The Latest
وحدت نیوز(جیکب آباد) مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے کہا ہے کہ درخت انسانی زندگی اور ماحول کے لئے لازم اور ملزوم ہیں۔ موسم گرما کی شدت کے باعث سایہ دار درختوں کا ہونا انتہائی ضروری ہے۔ جبکہ ہم درختوں سے لکڑی پھل اور آکسیجن حاصل کرتے ہیں۔ درخت زمین کا حسن اور پرندوں کا مسکن ہیں۔ ان خیالات کا اظہار انہوں نے جیکب آباد میں موسم بہار کی شجرکاری مہم کے آغاز کے موقع پر گفتگو کرتے ہوئے کیا۔ علامہ مقصود ڈومکی نے جامعۃ المصطفیٰ خاتم النبیین صلی اللہ علیہ وآلہ وسلم جیکب آباد میں شجر کاری مہم کے سلسلے میں بیر کا درخت لگایا، اور دوسروں کو بھی اس کار خیر میں حصہ لینے کی تلقین کی۔
اس موقع پر گفتگو کرتے ہوئے علامہ مقصود علی ڈومکی نے کہا کہ شجرکاری مہم کے دوران عوام کو بڑھ چڑھ کر موسم بہار میں درخت لگانے چاہئیں۔ وطن عزیز پاکستان میں شجرکاری کو نظرانداز کرنے کے سبب ایک طرف گرمی کی شدت میں اضافہ ہو رہا ہے، تو دوسری طرف ماحولیاتی آلودگی میں بھی مسلسل اضافہ ہو رہا ہے۔ حکومت فلاحی اداروں، مدارس دینیہ مساجد تعلیمی اداروں اور عوام کے مختلف طبقات اور تنظیمی کارکنوں کو موسم بہار کی شجرکاری مہم میں بھرپور حصہ لینا چاہئے۔ انہوں نے کہا کہ درخت لگانا صدقہ جاریہ ہے اس درخت کے سائے میں جو لوگ بیٹھتے ہیں یا درخت سے جو کھاتے ہیں وہ صدقہ جاریہ ہوتا ہے۔
وحدت نیوز(اسلام آباد)اپوزیشن لیڈر گلگت بلتستان اسمبلی و پارلیمانی لیڈر مجلس وحدت مسلمین گلگت بلتستان محمد کاظم میثم نے اسلام آباد میں اپوزیشن وفد کے ہمراہ داعی وحدت مسلمین، نامور عالم دین، حجت الاسلام و المسلمین علامہ شیخ محمد حسن جعفری کی عیادت کی اور صحت یابی پر نیک خواہشات کا اظہار کیا۔
اپوزیشن وفد میں سید سہیل عباس، وزیر محمد سلیم اور راجہ زکریا خان مقپون شامل تھے۔ وفد نے قبلہ شیخ صاحب کی صحتیابی پر مبارک بادی دی اور انکی صحت و سلامتی پورے خطے کے لیے تبریک کا سبب قرار دیا۔ اس موقع پر علاقائی صورتحال پر مختصر گفتگو بھی ہوئی۔ انہوں نے انکی صحت و سلامتی کے لیے نیک جذبات کے اظہار اور دعاؤں میں یاد رکھنے پر شکریہ ادا کیا۔
وحدت نیوز(لاہور)شعبہ فلاح وبہبود ایم ڈبلیو ایم صوبہ پنجاب کی جانب سے مجلس وحدت مسلمین ضلع لاہور کےتعاون سے دختران ملت کی اجتماعی شادیوں کی مرکزی تقریب 22 فروری 2025ء بروز ہفتہ لاہور میں منعقدہوگی ان شاءاللہ۔مجلس وحدت مسلمین پاکستان صوبہ پنجاب کےصوبائی سیکرٹریٹ میں دختران ملت کی اجتماعی شادیوں کے متعلق وائس چیئرمین مجلس وحدت مسلمین پاکستان کی زیر صدارت اہم میٹنگ منعقد ہوئی جس اجتماعی شادیوں کی اجرائی کمیٹی کے معزز ممبران نے شرکت کی ۔
