The Latest

وحدت نیوز(لاہور)مجلس وحدت مسلمین شعبہ خواتین کی مرکزی صدر سیدہ معصومہ نقوی نے پارا چنار کے قبائلی علاقے تری مینگل میں  امتحانات ڈیوٹی پر مامور اساتذہ کے بیہمانہ قتل کی مذمت کرتے ہوئے کہا بے گناہ اساتذہ کرام کا سرعام قتل انتہائی تشویشناک ہے اس واقعے سے پارہ چنار کا امن ایک بار پھر داو پر لگ رہا ہے سخت سیکورٹی اور چیک پوسٹس پر چیکنگ کے باوجود اس قسم کے اندوہناک واقعات نگران حکومت و ذمہ داران کی کارکردگی پر کئی سوالات اٹھا رہے ہیں۔

 انہوں نے کہا پارہ چنار کے امن و امان کو سبوتاژ کرنے کے لیے شیعہ سنی فسادات کروانا دشمن کا معمول ہے ایسی صورتحال میں اہلیان پارہ چنار کو شعور اور بصیرت کے ساتھ دشمن کی سازشوں کو ناکام بنانا ہوگا۔ ان کا مذید کہنا تھا کہ اس واقعے میں اپنی جان سے ہاتھ دھو بیٹھنے والے تمام اساتذہ کرام کی خانوادگان سے اظہار تعزیت کرتے ہیں اور مقتدر قوتوں سے مطالبہ کرتے ہیں کہ اس سفاکیت میں ملوث مجرموں کو کیفر کردار تک پہنچایا جائے اور پارہ چنار کے امن کو بحال کرنے کے لیے اقدامات کیے جائیں

وحدت نیوز(سکھر)مجلس وحدت مسلمین پاکستان یوتھ ونگ کے مرکزی رکن برادر تصور مھدوی نے سکھر ڈویژن کا ایک روزہ دورہ کیا جس میں وحدت یوتھ سکھر ڈویژن صدر زوہیب کلوڑ جنرل سیکرٹری سید کاشف شاہ نقوی، مجلس وحدت مسلمین پاکستان ضلع سکھر صدر برادار ایڈوکیٹ محسن سجاد اور وحدت یوتھ ڈویژن سکھر کی کابینہ کے زمہ داران سمیر کھوکھر عمران علی میرانی نزاکت علی ابڑو سے و دیگر تعلقہ صدور سے ملاقات کی اور مئی میں ہونے والے مرکزی وحدت یوتھ کنونشن کی تمام زمیداران کو دعوت دی اس کے ساتھ ساتھ ڈویژن صدر اور جنرل سیکرٹری نے وحدت یوتھ ونگ کو ڈویژن سکھر میں مزید بہتر بنانے کیلئے بریفنگ دی اور آخر میں دعا امام زمانہ عجل اللہ سے پروگرام کا اختتام کیا۔

وحدت نیوز(ملتان)مجلس وحدت مسلمین شعبہ خواتین کی مرکزی صدر محترمہ سیدہ معصومہ نقوی نے ضلع ملتان کا دورہ کیا جہاں انہوں نے ضلعی صدر محترمہ تصدق زہرا  اور ان کی کابینہ سے ملاقات کی اور تمام عہدیداران کو کتاب ملا صالح بطور ھدیہ پیش کیں ۔

علاوہ ازیں تحصیل کبیر والا کے علاقے عبدالحکیم میں ایم ڈبلیو ایم شعبہ خواتین کا یونٹ قائم کیا گیا جس کی صدر محترمہ شگفتہ اور نائب صدر محترمہ دینا زہرا منتخب ہوئیں۔

وحدت نیوز(مظفرگڑھ)مجلس وحدت مسلمین شعبہ خواتین کی مرکزی صدر محترمہ سیدہ معصومہ نقوی نے تحصیل علی پور ضلع مظفر گڑھ کا دورہ کیا جہاں انہوں نے علاقے کی فعال خواتین سے ملاقات کی اور منتظرین امام زمان عج کی صفات پر درس دیا۔

  اس موقع پر ایم ڈبلیو ایم شعبہ خواتین تحصیل علی پور کا تنظیمی سیٹ اپ تشکیل دیا گیا جس میں محترمہ مفائزہ زیدی بطور تحصیل صدر اور محترمہ تحسین فاطمہ نائب صدر منتخب ہوئیں خواہران کو حریم ولایت مجلہ و کتاب بطور ھدیہ پیش کی گئیں۔

وحدت نیوز(کراچی) مجلس وحدت مسلمین شعبہ خواتین کی مرکزی صدر سیدہ معصومہ نقوی نے اپنے دورہ سندھ کے دوران کراچی کے مختلف علاقوں کا بھی دورہ کیا جہاں انہوں نے ایم ڈبلیو ایم شعبہ خواتین کراچی کی ضلعی صدر محترمہ معصومہ ممتاز اور دیگر تنظیمی عہدیداران سے ملاقات کی ۔

محترمہ معصومہ ممتاز اور محترمہ نشاط زہرا کے ساتھ مشاورت کے بعد کراچی کی تین تحصیلوں کی صدور کا انتخاب عمل میں لایا گیا محترمہ صبا مھدی سعدی ٹاون ، محترمہ کلثوم بانو واٹر بورڈ ٹاون اور محترمہ مریم زہرا اور معصومہ زہرا گلستان جوہر کی صدر اور نائب صدر منتخب ہوئیں اس موقع پر مرکزی صدر سیدہ معصومہ نقوی نے نو منتخب تحصیل صدور سے حلف لیا۔

وحدت نیوز(جیکب آباد)بلوچستان کے سیلاب متاثرہ گھروں اور مساجد کی تعمیر کیلئے مجلس وحدت مسلمین اور انجمن حسینیہ خواجگان نارووالی کی جانب سے متاثرین کو پہلی قسط ادا کر دی گئی۔ جسکے بعد سیلاب متاثرہ علاقوں میں تعمیر مکانات و مساجد کے دوسرے مرحلے کا آغاز ہو گیا۔ انجمن حسینیہ خواجگان نارووالی کے تعاون سے مجلس وحدت مسلمین بلوچستان کے زیر اہتمام مدرسہ المصطفی خاتم النبیین صلی اللہ علیہ وآلہ وسلم جیکب آباد میں 26 مکانات اور 6 مساجد کی تعمیرات کی پہلی قسط مستحقین اور بانیان مساجد کے حوالے کی گئی۔ تقریب سے مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی، صوبائی صدر علامہ سید ظفر عباس شمسی، صوبائی جنرل سیکرٹری علامہ سہیل اکبر شیرازی، ضلع صدر مجلس علمائے شیعہ علامہ سیف علی ڈومکی، مولانا ارشاد علی سولنگی، وکیل رہنماء ایڈوکیٹ عبدالحئی سومرو، میر حسن کریم گولو، سماجی رہنماء غلام کبریٰ سومرو اور دیگر نے خطاب کیا۔

اس موقع پر خطاب کرتے ہوئے علامہ مقصود علی ڈومکی نے کہا کہ متاثرین سیلاب کے نقصانات کے ازالے کے لئے حکومت نے اپنی ذمہ داریاں پوری نہیں کیں۔ سیلاب اور مہنگائی کے باعث لاکھوں لوگ خط غربت سے نیچے چلے گئے ہیں۔ قانون ساز اسمبلی نے آج تک غریب عوام کی مشکلات کے ازالے کے لئے قانون سازی نہیں کی۔ جبکہ سیاسی قائدین اپنے مفاد میں قانون سازی بھی کرتے ہیں اور مقتدر اداروں کو بھی آپس میں لڑاتے ہیں، لیکن آج تک مسنگ پرسنز، غربت، مہنگائی، بے روزگاری، دہشت گردی، اغواء برائے تاوان، قبائلی جھگڑوں اور کرپشن کے خلاف قومی اسمبلی یا ریاستی اداروں نے ایسی پھرتی اور سنجیدگی نہیں دکھائی۔ تقریب سے خطاب کرتے ہوئے علامہ سید ظفر عباس شمسی نے کہا کہ مجلس وحدت مسلمین انجمن حسینیہ خواجگان نارووالی کے تعاون سے متاثرین سیلاب کی بحالی کے لئے مصروف عمل ہے۔ عوام کی خدمت کو اپنے لئے اعزاز سمجھتے ہیں۔

وحدت نیوز(سکھر)مجلس وحدت مسلمین شعبہ خواتین کی مرکزی صدر سیدہ معصومہ نقوی نے اپنے دورہ سندھ کے آغاز میں ایم ڈبلیو ایم شعبہ خواتین سکھر کی صدر اور کابینہ سے ملاقات کی ۔

 تمام اراکین نے اپنی ششماہی رپورٹ پیش کی اور یونٹ سازی کے عمل میں فعالیت کے حوالے سے بریفنگ دی ، اس موقع پر محترمہ معصومہ نقوی نے امام زمان عج کے حقیقی منتظر کے عنوان سے خطاب کیا نیز تمام اراکین کو حریم ولایت مجلہ اور کتاب سر بلند بطور ھدیہ پیش کی۔

وحدت نیوز(لاہور)مجلس وحدت مسلمین پاکستان ، وحدت یوتھ ونگ لاہور ڈویژن کی جانب سے ایک باعظمت شب بیداری "ایک شب آخر زمان علیہ السلام کے نام" کے عنوان سے ایم ڈبلیو ایم سیکریٹریٹ شادمان لاہور میں منعقد کی گئی، شب بیداری کے پروگرام میں وحدت یوتھ ونگ کےجوانوں نے بڑی تعداد میں شرکت کی۔ شب بیداری کا پروگرام بہت ہی عمدہ ترتیب دیا گیا تھا ، دستاویزی فلم، تقاریر اورخطابات کے ساتھ ساتھ عمدہ طعام کیساتھ شرکاء کی مہمان نوازی کی گئی۔ نماز مغربین باجماعت ادا کی گئی ، اس کے بعد افطار اور ڈنر کا اہتمام کیا گیا تھا ، شب بیداری کا باقاعدہ آغازتلاوت قرآن کریم سے را ت  ساڑھے آٹھ بجے شب ہواپہلے سیشن میں تلاوت قرآن کے بعدمنقبت خوانی کی گئی۔ جناب حجۃالاسلام والمسلمین علامہ راجہ مصطفیٰ حیدر جعفری نے جوانوں سے خطاب فرمایا ۔

رات دس بجے مختصر وقفے کے بعد دوسرے سیشن کا آغاز ہوا جو رات بارہ بجے تک تسلسل کے ساتھ جاری رہا ۔ جس میں منقبت خوانی کے علاوہ تقریب حلف برداری اور بہترین مذہبی اسکالر جنا ب برادر وجاہت علی مرزا نے خطاب کیا جسے حاضرین نے بہت سراہا ۔ رات بارہ بجے دوسرے وقفے کے بعد دوبارہ تیسرے سیشن کا آغازرات ساڑھے بارہ ہوا جو رات ساڑھے تین بجے تک جاری رہا جس میں وحدت یوتھ کے برادر جناب سید سجاد نقوی ، جناب مولانا تصور علی ،برادر جناب زین عباس اوردیگران نے خطاب کیا اور وحدت یوتھ کے برادران سے حلف لیا گیا ۔

شب بیداری کے آخری خطیب جناب حجۃ الاسلام والمسلمین علامہ ڈاکٹر محمد یونس حیدری تھے جو اسلام آباد سے صرف اس پروگرام کے لئے تشریف لائے تھے ۔ ڈاکٹر محمد یونس حیدری نے بہت ہی عمدہ گفتگو فرمائی اور کہا کہ اگر انسان اللہ تعالیٰ،نبی پاک ﷺ اورآئمہ طاہرین ؑ سے تعلق قائم کر لے اور اپنی زندگی کا مقصد بنالے تو اس کی دنیا اور آخرت بھی سنور جائے گی ۔ انسان اسی زمانے میں رہتے ہوئے شہدائے کربلا کا مقام حاصل کر سکتا ہے ۔ اس کے لئے خالص نیت اور خالص عمل کی ضرورت ہے ۔ خالص نیت کے بغیر عمل بے سود ہے ۔ جتنی نیت خالص اور اعلی ہو گی اتنا عمل بھی انسان کا مقبول ہوگا ۔ہم زیارت میں ایک جملہ پڑھتے ہیں ’’یا لَیتَنی کنتُ مَعَکم فَأفُوزَ فَوزا عَظیماً ہم زیارات میں پڑھتے ہیں (اے کاش! ہم آپ کے ساتھ ہوتے تو کامیاب ہوجاتے) خالص نیت اور تواتر عمل سےآئمہ ؑ فرماتے ہیں کہ پڑھنے والے شخص کا شمار شہدائے امام عالی مقام ؑ میں ہو گا ۔

ڈاکٹر محمد یونس حیدر ی نے آیات الہی ،احادیث مبارکہ اور آئمہ علیہم السلام کی روایات کی روشنی میں بہت ہی عمدہ گفتگو فرمائی جسے تمام جوانوں نے بہت سراہا ۔ خطاب کے آخر میں سوال وجواب کا سیشن رکھا گیا تھا۔ وقت کی کمی کے باعث ڈاکومنٹری اور دعائے توسل کے سیشن کو کینسل کرنا پڑا ۔رات ساڑھےتین بجے تمام حاضرین کو سحری کرائی گئی ۔نماز صبح باجماعت ادائیگی کے بعد شب بیداری کا اختتام ہوا ۔ شرکاءنے شب بیداری کے پروگرام کو بہت سراہا اور اسے جاری رکھنے کی سفارش کرتے رہے ۔

وحدت نیوز(لاہور) فلسطین وہ مبارک سرزمین ہے جس کی جانب رخ فرما کر رسول اکرم (ص) نے اپنے اصحاب و انصار کے ہمراہ نمازیں ادا کی ہیں، یہ وہ سرزمین ہے جہاں سے نبی کریم (ص) نے سفر معراج انجام دیا، فلسطین کی آزادی تک مسلمانوں کو اسلام ناب حاصل نہیں ہوگا اگر عالم اسلام امن و امان کا خواہش مند ہے تو انہیں فوراً فلسطین کی آزادی کے لئے صف بستہ ہونا ہوگا ان خیالات کا اظہار مرکزی صدر مجلس وحدت مسلمین شعبہ خواتین سیدہ معصومہ نقوی نے یوم القدس کے موقع پر جاری کردہ اپنے ایک بیان میں کیا ۔

ان کا کہنا تھا سامراجی طاقتوں کی طرف سے مظلوم فلسطینی عوام پر سالہا سال سے ڈھائے جانے والے ظلم و بربریت کے خلاف امام خمینی رحمۃ اللہ علیہ نے ماہ مبارک رمضان کے آخری جمعہ (جمعة الوداع) کو یوم القدس کا نام دے کر بین الاقوامی سطح پر ناجائز اسرائیلی ریاست کے خلاف احتجاج کی بنیاد رکھی، جو کئی سالوں سے انتہائی شان وشوکت سے عالم اسلام کے غیور و وبیدار مسلمان مناتے آرہے ہیں۔ یوم القدس ہمیں ظلم و ستم کے سامنے جھکنے کی بجاے صبر و استقامت کے ساتھ مقاومت کا درس دیتا ہے اور یہ نہ صرف فلسطینی عوام کیلیے بلکہ دنیا کے تمام ظالموں و ستمکاروں کے خلاف ڈٹ جانے، ان سے مقابلے کرنے اور مسلمانوں کے اندر ایک نئے شوق و جذبہ پیدا کرنے کا دن ہے ۔

ان کا مزید کہنا تھا وہ دن دور نہیں جب بحکم خدا ظالمین کی رسی کھینچ لی جاے گی اور ان کے گرد گھیرا تنگ ہوجاے گا  اور ان شاء اللہ امریکہ و اسرائیل کے ناپاک وجود سے سرزمین مقدس فلسطین آزاد ہوجاے گی انہوں نے اپیل کی کہ تمام مرد و خواتین اپنا شرعی فریضہ سمجھتے ہوئے یوم القدس کی ریلیوں میں بھرپور شرکت کو یقینی بنائیں۔

وحدت نیوز(لاہور)رہبر کبیر امام خمینی رح کے فرمان پر عالمی یوم القدس کے موقع پر مرکزی رہنما ایم ڈبلیو ایم شعبہ خواتین سیدہ زہرا نقوی کا کہنا تھا کہ یوم القدس مسلمانوں کے اہم ترین اہداف و مقاصد پر تاکید کرنے کا دن ہے۔ مسلمانوں کا ایک اہم مقصد ایک دوسرے کے غم و خوشی میں شریک ہونا ہے اور یہ دن اس عظیم مقصد کا مکمل مصداق بن کر اپنے مسلمان بھائیوں کے اوپر ہونے والے ظلم و بربریت کے خلاف آواز بلند کرنے کا بھی مناسب موقع ہے۔

 انہوں نے کہا کہ یوم القدس ایسی عظیم تحریک ہے جس نے سامراج سے مقابلے کی حوالے سے گہرے اثرات مرتب کیے ہیں پورے عالم میں مسلمان اس دن فلسطین و بیت المقدس کی حمایت و آزادی کے لیے احتجاج کرتے ہیں جس نے دشمنوں اور ستمگاروں کو رسوا کرنے کے ساتھ ساتھ صیہونی مظالم کو بھی عالمی سطح پر اجاگر کیا اور ہر با شعور و باضمیر انسان کی فکر کو متاثر کیا ۔

انہوں نے کہا یوم القدس کی ریلیوں میں شرکت ہم پر لازم ہے کیونکہ ہم اس امام حق کے پیروکار ہیں جنہوں نے وقت شہادت یہ وصیت کی کہ ہر ظالم کے دشمن اور ہر مظلوم کے مددگار بنو ، آج فلسطین سمیت دنیا میں جہاں کہیں بھی استعماری طاقتیں انسانیت سوز مظالم ڈھا رہی ہیں یوم القدس کے یہ عظیم الشان احتجاج ان سب کے نجس چہروں پر زور دار طمانچہ ثابت ہونگے  یہ ہمارا شرعی وظیفہ ہے کہ جمعتہ الوداع یوم القدس کی ریلیوں میں شرکت کرتے ہوئے امیرالمومنین امام علی علیہ سلام کی وصیت پر عمل پیرا ہوں۔

Page 9 of 116

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree