The Latest
وحدت نیوز(مظفرآباد) پیغمبر اسلام کی زندگی انسانیت کی فلاح وبقا کے لئے وقف تھی آپ کی بعثت جس معاشرے میں ہوئی اسے قرآن نے ضلال مبین سے یاد کیا لیکن آپ نے تلاوت آیات،تزکیہ نفس اور تعلیم کتاب وحکمت سے معاشرے کی اس انداز سے تعمیر کی کہ وہ معاشرہ رشک ارم بن گیا آپ نے زندگی میں اپنے لئے جس کام کو باعث فخر گردانہ وہ معلم انسانیت ہونا ہے چنانچہ خود فرماتے ہیں ’’مجھے معلم بنا کر بھیجا گیاہے‘‘آپ کی زریں تعلیمات کا اثر تھا کہ لوگ کل تک ہاتھ کے بنائے ہوؤں کو بوجتے تھے وہ اب خدائے وحدہ لاشریک کی بندگی کو باعث فخر سمجھتے ہیں۔ان خیالات کا اظہارسیکرٹری جنرل مجلس وحدت مسلمین آزاد جموں وکشمیر علامہ سید تصور حسین نقوی الجوادی نے جامعہ کشمیر میں منعقدہ ’’یوم مصطفے ‘‘ کی تقریب سے خطاب کرتے ہوئے کیا۔
انہوں نے کہا کہ آج کے دور میں درپیش مشکلات کا حل بھی سیرت وتعلیمات پیغمبراسلام میں مضمر ہے پیغمبر اسلام نے تعلیم دی کہ جھکنے کے بجائے ایک ایسے کریم رب کے در پہ جھکا جائے کہ جہاں جھک کہ انسان سر بلند ہوجاتا ہے جس در پہ جھکنے بعد انسان جرات واستقامت کا پیکر بن جاتا ہے پھر بولہبیت ،بو جہلیت اور کسی طرح کے ظالمانہ وکافرانہ حربے انسان کا کچھ بھی نہیں بگاڑ سکتے بلکہ مثل خلیل آتش نمرود مین کود کر اسے گلزار بنا دیاتا ہے مقررین نے کہا کہ رسول اسلام نے جو پرچم بلند کیا وہ پرچم عزت وآبرو انسانیت کا پرچم ہے کہ جو اس کے سائے تلے آ جاتا ہے وہ کائنات پر حکمرانی کا فن جان لیتا ہے ،حقیقت تو یہ ہے کہ دین بھی اسی کا دنیا بھی اسی کی ہوتی ہے جو اپنا ناطہ حبیب کبریا سے جوڑ لیتا ہے بقول اقبال دین صرف اس کا ہے جس کا ناطہ حضور سے ہے جو حضور سے کٹ گے وہ بولہبی ہوکر رہ جاتے ہیں ۔
علامہ سید تصور جوادی نے طلاب سے خطاب کرتے ہوئے کہا کہ یونیورسٹی کے طلاب ہونے کے ناطے آپ مستقبل کے معمار ہیں آج جو کچھ آپ اس مادر علمی سے سیکھیں گے کل وہی آپ معاشرے کے افراد کو سکھائیں گے لہذا یہ طے کرنا ہوگا کہ ہم کس طرح کے معاشرے کی بنیاد رکھنے جا رہے ہیں کیا ہم نے وہ معاشرے تشکیل دینا ہے جس کی بنیاد رسول اللہ نے رکھی اور یقیناً ہر ایک کی کواہش اسی معاشرے کی تشکیل ہے تو پھر ہمیں تعمیر سیرت پہ توجہ دینی ہوگی اور اس روش کو اپنانا ہوگا جو روش اہلبیت رسول ہے جو روش اصھاب رسول ہے لیکن آج بدقسمتی سے مسلمان ٹکروں اور گروہوں میں تقسیم کردئیے گے ہیں فقھی اختلافات کی موجودگی کو بری چیز نہیں ہے لیکن اختلافات کو ہوا دے کر فسادات مین بدلنا معاشرے کے لئے زہر قاتل ہے لہذا ہمیں چاہیے کہ ہم مشترکات کے فروغ کی بات کریں ،معاشرے کی تعمیروترقی میں مثالی کردار ادا کرنے کے لئے اپنی صلاحیات کو بروئے کار لار معاشرے سے فرقہ واریت دہشتگردی لسانیت جیسے جھگڑوں کو ختم کرنے مین ایک دوسرے کے دست وبازو بن کراپنے اپنے حصہ کے کردار کی ادائیگی کے ساتھ ساتھ اجتماعی کردار ادا کریں ۔آج جب کہ وطن عزیز اندرونہ وبیرونی خطرات میں اٹا ہوا ہے ان حالات میں پہلے سے کہیں زیادہ امت مسلمہ کے اتحاد ووحدت کی ضرورت ہے اور ہم میں سے ہر آدمی اس سلسلہ مین جوابدہ ہوگا ۔
وحدت نیوز(خیر پور) ایم ڈبلیوایم شعبہ خواتین سندھ کی کابینہ نے خیرپور میں 16 مارچ کو منعقد ہونے والے" لبیک یا رسول الله (صلی الله علیہ وآلہ وسلم) کانفرنس " کے حوالےسے خیرپور میں اپنے دورے کا آغاز کردیا ہے.اور انتہائی جوش اور جذبے ہکے ساتھ عوامی رابطہ مہم جاری و ساری ہے. خواتین کو اس پروگرام کے حوالے سے شعور اور آگہی دی جا رہی ہے.اور خواتین کا اس کانفرنس میں شرکت کے حوالے سے جذبہ ایمانی اور جوش و خروش انتہائی بلندیوں پہ ہے. کردار فاطمیہ (علیہ سلام) اور جذبہ زینبی (علیہ سلام) سےسرشار خواتین نے اعلان کیاہے کہ چاہے کیسے بھی حالات ہوں ، خواتین اس مقدس اور پاکیزہ اجتماع میں اپنے بچوں کیساتھ ، بلا کسی خوف و خطر اور ہر روکاوٹ کو دور کرتے ہوے مردوں کے شانہ بشانہ شرکت کریں گی۔
وحدت نیوز(راولپنڈی) مجلس وحدت مسلمین راولپنڈی کے سیکرٹری جنرل سعید الحسن رضوی پر نامعلوم افراد نے قاتلانہ حملہ کیا ہے جس میں وہ بال بال بچ گئے ہیں، تفصیلات کے مطابق آج جب وہ اپنے گھر سے نکل کر باہر جا رہے تھے کہ اچانک گلی میں دو موٹر سائیکل سواروں نے آکر ان حملہ کیا، جس پر سعید رضوی خطرے کو بھانپتے ہوئے ساتھ والے گھر میں داخل ہوگئے، یوں موٹر سائیکل سوار فرار ہوگئے۔ تاہم کچھ دیر بعد کالعدم سپاہ صحابہ کے دہشتگردوں نے بڑی تعداد میں آکر صدیق چوک پر احتجاج کیا اور الزام عائد کیا کہ سعید رضوی نے دیواروں پر اصحاب رسول کیخلاف وال چاکنگ کرائی ہے۔ اس جھوٹ کا مقصد راولپنڈی سانحہ کے کیس کو کمزور کرنا اور شیعہ افراد کو حراساں کرنا ہے۔ کالعدم جماعت کے دہشتگردوں نے پولیس پر زور دیا کہ وہ سعید الحسن رضوی کیخلاف ایف آئی آر درج کرے، تاہم ابتک یہ معلوم نہیں ہوسکا کہ ایف آئی آر درج ہوئی یا نہیں۔
وحدت نیوز(ملتان) مجلس وحدت مسلمین پاکستان ملتان کی ضلعی کابینہ کا اجلاس ڈپٹی سیکرٹری جنرل سلیم عباس صدیقی کی زیرصدارت وحدت ہائوس ملتان میں منعقد ہوا۔ اجلاس میں ضلعی کابینہ کے اراکین غلام قاسم خان، سخاوت عباس، سید شبر رضا زیدی، سید عاصم رضا گیلانی، دل شیر خان، اسد عباس، مرزا وجاہت علی، جواد جعفری، سید فرخ مہدی اور دیگر نے شرکت کی۔ اجلاس میں 16 مارچ کو ضلعی شوریٰ کے ہونے والے اجلاس کے حوالے سے انتظامات کا جائزہ لیا گیا۔ اجلاس کی صدارت کرتے ہوئے ڈپٹی سیکرٹری جنرل سلیم عباس صدیقی کا کہنا تھا کہ ایم ڈبلیو ایم تھر میں قحط سے متاثر پاکستانیوں کے ساتھ ہے، ہر ممکن امداد کی جائے گی۔ اُنہوں نے کہا کہ مجلس وحدت مسلمین کے زیراہتمام خیرپور میں منعقد ہونے والی لبیک یارسول اللہ کانفرنس شیعہ سنی اتحاد کا عظیم مظہر ہوگی اور ملک دشمن قوتیں ایک بار پھر ناکام ہوں گی۔
وحدت نیوز(کراچی)کراچی میں جاری مسلسل ٹارگٹ کلنگ ، شیعہ کمیونٹی کی نسل کشی او ر تھر پارکر میں ایک سو سے زائد معصوم بچوں کے ہلاکت کے ذمہ دار وزیر اعلیٰ سندھ فوری مستعفی ہو جائیں ، سندھ حکومت کی ہٹ دھرمی جاری رہی تو حکومت مخالف تحریک چلانے کا اعلان کر دیں گے ، کراچی میں خون کی ہولی اب مذید برداشت نہیں کی جاسکتی ،ہمارے شہداء کے قاتلوں کے نشان وزیر اعلیٰ ہاؤس سے جا کر ملتے ہیں ، 30مارچ کو سندھ حکومت کی نا اہلی اور قاتلوں کی عدم گرفتاری کے خلاف نمائش چورنگی سے وزیر اعلیٰ ہاؤس تک احتجاجی ریلی نکالی جائے گی ، ان خیالات کا اظہارمجلس وحدت مسلمین کراچی ڈویژن کے رہنما سید علی حسین نقوی ، علامہ مبشر حسن اور شبیر حسینی نے احتجاجی مظاہروں سے خطاب کر تے ہو ئے کیا ،ان احتجاجی مظاہروں کا اعلان کراچی میں جاری ٹارگٹ کلنگ ، شیعہ کمیونٹی کی نسل کشی ،تھر میں معصوم بچوں کی ہلاکت اور سندھ حکومت کی مجرمانہ غفلت کے خلاف مجلس وحدت مسلمین صوبہ سندھ کی جانب سے کیا گیا تھا ، اس سلسلے میں مرکزی احتجاجی مظاہرہ بعد نماز جمعہ خوجہ مسجد کھارادر پر منعقد کیا گیا، اس موقع پر مظاہرین نے ہاتھوں میں بینر اور پلے کا رڈ اٹھا رکھے تھے جن پر سندھ حکومت مردہ باد، دہشت گردی مردہ باد، طالبان مردہ باداورامریکہ اسرائیل مردہ باد کے نعرے درج تھے ۔
شرکائے احتجاج سے خطاب کر تے ہو ئے علی حسین نقوی کا کہنا تھا کہ سندھ حکومت صوبے بھر میں دہشت گردی کی روک تھام میں ناکام ہو چکی ہے ، کراچی سمیت سندھ بھر میں کہیں حکومتی رٹ نظر نہیں آتی ، کراچی تو دہشت گردوں کی جنت بن چکا ہے، 6ماہ سے جاری ٹارگٹڈ آپریشن کے نتائج کہیں نظر نہیں آتے، کراچی کے شہری خوف و سراسیمگی کی کیفیت میں زندگی گذارنے پر مجبور ہو چکے ہیں ، عوام کی مشکلات و پریشانیوں سے صرفِ نظر کیئے ہو ئے حکمران اپنے محلات میں آسائش و آرام کی زندگی گذار رہے ہیں ، جب کہ اسی صوبے میں ایک سو سے زائد معصوم بچے بھوک و افلاس کے نتیجے میں اپنی جان گوا بیٹھے ہیں ۔
علامہ مبشر حسن کا کہنا تھا کہ پیپلز پارٹی کی سندھ حکومت اپنے قائدین کی روش سے رو گرداں ہو چکی ہے، ایک طرف تو بلاول بھٹو زرداری طالبان دہشت گردوں کو مولا جٹ بن کر للکارتے ہو ئے دھائی دیتے ہیں تو دوسری طرف سندھ کے اندرونی اضلاع میں اسی پیپلز پارٹی کے رہنما ان کالعدم جماعتوں کی پشت پناہی میں مصروف دکھائی دیتے ہیں ، کراچی میں جاری ٹارگٹڈ آپریشن کے نتیجے میں بقول قانون نافذ کر نے والے اداروں کے گیارہ ہزار گرفتار دہشت گردوں میں سے کسی ایک کو بھی نشان عبرت کیوں نہیں بنایا گیا۔سندھ حکومت کو آپریشن کے نام پر جاری ڈرامہ اب بند کر دینا چاہئے جس سے عوام کی جان و مال کے تحفظ میں کوئی بہتری نہ ہو ، کراچی میں ایک درجن افراد کا روز موت کے گھاٹ اتر جانا سندھ حکومت کی منہ پر تماچے کے مترادف ہے ، ہمارے شہداء کے قاتلوں کے نشان وزیر اعلیٰ ہاؤس سے جا کر ملتے ہیں ، 30مارچ کو سندھ حکومت کی نا اہلی اور قاتلوں کی عدم گرفتاری کے خلاف نمائش چورنگی سے وزیر اعلیٰ ہاؤس تک احتجاجی ریلی نکالی جائے گی۔
وحدت نیوز(اسلام آباد) مجلس وحدت مسلمین کے سربراہ علامہ راجہ ناصرعباس جعفری نے دفتر خارجہ کی ترجمان تسنیم اسلم کی جانب سے پاکستان کے میگا پروجیکٹ پاک ایران گیس پائپ لائن ایشو کو بورنگ قرار دینے کے بیان کو در حقیقت پاکستان کو در پیش توانائی کے سنگین مسائل سے آنکھ چرانے کے مترادف قرار دیتے ہوئے کہا کہ پاک ایران گیس پائپ لائن منصوبے میں موجودہ گورنمنٹ کی عدم دلچسپی در اصل اپنے عرب دوستوں کے احسانات کا بدلہ اور خواہشات کی تکمیل ہے توانائی کے سستے منصوبوں کو پس پشت ڈالنا غریب عوام کے ساتھ ظلم اور پاکستان دشمن طاقتوں کی خوشنودی حاصل کرنا ہے بجلی کے بلوں میں اضافہ کر کے غریب کش اقدامات کی توسیع کی گئی ذر مبادلہ کے ذخائر میں اضافے پر شادیانے بجانے والے بتائیں کہ ڈیرھ ارب ڈالر سعودی عرب سے کن شرائط پر لئے؟گذشتہ سال عام انتخابات سے ہی پاکستان میں عرب مداخلت بڑھ گئی تھی ریال سے منتخب حکومت اب ان ملکوں کے ایجنڈوں کی تکمیل پر عمل پیرا ہے موجودہ حکمرانوں نے پاکستان کو مشرق وسطیٰ میں جاری دہشت گردی کے دلدل میں دھکیلنے کی قیمت وصول کر لی ہے۔
علامہ راجہ ناصر عباس جعفری نے کوئٹہ اور پشاور میں دہشت گردوں کے حملوں کی شدید مذمت کرتے ہوئے اس کا ذمہ دار وفاقی حکومت اور خیبر پختونخواہ حکومت کو ٹھراتے ہوئے کہا کہ نااہل حکمران جواب دیں کہ مذاکرات کے نام پر عوام اور سیکیورٹی فورسسز کا قتل عام کب تک جاری رہیگا؟طالبان دہشت گردوں نے مذاکراتی نئی کمیٹی کو 17بے گناہ پاکستانیوں کے لاشوں اور درجنوں زخمیوں کا تحفہ دے کر نام نہاد مذاکراتی عمل کا بھانڈا پھوڑ دیا ہے دہشت گردوں کیخلاف حتمی کاروائی میں تاخیر ملک کے خلاف سوچی سمجھی سازش ہے علامہ راجہ ناصر عباس نے لاہور میں نرسوں کی پر امن احتجاج پر پولیس گردی کی شدید مذمت کرتے ہوئے اسے پنجاب حکومت کی جانب سے خواتین کے خلاف ظالمانہ اقدام قرار دیا ان کا کہنا تھا کہ پنجاب میں خواتین کے حقوق کی دھجیاں اڑائی جا رہی ہے مظفرگرھ میں وحشی درندوں کے زیادتی کا شکار قوم کی بیٹی کا انصاف نہ ملنے پر خودسوزی کر کے جان دے دینا پنجاب حکومت کی نااہلی کا منہ بولتا ثبوت ہے۔
وحدت نیوز(کراچی) صوبائی حکومت بھی وفاقی حکومت کی نقش قدم پر چل پڑی ہے ، کراچی کو خون کی دلدل بنادیا گیا ہے ، شہر کے کونے کونے سے یتیم بچو ں ، بیواعورتوں کی آہیں اور سسکیاں بھی حکمرانوں کو چین و سکون کو برباد نہ کر سکیں ، کراچی میں آپریشن ایک تھیٹر ڈرامے کی صورت اختیار کر گیا ہے ، ہزاروں دہشت گردوں اور ٹارگٹ کلرز کو گرفتار کر نے کے دعویدار کسی ایک کو بھی سزا نہ دلواسکے، کراچی سمیت صوبے بھر میں دہشت گردی اور تھر پارکرمیں معصوم بچوں کی ہلاکت پر سندھ حکومت فوری مستعفی ہو جائے ۔کل بروز جمعہ سندھ کے تمام اضلاع میں ٹارگٹ کلنگ اور تھر میں معصوم بچوں کی ہلاکت کے خلاف یوم احتجاج منایا جائے گا، ان خیالات کا اظہار مجلس وحدت مسلمین صوبہ سندھ کے سیکریٹری جنرل علامہ مختاراحمد امامی نے وحدت ہاؤس کراچی میں لبیک یا رسول اللہ (ص)کانفرنس کی رابطہ کمیٹی کے اراکین سے گفتگو کر تے ہوئے کیا۔
ان کا کہنا تھا کہ لبیک یا رسول اللہ (ص)کانفرنس سندھ کے عوام کی وطن دوستی اور عشق رسول (ص)کا مظہر ہے ، خدا کے سوا دنیا کی کوئی طاقت ہمیں خیر پور میں جلسے کے انعقاد سے نہیں روک سکتی ، سندھ بھر سے قافلے تیار ہیں جن کی حفاظت کی تمام تر ذمہ داری قانون نافذ کرنے والے اداروں اور صوبائی حکومت پر عائد ہو تی ہے، پیپلز پارٹی اور کالعدم جماعت کا گٹھ جوڑ ہمارے اداروں کو کمزور نہیں کر سکتا جس کو جتنی سازشیں کر نی ہیں کر لے ، علامہ مختار امامی نے کراچی میں ٹارگٹ کلنگ میں زیادتی پر تشویش کا اظہار کر تے ہو ئے کہا کہ کراچی خونین مقتل گاہ بن چکا ہے، کوئی محلہ کوئی آبادی دہشت گردوں کی پہنچ سے محفوظ نہیں ، کراچی میں شہید ہو نے والے بے گناہ شہریوں کی ماؤں ، بہنوں اوربچوں کی آہیں و سسکیاں بھی ہمارے بے حس حکمرانوں کی نیندیں اڑانے میں کارگر ثابت نہ ہو سکیں ، سندھ حکومت کی زیر سرپرستی پولیس اور رینجرز کی جانب سے جاری ٹارگٹڈ آپریشن بھی دہشت گردوں کے حوصلے پست نہ کر سکا، کراچی میں انسانی جانوں کے ضیاع کی شرح میں روز بروز اضافہ ہی ہو رہا ہے، جو کہ سندھ حکومت کی کارکر دگی پر سوالیہ نشان ہے ، قانون نافذ کر نے والے اداروں کی جانب سے گیارہ ہزار سے زائد خطر ناک دہشت گردوں اور ٹارگٹ کلرز کی گرفتاری کے دعوے محض فلمی ڈائیلاگ سے زیادہ اہمیت کے حامل نہیں ، اگر دہشت گردوں کی گرفتار ی کی خبروں میں کسی حد بھی سچائی ہو تی تو کوئی ایک مجرم تو سزا پاتا۔انہوں نے کراچی میں مسلسل دہشت گردی ، شیعہ ٹارگٹ کلنگ اور تھر میں ایک سو سے زائد معصوم بچوں کی موت کا ذمہ دار وزیر اعلیٰ سندھ قائم علی شاہ کو قرار دیتے ہو ئے ، ان کی فوری بر طرفی کا مطالبہ کیا ہے ۔انہوں نے اعلان کیا کہ کراچی میں روز ایک درجن سے زائدبے گناہ افراد کے قتل ا ورتھرپارکر میں ایک سو سے زائد معصوم بچو ں کی ہلاکت اور سندھ حکومت کی غفلت کے خلاف کل سندھ بھر میں یو م احتجاج منایا جائے گا،احتجاجی مظاہرے اور ریلیاں منعقد ہو نگیں ۔
وحدت نیوز(لاہور) مجلس وحدت مسلمین پنجاب کے سیکرٹری جنرل علامہ عبد الخالق اسدی نے راولپنڈی سمیت ملک بھر میں طالبان کے سلیپر سیل کالعدم تکفیری گروہ کی جانب سے فرقہ واریت پھیلانے کو مذموم سازش کی مذمت کرتے ہوئے کہا کہ پنجاب حکومت تکفیری گروہ کی کڑی نگرانی کرے ۔ یہ گروہ پاکستان بھر میں نفرت پھیلا نے کی منظم منصوبہ بندیوں میں مصروف ہیں۔پشاور میں غلیظ لٹر یچر چھپوا کر ملت جعفریہ کیخلاف عوام میں اشتعال پیدا کر نے کے لئے تقسیم ہو رہے ہیں۔خیبر پختونخواہ حکومت خاموش تماشائی کردار ادا کر رہی ہے۔طالبان کے ممکنہ حملوں کی پیش بندی یہی کالعدم گروہ حالت امن میں کر رہی ہے ۔ علامہ اسدی کا کہنا تھا کہ دہشت گردوں کے ہاتھوں یرغمال حکمران ملک دشمنوں کے آگے سرنگوںہو چکے ہیں۔پچاس ہزار پاکستانیوں کے قاتلوں کو گلے سے لگانے کی باتیں ہو رہی ہیں ۔وارثان شہدا ء اپنے پیاروں کے قصاص چاہتے ہیں ۔ملکی قانون اور شریعت میںقتل کرنے والوں کی سزا قتل ہے۔ان کا کہنا تھا کہ پاکستان کو غیر محفوظ کرنے کیلئے دشمن جس صف بندی میں مصروف ہیں حکمرانوں کو اس کا ادراک نہ ہونا افسوس ناک ہے۔
وحدت نیوز(سکھر) مجلس وحدت مسلمین پاکستان کے سربراہ علامہ راجہ ناصر عباس جعفری لبیک یارسول اللہ (ص)کانفرنس کی عوامی رابطہ مہم کے سلسلے میں آج سکھر کے دورے پر مدرسہ ولی عصر عج پہنچےجہاں انہوں نے مدرسے کی پرنسپل علامہ علی بخش سجادی سے ملاقات کی اور انہیں لبیک یا رسول اللہ (ص)کانفرنس میں شرکت کی دعوت دی، اس کے بعد علامہ حسن شاہ کے مدرسے کا دورہ کیا جہاں طلاب سے ملاقات کی اور انہیں جلسے میں شرکت کی دعوت دی، سکھر سے علامہ راجہ ناصر عباس دیگر رہنمائوں کے ہمراہ روہڑی پہنچےجہاں امام بارگاہ شاہ نجف میں قدیمی تبرکات کی زیارت اور گدی نشین سید میراں علی شاہ سے ملاقات سے ملاقات کی ، بعد ازاں ایک بڑے عوامی اجتماع سے خطاب کیا، روہڑی سے علامہ راجہ ناصر عباس گھوٹکی پہنچے جہاں تنظیمی نشست میں شرکت کی اور برادران سے خطاب کیا، گھوٹکی سے علامہ راجہ ناصر عباس کا قافلہ پنو عاقل پہنچاجہاں علامہ راجہ ناصر عباس نے ایک عوامی جلسے سے خطاب کیا اور علامہ مختار شاہ اور دیگر علاقائی عمائدین سے ملاقات کی اور انہیں لبیک یا رسول اللہ (ص)میں شرکت کی دعوت دی ، پنو عاقل سے علامہ راجہ ناصر عباس کا قافلہ گوٹھ بچل شاہ پہنچا جہاں علامہ راجہ ناصر عباس نے ایم ڈبلیو ایم اور آئی ایس او کے تنظیمی اجلاسوں میں علیحدہ علیحدہ شرکت کی ، شام کو پرانا سکھر میں علامہ راجہ ناصر عباس نے حیدری مسجد میں عوامی جلسے سے خطاب کیا اس موقع پر علاقائی عوام نے کثیر تعداد میں شرکت کی اور لبیک یا رسول اللہ(ص)کانفرنس میں شرکت کے عزم کا اعادہ کیا،بعد ازاں علامہ راجہ ناصر عباس جعفری نے سکھر شہر میں ڈسٹرکٹ بار کے وکلاء ، اہل سنت اکابرین ، مسیحی برادی کے معززین اور ماتمی انجمنوں کے عہدیداران سے علیحدہ علیحدہ ملاقاتیں کی اور انہیں شیعہ سنی وحدت کے عظیم اجتماع لبیک یا رسول اللہ(ص)میں شرکت کی دعوت دی۔
قبل ازاں گذشتہ دو روز میں علامہ راجہ ناصر عباس جعفری نے صوبائی سیکریٹری جنرل علامہ مختار امامی ، ضلعی سیکریٹری جنرل سکھر چوہدری اظہر حسن ،ضلعی سیکریٹری جنرل خیر پور آغا منور جعفری اور وحدت یوتھ سندھ کے عہدیداران اور کارکنا ن کے ہمراہ خیر پور سمیت صالح پٹ ، کندرھا، ٹنڈو مستی، سیٹھارجہ، ہنگورجہ،رانی پور،کمب، جسکانی،لقمان،حسین آباد کے مختلف مدارس، درگاہوں اور امام بارگاہوں کا دورہ کیا اورروح پرور عوامی اجتماعات سے خطاب سمیت معززین ، گدی نشین ، مہتممین اور متولیان سے ملاقاتیں کیں اور انہیں 16مارچ کو ممتاز اسٹیڈیم خیر پورمیں منعقدہ لبیک یا رسول اللہ(ص)کانفرنس میں شرکت کی دعوت دی ۔ اس موقع پر مومنین نے اپنے محبوب اور جری لیڈر ناصر ملت علامہ راجہ ناصر عباس جعفری کے فقید المثال استقبال کیئے اور پھول نچاور کیئے ۔
وحدت نیوز(خیرپور) مجلس وحدت مسلمین صوبہ سندھ کی جانب سے 16مارچ کو خیر پور میں منعقدہ لبیک یا رسول اللہ(ص) کانفرنس میں شرکت اور خطاب کے لئے آنے والے علماءوقائدین اہل تشیع و اہل سنت کی خیر پو رآمد کا آغاز ہو گیا ہے، مجلس وحدت مسلمین کے سربراہ علامہ راجہ ناصرعباس جعفری گذشتہ ایک ہفتے سے خیر پور اور گرد و نواح کے گوٹھوں ، قصبوں اور دیہاتوں میں عوامی رابطہ مہم میں مصروف ہیں ، جبکہ علامہ شیخ اعجاز بہشتی گذشتہ شب خیر پور پہنچ چکے ہیں ، سنی اتحاد کونسل کے چیئر مین صاحبزادہ حامد رضا، وائس آف شہداء کے ترجمان سینیٹر فیصل رضا عابدی ، ایم ڈبلیوایم کے مرکزی ڈپٹی سیکریٹری جنرل علامہ امین شہیدی ، علامہ حسن ظفر نقوی ، علامہ شفقت شیرازی ، مفتی سعید کاظمی اور دیگر علماء و قائدین کی آمد جمعہ تک متوقع ہے ۔ اس کے علاوہ کراچی سمیت سندھ بھرسے علماءو اکابرین لبیک یا رسول اللہ(ص)میں شرکت کے لئےبروز ہفتہ تک خیر پور پہنچ جائیں گے۔