اس میٹنگ میں مرکزی سیکرٹری سیاسیات جناب سید اسد عباس نقوی ، صوبائی صدر مجلس وحدت مسلمین پنجاب جناب علامہ سید علی اکبر کاظمی ، صوبائی سیکرٹری فلاح وبہبود جناب شیخ عمران علی ، صوبائی سیکرٹری سیاسیات جناب سید حسین زیدی ،ضلعی صدر مجلس وحدت مسلمین ضلع لاہور جناب نجم عباس خان، ضلعی سیکرٹری فلاح وبہبود جناب آغا باقر ، صوبہ فلاح وبہبود ،ضلعی سیکرٹری تشکیل خانوادہ ضلع لاہورجناب خاوربھائی اور صوبائی آفس سیکرٹری ظہیر کربلائی بھی موجود تھے ۔
اس میٹنگ میں کئی اہم فیصلے کیے گئے ۔ دختران ملت کی اجتماعی شادیوں کی مرکزی تقریب 22 فروری بروز ہفتہ لاہور میں منعقد ہوگی جس میں شادی کے جوڑوں کے علاوہ ان کے عزیز واقارب اور تنظیمی شخصیات شریک ہونگی ۔ ان شاءاللہ ۔ دختران ملت کی اجتماعی شادیوں کی ورکنگ کمیٹی کے اہم اراکین جناب خرم زیدی اور فرقان بھائی کی خدمات کو سراہا گیا ۔ ورکنگ کمیٹی کے ان اہم اور معزز اراکین نے اس سارے پروسیس میں بہت ہی عمدہ کارکردگی کا مظاہرہ کیا اور اپنی خالصانہ کاوشوں کو پیش کیا ۔پوری کمیٹی ان کے جذبے کو قدر کی نگاہ سے دیکھتی ہے ۔
وحدت نیوز(اسلام آباد) قومی اسمبلی میں ایم ڈبلیو ایم پاکستان کے پارلیمانی لیڈر و رکنِ قومی اسمبلی انجینئر حمید حسین نے قومی اسمبلی کی قائمہ کمیٹی برائے انسانی حقوق کے چیئرمین کو خط لکھ کر کرم (NA-37) میں جاری شدید انسانی بحران کی سنگین صورتحال سے آگاہ کیا ہے، ٹل، پاراچنار روڈ گزشتہ چار ماہ سے بند ہونے کے باعث خوراک، ادویات اور دیگر ضروری اشیاء کی ترسیل معطل ہے، اس انسانی بحران کے نتیجے میں 200 سے زائد معصوم بچے طبی سہولیات کی عدم دستیابی کے باعث جان کی بازی ہار چکے ہیں، جبکہ کرم کے عوام کی مشکلات میں مسلسل اضافہ ہو رہا ہے،اپنے خط میں ایم این اے حمید حسین نے آئین پاکستان میں درج بنیادی حقوق کی سنگین خلاف ورزیوں کی نشاندہی کی، جن میں زندگی کا حق (آرٹیکل 9)، انسانی وقار (آرٹیکل 14)، نقل و حرکت کی آزادی (آرٹیکل 15) اور قانون کے سامنے مساوات (آرٹیکل 25) شامل ہیں۔
انہوں نے حکومت کو یاد دلایا کہ پاکستان، جنیوا کنونشن، بین الاقوامی معاہدہ برائے معاشی، سماجی و ثقافتی حقوق (ICESCR) اور عالمی اعلامیہ برائے انسانی حقوق (UDHR) جیسے بین الاقوامی قوانین کا دستخط کنندہ ہے اور اس پر لازم ہے کہ وہ انسانی بحران کی صورت میں اپنے شہریوں کے تحفظ کو یقینی بنائے۔ممبر قومی اسمبلی نے اپنے لکھے گئے خط میں قومی اسمبلی کے قواعد و ضوابط کے قاعدہ 201 اور 202 کے تحت قائمہ کمیٹی برائے انسانی حقوق سے فوری نوٹس لینے اور موثر کارروائی کرنے کا مطالبہ کیا۔انہوں نے ٹل، پاراچنار روڈ کی فوری بحالی، پاراچنار کے لیے ہفتہ وار دو پی آئی اے پروازوں کی بحالی اور وزیر داخلہ کی جانب سے کرم میں امن و امان کی صورتحال پر تفصیلی بریفنگ دینے کا مطالبہ بھی کیا ہے۔
اس سنگین صورتحال پر بات کرتے ہوئے ایم این اے حمید حسین نے کہا کہ“یہ بحران کرم کے عوام کے بنیادی حقوق کی کھلی خلاف ورزی ہے، ریاست کی ذمہ داری ہے کہ وہ اپنے شہریوں کی زندگی، وقار اور مساوات کا تحفظ یقینی بنائے، میں قائمہ کمیٹی سے اپیل کرتا ہوں کہ وہ فوری اقدام اٹھاتے ہوئے عوامی مشکلات کو کم کرے، انہوں نے شدید دکھ اور مایوسی کا اظہار کرتے ہوئے کہا کہ “دنیا کا کوئی بھی ملک اپنی 8 لاکھ کی آبادی کو ایک دن کے لیے بھی لاوارث نہیں چھوڑ سکتا، لیکن افسوس کی بات ہے کہ میرے لوگ گزشتہ چار ماہ سے مختلف شہروں میں دربدر ہیں اور مشکلات کا شکار ہیں، انہوں نے حکومت سے مطالبہ کیا ہے کہ وہ اس بدترین انسانی ناانصافی کو فوری طور پر ختم کرے اور کرم کے عوام کے بنیادی حقوق کی بحالی کو یقینی بنائے۔
وحدت نیوز(حیدرآباد) مجلس وحدت مسلمین صوبہ سندھ کی کونسل کا دوروزہ اجلاس صوبائی سیکریٹریٹ حیدرآباد میں منعقدہوا جس کی صدارت صوبائی صدر علامہ سید باقرعباس زیدی نے کی ، اجلاس میں مرکزی صدرعزاداری ونگ ملک اقرارحسین علوی اور مرکزی سیکریٹری اجرائی امور آصف رضا ایڈوکیٹ نے خصوصی شرکت کی۔ اجلاس میں تمام اراکین صوبائی کابینہ سمیت تمام اضلاع کے صدور اور جنرل سیکریٹری صاحبان شریک ہوئے۔ اس دوران صوبہ اور اضلاع نے اپنی کارکردگی رپورٹس پیش کیں جبکہ علامہ باقر عباس زیدی، علامہ مختارامامی، علامہ رضا محمد سعیدی، الفت عالم کربلائی ، علامہ دوست علی سعیدی ودیگر قائدین نے خطاب بھی کیا۔
اجلاس سے خطاب کرتے ہوئے علامہ باقرعباس زیدی نے سندھ بھرمیں تنظیمی ڈھانچے کی مضبوطی کیلئے ہدایات جاری کیں، انہوں نے کہا کہ ایک مکمل اور مستحکم یونٹ جماعت کی اساس ہے، کارکنا ن اور عہدیداران انفرادی اخلاقی تربیت پرخصوصی توجہ دیں اور دستوری تقاضوں کے مطابق فعالیت انجام دیں۔
انہوں نے کہا کہ اس وقت سندھ میں امن وامان کی صورت حال سنگین ہوچکی ہے ، ڈاکو راج نے عوام کا جینا دوبھرکردیا ہے، حکومت مٹھی بھرڈاکوؤں کےآگے بے بس نظر آتی ہے ، ایک منظم سازش کے تحت دریائےسندھ کے پانی پر قبضے کی کوشش کی جارہی ہے ، ایم ڈبلیوایم کے تمام اضلاع اس مذموم سازش کے خلاف بھرپور آواز اٹھائیں اور پریس کانفرنسز اور احتجاجی اجتماعات کا انعقاد یقینی بنائیں۔
علامہ باقرعباس زیدی نے مظلومین پاراچنار کی حمایت کراچی سمیت سندھ کے 18اضلاع میں احتجاجی دھرنوں کے انعقاد خصوصاً کراچی میں عظیم استقامت ، شہادتوں ، اسیری اور مجروحی کا سامنے کرنے والے تنظیمی کارکنان عہدیداران اور مومنین کو شاندار الفاظ میں خراج تحسین پیش کیا اور ان کے حق میں قرارداد بھی کی گئی جسے تمام شرکائے نے منظور کیا۔
اجلاس کے اختتام پر ایم ڈبلیوایم کے مرحوم صوبائی رہنما ارشداللہ مکتبی، محمد یعقوب حسینی سمیت کراچی میں مظلومین پاراچنار کی حمایت میں جام شہادت نوش کرنے والے شہید علی رضا رضوی اور شہید شبیہ حیدر زیدی کے ایصال ثواب کیلئے فاتحہ خوانی بھی کی گئی۔
وحدت نیوز(اسلام آباد)چیئرمین مجلسِ وحدت مسلمین پاکستان سینیٹر علامہ راجہ ناصر عباس جعفری نے انقلاب اسلامی کی 46ویں سالگرہ کے موقع پر اپنے بیان میں کہا ہے کہ میں اس روشن، مقبول اور اسلامی انقلاب کی قابل فخر فتح کے موقع پر مقام معظم رہبری، ایرانی قوم سمیت ظلم واستبداد کے سامنے ڈٹ جانے والے تمام انسانوں کی خدمت میں دلی مبارکباد پیش کرتا ہوں کہ جس نے دنیا کے تمام مظلوم مسلمانوں اور آزادی کے متلاشیوں کے لیے امید کی کرن پیدا کر دی اور اس عظیم الشان انقلاب سے تحریک ورہنمائی لیتے ہوئے نہتے فلسطینی اور لبنانیوں نے غاصب اسرائیل کی طاقت کو خاک میں ملا دیا، میں امام خمینی قدس سرہ کی عظیم اور آزاد روح اور تمام شہدائے اسلام، شہدائے انقلاب اسلامی و تحریک مقاومت کو دل کی گہرائیوں سے خراج عقیدت وسلام پیش کرتا ہوں، دعاگو ہوں کہ خداوند متعال اسلامی جمہوریہ ایران کے اقتدار اور وقار میں مزید اضافہ کرے گا اور اس انقلاب کو عالم انسانیت کے نجات دہندہ حضرت امام مہدی علیہ السلام کے انقلاب سے متصل کر دے گا۔ انشاءاللہ
انہوں نے کہا کہ11فروری انقلاب ایران حقیقی اسلام کی سربلندی اور مرجعیت کی فتح کے اعلان کا دن ہے، آیت اللہ العظمٰی امام روح اللہ موسوی خمینی نے اپنی حکمت و تدبر اور بصیرت سے پوری دنیا کے سامنے اسلام کی حقانیت کو منوایا، عالم اسلام کے اس عظیم اور نڈر قائد نے جس استقامت اور جرات کے ساتھ انقلاب برپا کیا تاریخ اسے ہمیشہ سنہرے لفظوں سے یاد رکھے گی، عالم کفر کو سب سے زیادہ خطرہ اس نظام ولایت سے ہے جس کے سب سے مضبوط مدافعین مراجع عظام ہیں، مرجعیت کے ہاتھوں مختلف میدانوں میں شرمناک شکست کے بعد عالمی غنڈوں نے اپنی توپوں کا رخ مرجعیت کی طرف موڑ دیا ہے، خودساختہ پروپیگنڈوں کے ذریعے لوگوں کو ان الہی قوتوں سے متنفر کرنے کی کوشش کی جارہی ہے جو حقیقی معنوں میں اسلام کے عظیم مجاہد ہیں، انقلاب ایران کے بعد پوری دنیا میں اسلام ناب کا وقار بلند ہوا ہے، انقلاب اسلامی طاغوتی و استعماری قوتوں اور ان کے آلہ کاروں کی الہی طاقت کے ہاتھوں ذلت آمیز شکست کا نام ہے، آج دنیا بھر کی دجالی طاقتیں عالم اسلام کے خلاف برسرپیکار ہیں، انہیں شکست دینے کے لیے اس عاشورائی فکر کو اپنانا ہو گا جس کا اظہار امام خمینی رضوان اللہ نے اپنے کردار و عمل سے کیا۔
وحدت نیوز(مشھد)انقلاب اسلامی ایران کی سالگرہ کی مناسبت سے پورے ایران میں ریلیاں نکالی گئیں، ان ریلیوں میں حکومتی عہدیداران، عوام، علمائے کرام، نوجوان اور طلاب کی بڑی تعداد نے شرکت کی۔ مشہد مقدس میں نکالی جانے والی ریلی میں ہر سال کی طرح اس سال بھی مجلس وحدت مسلمین کے وفد نے پاکستانی سبز ہلالی پرچم اور مجلس وحدت مسلمین کے پرچم کے ساتھ شرکت کی۔
مجلس وحدت مسلمین کے وفد نے مسئول مشہد مقدس حجتہ الاسلام والمسلمین آقائے عقیل حسین خان کی قیادت میں شرکت کی۔ وفد میں حجتہ الاسلام والمسلمین آقائے آزاد حسین، حجتہ الاسلام والمسلمین آقائے عارف حسین تھہیم، حجتہ الاسلام والمسلمین آقائے عبدالخالق جعفری، حجتہ الاسلام والمسلمین آقائے سید موسوی کے علاوہ پاکستانی علمائے کرام، طلاب اور زائرین کی بڑی تعداد نے شرکت کی۔ ریلی کے شرکاء نے ہاتھوں میں سبز ہلالی پرچم اُٹھا رکھے تھے۔ ریلی کے شرکاء نے انقلاب اسلامی ایران، مقام معظم رہبری اور مقاومت اسلامی کے حق میں نعرے بازی کی۔
وحدت نیوز(کوئٹہ)تحریک تحفظ آئین پاکستان کے رہنماؤں نے گزشتہ روز انتخابات میں مینڈیٹ چوری کرنے کے خلاف بلوچستان میں احتجاج کرنے پر 700 رہنماؤں کے خلاف مقدمات اور درجنوں رہنماؤں کی گرفتاری کی مذمت کرتے ہوئے کہا ہے کہ فارم 47 کے حکمران غیر جمہوری، غیر آئینی اقدامات کرکے سیاسی جماعتوں کے پرامن احتجاج کو سبوتاژ کرنے کی ناکام کوششیں کر رہے ہیں۔ ہم آئین کے دائرہ کار میں رہتے ہوئے اپنا احتجاج جاری رکھیں گے اور آئندہ سخت لائحہ عمل ترتیب دیکر احتجاج میں وسعت لائیں گے۔ ان خیالات کا اظہار پشتونخوا ملی عوامی پارٹی کے رہنماء کبیر أفغان، مجلس وحدت مسلمین کے رہنماء علامہ ولایت حسین جعفری و تحریک تحفظ آئین پاکستان کے دیگر رہنماؤں نے کوئٹہ پریس کلب میں پریس کانفرنس کے دوران کیا۔
انہوں نے کہا کہ گزشتہ سال 8 فروری کو جعلی اور فارم 47 کی نیلامی کے الیکشن کا انعقاد کیا اور اس کے ذریعے غیر جمہوری، غیر آئینی حکومتیں تشکیل دی گئی۔ جس کی وجہ سے آئین اور قانون کی پامالی پر مبنی اقدامات کا سلسلہ تواتر سے جاری ہے۔ جعلی الیکشن کے خلاف تحریک تحفظ آئین پاکستان کے سربراہ پشتونخوا ملی عوامی پارٹی کے چیئرمین محمود خان اچکزئی کی کال پر 8 فروری کو ملک بھر میں یوم سیاہ منایا گیا اور اس موقع پر صوبے میں دفعہ 144 کا نفاذ کرکے تحریک تحفظ آئین پاکستان کے رہنماؤں کے گھروں پر چھاپہ مار کر ان کے عزیز و اقارب کو ہراساں کرکے رہنماؤں کے خلاف مقدمات درج کی گئی اور درجنوں رہنماؤں کو گرفتار کیا گیا۔
انہوں نے کہا کہ لورالائی سے 25، پشین سے 50، کوئٹہ سے 250، زیارت سے 180، قلعہ سیف اللہ سے 150، ژوب سے 45 اور اسی طرح دیگر علاقوں میں بھی مقدمات درج کرکے گرفتاریاں کی گئیں، جو کہ قابل مذمت عمل ہے۔ تحریک تحفظ آئین پاکستان آئین و قانون کے دائرہ میں رہ کر جعلی حکومت کے خاتمے کیلئے پرامن جدوجہد جاری رکھے گی۔ اس حوالے سے بڑے بڑے جلسے، سیمینار، جرگے منعقد کرکے عوام میں شعور بیدار کرکے فارم 47 کے مسلط حکمرانوں کیخلاف تحریک کو مزید مضبوط اور فیصلہ کن بنایا جائے گا۔ انہوں نے پی ٹی آئی کے صدر کے گھر پر چھاپہ اور اہلخانہ کو ہراساں کرنے اور گھر سے قیمتی سامان اور نقدی لے جانے کی مذمت کرتے ہوئے کہا کہ اس طرح کے اوچھے ہتھکنڈوں سے مرعوب نہیں ہوں گے۔
انہوں نے کہا کہ موجودہ حکمرانوں نے ریاستی مشینری کے ذریعے سیاسی جماعتوں کے رہنماؤں کے گھر پر فائرنگ اور گاڑی کو بھی نذر آتش کیا، جس کی مذمت کرتے ہیں۔ چھاپوں کے دوران چادر اور چار دیواری کی پامالی کی گئی۔ اگر حکومت نے اپنا قبلہ درست نہ کیا تو ہم اپنے احتجاج کو وسعت دیں گے۔ ایک سوال کے جواب میں انہوں نے کہا کہ حکومت سیاسی جماعتوں کے رہنماؤں کو مقید رکھ کر اوچھے ہتھکنڈے استعمال کر رہی ہے۔ انہوں نے کہا کہ پیکا ایکٹ کالا قانون لاگو کرکے عوام کی اظہار رائے کا بھی گلا گھونٹا جارہا ہے۔ جس کا مقصد پرنٹ، الیکٹرانک، ڈیجیٹل اور سوشل میڈیا پرقدغن لگانا ہے، جس کی ہم مذمت کرتے ہیں۔ ایک سوال کے جواب میں انہوں نے کہا کہ ہم سیاسی اور جمہوری لوگ ہیں۔ پرامن احتجاج کرتے ہیں، اپنے ساتھیوں سے مشاورت کے بعد پرامن احتجاج کو وسعت دیں گے۔
وحدت نیوز(ملتان) مجلس علماء مکتب اہلبیتٔ جنوبی پنجاب کے زیر اہتمام جشن انوار شعبان بعنوان زمانۂ غیبت میں علماء و مبلغین کی ذمہ داریاں جامعہ مہدویہ کمپلیکس ملتان میں منعقد ہوا۔جشن کا آغاز تلاوت قرآن مجید مولانا قاری حسین مہدی نے کیا۔جشن انوار شعبان سے مرکزی صدر مجلس علماء مکتب اہلبیتٔ پاکستان علامہ سید حسنین عباس گردیزی حفظہ اللہ، حجۃالاسلام والمسلمین علامہ ڈاکٹر حسنین نادر ، سربراہ اتحاد المومنین پاکستان علامہ غلام مصطفیٰ انصاری،صوبائی صدر مجلس علماء مکتب اہلبیتٔ جنوبی پنجاب علامہ قاضی نادر حسین علوی ، مرکزی صدر وحدت یوتھ ونگ مجلس وحدت مسلمین پاکستان علامہ تصور مہدی ،پرنسپل جامعہ امام حسن عسکریٔ سنانواں علامہ عسکری الہدایت، شاعر اہلبیتٔ زوار حسین بسمل، علامہ سید سلطان احمد نقوی ،علامہ طاہر عباس نقوی، ضلعی صدر رحیم یار خان علامہ امجد عباس شمسی نے خطاب کیا۔
وحدت نیوز(لاہور) جناب حجۃ الاسلام والمسلمین علامہ سید احمد اقبال رضوی وائس چیئرمین مجلس وحدت مسلمین پاکستان کی زیر صدرات صوبائی سیکرٹر یٹ مجلس وحدت مسلمین پاکستان صوبہ پنجاب میں شیعہ بیٹھک کا انعقاد،کسی بھی علاقے میں آپس میں مومنین کا مل بیٹھ کرملکی وبین الاقوامی حالات کے تناظر میں ملت کے مسائل کا حل اور ملت کے مسائل میں مجلس وحدت کا کردار کیا ہے؟کے عنوان سے صوبائی سیکرٹریٹ مجلس وحدت مسلمین پاکستان شیعہ بیٹھک کا انعقاد کیا گیا ۔
موجودہ حالات میں مومنین کی ذمہ داری ،گفت و شنید، سوال وجواب اور تجاویز و آراءپر مبنی بیٹھک، تاکہ مکتب آل محمدؑ مستقبل میں آنے والے چیلنجز کا مقابلہ کیا جاسکے اور ملت تشیع کو مجلس وحدت مسلمین کی قومی پالیسی سے ہم آہنگ کرنا ہے۔مجلس وحدت مسلمین کی قیادت کی طرف سے مومنین کا شکریہ اور قرآن وفرامین معصومین علیہ السلام کی روشنی میں مومنین کے مل بیٹھنے کے فوائدکو بیان کیا گیا۔شیعہ بیٹھک کے شرکاء مومنین کا تعارف کرایا گیا ۔
جناب حجۃ الاسلام والمسلمین علامہ سید احمد اقبال رضوی وائس چیئرمین مجلس وحدت مسلمین پاکستان نے ملکی اور بین الاقوامی حالات کے تناظر میں مومنین کی ذمہ داریوں کے موضوع پر بہت خوبصورت اور مدلل گفتگو فرمائی جسےشرکاء شیعہ بیٹھک نے بہت سراہا ۔
شیعہ بیٹھک کے شرکاء کو مجلس وحدت مسلمین میں شمولیت کی دعوت دی گئی ، سوال و جواب اور تجاویز و آراءکا سیشن ہوا ۔ علامہ صاحب نے مجلس وحدت مسلمین بطور مذہبی سیاسی جماعت کا تعارف،حاصل کردہ اہداف پر بھی روشنی ڈالی ۔
وائس چیئر مین مجلس وحدت مسلمین پاکستان کے خطاب کے علاوہ مرکزی سیکرٹری سیاسیات جناب سید اسدعباس نقوی ، صوبائی صدر مجلس وحدت مسلمین پنجاب علامہ سید علی اکبر کاظمی ، پاکستان کے معروف خطیب علامہ امجدعلی عابدی،سابق وفاقی وزیر تعلیم سید منیر حسین گیلانی اور ضلعی صدر مجلس وحدت مسلمین پاکستان ضلع لاہور نے بھی خطاب کیا ۔
مجلس وحدت مسلمین پاکستان ضلع لاہور کی میزبانی میں منعقد ہونے والی شیعہ بیٹھک شیعہ بیٹھک میں معززین شہر کی معروف شخصیات نے شرکت کی ۔شیعہ بیٹھک کے اختتام پر ضلعی صدر مجلس وحدت مسلمین ضلع لاہور نجم عباس خان نے شرکاء بیٹھک کاشکریہ ادا کیا ۔
