The Latest

وحدت نیوز(جہلم)ایم ڈبلیو ایم شعبہ خواتین ضلع جہلم کی جانب سے تحفظ عزاداری کانفرنس کا انعقاد کیا گیا جس میں مرکزی صدر ایم ڈبلیو ایم وومن ونگ سیدہ معصومہ نقوی اور پرنسپل جامعہ بعثت و رکن نگران کونسل ایم ڈبلیو ایم وومن ونگ مولانا مہدی کاظمی صاحب نے خصوصی خطاب کیا ضلعی صدر محترمہ تحسین زہرا کی دعوت پر ٹوبہ کے علاقے کی ذاکرات نے کانفرنس میں شرکت کی۔

 اس موقع پر مرکزی سیکریٹری تحفظ عزاداری فہیمہ زینب نے بھی کانفرنس سے خطاب کیا  مقررین نے محرم الحرام میں مقصد قیام امام حسین علیہ السلام اور ام المصائب جناب زینب بنت علی سلام اللہ علیھا کے پیغام کو عوام تک پہنچانے اور حالات حاضرہ سے مجمع کو آگاہ کرنے کی ضرورت پر زور دیا ۔

 انہوں نے کہا کہ منبر امام حسین علیہ السلام سے خطاب کرنے والے کے کاندھوں پر تمام مجمع کے افکار اور شعور کو بیدار کرنے کی ذمہ داری ہوتی ہے ذاکرات و معلمات کو داد و تحسین اور بانیان کی رضا و خوشی حاصل کرنے کے بجائے خداوند متعال و امام حسین علیہ السلام کی خوشنودی کے طلبگار بننا چاہئے۔

وحدت نیوز(چنیوٹ)مجلس وحدت مسلمین ضلع چنیوٹ کے تعاون سے میڈیکل کیمپ کا انعقاد ماشاءاللہ ایک کامیاب کیمپ کا انعقاد جو ایک ٹیم کے ورک کا نتیجہ ہے اس میں الحمدللہ ساڑھے تین سو سے زائد مریضوں کا فری چیک اپ اور ان کو ادویات فراہم کی گئی 50 سے زائد الٹرا ساؤنڈ اور 50 سے زائد ای سی جی بھی کیے گئے 40 مریضوں کی ہیپاٹائٹس سی کی کٹ استعمال کی گئی اس کے علاوہ خصوصی بات کہ بلڈ گروپنگ کے حوالے سے بھی کام کیا گیا اور 213 افراد کی فہرست الحمدللہ تیار ہو چکی ہے اگر ہم تمام افراد انسانیت کی خدمت پر یقین رکھتے ہیں تو ہمیں ایک دوسرے کا دست و بازو بننا پڑے گا ۔

قران کا ارشاد ہے خیر الناس من ینفع الناس تم میں سے بہترین انسان وہ ہے جو لوگوں کے لیے فائدہ مند ہے امید کرتے ہیں کہ وہ افراد جو درد دل رکھتے ہیں ائندہ ہمارے ساتھ مل کر اپنے علاقہ کے ان پسے ہوئے طبقات کی خدمت کریں گے بہت شکریہ اس میڈیکل کیمپ میں اپنی خدمات پیش کرنے والے ہر جوان کو میرا سلام  بالخصوص ائی ایس او کے جوانوں کو جنہوں نے پورا دن گرمی میں سخت مشقت کی لوگوں کو سہولیات فراہم کی اور یونٹ صدر صاحب نے ایک لمحے کے لیے بھی اپنی تھکاوٹ کا احساس نہیں ہونے دیا اللہ تعالی ہم سب کو انسانیت کی خدمت کرنے کی سچی توفیق دے جزاک اللہ

وحدت نیوز(لاہور)مجلس وحدت مسلمین شعبہ خواتین کی مرکزی صدر محترمہ سیدہ معصومہ نقوی نے عید الاضحیٰ کے موقع پر اپنے  پیغام میں کہا کہ عید الاضحٰی کے پر مسرت موقع پر تمام مسلم امہ کو مبارکباد پیش کرتی ہوں ۔عید الاضحی مسلمانوں کو اپنے ایمان اور ملک و ملت کیلئےبڑی سے بڑی قربانی سے دریغ نہ کرنے کا درس دیتی ہے اپنی ذات کی نفی کرنا ہی قربانی کا اصل مفہوم ہے ۔حضرت ابراہیم علیہ السلام اور حضرت اسماعیل علیہ السلام نے جزبہ قربانی  اور اطاعت پروردگار کی جو مثال قائم وہ قیامت تک کے لیےمشعل راہ اور تسلیم و رضا کی یادگار مثال ہے۔

ہمیں سنت ابراہیمی کی ادائیگی کے اس عظیم موقع پر انفرادی مفادات کو بالاے طاق رکھ کر قومی اور ملکی مفادات کو ترجیح دینا ہوگی اور ان لوگوں کو اپنی خوشیوں میں شریک کرنا ہوگا جو انتہائی مشکل حالات میں زندگی بسر کر رہے ہیں ان کا کہنا تھا عید قربان کے موقع پر فلسطین کے شہداء اور مظلومین کو ہر گز فراموش نہ کریں انہیں اپنی دعاوں میں یاد رکھیں عید سادگی سے منائیں خداوند سبحان سے دعا ہے کہ دنیا سے ظالمین کے خاتمے اور مظلومین کی فتح کو نزدیک کر دے اور امام مھدی علیہ السلام کے ظہور میں تعجیل فرمائے۔ آمین

وحدت نیوز(پشاور)کنیزانِ زہرا پشاور کے زیر اہتمام تحفظ عزاداری کانفرنس کا انعقاد کیا گیا جس میں مجلس وحدت مسلمین شعبہ خواتین کی مرکزی صدر سیدہ معصومہ نقوی ، ایم ڈبلیو ایم وومن ونگ کی مرکزی رابطہ سیکریٹری محترمہ زینب بنت الھدی اور پرنسپل عسکری سول چکوال محترمہ چمن فاطمہ نے شرکت کی۔ کانفرنس سے خطاب کرتے ہوئے محترمہ معصومہ نقوی کا کہنا تھا کہ عزاداری سید الشہدا علیہ السلام کی اہمیت اور اس کے انعقاد کے اجر و ثواب سے تو ہم سب واقف ہیں لیکن اس کا اہم نکتہ یعنی مقصد عزاداری کو ہم بھلا بیٹھے ہیں۔ واقعہ کربلا کے بعد سیدہ زینب سلام اللہ علیھا نے کس قدر کٹھن و دشوار ترین مراحل طے کیے اور پیغام کربلا کو عام کیا ، مقصد شہادت ِ امام حسین علیہ السلام سے دنیا کو آگاہ کیا

ان کا کہنا تھا جناب زینب سلام اللہ علیھا نے عزاداری امام حسین علیہ السلام کی بنیاد رکھی تاکہ قیامت تاکہ آنے والی نسلیں اس عزاداری سے  حقیقی پیام کربلا سن سکیں ۔آج ہم سب کو سیدہ زینب سلام اللہ علیھا کے نقش قدم پر چلتے ہوئے با مقصد عزاداری کو فروغ دینا ہے۔ محترمہ چمن فاطمہ نے اپنے خطاب میں کہا کہ خطیب کو معاشرے کی ضرورت کا احساس ہونا چاہیے کیونکہ ان کی گفتگو مجمع کے اذہان و افکار کو متاثر کرتی ہے منبر حسینی سے خطاب کرنے والے کی ذمہ داری ہے کہ وہ سامعین کے سامنے معاشرے کے اصلاحی پہلو ، ان کے مسائل اور قرآن و اہلبیت کی روشنی میں ان کا حل پیش کرے۔

وحدت نیوز(پشاور)پشاور میں مجلس وحدت مسلمین شعبہ خواتین کی جانب تنظیم سازی کی گئی محترمہ سمانہ ضلع پشاور کی صدر جبکہ محترمہ راضیہ رباب کو مردان یونٹ کا صدرمنتخب کیا گیا مجلس وحدت مسلمین شعبہ خواتین کی مرکزی صدر محترمہ معصومہ نقوی نے کانفرنس سے خطاب کے بعد خواہران سے حلف لیا ۔

وحدت نیوز(ملتان)وحدت یوتھ پاکستان کے مرکزی نائب صدر راجہ مصطفی حیدر نے دورہ ملتان کے دوران مسجد و امام بارگاہ آل عباء گارڈ ن ٹائون کا دورہ کیا۔ اس موقع پر ڈویژنل صدر رانا تیمور حسن بھی ان کے ہمراہ تھے، راجہ مصطفی حیدر نے نوجوانوں اور مومنین سے ملاقات کی اور ان سے خطاب بھی کیا۔ اُنہوں نے اپنے خطاب میں نوجوانوں کی ذمہ داریوں پر بات کرتے ہوئے کہا کہ نوجوانوں کی آج ماضی سے زیادہ ذمہ داریاں ہیں، جوں جوں استعمار اور دشمن کے حربے بڑھ رہے ہیں اسی طرح نوجوانوں کی ذمہ داریوں میں بھی اضافہ ہورہا ہے، کیونکہ استعمار اس وقت جتنا نوجوانوں کو اپنی طرف مائل کرنے پر کام کررہا ہے اتنا کسی پر نہیں کررہا، ہمیں اپنے نوجوانوں کی تربیت اس انداز میں کرنی ہے کہ وہ امام وقت کے سچے سپاہی ثابت ہوں۔ اس موقع پر سینیئر تنظیمی رہنما غضنفر جعفری اور دیگر موجود تھے۔

وحدت نیوز(ملتان) وحدت یوتھ پاکستان کے مرکزی نائب صدر راجہ مصطفی حیدر نے اپنے دورہ ملتان کے دوران وحدت یوتھ ملتان کی ڈویژنل کابینہ سے ملاقات کی، اس موقع پر ڈویژنل صدر تیمور حسن اور دیگر کابینہ کے افراد بھی موجود تھے۔ راجہ مصطفی حیدر نے نوجوانوں سے گفتگو کرتے ہوئے معاشرے میں نوجوانوں کی اہمیت پر زور دیا، اُنہوں نے کہا کہ کسی بھی معاشرے کی طاقت اور اُس کا مستقبل اُس کی نوجوان نسل ہوتی ہے، ضرورت اس امر کی ہے کہ ہم اپنے جوانوں کی بہتر تربیت، بہتر روزگار اور ایک اچھا پاکستانی شہری بننے کے لیے کام کریں، نوجوان کسی بھی قوم کا اثاثہ ہوتے ہیں ہمارے جوانوں میں ٹیلنٹ بہت زیادہ ہے لیکن بدقسمتی سے اُنہیں مواقع میسر نہیں ہیں۔ اس موقع پر ڈویژںل کابینہ کے علاوہ دیگر ممبران بھی موجود تھے۔

وحدت نیوز(لاہور)رہبر کبیر ، بت شکن زمان آیت اللہ سید روح اللہ موسوی الخمینی ؒ کی برسی کے موقع پر تمام پیروان راہ حق و راہ انقلاب کو تعزیت و تسلیت پیش کرتی ہوں ۔حضرت امام خمینی (رہ) ایک فکری، سیاسی اور سماجی مکتب کے بانی ہیں آپ نے نہ صرف ایرانی قوم بلکہ عالم اسلام کے لیے بے شمار مصائب و قربانیوں  اور مسلسل جہاد سے ایک ایسی حکومت اور نظام قائم کیا جس کی بنیاد دین اسلام پر رکھی گئی۔ان خیالات کا اظہار مرکزی صدر مجلس وحدت مسلمین شعبہ خواتین سیدہ معصومہ نقوی نے امام خمینی رحمة اللہ علیہ کی برسی کے موقع پر اپنے تعزیتی پیغام میں کیا۔

انھوں نے کہا کہ تاریخ امام خمینیؒ کی قیادت، ان کی مدبرانہ و بابصیرت سوچ اور مظلوم قوموں کے لئے حق کی آواز اٹھانے کو نہیں بھول سکتی۔ان کا کہنا تھا کہ بت شکن زمان امام خمینیؒ نے نہ صرف ظالم شہنشاہیت کا خاتمہ بلکہ دنیا کو ظلم و استبداد کے آگے ڈٹے رہنے کی ہمت و جرات عطا کیا ۔

ان کا مزید کہنا تھا کہ اس مرد مجاھد نے کربلا والوں کے پیغام کو عملی طور پر دنیا کے سامنے پیش کیا اور اپنے مکتب کی سربلندی و سرفرازی کا باعث بنے۔انھوں  نے مزید کہا کہ رھبر کبیر امام خمینیؒ نے ہمیشہ اتحاد بین المسلمین کے لیے جدوجہد کی لہٰذا عالم اسلام کو امام خمینیؒ جیسے عظیم مفکر کی پیروی کرتے ہوئے باہمی اتحاد و بھائی چارے کو فروغ دینا چاہیئے۔

وحدت نیوز(لاہور) ایم ڈبلیو ایم شعبہ خواتین لاہور کی جانب سے برسی امام خمینیؒ و مجلس ترحیم برائے شہید ابراہیم رئیسی و رفقاء کا انعقاد کیا گیا ۔ مجلس عزا سے ایم ڈبلیو ایم وومن ونگ کی مرکزی صدر سیدہ معصومہ نقوی نے خطاب کیا ۔

 اپنے خطاب میں انہوں نے بانی انقلاب امام خمینی رضوان اللہ تعالی علیہ کی شخصیت اور انکے عظیم اسلامی انقلاب پر روشنی ڈالی ، محترمہ معصومہ نقوی نے انقلاب اسلامی کے محافظ و خدمتگار شہید ابراہیم رئیسی اور ان کے رفقاء کو خراج تحسین پیش کیا ۔

وحدت نیوز(سکھر)مجلس وحدت مسلمین شعبہ خواتین روہڑی یونٹ  ضلع سکھر کے زیر اہتمام موسم گرما کی تعطیلات میں بچوں کے لیے سمر کیمپ کا انعقاد کیا گیا جس میں بچوں کی کثیر تعداد نے شرکت کی اسلام شناسی اور امام زمانہ علیہ السلام کے عنوان سے منعقدہ تربیتی کیمپ میں محترمہ شبانہ بتول شاکری نے تدریس کے فرائض انجام دیے ۔ دس روزہ تربیتی ورکشاپ میں تجوید القرآن ، حفظ موضوعی آیات قرآن ، نماز اور اسلام شناسی کے موضوعات پر بچوں کو تعلیم دی گئی علاوہ ازیں بچوں نے مختلف سرگرمیوں میں بھی حصہ لیا سمر کیمپ کے اختتامی دن بچوں سے امتحان لیا گیا محترمہ فرزانہ اظہر اور محترمہ عمرین رضا نے بچوں کی حوصلہ افزائ کرتے ہوئے نمایاں کارکردگی دکھانے والے بچوں میں انعامات تقسیم کیے ۔

Page 1 of 119

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree