The Latest

وحدت نیوز(گلگت) مجلس وحدت مسلمین وومن یوتھ ونگ کی اراکین نے سینئر رہنماؤں سے امور شعبہ جوان میں خصوصی تربیتی پروگرامات کے حوالے سے بات چیت کی اور گلگت میں ہونے والی سیاسی اور ثقافتی تبدیلیوں کو مدنظر رکھتے ہوئے پروگرامات کو تشکیل دیے جانے کے حوالے سے بریف کیا ۔

اس موقع پرایم ڈبلیوایم گلگت بلتستان کے ڈپٹی سیکریٹری جنرل عارف حسین قنبری کا کہنا تھا کہ مجلس وحدت مسلمین پاکستان کا قیام جن حالات میں ہوا  اس وقت شیعہ بہت کمزور ہو چکے تھے آج ہماری طاقت سیاسی پلیٹ فارم ہے اور اس سے دور رہ کے ہم اپنے اصل ہدف تک نہیں پہنچ سکتے ۔انہوں نے آئی ایس او کی سینئر خواہران کو مجلس وحدت مسلمین میں شمولیت پر خوش آمدید کہا ۔

ایم ڈبلیو ایم شعبہ خواتین کی مرکزی سیکرٹری یوتھ محترمہ سائرہ ابراہیم نے کہا کہ شعبہ جوان  ایک وسیع شعبہ ہے جس میں مختلف انداز سے کام کرنے کی ضرورت ہے جس کے تحت نوجوانوں کی سیاسی اور نظریاتی تربیت کی جانی چاہیے ۔انہوں نے کہا کے آج آئی ایس او کی سینئر ارکین کی ملت کی خدمت کے لیے ایم ڈبلیو ایم میں شمولیت قابل تحسین ہے۔

وحدت نیوز(رگیول)سیکرٹری جنرل مجلس وحدت مسلمین گلگت بلتستان شعبہ خواتین و رکن اسمبلی کنیز فاطمہ علی نے رگیول حلقہ دو کے خواتین کی دعوت پر دورہ کیا۔اس موقع پر پارلیمانی سیکرٹری برائے وویمن ڈویلپمنٹ نے خواتین سے انکے مسائل سنے۔

انہوں نے خواتین سے خطاب کرتے ہوئے کہا کہ علاقے میں تعلیم اور صحت کے مسائل کو ترجیحی بنیادوں پر حل کیا جائے گا اور رگیول سمیت پورے حلقے میں پینے کے صاف پانی کی فراہمی کو یقینی بنایا جائے گا۔

انہوں نے کہا کہ خواتین کو روزگار کے موقع فراہم کرنا میری اولین ترجیحات میں شامل ہے جس کے تحت جلد حلقے میں ایم سی ایچ سنٹر اور دستکاری سنٹرز کے قیام کے لئے بھرپور کوشش کی جائے گی۔

آخر میں علاقہ رگیول کے خواتین نے ایم ڈبلیو ایم شعبہ خواتین گلگت بلتستان کے سیکرٹری جنرل و ممبر اسمبلی کنیز فاطمہ علی کا خصوصی شکریہ ادا کیا اور انکو پارلیمانی سیکرٹری برائے وویمن ڈویلپمنٹ منتخب ہونے پر مبارکباد پیش کی۔

وحدت نیوز (کراچی)  مجلس وحدت مسلمین شعبہ خواتین اورنگی یونٹ کراچی کی جانب سے یوم انہدام جنت البقیع کی مناسبت سے مجلس عزا کا انعقاد کیا گیا جس سے مجلس وحدت مسلمین شعبہ خواتین کی مرکزی ڈپٹی سیکرٹری جنرل محترمہ بنین زہرا نے خطاب کیا ۔

مجلس عزا کے بعد اجلاس ہوا جس میں اورنگی یونٹ کی تشکیل کی گئی محترمہ بنین زہرا نے تنظیم کے اغراض و مقاصد اور اہداف پر خواہران کو بریف کیا، اس موقع پر مجلس وحدت مسلمین شعبہ خواتین کراچی کی آرگنائزنگ کمیٹی کی ڈپٹیز محترمہ نایاب زہرا ، محترمہ یاسمین اور محترمہ سائرہ نے شرکت کی۔

وحدت نیوز(گلگت)مجلس وحدت مسلمین شعبہ خواتین کی مرکزی سیکرٹری یوتھ محترمہ سائرہ ابراہیم کی جانب سے گلگت میں شعبہ جوان کی پانچ رکنی ورکنگ کمیٹی تشکیل دی گئ جس کے اہداف اور مقاصد میں معاشرے میں ہونے والی اسکولوں اور کالجوں میں تربیتی ورکشاپ کا انعقاد کروانا ،   ثقافتی یلغار سے لوگوں کو آگاہ کرنا ، نوجوان طبقے کو مایوسی اور نا امیدی سے نکالنے کے لیے تربیتی پروگرامز کا انعقاد کرنا ،   کیریئر گائیڈنس اور اس کے ساتھ ساتھ سماجی روابط مضبوط بناتے ہوۓ اجتماعی مسائل کی روک تھام کے لیے جدوجہد کرنا  شامل ہے۔

 اس موقع پر اجلاس سے خطاب کرتے ہوۓ محترمہ سائرہ ابراہیم نے کہا کہ ہمارا کسی بھی ملک کے روشن مستقبل کا دارومدار اس کے نوجوان طبقے کی استعداد و صلاحیتوں پر ہوتا ہے ہمارا مقصد نوجوان نسل کے اندر اپنے دین اور معاشرے کے حوالے سے اجتماعی ذمہ داری کا احساس پیدا کرنا اور موجودہ دور کی ثقافتی یلغار اور بے راہ روی سے دور رکھنا ہےپانچ رکنی کمیٹی اراکین میں سیدہ رباب رضوی فارغ التحصیل جامعۃ الزہرا ، سیدہ شمسیہ رضوی معلمہ ، محترمہ بلبل نسا فارغ التحصیل قم المقدس ، محترمہ نازیہ ایم اے پولٹیکل سائنس ، ایم اے اردو وومن ڈویلپمنٹ ، محترمہ ثوبیہ فارغ التحصیل جامعہ المصطفی ، محترمہ عابدہ گورنمنٹ ٹیچر ، محترمہ نور جہاں فارغ التحصیل مشہد المقدس شامل ہیں

وحدت نیوز(حیدرآباد) سربراہ مجلس وحدت مسلمین پاکستان علامہ راجا ناصر عباس جعفری قبلہ کی اپیل پر فلسطینیوں سے اظہار یکجہتی کرتے ھوئے ملک بھر میں کی طرح حیدر آباد میں بھی اسرائیل مخالف احتجاجی مظاہرہ کیا گیا۔ ریلی میں مرکزی رابطہ سیکرٹری مجلس وحدت مسلمین  شعبہ خواتین محترمہ سیدہ سیمی نقوی ،پی ٹی آئی رکن نازش فاطمہ ، رخسار ڈویلمپنٹ آرگنائنزیشن کی محترمہ شبینہ شاہ کے ساتھ حیدرآباد پریس کلب ہپراحتجاج میں شرکت کی۔

 اس موقع پر میڈیا سے اپنے خیالات کا اظہار کرتے ہوئے سیمی نقوی نے کہا کہ بیت المقدس کا دفاع اور آزادی کی جدوجہد کرنا تمام مسلمانوں پر لازم ہے اسرائیل کی فلسطینی عوام پر جارحیت اور بمباری کے خلاف دنیا کی تمام امن پسند قوموں کو انسانیت کے تحت آواز اٹھانی چاہیے انہوں نے کہا اسرائیل امریکہ کی ناجائز اولاد ہے جسے فلسطینی عوام کسی صورت قبول نہیں کرے گی۔

وحدت نیوز (گلگت) مجلس وحدت مسلمین شعبہ خواتین گلگت  کے زیر اہتمام فلسطینی عوام کے ساتھ اظہار یکجہتی اور حماس کی فتح پر تقریب کا اہتمام ہوا ریلی موخر کر کے فلسطین کی مظلوم عوامُ کے ساتھ جشن منایا گیا اور شہدا کی لیے فاتحہ خوانی کی گئی ۔

پروگرام سے خطاب کرتے ہوئے محترمہ سیدہ رباب رضوی نے کہا کے ہماری اٹھائی آوازُ کو معمولی نہ سمجھیں اس میں بہت طاقت ہے پوری دنیا میں ظالم کے خلاف اٹھتی آوازوں نے آج اسرائیل کو جھکنے پر مجبور کر دیا ہے ۔

مرکزی سیکرٹری یوتھ ایم ڈبلیو ایم  شعبہ خواتین محترمہ سائرہ ابراہیم نے تمام شرکاء کا شکریہ ادا کیا ان کا کہنا فلسطین کے مظلومین کے ساتھ خدا کی مدد ہے حماس کی مقاومت اور جوابی کاروائیوں نے یہ بات واضح کر دی کہ وہ دن دور نہیں جب سرزمین انبیاء سے اسرائیل کے نجس قدم مٹ جائینگے ان کا مزید کہنا تھا  جرات مند فلسطینیوں کی مقاومت نے اسرائیل کو ذلیل و رسوا کر دیا ۔

وحدت نیوز(اسلام آباد) مجلس وحدت مسلمین شعبہ خواتین پاکستان کی جانب سے گذشتہ سال ماہ رمضان سے واٹس ایپ گروپ کے ذریعے دینی و تربیتی کورسز کا آغاز کیا گیا تھا جو اس سال ماہ شعبان میں اختتام پذیر ہوا ، ان ماہانہ دس روزہ ورکشاپ میں معروف و جید علمائےکرام ،مجلس وحدت مسلمین شعبہ خواتین کی مرکزی معلمات اراکین کے علاوہ دیگر معلمات نے تدریس کے فرائض انجام دیے۔

 ان ورکشاپ میں چالیس سے زائد خواتین نے باقاعدہ امتحانات میں حصہ لیا جن میں پہلی پوزیشن کلثوم کاظمی ، دوسری پوزیشن فاطمہ گیلانی ، تیسری پوزیشن طاہرہ گیلانی جبکہ چوتھی اور پانچویں پوزیشن بالترتیب نسرین عالیہ اور ندا حیدر نے حاصل کیں۔

 تمام پوزیشن ہولڈر خواہران کے لیے کیش انعامات اور اسناد  جبکہ دیگر امتحانات دینے والی خواہران کے لیے اسناد اور کتب بطور ھدیہ ان کے ایڈریسز تک بھجوای گئ ہیں ، گروپ ممبران کی دلچسپی کو مدنظر رکھتے ہوئے المجلس علمی و تربیتی گروپ میں ماہ شوال سے ایک سال تربیتی کورس کا دوبارہ آغاز کیا جا رہا ہے جسکے تحت ہر ماہ چار موضوعات پر مشتمل سات روزہ ورکشاپ کا انعقاد کیا جائےگااس سلسلے کی پہلی "حماسہ فلسطین و نابودی اسرائیل ورکشاپ" کا آغاز آٹھ شوال سے کیا جائے گا۔



وحدت نیوز(گلگت)امامیہ سٹوڈنٹس آرگنائزیشن طالبات گلگت ڈویژن اور نومل الھدی یونٹ کی جانب سے فلسطین پر اسرائیلی جارحیت کے خلاف یوم مردہ بار ریلی کا انعقاد کیا گیا۔ احتجاجی ریلی مرکزی امام بارگاہ نومل سے علمدار چوک تک نکالی گئی۔ اس موقع پر ریلی سے خطاب کرتے ہوئےمرکزی سیکرٹری یوتھ مجلس وحدت مسلمین شعبہ خواتین محترمہ سائرہ ابراہیم نے کہا کہ اقوام متحدہ اور او آئی سی کو اس حوالے سے مظلوم فلسطینیوں کے حق میں اپنا کردار ادا کرنے کی ضرورت ہے۔ چالیس اسلامی ممالک کا اتحاد کس کام کا جب قبلہ اول کے تحفظ کے لیے یہ الائنس کوئی کردار ادا نہیں کرسکتا ، اسلامی حکمرانوں کے لیے شرم سے ڈوب مرنے کا مقام ہے ۔

ان کا کہنا تھا پاکستانی عوام فلسطین میں ہونے والے ظلم کے خلاف سراپا احتجاج ہے  ۔انشااللہ وہ دن دور نہیں جب اسرائیل کا ناپاک وجود اس سر زمین سے ہمیشہ کے لئے ختم ہو جائے گا فلسطین مسلمانوں کی سر زمین ہے اور ہمیشہ رہے گی، اسرائیل نے مظلوم اور نہتے فلسطین کی عوام پر حملہ کر کے یہ ثابت کر دیا کے وہ ظالموں کا سربراہ اور دہشت گردی کا بانی ہے۔ انہوں نے کہا پوری دنیا کے مسلمان اسرائیل کی نابودی تک سراپا احتجاج رہیں گے ریلی سے آئی ایس او کی سابقہ مسئول محترمہ رباب رضوی نے بھی خطاب کیا۔

وحدت نیوز(گلگت) سابق رُکن گلگت بلتستان اسمبلی و ڈپٹی سیکریٹری جنرل مجلس وحدت مسلمین شعبہ گلگت بلتستان بی بی سلیمہ صاحبہ نے عید سعید فطر کے پر مسرت موقع پر اپنے پیغام میں کہا ہےکہ خوشی کے اس موقع پر اپنے ضرورت مند احباب اور اس پسماندہ طبقہ کو نظر انداز نہ کیا جائے جو آپ کی مدد کے بغیر عید کی خوشیوں میں شریک نہیں ہو سکتےعید کی خوشیوں میں شہداء اور اسیروں کے فیملیز کو بھی شامل کریں،اللّٰہ پاک عالم اسلام کیلئے یہ عید خوشیوں اور کامیابیوں کا باعث بنا دے،بلخصوص مظلومین فلسطین،یمن،کشمیر کیلئے خوشیوں کا باعث ہو ۔الله رب العزت بحق اھلبیت علیھم السّلام ہم سب کی عبادات اور سعی کو اپنی بارگاہ میں مستجاب فرمائے اور صحیح معنوں میں معرفت اھلبیت علیھم السّلام نصیب کرے اور ان کی سیرت پر عمل کرنے کی توفیق عطا فرمائے۔الہیٰ امین

وحدت نیوز(لاہور) مجلس وحدت مسلمین شعبہ خواتین کی مرکزی سیکرٹری جنرل و رکن پنجاب اسمبلی سیدہ زہرا نقوی نے عید الفطر کے پر مسرت موقع پر اپنے پیغام میں کہا کہ رمضان کا مقصد مسلمان کے اندر تقویٰ کی صفت پیدا کرنا ہےاور ایک مہینے میں ایسی تربیت حاصل کرنا ہے جس کا اثر سال کے باقی دنوں میں بھی نظر آئے، عید کا مقصد بے جا خوشی اور خرافات نہیں بلکہ یہ دن خدا کے شکر و عبادت اور اپنے خالق سے اپنا تعلق مضبوط بنانے کادن ہے۔

 ان کا کہنا تھا یہ اسلامی تہوار درصل اجتماعیت کا مظہر اور باہمی اتحاد و یکجہتی کی علامت ہے عید الفطر کے موقع پر مسلمانوں پر خدا کی طرف سے یہ ذمہ داری عائد ہے کہ اپنی خوشیوں میں تمام عزیز و اقرباء ،دوست احباب کے ساتھ ساتھ معاشرے کے غریب طبقے کا خیال رکھیں اپنی خوشیوں میں انھیں ہرگز نظر انداز مت کریں۔

 ان کا کہنا تھا اس وقت دنیا کے ہر درد دل رکھنے والے باضمیر مسلمان پر غم کی کیفیت طاری ہے فلسطین میں ہمارے مسلمان بہن بھائی اسرائیلی حارحیت کا نشانہ بنایاجا رہے ہیں قبلہ اول حملوں کی زد پر ہے ۔رسول خدا صل اللہ علیہ وآلہ وسلم کی حدیث کے مطابق تمام امت مسلمہ جسد واحد کی طرح ہے جس کا ایک حصہ تکلیف میں ہو تو باقی جسم بھی اس درد اور اذیت کو محسوس کرتا ہے، لہذا افغانستان میں معصوم جانوں کے قتل عام اور انسانیت سوز واقعے اور فلسطین کے شہیدوں کی یاد میں یہ عید الفطر سادگی سے منائیں اور اپنی دعاوں میں فلسطین و کشمیر سمیت دنیا بھر کے مظلومین کو یاد رکھیں وطن عزیز کے استحکام و خوشحالی اور کرونا وائرس سے جلد از جلد نجات کے لیے دعا کریں۔

Page 6 of 84

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree