The Latest
وحدت نیوز (راولپنڈی) مائیں اپنی اولاد کی تربیت کے حوالے سے حضرت فاطمہ زہرا (س)کے اسوہ طیبہ پر عمل پیرا ہونے کی ضرورت ہے ان خیالات کا اظہار خانہ فرہنگ میں منعقدہ حضرت زہرا سلام اللہ علیہا کی ولادت باسعادت کی مناسبت سے منعقدہ تقریب سے خطاب کرتے ہوئے ممبر گلگت بلتستان اسمبلی و مرکزی پولیٹیکل سیکریٹری مجلس وحدت مسلمین پاکستان شعبہ خواتین کنیز فاطمہ نے اپنے خطاب میں کیا ۔
انہوں نے کہا اسوہ حضرت زہرا (س)کی روشنی میں موجودہ دورکی خواتین کو اپنی اولاد کی تربیت کرنی چاہئیں اس وقت معاشرے میں جتنی بھی برائیاں جنم لے رہی ہیں اس کی اصل وجہ مائوں کی طرف سے اپنی اولاد کی تربیت میں غفلت کی وجہ سے ہے مائیں اپنی اولاد کی تربیت کے حوالے سے حضرت فاطمہ زہرا (س)کے اسوہ طیبہ پر عمل پیرا ہونے کی ضرورت ہے جنہوں نے معاشرے کو حضرت اما حسین(ع) اورحضرت زینب (س) جیسی اولاد دی ہیں انہوں نے کہا کہ خواتین اگر ٹھان لیں تو کوئی بھی کام ان کیلئے مشکل نہیں ہے۔
تقریب سے خطاب کرتے ہوئے منہاج القران کی سکالر ناہیدہ راجپوت نے کہا کہ سوشل میڈیا اورمغربی یلغار کی وجہ سے معاشرے میں بھگاڑ پیدا ہوگیا ہے جس کے لئے خواتین کو بحثییت بیٹی،ماں ،زوجہ اورمعاشرے کی فرد کے اسوہ فاطمہ سلام اللہ علیہا پر عمل کرنے کی ضرورت ہے انہوں نے کہا کہ سوشل میڈیا شتر بے مہار کی طرح بلکہ ایک عفریت اورآفت کی طرح معاشرے پرحملہ آورہورہا ہے جب تک سیرت فاطمہ پر خواتین عمل نہیں کریںگی اس وقت تک معاشرے میں بہتری نہیں ہوگی ۔
کرسچن کمیونٹی سے تعلق رکھنے والی خاتون سکالر،سپیریئر سسٹر ،پرنسپل سینٹ کیتھرین گرلز سکول اینڈ کالج لال کرتی محترمہ ایلیس نے اپنے خطاب میں کہا کہ موجودہ دورکی خواتین کو حضرت مریم اورحضرت زہر سلام اللہ علیہما کے نقش قدم پر چلنے کی ضرورت ہے دونوں خواتین ہمارے لئے رول ماڈل ہیں انہوں نے کہا کہ معاشرے میں خواتین کا کردار مردوں سے زیادہ ہے اوراپنے بچوں کی تربیت کے حوالے سے خواتین کی ذمہ داریاں زیادہ ہے ۔
تقریب سے خطاب کرتے ہوئے مذہبی سکالر و مرکزی مسئول تعلیم و تبلیغات امامیہ آرگنائزیشن پاکستان شعبہ خواتین گل زہرا نے کہا کہ یوم ولادت حضرت فاطمہ اوریوم خواتین کے دن ہمیں دیکھنا ہوگا کہ معاشرے کو پر امن بنانے کے لئے ہمیں کیا کرداراداکرنا ہے انہوں نے کہا کہ حضرت فاطمہ کے اسوہ حسنہ پر عمل کرکے ہم دونوں جہانوں میں فلاح پا سکتے ہیں۔
فرامرز رحمان زاد ڈی جی خانہ فرہنگ کے بیان میں کہا کہ حضرت زہرا (س)ہر دورکی خواتین کے ل ئے نمونہ عمل ہیں حضرت زہرا(س)جیسی موزوں اور اعلیٰ رول ماڈل کا ہونا خواتین کیلئے سعادت کا باعث ہے۔ مغربی سرمایہ دارانہ نظام کا نظریہ اسلام کے نقطہ نظر سے بالکل مختلف ہے مغرب میں اخلاقی انحرافات قانونی شکل اختیار کرچکے ہیں ، جو خواتین کو آلہ کار تصورکرنے کی مغربی سوچ کی عکاسی ہے۔
ان خیالات کا اظہار ڈی جی خانہ فرہنگ ایران راولپنڈی نے خانہ فرہنگ ایران ،راولپنڈی میں ولادت باسعادت حضرت فاطمہ زہرا(س) کی مناسبت سے منعقدہ تقریب میں کہا انہوں نے کہا کہ اسلامی معاشرے میں خواتین اور خاندان کے اہم کردار کواوراہمیت کو سامنے رکھتے ہوئے دشمن نے اسلامی حجاب کو نشانہ بنانا شروع کردیا ہے ۔تقریب سے خطاب کرتے ہوئے محترمہ معصومہ نقوی نے کہا جب تک ہم آئمہ معصومین کے دامن سے متوسل ہیں اورپاک آرمی ہمارے ساتھ ہیں ہمار ا ملک اورہم محفوظ ہیں اورکوئی مائی کا لال ہمارا کچھ نہیں بگاڑ سکتا ،حضرت فاطمہ زہرا(س)معاشرے کی خواتین کے لئے رول ماڈل ہیں۔
انہوں نے کہا کہ ایران کے معروف جنرل شہید سردار قاسم سلیمانی کو جب بھی مشکل پیش آتی اوراس کاحل ڈھوندنے میں دشواری ہوتی تو وہ حضرت زہراسلام اللہ علیہا سے توسل کرتے اوران کی مشکل حل ہوتی تھی۔تقریب میں کرسچن کی مختلف تنظیموںسمیت دیگر تمام مکاتب فکر کی خواتین ،مختلف تعلیمی اداروں کے اساتذہ اورطالبات نے کثیر تعداد میں شرکت کی۔
وحدت نیوز(مشہد)مشہد مقدس میں تجوید القرآن کے روزانہ کلاسز کے شیڈول کے علاوہ مجلس وحدت مسلمین شعبہ خواتین کے وفد کو شھید قاسم سلیمانی کی برسی کے پروگرام میں خصوصی دعوت دی گئی اس موقع پر مرکزی صدر ایم ڈبلیو ایم شعبہ خواتین سیدہ معصومہ نقوی کا کہنا تھا کہ ہمارے لئے بڑے اعزاز کی بات ھے کہ حرم مطھر امام ھشتم میں شھداء اسلام کی برسی منا ہے ہیں ، ان مبارک شھادتوں کے صدقے میں خداوند سبحان نے عرب و عجم کے خون کو یکجا فرمایا اور سرزمین ایران و عراق کے اختلافات کو ختم کر دیا ۔
علاوہ ازیں حرم شناسی کے موضوع پر خواھران کو پورے حرم کے مختلف حصوں سے آشنائئ کروائ گئی ۔ رواق الغدیر میں حجۃ الاسلام آقای مھدویان کو خصوصی دعوت دی گئی ، آقای مھدویان نے امام رضا علیہ السلام کے مختلف معجزات کے ذکر کے ساتھ بہترین درس اخلاق دیا اس موقع پر جناب مولانا حسن مھدی کاظمی صاحب نے خواہران کو معرفت شناسی کا درس دیا ، آخر میں راہیان ولایت عشق گروپ کی تمام خواہران نے حجۃ الاسلام آقای مھدویان سے آٹو گراف لیے۔
وحدت نیوز(مشہد مقدس) مجلس وحدت مسلمین شعبہ خواتین کی جانب سے تجوید القرآن کے دروس میں نمایاں کارکردگی دکھانے والی خواہران کو حرم امام رضا علیہ سلام کی جانب سے مزید 15 روزہ کورس کے لیے مرکزی صدر مجلس وحدت مسلمین شعبہ خواتین محترمہ سیدہ معصومہ نقوی کی سربراہی میں مشھد لے جایا گیا ۔
مشھد مقدس میں آستان قدس رضوی حرم امام رضا علیہ السلام کے تعاون سے مشھد مقدس میں روضہ امام رضا علیہ السلام کے جوار میں منعقد کی گئی تعلیمی ورکشاپ کے پہلے دن کے خواھران کے لئے تدبر در قرآن کی کلاس میں سورہ کوثر کی تفسیر کی گئی ، مھدویت کی کلاس میں دعای عھد میں موجود منتظرین کی آٹھ صفات پر روشنی ڈالی گئی ، اسی طرح تجوید القرآن کی کلاس میں حروف کی صفات ، حروف حلقی و حروف خیشوم کی پہچان کروائی گئی ۔
پہلے سیشن کے اختتام پر خواہران کو امام رضا علیہ السلام کے روضہ کی زیارت کے لئے بھرپور فرصت فراہم کی گئی۔ تعلیمی سیشن کے دوسرے دور کے آغاز میں مولانا سید حسن مھدی کاظمی نے عقائد کی کلاس لی اور آخر میں مرکزی صدر ایم ڈبلیوایم وومن ونگ محترمہ معصومہ نقوی نے منتظرین امام ( زمانہ عجل اللہ تعالیٰ فرجہ الشریف ) کی ذمہ داریاں بیان کیں اور مصائب اہل بیت علیہم السلام سے اس بابرکت دن کے تعلیمی شیڈول اختتام کیا گیا۔
وحدت نیوز(سکردو)مجلس وحدت مسلمین شعبہ خواتین بلتستان کی جانب سے مختلف علاقوں میں ایام فاطمیہ کی مجالس کا انعقاد ۔گزشتہ سالوں کی نسبت اس سال ایام فاطمیہ پورے بلتستان میں انتہائی عقیدت کے ساتھ منایا گیا ۔امام بارگاہوں سمیت مخصوص مقامات اور گھروں میں مجالس کا انعقاد کیا گیا۔
اس سلسلے میں ایم ڈبلیو ایم شعبہ خواتین بلتستان نے مجالس کے انعقاد کے سلسلے میں انتہائی اہم کردار ادا کیا تنظیم سے منسلک خواہران نے مختلف مقامات پر خطابات کیے بلتستان کے تمام اضلاع میں ایم ڈبلیو ایم شعبہ خواتین کی جانب سے مجالس کے انعقاد کے ساتھ ساتھ مجالس میں بھر پور طریقے سے شرکت کو یقینی بنایا گیا۔
ایم ڈبلیو ایم شعبہ خواتین بلتستان کی صدر خواہر کبری بتول کی ہدایت پر روندو ،شگر،کھرمنگ،گنگچھے اور سکردو کے مختلف مقامات میں پنچ روزہ اور سہ روزہ مجالس کا، انعقاد کیا گیا معلمات نے حضرت فاطمہ زہرا سلام اللہ علیہا کی نجی زندگی اور اجتماعی زندگی کے مختلف پہلوؤں پر روشنی ڈالی اور دختر رسول صلی اللہ علیہ وآلہ وسلم کی عملی زندگی کو دور جدید میں خواتین کے لیے رول ماڈل قرار دیتے ہوئے کہا کہ بی بی دو عالم ؑ کی حیات طیبہ تمام شعبہ ہائے زندگی سےتعلق رکھنے والی خواتین کے لیے مشعل راہ ہے جس پر عمل پیرا ہو کر حقیقی کامیابی کا حصول ممکن ہے۔
وحدت نیوز(کوئٹہ) مجلس وحدت مسلمین شعبہ خواتین ضلع هزاره ٹاون کوئٹہ کی جانب سے "زن ،زندگی اور آزادی اسلام کی نگاہ کے عنوان سے دو روزہ ورکشاپ کا انعقاد کیا گیا جس میں کالج اور یونیورسٹی کے طالبات کی کثیر تعداد نے شرکت کیں۔
ورکشاپ میں خصوصی لیکچر اور پریزینٹیشن مرکزی رکن شوریٰ عالی، مجلس وحدت مسلمین پاکستان محترم نثار فیضی صاحب،متخصص شعبہ تعلیم ایجوکیشنسٹ آف بیکن ھاوس نے دیا۔ ورکشاپ کا آغاز تلاوت قرآن پاک اور مرثیہ خوانی سے کیا گیا جس کے بعد لیکچر اور ویژول طالبات کیلئے پیش کیے گئے پروگرام کے دوران وقفہ نماز اور ریفریشمنٹ کے بعد اس ورکشاپ میں شمولیت اختیار کرنے والی طالبات کیلئے باقائدہ سے ایکٹیویٹی سیشن ہوا بشمول پوزیشن ہولڈرز اور اچھی کارکردگی پر طالبات کی حوصلہ افزائی کیلئے ایوارڈ کی تقریب کا بھی انعقاد ہوا۔ آخر میں تمام شرکاء نے مثبت فیڈبیک بھی دئیے اور ورکشاپ کا اختتام دعائے امام زمانہ ع سے ہوا۔
وحدت نیوز(گلگت)مجلس وحدت مسلمین گلگت شعبہ خواتین کے زیر اہتمام گلگت کے مختلف مقامات میں 20 روزہ مجالس بسلسلہ ایام فاطمیہ کا خصوصی اہتمام کیا گیا۔ مجالس کا سلسلہ 13 جمادی الاول سے شروع ہوکر 3 جمادی الثانی تک جاری رہا۔جن مقامات میں مجالس کا اہتمام ہوا ان میں امام بارگاہ قصر زینب برمس پائین،امام بارگاہ شاہ نجف برمس بالا، امام بارگاہ سعید آباد دنیور اور محمدیہ محلہ دنیور گلگت شامل ہیں۔جہاں کثیر تعداد میں مومنات نے شرکت کی ۔
اس موقع پر مرکزی مجلس سے سے محترمہ انعم زہراء نے شہزادی کونین جناب فاطمہ زہراء سلام اللہ علیھا کی حیات طیبہ اور شہادت کے مختلف پہلوؤں کی وضاحت کرتے ہوئے کہا کہ جناب زہراء سلام اللہ علیہا عالم بشریت کی مقدس برگزیدہ خواتین میں سرفہرست ہیں اور عالم نسواں کی ہدایت و نجات کا اعلیٰ ترین نمونہ ہیں، پیغمبر اعظم صلی اللّٰہ علیہ وآلہ وسلم نے اپنی زندگی میں بار بار جناب زہراء کی مقام و منزلت بیان کیے اور اپنے قول و عمل سے مسلمانوں کو حضرت فاطمہ کے عزت و احترام اور حرمت و تقدس کا درس دیا لیکن بعد از وصال نبی ص جناب سیدہ کو جس مظلومیت اور محرومیت کا سامنا کرنا پڑا وہ ہر سمت سے قابل افسوس ہیں۔
انہوں نے کہا کہ جناب سیدہ س کی شہادت کا واقعہ انتہائی دلسوز و دردناک ہیں چونکہ تاریخ میں جناب سیدہ س کے یومِ شہادت کے بارے میں کئی روایات موجود ہیں، دنیائے تشیع میں ان تمام روایات کا احاطہ کرتے ہوۓ 20 روزہ ایام فاطمیہ کی مجالس کا اہتمام کیا جاتا ہے۔آخر میں محترمہ انعم زہراء نے ایام فاطمیہ کی خصوصی مجالس کی اہمیت بیان کرتے ہوۓ ان مجالس میں خدمات سر انجام دینے والے ذاکرین،علماۓ دین اور تنظیموں کیلئے نیک خواہشات کا اظہار کی۔
وحدت نیوز(ملتان) مجلس وحدت مسلمین ضلع ملتان کی جانب سے جنوبی پنجاب کے متاثرین سیلاب کے لیے امدادی کیمپ لگائے گئے، امدادی کیمپ امام بارگاہ ابوالفضل العباس چوک کمہاراں والا اور امام بارگاہ سائبان زہرا سبزہ زار کالونی ملتان میں لگائے گئے، اس موقع پر ضلعی نائب صدر علامہ ہادی حسین، ممبر ڈویژنل امن کمیٹی و رہنما ایم ڈبلیو ایم انجینئر سخاوت علی سیال، ڈاکٹر شاہد حسین، عون رضا انجم، مولانا غلام جعفر انصاری، مولانا صابر حسین، مولانا ممتاز حسین ساجدی اور دیگر موجود تھے۔ جنہوں نے متاثرین سیلاب کے لیے امدادی سامان اور رقم اکٹھی کی۔
اس موقع پر علامہ ہادی حسین کا کہنا تھا کہ سردی کی شدت اضافے سے میدانی اور سیلاب متاثرہ علاقوں میں مسائل بڑھ گئے ہیں مخیر حضرات اپنے عطیات اور اضافی سردی کے کپڑے سیلاب متاثرین کے لیے عطیہ کریں۔ پاکستانی قوم نے اس سے پہلے اپنے متاثرہ بھائیوں کی دل کھول کر مدد کی ہے اب بھی اسی جذبے کی ضرورت ہے۔
وحدت نیوز(قم) ایم ڈبلیوایم کے سیکرٹری امور خارجہ اور مجلس علماء امامیہ کے سربراہ علامہ ڈاکٹر سيد شفقت حسین شیرازی کی طرف سے نور الھدی ٹرسٹ کے چیئرمین اور ایم ڈبلیو ایم کے علماء ونگ مجلس علماء شیعہ کے صدر علامہ سيد حسنین عباس گردیزی کے اعزاز میں ظہرانہ،دونوں رہنماؤں کی ملاقات میں قومی، ملی اور تبلیغی امور پر تبادلہ خیال، مجلس علمائے امامیہ اور مجلس علمائے شیعہ کی ضرورت و اہمیت اور مشترکات پر بات چیت، پاکستان میں علمائے کرام کی خدمات اور مسائل کا جائزہ اور آئندہ کیلئے نیک خواہشات اور بعض اہم نکات پر توجہ مرکوز کرنےکےحوالے سے گفتگو ہوئی۔
تفصیلات کے مطابق قم المقدس ایران میں مجلس وحدت مسلمین کے سیکرٹری امورِ خارجہ اور مجلس علمائے امامیہ پاکستان کے سربراہ علامہ ڈاکٹر سید شفقت حسین شیرازی نے نورالھدیٰ ٹرسٹ پاکستان کے چئیرمین اور مجلس وحدت مسلمین پاکستان کے علماء ونگ مجلس علمائے شیعہ پاکستان کے صدر علامہ حسنین عباس گردیزی کے اعزاز میں ظہرانہ دیا۔ اس موقع پر میزبان شخصیت کی طرف سے موسسہ باقرالعلوم اور مجلس وحدت مسلمین شعبہ قم کی کابینہ کے اراکین بھی مدعو تھے۔
حاضرین نے اس نشست میں جہاں ماضی کےتنظیمی تجربات اور پاکستان کے حالات کے حوالےسے بات چیت کی وہیں علامہ ڈاکٹر سيد شفقت حسین شیرازی نے بین الاقوامی ادارہ الباقر کے مختلف ذیلی اداروں حوزہ علمیہ امام محمد باقر ع دمشق، موسسہ باقر العلوم قم، الباقر مرکز مطالعات و تحقیقات اسلام آباد، باقر العلوم فلاحی و تعلیمی سوسائٹی پنجاب اور شعبہ تبلیغات "مجلس علمائے امامیہ پاکستان" کا بھی مفصّل تعارف کرایا۔ مہمان شخصیت نے جہاں مذکورہ اداروں کی کارکردگی کو سراہا وہیں مجلس علمائے شیعہ پاکستان کے اہداف اور پالیسیوں پر بھی بات کی نیز مبلغین کے حوالے سے مزید کام کرنے کی ضرورت و اہمیت کو بیان کیا۔ حاضرین نے بھی گفتگو میں بھرپور حصّہ لیا۔
یاد رہے کہ علامہ ڈاکٹر شفقت حسین شیرازی اور علامہ حسنین عباس گردیزی کا باہمی تنظیمی رشتہ بہت قدیمی ہے۔ دونوں شخصیات شہید قائد علامہ عارف حسین الحسینی کے دور میں اپنے زمانہ طالب علمی میں ایک ہی ڈویژن میں آئی ایس او کے فعال رکن رہے۔ یاد رہےعلامہ حسنین عباس گردیزی ان دنوں سفرِ زیارات پر ایران میں ہیں۔
وحدت نیوز (سکھر) زوہیب اختر کلوڑ وحدت یوتھ سکھر ڈویژن کے صدر نامزد ہوگئے ہیں۔ وحدت یوتھ سکھر کا جنرل ورکرز اجلاس مرکزی امام بارگاہ غریب آباد سکھر میں منعقد ہوا۔ اجلاس میں مرکزی یوتھ کونسل کے رکن مولانا تصور علی مہدوی نے نامزد صدر کے نام کا اعلان کیا اور عہدے کا حلف لیا۔
پروگرام کا آغاز مین ایام فاطمیہ کے مناسبت سے مختصر مجلسِ عزا سے خطاب کیا، آخر میں وحدت یوتھ کے جوانوں کی جانب سے علم عباس علیہ السلام پر سلامی پیش کی گئی۔ اس موقع پر مجلس وحدت مسلمین پاکستان ضلع سکھر کے صدر محسن سجاد اتراء ایڈووکیٹ، جنرل سیکرٹری خادم حسین سولنگی، بابر حسین ابڑو، سردار علی اسدی، محمد عمر ملک، غلام حیدر سومرو، عابد اعوان، سید کاشف شاہ نقوی سمیت مجلس وحدت مسلمین کے دیگر رہنما بھی موجود تھے۔
وحدت نیوز (کراچی) حسن رضا وحدت یوتھ کراچی ڈویژن کے صدر نامزد ہوگئے ہیں۔ وحدت یوتھ کراچی کا جنرل ورکرز اجلاس امام بارگاہہ فاطمتہ الزہراسلام اللہ علیہا انچولی سوسائٹی میں منعقد ہوا۔ اجلاس میں مرکزی یوتھ کونسل کے رکن مولانا تصور علی مہدوی نے نامزد صدر کے نام کا اعلان کیا۔
اس موقع پر ایم ڈبلیوایم صوبہ سندھ کے صدر علامہ باقر عباس زیدی،کراچی ڈویژن کے صدر علامہ صادق جعفری، سید علی حسین نقوی سمیت مجلس وحدت مسلمین کے دیگر رہنما موجود تھے
