The Latest
وحدت نیوز( ڈکھن)وحدت یوتھ ونگ ڈویژن لاڑکانہ کے جنرل سیکرٹری مستنصر مہدی کی وفد کے ہمراہ یونین کاؤنسل ڈکھن کے چئیرمین شعیب محمود سیال سے ماہ محرم الحرام کے صفائی ستھرائی کے انتظامات بابت ملاقات، اس موقع پر یوتھ سیکرٹری جنرل مستنصر مہدی ابڑو نے گفتگو کرتے ہوئے کہا کہ یونین کاؤنسل میں منعقد ہونے والی مجالس عزا و عزاداری روٹس پر صفائی ستھرائی اور لائیٹنگ کے انتظامات کو مکمل کروانے کی عنایت فرمائیں گے۔
یونین کاؤنسل چئرمين شعیب محمود سیال نے یقین دلایا کہ ہم پوری یونین کاؤنسل میں ہونے والی مجالس عزا و عزاداری روٹس پر صفائی ستھرائی اور لائیٹنگ کل تک کروا دیں گے اس موقع پر وائیس چئرمين بہادر علی ابڑو، مجلس وحدت مسلمین تحصیل گڑھی یاسین کے جنرل سیکرٹری حسنين عباس جوادی،یاسر عباس ابڑو بھی ہمراہ تھے۔
وحدت نیوز(جامکے چٹھہ) مجلس وحدت مسلمین شعبہ خواتین کی مرکزی آفس سیکرٹری محترمہ بینا شاہ اور صدر ایم ڈبلیو ایم شعبہ خواتین ضلع اسلام آباد محترمہ صدیقہ کائنات نے وزیر آباد کے علاقے جامکے چٹھہ میں یونٹ سازی کی محترمہ نگین زہرا کو یونٹ جامکے چٹھہ وزیر آباد کا صدر منتخب کیا گیا اور کابینہ تشکیل دی گئی اس موقع پر محترمہ بینا شاہ نے تمام یونٹ عہدیداران سے حلف لیا اور محترمہ صدیقہ کائنات نے تنظیم کے اغراض مقاصد سے آگاہ کیا۔
وحدت نیوز(گڑھی یاسین) وحدت یوتھ ونگ ڈویژن لاڑکانہ کے جنرل سیکرٹری مستنصر مہدی ابڑوکی وفد کے ہمراہ ٹاؤن کمیٹی گڑھی یاسین کےنو منتخب چیئرمین آغا شجاع خان درانی سے ملاقات کی، مستنصر مہدی ابڑو نے گفتگو کرتے ہوئے کہا کہ آپ کو ٹاؤن کمیٹی چیئرمین منتخب ہونے پر اور حج کی سعادت حاصل کرنے پر مبارکباد پیش کرتا ہوں۔
مزید ماہ محرم الحرام کے دوران صفائی ستھرائی اور لائیٹنگ کے انتظامات کے حوالے سے بات چیت ہوئی جبکہ اس موقع پر ٹاؤن کمیٹی چیئرمین آغا شجاع خان درانی نے گفتگو کرتے ہوئے کہا کہ ہم سٹی گڑھی یاسین میں ہونے والی مجالس عزا و عزاداری روٹس پر صفائی ستھرائی لائیٹنگ کے انتظامات کو مکمل کروائیں گے۔
جبکہ اس موقع پر ٹاؤن آفیسر گڑھی یاسین دلشاد علی شیخ نے کہا کہ ہم ہر ممکن کوشش کریں گے کہیں سے بھی آپ کو شکایت ہونے نہیں دیں گے، جبکہ وفد میں مجلس وحدت مسلمین تحصیل گڑھی یاسین کے جنرل سیکرٹری حسنين عباس جوادی، ناصر عباس بیہن بھی ہمراہ تھے۔
وحدت نیوز(شکارپور)ماہ محرم الحرام میں مجالس عزا و عزاداری روٹس پر کراس کے ریئرس کا کام اور صفائی ستھرائی،لائیٹنگ کے انتظامات کے حوالے سے وحدت یوتھ ونگ ڈویژن لاڑکانہ کے جنرل سیکرٹری مستنصر مہدی ابڑو وفد کے ہمراہ پاکستان پیپلز پارٹی کے منتخب ڈسٹرکٹ چیئرمین شکارپور سردار ذوالفقار علی کماریو سے ملاقات کی تحصیل گڑھی یاسین میں منعقد ہونے والی مجالس عزا و عزاداری جلوسوں کا شیڈول اور درپیش مسائل کو تحریری طور پر لیٹر دیا ۔
اس موقع پر ذوالفقار علی خان کماریو نے کہا کہ ماہ محرم الحرام تمام یوسیز کے چئیرمین صفائی ستھرائی اور لائیٹنگ کے انتظامات کو بہتر بنائیں گے جبکہ اس موقع پر صدر مجلس وحدت مسلمین تحصیل گڑھی یاسین سید نوید علی شاہ نقوی، جنرل سیکرٹری حسنين عباس جوادی، ناصر عباس بیہن، لکھمیر سومرو، سید وحید علی شاہ نقوی بھی ہمراہ تھے۔
وحدت نیوز(کراچی)مجلس وحدت مسلمین شعبہ خواتین کی جانب سے نارتھ کراچی کالا اسکول جامع مسجد جعفریہ امامبارگاہ میں جشن عید مباہلہ کا انعقاد ہوا جس سے سابقہ مرکزی ڈپٹی سیکرٹری جنرل ایم ڈبلیو ایم شعبہ خواتین محترمہ ام البنین نے خطاب کیا۔
اس موقع پر محترمہ سلمی اور محترمہ معصومہ ممتاز نے جشن میں شریک بچوں سے سوالات پوچھے اور ان کی حوصلہ افزائی کے لیے انعامات تقسیم کیے جشن کا اختتام دعائے امام زمانہ عج سے کیا گیا۔
وحدت نیوز(لاہور)مجلس وحدت مسلمین شعبہ خواتین کی مرکزی صدر سیدہ معصومہ نقوی نے پاراچنار کی موجودہ صورتحال پر تشویش کا اظہار کرتے ہوئے کہا کہ پاراچنار میں جاری فسادات کی شدید مذمت کرتے ہیں یہ خطہ بھی پاکستان کا ایک حصہ ہے جسے ہمیشہ کی طرح ایک بار پھر نظرانداز کیا جا رہا ہے حکومتی اداروں کو احساس ذمہ داری کا ثبوت دینا چاہیے ۔
انہوں نے کہا غیر ملکی طالبان اور دہشت گرد خطے میں ہیوی اسلحے کے ساتھ حملے کر رہے ہیں جس سے قتل و غارت کا سا ماحول جنم لے رہا ہے اس سنگین صورتحال میں ہمارے ادارے کیوں غفلت کا شکار ہیں ہم پاک آرمی اور امن و امان بحال کرنے والے اداروں سے مطالبہ کرتے ہیں کہ اس علاقے کے مظلومین جو کہ پر امن اور محب وطن شہری ہیں ان کی جان و مال کو تحفظ فراہم کیا جائے اور ارض پاک کےدشمنوں کو آڑے ہاتھوں لیا جائے۔
ان کا مزید کہنا تھا کہ اگر حکومت بروقت اقدام نہیں کرتی اور اس پارا چنار کے حساس حالات سے کنارہ کشی کرتی ہے تو ہمیں اجازت دی جائے کہ شیعہ قوم مظلومین پاراچنار کے دفاع کے لیے آواز بلند کرے اور رضاکارانہ خدمات پیش کرے
وحدت نیوز(ڈی آئی خان) وحدت یوتھ ونگ پاکستان کے مرکزی صدر علامہ تصور علی مھدی و مرکزی نائب صدر علامہ راجہ مصطفیٰ حیدر جعفری وفد کے ہمراہ ڈویژن ڈیرہ اسماعیل خان تنظیمی دورے پر پہنچے اور ڈویژن محبانِ وطن اجلاس میں شرکت کی، اجلاس میں ڈویژن ڈیرہ اسماعیل خان کے تمام تحصیلوں کے صدور نے شرکت کی ۔
نئے میر کارواں کے لیے اپنے رائے کا اظہار کیا جس میں اکثریت راءِ ووٹ لیکر برادر علی رضا آئندہ ایک سال کے لیے صدر نامزد ہوگئے ڈویژن صدر سے عہدے کا حلف مرکزی صدر علامہ تصور علی مھدی نے لیا جبکہ اس موقع کثیر تعداد میں نوجوان اجلاس میں موجود تھے۔
شرکاء سے گفتگو کرتے ہوئے وحدت یوتھ پاکستان کے مرکزی صدر علامہ تصور علی مہدی نے کہا کہ ماہ محرم الحرام میں ڈویژن و تحصیل سطح پر کم از کم ایک مجلس حضرت علی اکبر کے عنوان سے منعقد کریں۔
مرکزی نائب صدر وحدت یوتھ پاکستان علامہ راجہ مصطفیٰ حیدر جعفری نے کہا کہ کہ نوجوانوں کو وحدت یوتھ میں شمولیت کی دعوت دیں، ڈویژن سطح پر نوجوانوں کے لئے تربیتی ورکشاپ کا انعقاد ضرور کریں۔
وحدت نیوز(لاہور)وحدت یوتھ ونگ پاکستان کے مرکزی صدر علامہ تصور علی مھدی نے آج آن لائن ڈویژنل صدور کے ساتھ پہلی میٹنگ رکھی میٹنگ کا آغا تلاوت کلام الہیٰ سے کیا گیا اور دوسری نشست تعارفی رکھی گئی، میٹنگ میں ڈویژنل صدور نے آن لائن ویڈیو لنک کے ذریعے شرکت کی۔
اس موقع پر مرکزی صدر علامہ تصور علی مھدی نے گفتگو کرتے ہوئے کہا کہ ماہ محرم الحرام میں وحدت یوتھ ونگ کے ممبران اور عہدیداران تین نکات پر توجہ دیں اور اس کی رپورٹ بھی مرکز کو ارسال کریں گے، ماہ محرم الحرام میں یوتھ کی جانب سے کم از کم ایک مجلس عزا کا انعقاد کیا جائے، اور حضرت علی علیہ السلام یوتھ کا آڈیل ہونا چاہیے، دوسری بات محرم الحرام میں وحدت کے جوانان سبیلیں لگائیں، تیسری بات، یوتھ کے جوانان امام بارگاہوں و عزاداری روٹس پر صفائی ستھرائی کے انتظامات و سیکورٹی انتظامات میں بانیان سے تعاون کریں، اور امام زمانہ عج کے سچے سپاہی بنیں عزاداری جلوس کے دوران نماز باجماعت کا اہتمام کریں بانیان سے روابط کو مضبوط بنائیں۔
وحدت نیوز(لاہور)عید غدیر خم کی مناسبت سے مرکزی صدر مجلس وحدت مسلمین شعبہ خواتین سیدہ معصومہ نقوی نے کہا کہ عید غدیر کے پر مسرت موقع پر تمام عالم اسلام اور بالخصوص امام زمانہ عج کی خدمت میں تہنیت و تبریک پیش کرتی ہوں خداوند عالم نے اس دن اپنے دین کو مکمل کیا اور امت رسول اللہ صلی اللہ علیہ وآلہ وسلم پر اپنی نعمتوں کو تمام کیا۔ غدیر اسلام کے ایک اہم ترین مسئلے ولایت اور اسے قبول کرنے کو بیان کرتا ہے مسلمانوں کیلئے رسول اکرم صل اللہ علیہ وآلہ وسلم کے بعد ان کے جانشین کو جاننا بہت اہم موضوع تھا اور خداوند عالم نے عید غدیر خم میں حکم اعلان ولایت امیرالمومنین علی علیہ کے ساتھ ان کیلئے اس مسئلے کو واضح کردیا ۔
انہوں نے کہا کہ غدیر اسلامی ممالک کے لئے بہترین نمونہ عمل ہے، غدیر کے دن پیغمبر اکرم صلی اللہ علیہ و آلہ وسلم نے اسلامی حکومت کی ذمہ داریوں کو بیان کیا ہے کیونکہ حکومت کا مطلب عدالت کا قائم کرنا ہے، اسی وجہ سے پروردگار نے رسول خدا صلی اللہ علیہ و آلہ وسلم کے بعد حضرت علی علیہ السلام کو عدالت کے اجرا کے لئے انتخاب کیا ہے۔
انہوں نے مزید کہا کہ اس دن کو منانا اور اسکے پیغام کو زندہ رکھنا ہم سب کی ذمہ داری ہے آئیے غدیر منائیں، اس کی یاد تازہ کریں، اس دن کا حقیقی مفہوم بتائیں، اس کی یاد میں لوگوں کی خبر گیری کریں، یتیم پروری اور مسکین نوازی کریں، جشن منائیں، لوگوں کی امداد کریں غرباء کا خیال رکھیں، عدل و انصاف کا عملی ثبوت دیں یہ سب کچھ کریں کہ اس دن ان تمام اعمال کا بےانتہا اجر و ثواب ہے لیکن یہ ضرور یاد رہے کہ ہمارے کردار میں مولا علی (ع) کی سیرت جلوہ گر ہو اور ہم زبانی کلامی نہیں بلکہ عملی طور پر غدیری ہوں۔
وحدت نیوز(لاہور) مجلس وحدت مسلمین پاکستان شعبہ خواتین کے زیر اہتمام لاہور میں عید غدیر کے حوالے سے عظیم الشان تقریب کا انعقاد لاہور میں مجلس وحدت مسلمین شعبہ خواتین کے زیر اہتمام عید غدیر کی مناسبت سے آڈیٹوریم سلمان فارسی گلبرگ لاہور میں مرکزی صدر ایم ڈبلیو ایم شعبہ خواتین محترمہ سیدہ معصومہ نقوی کی زیر سرپرستی جشن عید غدیر و جشن بندگی کا انعقاد کیا گیا تقریب میں عمومی شرکت کے علاوہ ضلع لاہور کی تمام تحصیلوں کی صدور و کابینہ و کارکنان نےبھی شرکت کی۔
اس پر رونق تقریب میں مختلف یونٹس کی جانب سے منقبت و قصائد بارگاہ امیرالمومنین ع میں ھدیہ کیے گئے جبکہ ننھی بچیوں نے عید غدیر کی مناسبت سے ٹیبلو پیش کیا ، جشن عید غدیر کے ساتھ ساتھ سن بلوغت کو پہنچنے والی بچیوں کے لیے جشن بندگی کا اہتمام کیا گیا جس میں تمام بچیاں شرعی حجاب کے ساتھ منظم انداز میں اسٹیج پر آئیں انہیں جید علمائے کرام کے ہاتھوں عبا پہنائی گئی۔
اس نورانی محفل میں وائس چئیرمین ایم ڈبلیو ایم مولانا احمد اقبال رضوی ،سنیئر رہنما ایم ڈبلیو ایم مولانا ظہیر الحسن کربلائی اور پرنسپل جامعہ بعثت مولانا حسن مھدی کاظمی صاحب نے بطور مہمان خصوصی شرکت کی مولانا احمد اقبال رضوی اور مولانا حسن مہدی کاظمی صاحب نے تقریب سے خطاب کرتے ہوئے یوم غدیر پر مقصد و ھدف انتخاب امامت و علوی طرز زندگی اور حالات حاضرہ کے موضوع پر بہترین معلومات فراہم کیں ۔
پروگرام کے اختتام پر مرکزی صدر محترمہ سیدہ معصومہ نقوی خطاب کیا انہوں نے آیہ تبلیغ کی تفسیر بیان کی اور کہا کہ اس دور میں ولایت کی اطاعت یعنی خط ولایت فقیہ کو مضبوطی سے تھامے رکھنا ہے جو اقوام ولی فقیہ کی اطاعت کے راستے امام زمانہ عج کی پیروی کر رہے ہیں آج کے دور میں وہ ہی اصل غدیری پیروکار ہیں ، محفل کے اختتام پر شرکاء مومنات نے اس عظیم الشان جشن کے انعقاد پر انتظامیہ کا شکریہ ادا کیا اور جشن بندگی جیسے بہترین پروگرام کو فروغ دینے اور بچیوں میں احکام شرعی کی اہمیت کو اجاگر کرنے کے حوالے سے کاوشوں کو جاری رکھنے کا عزم کیا گیا ۔
