The Latest
وحدت نیوز(پشاور)ضلع کرم کے امن وامان کو سوچے سمجھے منصوبے کے تحت بدامنی اور نفرت کا شکار کیا جا رہا ہے، جسے علاقے کی باشعور عوام کسی بھی صورت میں کامیاب نہیں ہونے دیں گے ان خیالات کا اظہار مجلس وحدت مسلمین صوبہ خیبر پختون خواہ کے جنرل سیکرٹری شبیر حسین ساجدی نے عمائدین اور کارکنوں کے وفد سے گفتگو کے دوران کیا۔
انہوں نے اپنی گفتگو میں عوام کو یاد دلایا کہ اہل کرم کو تسلسل کے ساتھ آٹھ دس سال بعد جنگ میں جھونک دیا جاتا ہے ۔ 1960ء سے لیکر 2012ء کے فسادات اور خون خرابے کو ذہن میں رکھتے ہوئے اس پر متوجہ رہنا چاہیے، اس صورتحال سے ہم سب کو بخوبی اندازہ ہو جائے گا کہ اس وقت یہ کوئی فرقہ وارانہ یا قبائلی زمینی یا مذہبی تنازعہ نہیں ہے بلکہ اس کے پس پردہ گزشتہ فسادات جیسے مقاصد اور مفادات کارفرما ہیں۔
انہوں نے کہا کہ ریاست کی طرف سے دفاع پاکستان کے نام سے کالعدم جماعتوں کے سربراہوں کو سرکاری مرکزی اجلاسوں میں شریک کرنا ملک میں انتشار کو ہوا دینے کے مترادف اور انتہائی افسوس ناک ہے۔ ہم مقامی انتظامیہ کو مخاطب کرتے ہیں کہ دہشت گرد قاتل تو دندناتے پھرتے ہیں اور تم سکولوں کو بند کر رہے ہو۔ اس وقت حالات کی حساسیت اور سنگینی کا تقاضا ہے کہ قاتلوں کو جلد از جلد گرفتار کر کے کیفرِ کردار تک پہچایا جائے،پولیس ہیڈ، اسسٹنٹ کمشنر، صوبائی وزراء اور مختلف اداروں کے ملازمین کا تری مینگل اساتذہ کی شہادت کو زمینی تنازعات سے جوڑنا ریاستی جھوٹ اور بدنیتی ہے۔ انسانی حقوق کی تنظیموں، سیاسی و سماجی پارٹیوں سمیت عوام الناس سے اپیل ہے کہ وہ ضلع کرم کے شیعہ سنی مسلمانوں کو تباہی و بربادی سے بچانے میں اپنا بھرپور کردار ادا کریں، ان بہیمانہ و ظالمانہ کاروائیوں کو روکنے کیلیے اج میدان عمل میں آئیں اور صدائے احتجاج بلند کریں، نہیں تو انے والی نسلیں ہم سب کو معاف نہیں کریں گے۔
انہوں نے کرم کے شیعہ سنی عمائدین اور علماء کرام و جوانوں کو پیغام دیتے ہوئےکہا ہےکہ اپنی دھرتی کی تعمیر و ترقی اور نئی نسل کو ذہنی دباؤ اور اذیت سے محفوظ رکھنے کے لیے متحد ہوکر اواز اٹھائیں، سیاسی اور معاشی خلفشار پر پردہ ڈالنے کیلئے ہم اپنے خون کو ایک مرتبہ پھر سے پانی کی طرح بہانے کی ہرگز اجازت نہیں دیں گے، مظلوم شہید اساتذہ کے خون کا حساب مانگیں، علاقے کی فلاح وبہبود کی طرف بڑھنے والے اتفاق و اتحاد کی حمایت کریں اور امن و ترقی کے سفر میں آنے والی ہر سازش کو ناکام بنانے میں ہر ذمہ دار انسان اور مسلمان اپنا مثبت کردار ادا کرے۔
وحدت نیوز(سکردو)ممبر جی بی کونسل و سیکرٹری سیاسیات مجلس وحدت مسلمین گلگت بلتستان شیخ احمد علی نوری نے چیئرمین پاکستان تحریک انصاف و سابق وزیراعظم پاکستان عمران خان کی گرفتاری پر اپنے ایک بیان میں کہا کہ احاطہ عدالت سے سابق وزیراعظم پاکستان عمران خان کی گرفتاری قابل مذمت ہے۔سابق وزیراعظم کے ساتھ روا رکھے جانے والا رویہ انتہائی شرمناک اور قابل مذمت ہے۔
انہوں نے کہا کہ اس طرح کے غیر قانونی اقدام سے ملک کی سالمیت اور امن کو نقصان پہنچے گا۔امپورٹڈ حکومت ملک میں آئین کی بالادستی،قانون کی حکمرانی اور حقیقی آزادی کے لئے جاری تحریک کو روکنے کی ناکام کوشش کر رہی ہے۔قانون نافذ کرنے والوں سے ہمارا مطالبہ ہے کہ غیر قانونی طاقت کے استعمال سے اجتناب کرے۔جس انداز میں وارنٹ گرفتاری کی تعمیل کروائی جا رہی ہے یہ خلاف قانون ہے۔ملک فسطائیت کا شکار ہوچکا ہے، یہاں پر آئین و قانون کی عملداری نہیں ہے۔
انہوں نے مزید کہا کہ چیئرمین مجلس وحدت مسلمین پاکستان علامہ راجہ ناصر عباس جعفری کے حکم پر مجلس وحدت مسلمین کے کارکنان ملک بھر میں اس غیر قانونی اقدام کے خلاف احتجاج ریکارڈ کریں گے۔
وحدت نیوز(لاڑکانہ) پاراچنار کے ضلع کرم کے نواحی علاقے تری منگل میں تعلیم کے علمبردار اساتذہ کو بیدردی سے قتل کیا گیا، سانحـــــہ پر آواز بلند کرنا جرم بن گیا، مجلس وحدت مسلمین پاکستان کی مرکزی قیادت پر درج جھوٹے مقدمہ پر وحدت یوتھ ونگ ڈویژن لاڑکانہ کے جنرل سیکرٹری مستنصر مہدی ابڑو نے پریس ریلیز جاری کرتے ہوئے کہا کہ محب وطن مجلس وحدت مسلمین پاکستان جماعت کے معروف علماء کرام و کارکنوں پر جھوٹا مقدمہ درج کرنے کی مذمت کرتے ہیں۔
یہ کہاں کا قانون ہے کہ شہید بھی ہم اسیر بھی ہم یہ کہاں کا قانون ہے مقدس پیشہ سے تعلق رکھنے والے استادۃ کا اسکول کے اندر آن ڈیوٹی بیدردی سے قتل لاشوں کی بی حرمتی کی گئی اس شہیدوں کے پاک خون سے انصاف کے لیے دہشت گردوں کے خلاف ملک بھر میں محب وطن جماعت مجلس وحدت مسلمین پاکستان نے احتجاجی کال دی اسلام آباد میں نیشنل پریس کلب کے سامنے بھی احتجاجی مظاہرہ کیا گیا۔
اس مظاہرے میں شریک مجلس وحدت مسلمین پاکستان کے قائدین و کارکنوں پر جھوٹا مقدمہ درج کیا گیا نہ صرف یہ بلکہ جو اس مظاہرے میں علماء شریک نہیں تھے اس کے بھی نام ایف آئی آر میں درج کردیئے گئے امپورٹڈ حکومت ایسے اقدامات سے مجلس وحدت مسلمین پاکستان کی قیادت و کارکنوں کے حوصلے پست نہیں کرسکتے ہیں۔
وحدت نیوز(لاہور)مجلس وحدت مسلمین شعبہ خواتین نے محترمہ معصومہ نقوی کے اعلان پر لاہور کی خواتین نے برادران کے ساتھ مل کر بروز جمعرات شیعہ اساتذہ اکرام کے قتل پر ہونے والے دردناک واقعے کی مذمت کے سلسلے میں بروز اتوار بتاریخ 6مئ جوپریس کلب کے سامنے احتجاج ریکارڈ کروایا ۔جس میں حکومت وقت سے مطالبہ کیا گیا کہ اس المناک واقعے پر کیوں خاموش تماشائی بنی ہوئی ہے ؟جب بھی اہل تشیع پر ظلم ہوتا ہے کیوں کسی پر اثر انداز ہوتا ؟کیا اہل تشیع انسان نہیں ؟کیا انکے کوئی حقوق نہیں ؟ ایسا کب تک ہو گا؟ہمیں انصاف چاہیے اور اپنے شہداء کے خون کو رایگان نہیں جانے دیں گے ۔شیعہ نسل کشی نا منظور نامنظور ۔
وحدت نیوز(کراچی)مجلس علماء شیعہ پاکستان صوبہ سندھ کے ضلع کورنگی میں علماء کرام کا اجلاس منعقد ہوا جس میں کثیر تعداد میں علماء نے شرکت کی، صوبائی صدر علامہ عبداللہ مطھری نے اس موقع پر مجلس علماء شیعہ پاکستان صوبہ کے آئین و دستور پر تفصیلی طور پر ضلع کورنگی کے علماء سے گفتگو کی جس کے بعد ضلعی صدر کا انتخاب ہوا۔
اکثریت رائے سے مولانا یعقوب علی کو ضلعی صدر منتخب کیا گیا اس موقع پر صوبائی نائب صدر مولانا شیخ محمد اسحاق قرائتی، مولانا غلام رضا کھوھارو، مولانا عمران علی دستی، مولانا نثار علی سمائر، اور ایم ڈبلیوایم ڈویژن کراچی کے صدر مولانا محمد صادق جعفری بھی ہمراہ تھے۔
وحدت نیوز(کراچی)مجلس علماء شیعہ پاکستان صوبہ سندھ کے صدر علامہ عبداللہ مطھری کے زیرِ صدارت صوبائی کابینہ کا اہم اجلاس کراچی میں منعقد ہوا، شہدائے پاراچنار کے لیے فاتحہ خوانی کی گئی اس کے بعد صوبائی صدر نے اہم ایجنڈے پر کابینہ سے مشاورت کی۔
علامہ عبداللہ مطھری نے علماء کرام کو درپیش مشکلات اور چیلنجز، سندھ بھر تنظیمی فعالیت، ماہ محرم الحرام سے پہلے کانفرنس و سمینار، منعقد کرنے پر مشاورت کی۔
اجلاس میں صوبائی نائب صدر مولانا شیخ محمد اسحاق قرائتی، تبلیغات سیکریٹری مولانا غلام رضا کھوھارو، جنرل سیکرٹری مولانا عمران علی دستی، رابطہ سیکرٹری مولانا نثار علی سمائر، شریک تھے۔
وحدت نیوز(کراچی)متحدہ قومی موومنٹ پاکستان کی رابطہ کمیٹی کے رکن عبدالحسیب کی وفد کے ہمراہ مجلس وحدت مسلمین کراچی ڈویژن کی قیادت سے بارگاہ فاطمتہ الزہراؑ انچولی سوسائٹی میں ملاقات۔
اس موقع پر ایم ڈبلیوایم کراچی ڈویژن کے صدر علامہ صادق جعفری، پولیٹیکل سیکریٹری علامہ مبشر حسن اور سیکریٹری امور عزاداری رضی حیدر رضوی، نائب صدر میر تقی ظفر، ڈویژنل پولیٹیکل کونسل کے اراکین میثم عابدی اور فرحت عباس رضوی بھی موجود تھے۔
ایم کیوایم پاکستان کےوفد نےملاقات کے دوران مردی شماری پر تحفظات کے حوالے سے منعقدہ آل پارٹیز کانفرنس میں شرکت کا دعوت نامہ پیش کیا ، اس موقع پر شہر کی موجودہ سیاسی صورتحال اوردیگر امور پر بھی تبادلہ خیال کیا گیا۔
وحدت نیوز(اسلام آباد)مجلس وحدت مسلمین پاکستان عزاداری ونگ کے مرکزی مسئول ملک اقرار حسین علوی نے وسطی پنجاب کے لیے سابقہ صوبائی ڈپٹی سیکرٹری جنرل اور سنئیر صوبائی رہنما ڈاکٹر افتخار حسین نقوی صاحب کو صوبہ وسطی پنجاب کے عزاداری ونگ کے لیے صوبائی صدر نامزد کیا ہے۔
مرکزی مسئول عزاداری ونگ ملک اقرار حسین علوی نے اس امید کا اظہار کیا ہے کہ ڈاکٹر افتخار حسین نقوی الہی ذمہ داری کو باطریق احسن نبھائے میں اپنا بھرپور کردار ادا کرنے میں کوئی کسر اٹھا نہیں رکھیں گے اور عزاداری سید الشہداء حضرت امام حسین علیہ السلام کے لیے آپ اپنی خدمات بہترین انداز میں انجام دیں گے، اس عہدے کے لئے آپ کا انتخاب ایک بہترین اور مؤثر اثاثہ ہو گا۔ ان شاءاللہ
وحدت نیوز(پاراچنار)مجلس وحدت مسلمین خیبر پختونخوا کے صوبائی صدر علامہ جہانزیب علی جعفری، جنرل سیکرٹری شبیر حسین ساجدی، ضلع پارہ چنار کے صدر و تحصیل چیئرمین آغا مزمل حسین فصیح کی وفد کے ہمراہ خانوادگان شہدائے تری مینگل کے لواحقین سے ملاقات، شہداء کی بلندی درجات کے لئے دعا اور تعزیت کی۔
اس موقع پر انہوں نے قائد وحدت چیرمین علامہ راجہ ناصر عباس جعفری کی جانب سے شہداء کے ورثاء کو تعزیتی پیغام پہنچایا اور کہا کہ مشکل اس گھڑی میں ہر قدم پر آپ کی حمایت کرتے ہیں اور ساتھ کھڑے ہیں۔صوبائی صدر نے علاقے کے معززین سے بھی ملاقاتیں کیں اور آئندہ کے لائحہ عمل پر مشاورت کی، علامہ جہانزیب علی جعفری نے امام جمعہ پارہ چنار علامہ فدا حسین مظاہری دیگر اہم شخصیات سے بھی ملاقات سمیت موجودہ صورتحال پر تفصیلی تبادلہ خیال کیا۔
اس موقع پر گفتگو کرتے ہوئے انہوں نے کہا کہ پارہ چنار کے عوام امن و وحدت کے ساتھ رہنا چاہتے ہیں لیکن وہ بے دردی سے شہید ہونے والے اساتذہ کے قاتلوں کو جلد از جلد قانون کے شکنجے میں جکڑا دیکھنا چاہتے ہیں، ہم کسی بھی انسان کے ساتھ ظلم وزیادتی برداشت نہیں کر سکتے چاہے اس کا تعلق کسی بھی مذہب و مسلک سے ہو اور نہ ہی کسی ایسے جرم میں ملوث شخص کی حمایت کرتے ہیں، یہ اساتذہ مسلکی پہچان کے ساتھ ساتھ ریاست کے ملازمین بھی تھے جس پر ریاستی خاموشی افسوس ناک ہے، نامعلوم افراد کے خلاف درج کی گئی ایف آئی آر کو مسترد کرتے ہوئے ہمارا ارباب اختیار سے مطالبہ ہے کہ وہ اس واقعے کی شفاف اور آزادانہ طور پر تحقیقات کرتے ہوئے ملوث دہشت گردوں کو گرفتار کر کے انہیں کیفرِ کردار تک پہنچانے میں کوئی کسر اٹھا نہ رکھی جائے۔ تاکہ ضلع کرم پارہ چنار میں بدامنی پھیلانے والوں کے ناپاک عزائم کو خاک میں ملایا جا سکے۔
وحدت نیوز(مانٹرنگ ڈیسک)ظلم وبربیت اور شیعہ نسل کشی کے خلاف صدائے احتجاج بلند کرنا جرم بن گیا، سانحہ تری مینگل پاراچنار میں 7 بے گناہ اساتذہ اور مزدوروں کی مسلکی شناخت کے بعدبہیمانہ قتل عام پر احتجاجی کرنے کی پاداش میں ریاستی اداروں نے قاتلوں کے خلاف مقدمہ درج کرنے کے بجائے مجلس وحدت مسلمین پاکستان کے قائدین سمیت 200 افراد کےخلاف مقدمہ درج کردیا۔
تفصیلات کے مطابق پاراچنار میں تری مینگل کے تکفیری وہابی د ہشت گرد وں کے ہاتھوں 7 شیعہ اساتذہ کے بہیما نہ قتل و سفا کیت کے خلاف مجلس وحدت مسلمین اسلام آباد و اہلیانِ پاراچنار کی جانب سے اسلام آباد پریس کلب کے سامنے احتجاجی ریلی نکالنے پر MWM کے قائدین کے خلاف وفاقی دارالحکومت اسلام آباد کی پولیس کی مدعیت میں ایف آئی۔آر درج کردی گئی۔
ایف آئی۔آر میں رکن شوریٰ عالی علامہ سید حسنین عباس گردیزی، مرکزی سیاسی کونسل کے رکن و سابق صدر اسلام اباد ظہیر عباس نقوی، موجودہ ضلعی صدر برادر اسد اللہ اور راہنما اہلیانِ پاراچنار سید شیرازی کے نام درج کیے گئےجبکہ 200 افراد کو شامل کیا گیا ہے۔
حیرت انگیز بات ہے کہ علامہ حسنین عباس گردیزی اس احتجاجی ریلی میں شریک ہی نہیں تھے، بس ریاستی اداروں نے ایف آئی آر کا پیٹ بھرنے کیلئے ان کا نام ڈال دیا۔
قابلِ افسوس بات یہ ہے کہ ابھی تک اس سانحہ کی نا کوئی ایف آئی آر درج کی گئی نا کوئی گرفتاری یا آپریشن کیا گیا لیکن اس ظلم و بربریت کے خلاف احتجاج پر ایف آئی آر درج کر دی گئی ریاست کے یہی رویئےان سے متعلق شکوک و شبہات کو تقویت پہنچاتے اور ان کے کردار کو مشکوک و زیر سوال لاتے ہیں۔
