وحدت نیوز(لاہور) وطن عزیز پاکستان کو آج بیرونی خطرات سے زیادہ اندرونی خطرات کا سامنا ہے۔ غیر ملکی دشمن قوتیں اپنے ایجنٹوں کا دائرہ وسیع کرکے ملکی مفاد کو نقصان پہنچانے میں کوئی موقع ہاتھ سے جانے نہیں دے رہے۔ ہمارے حکمران جو اس بحرانی دور سے نبرد آزمار ہونے کے قابل ہی نہیں ان کی نا اہلی سے استعماری طاقتیں اپنے مذموم مقاصد کے حصول کیلئے سرگرم ہیں۔ سانحہ راولپنڈی اسی سلسلے کی ایک کڑی ہے۔بے گناہوں کی بلا جواز گرفتاریاں حکومتی بوکھلاہٹ ظاہر کر رہی ہیں ، انتظامیہ نے چار دیواری کے تقدس کی پامالی کا سلسلہ بند نہ کیا تو وزیر اعلیٰ ہا ؤس کے تقدس کی بھی گارنٹی نہیں دے سکتے ،ان خیالات کا اظہار علامہ عبدالخالق اسدی سیکرٹری جنرل مجلس وحدت مسلمین پنجاب نے دیگر رہنماوُں،علامہ ابوذر مہدوی،علامہ امتیاز کاظمی،علامہ غلام عباس یزدانی ،علامہ حسن رضا ھمدانی کے ہمراہ لاہور صوبائی سیکرٹریٹ مجلس وحدت مسلمین پنجاب میں پریس کانفرنس سے خطاب کرتے ہوئے کیا۔

علامہ اسدی کا کہنا تھا کہ سانحہ راولپنڈی کے حقائق پر پردہ ڈالنے اور شر پسندوں کو تحفظ دینے کیلئے پنجاب حکومت اور وفاق یکطرفہ کاروائیوں میں مصروف ہے۔وفاقی وزیرِ داخلہ اوروزیرِ قانون پنجاب کے شرپسندوں سے خفیہ ملاقاتیں اور ملت جعفریہ کے بے گناہ 300سے زائد نوجوانوں کی گرفتاری اس بات کی دلیل ہے کہ اس سانحے میں پہلے سے طے شدہ سازش کے تحت ملتِ جعفریہ کے حقوق پر ڈاکہ ڈالنا اور ہمیں سیاسی انتقام کا نشانہ بنانا ہے۔

اُن کا کہنا تھا کہ راولپنڈی میں پنجاب پولیس اخلاقی اور قانونی حدوں کو پار کررہی ہے۔ شیعہ گھروں پر اب یہ معلوم نہیں ہوتا کہ پنجاب پولیس چھاپہ مار رہی ہے یا کوئی ڈاکو لوٹنے آیا ہے۔ راولپنڈی پولیس چھاپے کی آڑ میں گھروں سے نقدی، قیمتی سامان، زیورات، موبائل فون اور دیگر قیمتی الیکٹرانک اشیاء لوٹ کر لے جاتے ہیں۔ خواتین کی بے حرمتی ، چادر اور چاردیواری کے تقدس پامال کئے جارہے ہیں آخر ہمیں حکومت یہ بتائے کہ بے گناہوں سے ان کی کیا دشمنی ہے ان کا جرم یہ ہے کہ یہ ایک خاص مکتبہ فکرسے تعلق رکھتے ہیں؟ سانحہ راوالپنڈی شرپسندوں کے اپنے طے شدہ پروگرام کے تحت کئے گئے اور اس کا مرکزی کردار مولوی اشرف علی اب بھی آزاد پھر رہا ہے ۔

پاکستان ہمارے آباؤ اجدادجو شیعہ اور سنی تھے نے مل کر بنایا تھا اور وہ لوگ جو قائدِ اعظم کو کافر اعظم کہتے تھے آج اس ملک کے ٹھیکیدار بنے بیٹھے ہیں۔ یہاں دہشتگردوں کیخلاف بیان دیتے ہوئے حکومتی وزراء کہتے ہیں کہ ہم طالبان کیخلاف اس لئے نہیں بولتے کہیں ان کی دل آزاری نہ ہو جائے۔ اور محب وطن عوام کو ایک طرف چن چن کر ٹارگٹ کلنگ کا نشانہ بنا رہے ہیں تو دوسری طرف قاتلوں سے ساز باز کرکے حکومت وقت ان کو پابند سلاسل کررہی ہے۔ ملت جعفریہ کے خلاف ایسے اقدامات ملکی مفاد میں نہیں ۔ ہمارے صبر کا امتحان نہ لیا جائے۔ پنجاب حکومت ہمیں ہمارے قاتلوں کے بارے میں بتائے کہ انہی کے دور میں ملت جعفریہ کے شہداء جو ٹارگٹ کلنگ کا نشانہ بنے ان کے کیسز میں اب تک پیش رفت کیوں نہیں ہوئی؟

اس موقع پر علامہ ابوذر مہدوی مرکزی رہنما مجلس وحدت مسلمین نے بھی پریس کانفرنس سے خطاب کیا اُن کا کہنا تھاسانحہ ڈھوک سیداں میں جو پچھلے سال محرم ہی کے مہینے میں پیش آیا تھا اُن 50شہداء کے کیسز کو کیوں داخل دفتر کیا گیا۔ راولپنڈی میں لاپتہ 300افراد کو نہ تو کسی عدالت کے سامنے پیش کیا گیا ہے نہ ہی تھانوں میں ان سے متعلق معلومات ہیں۔ گلگت بلتستان کے سینکڑوں معصوم طلباء غائب ہیں نہ تو ان کا پتہ گھر والوں کو ہے نہ کالج اور ہوسٹل والوں کو۔ آخر گلگت بلتستان کے لوگوں کو 62سالہ محرومیوں کا تحفہ کافی نہیں تھا ؟جو ان کے معماروں کو بھی یہ سز ا دی جارہی ہے کہ آپ کے آباؤاجداد اور آپ لوگوں نے پاکستان سے وفا کیوں کی؟سانحہ راولپنڈی میں نذرِآتش ہونے والے 7امام بارگاہ ومساجد کے ملزمان دوسرے دن ہی رہا کردئیے گئے۔ اسی طرح چشتیاں میں دہشتگرد شیعہ مساجد و امام بارگاہ اور مارکیٹوں کو جلانے کے بعد اب تک وہی دہشتگرد الٹا شیعہ افراد کو دھمکیاں دے رہے ہیں۔ پولیس اور دہشتگرد مل کر شیعہ افراد کو ہراساں کرنے اور جان سے مارنے کی دھمکیاں دینے میں مصروف ہے۔ ایسے حالات میں اب ہم خاموش نہیں رہ سکتے۔اسی صورت حال کو مد نظر رکھتے ہوئے آل شیعہ پارٹیز کانفرنس بروز جمعہ6دسمبر کو طلب کر لیا ہے جس کے بعد ملک گیر مظاہروں سمیت دیگر لائحہ عمل کا اعلان کریں گے۔

وحدت نیوز(کوئٹہ) مجلس وحدت مسلمین کے زیر اہتمام علمدار روڈ میں بلدیاتی انتخابات کے سلسلے میں ایک عظیم الشان عوامی جلسے کا انعقاد ہوا جس میں ہزاروں کی تعداد میں مرد و خواتین نے شرکت کی۔ جلسے سے خطاب کرتے ہوئے مجلس وحدت مسلمین کے مرکزی سیکریڑی جنرل علامہ راجہ ناصر عباس جعفری نے  کہا کہ الحمداللہ جس مقصد کے لیے مجلس وحدت مسلمین وجود میں آیا ہے بڑی تیزی کے ساتھ اپنے مقاصد اور اہداف کی راہ پر گامزن ہے جس میں سرفہرست اتحاد اُمت مسلمہ ہے اور یہ پیش رفت ہماری سب سے بڑی کامیابی ہیں ۔ اُنھوں نے کہا کہ ملکی تاریخ میں جس طرح شیعہ و سنی اتحاد کا گلگت میں بے نظیر مظاہرہ ہوا وہ انشااللہ اتحاد ، اُمت، ملکی بقا و سلامتی اور وطن عزیز کو استکباری قوتوں سے نجات کے لیے ایک سنگ میل ثابت ہوگی۔ جس طرح عرصہ دراز سے اقتدار کے بھوکوں نے اس ملک کو اور اسکے عوام کی حق خودارادیت کو بیچ ڈالا اب ہم شیعہ سنی اتحاد کے ساتھ اس ملک کو آزاد کرینگے۔ مگر افسوس کے ساتھ کہنا پڑھ رہا ہے کہ شیطانی قوتوں اور اسلام دشمن عناصر سے جو امریکی اور اسرائیلی ٹکڑوں پر پلتے ہیں دیکھی نہ گئی اور اس اتحاد کے خشت اول ہے کو نشانہ بنایا گیا اور عاشور کے دن ایک منظم سازش کے تحت راولپنڈی کا واقع کرایا گیا اور اسی فساد کو پورے ملک میں پھیلانے کی کوشش کی گئی مگر ایوانوں میں بیٹھے بد مستوں نے صرف تماشا کیا مگر جس انداز سے باشعور اُمت نے اس سازش کا مقابلہ کیا وہ خوش آئند ہے۔

 اُنھوں نے کہا کہ آنے والے بلدیاتی انتخابات میں انشااللہ لوگ ہم پر اپنے بھرپور اعتماد کا اظہار کرینگے کیونکہ ہمارا مقصد عوام کی بے لوث خدمت اور اُنکے حقوق اُن تک پہنچانا ہے ۔ وگرنہ اقتدار و منصب ہمارے ٹھوکر پر ہے ہم جیتے یا ہارے ہم کامیاب ہیں۔ کیونکہ ہمارا مرکز و محور خدا اور دین خدا ہیں۔جلسے سے خطاب کرتے ہوئے دیگر مقررین جن میں( ایم پی اے) سید محمد رضا ، رکن شوریٰ عالیٰ علامہ سید ہاشم موسوی، ڈویژنل جنرل سیکریڑی سید عباس شاہ اور مختلف حلقوں کے نامزد اُمیدواران نے کہا کہ بلدیاتی انتخابات میں ہماری شرکت کا مقصد عوام کی فلاح و بہبود اور عوامی مسائل کا اُنکی دہلیز پر حل کرنا ہے ہم کھوکھلے دعووں اور نعروں کے بجائے عوامی خدمت پر یقین رکھتے ہیں ۔ ہماری کوششوں کا ہدف اور محور رضائے الہیٰ ہیں ہمارے لیے اقتدار میں آنا نہ آنا برابر ہیں یہی وجہ ہے کہ ہم ہمیشہ ایک مثبت سوچ اور فکر کے ساتھ میدانوں میں قدم رکھتے ہیں۔ اُنھوں نے مزید کہا کہ بلدیاتی انتخابات میں ہماری ترجیحات بین المذاہب ہم آہنگی کے ساتھ دہشگردی کا خاتمہ ، تعلیم و تربیت اور تعلیمی اداروں کا قیام، پانی،بجلی، گیس کے مسائل کا حل، ترقیاتی کاموں کی توسیع اور نادرا کے ناروا رویے کی چارہ جوئی ہیں۔ بلند و بالا دعوؤں کے بجائے بس ہم اتنا کہتے ہیں کہ انشااللہ عوام کا ایک ایک روپیہ عوام کے اُوپر خرچ ہوگا۔ اجلاس کے آخر میں مختلف حلقوں کے اکابرین نے ایم ڈبلیو ایم کے نامزد اُمیدواروں کے ساتھ اپنی حمایت کا اعلان کیا۔

وحدت نیوز(لاہور) مجلس وحدت مسلمین پنجاب کے صوبائی و لاہور ضلعی کابینہ کا مشترکہ اجلاس صوبائی سیکرٹریٹ مسلم ٹاؤن لاہور میں منعقد ہوا۔ جس میں صوبائی و ضلع لاہور کے تمام اراکینِ کابینہ شریک ہوئے۔ اجلاس کی صدارت صوبائی سیکرٹری جنرل علامہ عبدالخالق اسدی نے کی اجلاس سے خطاب کرتے ہوئے علامہ عبدالخالق اسدی نے کہا کہ پنجاب حکومت صوبے بھر میں عزاداری کے جلوسوں اور مجالس میں مسلسل رکاوٹیں کھڑی کر رہی ہے، صوبے بھر سے ہمارے کرائسس مینجمنٹ سیل میں اس حوالے سے سینکڑوں شکایتیں موصول ہو رہی ہیں، راولپنڈی میں یکطرفہ کارروائی جاری ہے، چادر اور چاردیواری کے تقدس کو پامال کیا جا رہا ہے۔ انہوں نے کہا کہ شیعہ مسلمہ عقائد پر قدغن لگانے کیلئے درباری ایک بار پھر متحرک ہو چکے ہیں، ایک خاص اور اقلیتی مکتبِ فکر کے نظریات کو مکتبِ بریلوی و مکتبِ جعفریہ پر مسلط کرنے کی منظم سازش ہو رہی ہے۔

 
انہوں نے کہا کہ وفاقی وزیرِ داخلہ اور صوبائی وزیرِ قانون کے سانحہ راولپنڈی جوڈیشل کمیشن پر اثر انداز ہونے کی کوششوں کی بھرپور مذمت اور راولپنڈی، ملتان، چشتیاں میں مساجد امام بارگاہوں پر حملے کرنے اور نذرِ آتش کرنے والے شرپسندوں کی فوری گرفتاری کا بھی مطالبہ کیا گیا۔ اجلاس میں روز بروز بڑھتی ہوئی مہنگائی اور بجلی کے نرخوں میں اضافہ کو غریب کش اقدام قرار دیتے ہوئے مسترد کر دیا۔ اجلاس میں قومی اداروں کی نجی کاری کو عوام دشمن سوچ قرار دیتے ہوئے ایسے ظالمانہ نظام کیخلاف اٹھنے والی ہر آواز کی مکمل حمایت کا اعلان کیا۔ اجلاس میں ڈرون حملوں کو ملکی سالمیت پر حملہ اور دہشت گردوں کیخلاف فوری ریاستی طاقت کے ساتھ آپریشن کا مطالبہ بھی کیا۔ اجلاس میں مطالبہ کیا گیا کہ توانائی کے بحران پر قابو پانے کیلئے پاک ایران گیس پائپ لائن منصوبے پر فوری عملدرآمد کیا جائے۔

وحدت نیوز(کراچی) سا نحہ راولپنڈی ایک عا لمی سا زش کا حصہ ہے جو انتہا ئی خطر نا ک منصو بہ بندی کا نتیجہ تھا جس میں دہشت گر دوں کی معا و نت مقا می قا نون نا فذ کر نے والے ادا روں نے کی اور بعد ازاں اس دہشت گردی کا فا ئدہ اُٹھا نے والی والی قوتیں میدان میں نکل آئیں اور دہشت گردوں کو بچا نے کیلئے عزا داری اور میلا د کے جلو سوں پر پا بندی کا مطا لبہ کر نے لگیں۔سا نحہ راولپنڈی ہر لحاظ سے قابل مذمت ہے لیکن اس سا زش کا مکمل طور پر احا طہ کرنے سے پتہ چلتا ہے کہ اُس روز صر ف ایک مسجد نہیں بلکہ آٹھ(8) مسا جد اور اما م بار گا ہوں کو نشا نہ بنایا گیا اور رد عمل کے نا م پر ہزاروں قرآن جلا دےئے گئے جبکہ کوہا ٹ ،ہنگو، راولپنڈی، چشتیاں اور ملتان میں اربوں روپے مالیت کی املا ک جلا دی گئیں جبکہ فر قہ وارانہ فسا دات کر نے کی سا زش بھی کی گئی جس میں چار مومنین کو شہید کیا گیا تین دن بعد انچولی میں دو بم دھماکے کرکے آٹھ(8)بے گناہ افراد کی جا ن لی گئی اور گزشتہ دنوں کر اچی میں بر بریت کی انتہا کر تے ہو ئے ایک مسلمان کو قتل کر کے اُسکی کٹی گردن پُل پر لٹکا کے اس مکروہ عمل کو سا نحہ راولپنڈی کا بدلہ قرار دیا گیا ۔دو بھائیوں کو کل کراچی میں شہید کیا گیا ہے۔مجلس وحدت مسلمین پاکستان کےمختلف حلقوں سے بلدیاتی الیکشن میں بھر پور کردار ادا کرے گی، ان خیالات کا اظہار مجلس وحدت مسلمین پاکستان کے مرکزی سیکریٹری امور سیاسیات ناصرعباس شیرازی ایڈووکیٹ نے کراچی پریس کلب میں نیوز کانفرنس کر تے ہو ئے کیا ، اس موقع پر مرکزی رہنما علامہ احمد اقبال رضوی ، صوبائی رہنما عبد اللہ مطہری اور ڈویژنل رہنما علی حسین نقوی بھی موجود تھے۔

 ان کا کہنا تھا کہ سا نحہ ر اولپنڈی پر بنا ئے جا نے والے کمیشن نے تا حال محض ایک مسجد کا دورہ کیا ، صرف ایک طرف کی گرفتا ریاں ہو ئی ہیں، صرف ایک فریق کے لو گوں سے حکو مت وقت نے ملا قا تیں اور مذا کرات کئے ہیں اور صوبائی وزیر قا نو ن و وفا قی وزیر دا خلہ نے وا ضح طور پرعدالتی کمیشن ، فیکٹ فا ئنڈنگ کمیٹی اور را ئے عامہ پر یک طر فہ طور پرا ثرانداز ہو نے کی کو شش کی ہے جس نے حا لا ت کو مزیدبگا ڑ دیا ہے اور تا حال تعمیر نو کیلئے ایک مسجد کے علا وہ کسی مسجد اور ما ر کیٹ کا تخمینہ نہیں لگایا گیا ہے۔چو ہدری نثا ر علی نے اپنے تا زہ بیان میں نئے سی سی پی او راولپنڈی لالیکا کو حقا ئق بیان کرنے پر سخت تنقید کا نشا نہ بنا یا ہے جس سے حکو مت کی طا لبان نوازی اور جا نب داریت کھل کر سا منے آگئی ہے۔مجلس وحدت مسلمین پا کستان اس صو رت حا ل کو انتہا ئی تشویش کی نگا ہ سے دیکھتی ہے اور سمجھتی ہے کہ ہما رے تعا ون کے با وجو د مو جو دہ حکو مت اور جو ڈیشل کمیشن آزادانہ فیصلہ دینے کی پو زیشن میں نہیں ہیں لہذا ہم مطا لبہ کر تے ہیں کہ فوری طور پر اس سا نحہ اور اسکے بعد کے تما معاملا ت کی زمہ دار ی قبول کر تے ہو ئے وفا قی وزیر داخلہ چوہدری نثار علی اور صو بہ پنجا ب کے وزیر قا نو ن رانا ثنا ء اللہ فوری استعفیٰ دیں۔ بصورت دیگر انہیں بر طرف کیا جا ئے جبکہ سپریم کو رٹ کے فل بینچ کی سر بر اہی میں جو ڈیشل کمیشن قا ئم کیا جا ئے جو اس واقعے کو اُس تما م سا زش کے تنا ظر میں بے نقا ب کر کے ذمہ داران کوقرار واقعی سزا دے سکے۔

ان کا مذید کہنا تھا کہ  طا لبان نواز سیاسی جما عتوں کے دبا ؤ میں آکر وفاقی اور صو با ئی حکومت نے جو یک طر فہ کا رروائیاں اور بے گنا ہ افراد کی گرفتاریاں کی ہیں ، چادر اورچا ردیواری کا تقدس پائمال کیا ہے یہ سلسلہ فو ری طور پر ختم کیا جائے اور بے گناہ افراد کو رہا کیا جا ئے ۔ گلگت بلتستان اور پارا چنار کے لو گوں کو نشانہ بنانے کا سلسلہ ختم کیا جائے بہ صو رت دیگر مجلس وحدت مسلمین اپنی اتحادی تمام مکاتب فکر کی جما عتوں کے ساتھ ملکر عوامی طاقت کے ذریعے تکفیری قو توں کا راستہ روکے گی۔

بلدیاتی انتخابات کے حوالے سے ان کا کہنا تھا کہ مجلس وحدت مسلمین بلدیاتی الیکشن میں پورے ملک سے بھر پور حصہ لے رہی ہے اور ہم فکر گروہوں اور جما عتوں سے ملکر انشاء اللہ تبدیلی کی بنیاد رکھے گی اور وطن عزیز میں مثبت قو توں اور حقیقی قیادت کو پر وان چڑھائے گی۔ ہما را مطالبہ ہے کہ الیکشن کمیشن کالعدم تنظیموں کو نا م بدل کر فعال ہو نے سے روکے ۔ اس کے علاوہ ہم یہ سمجھتے ہیں کہ مو جو دہ الیکشن کمیشن متنا زعہ ہے اور سا بقہ الیکشن کے تنا ظر میں اسکی از سر نو تشکیل کر کے نئی ٹیم کے زیر نگر انی انتخا با ت کر ائے جا ئیں۔

انہوں نے دہشت گردی کے خلاف محاذ کا تذکرہ کر تے ہو ئے کہا کہ ہم نے وطن عزیز کو محفوظ بنا نے کیلئے الائنس آف پیڑیاٹ کی بنیا د رکھ دی ہے جو وطن بچا نے کا غیر سیا سی الا ئنس ہو گا جسمیں شخصیات اور جما عتیں شر کت کر سکتی ہیں بائیس 22 نما ئندہ اہل سُنت کے جما عتوں کی سر براہ جما عت سُنی اتحاد کو نسل اور سینیٹر سید فیصل رضا عا بدی اس الائنس کے ممبر بن چکے ہیں جبکہ آئندہ چند روز میں اہم شخصیات اور جما عتیں اسکا حصہ بنیں گی۔پاکستان میں دہشت گر دی کا سب سے زیادہ نقصان ہمیں ہوا ہے۔ دہشت گردوں کے خلاف جنگ میں ہم بھی اورشہدا ءکے لواحقین بھی فریق ہیں۔ لہٰذا دہشت گردوں کے بارے میں کوئی بھی پالیسی بنانے کے عمل میں ہمیں بھی شریک کیا جائے۔ دہشت گردوں کے خلاف قائم کئے جانے والے فورم وائس آف مارٹرزیعنی شہداء کی آواز کی ہم مکمل حمایت کرتے ہیں۔کراچی میں روزانہ کی بنیاد پر شیعہ مسلمانوں کوخاص طور پر ہدف بنا کر قتل کیا جاتا ہے۔ٹارگٹڈ آپریشن کے باوجود بے گناہ شہریوں کا قتل عام حکومت کی ناکامی کا ثبوت ہے۔ کراچی کو اسلحہ سے پاک کیا جانا چاہئے لیکن کالعدم دہشت گرد گروہ کے خلاف بھی موثر آپریشن ہونا چاہئے۔