے کے بجائے صرف سیاست کرتی نظر آ رہی ہیں ۔

وحدت نیوز(ژوب)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی، صوبائی صدر ایم ڈبلیو ایم بلوچستان علامہ سید ظفر عباس شمسی اور صوبائی جنرل سیکریٹری علامہ سہیل اکبر شیرازی نے بلوچستان کے ضلع ژوب کا ایک روزہ تنظیمی دورہ کیا۔ اس موقع پر مرکزی امام بارگاہ ژوب میں ضلعی آرگنائزنگ کمیٹی کے اجلاس سے خطاب کرتے ہوئے علامہ مقصود علی ڈومکی نے کہا کہ مجلس وحدت مسلمین نے کشمیر سے کراچی تک پوری ملت کو ایک لڑی میں پرویا ہے۔ تنظیم کو منتشر قوتوں کو متحد اور عظیم الٰہی و اسلامی اہداف کے لئے متحرک کرنے کے لئے ضروری ہے۔

علامہ سید ظفر عباس شمسی نے کہا کہ مجلس وحدت مسلمین بلوچستان کے 14 اضلاع میں فعالیت کر رہی ہے۔ بلوچستان کے عوامی مسائل کو اجاگر کرنے کے ساتھ ساتھ ملک میں آئین و قانون کی بالادستی کے لئے ہم تحریک تحفظ آئین پاکستان کے پلیٹ فارم سے جدوجہد کر رہے ہیں۔ اس موقع پر علامہ سہیل اکبر شیرازی نے کہا کہ قائد وحدت علامہ راجہ ناصر عباس جعفری کی قیادت میں ایم ڈبلیو ایم ملک میں اتحاد بین المسلمین کے فروغ کے لئے مصروف عمل ہے۔ اس موقع پر ضلعی آرگنائزنگ کمیٹی کے ارکان توقیر حسین آفاق، احمد رفیق احمد اور دیگر نے ژوب کی عمومی صورتحال اور تنظیمی فعالیت کے حوالے سے گفتگو کی۔

وحدت نیوز(ملتان)وحدت یوتھ پاکستان کے مرکزی نائب صدر راجہ مصطفی حیدر نے دورہ ملتان کے دوران مسجد و امام بارگاہ آل عباء گارڈ ن ٹائون کا دورہ کیا۔ اس موقع پر ڈویژنل صدر رانا تیمور حسن بھی ان کے ہمراہ تھے، راجہ مصطفی حیدر نے نوجوانوں اور مومنین سے ملاقات کی اور ان سے خطاب بھی کیا۔ اُنہوں نے اپنے خطاب میں نوجوانوں کی ذمہ داریوں پر بات کرتے ہوئے کہا کہ نوجوانوں کی آج ماضی سے زیادہ ذمہ داریاں ہیں، جوں جوں استعمار اور دشمن کے حربے بڑھ رہے ہیں اسی طرح نوجوانوں کی ذمہ داریوں میں بھی اضافہ ہورہا ہے، کیونکہ استعمار اس وقت جتنا نوجوانوں کو اپنی طرف مائل کرنے پر کام کررہا ہے اتنا کسی پر نہیں کررہا، ہمیں اپنے نوجوانوں کی تربیت اس انداز میں کرنی ہے کہ وہ امام وقت کے سچے سپاہی ثابت ہوں۔ اس موقع پر سینیئر تنظیمی رہنما غضنفر جعفری اور دیگر موجود تھے۔

Page 3 of 1474

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree