The Latest

وحدت نیوز(نوشہروفیروز) مجلس وحدت مسلمین پاکستان ضلع نوشہرو فیروز کے ڈپٹی سیکریٹری جنرل وقار حیدرعابدی نے وحدت آفس سے جاری کردہ بیان میں کہا ہے کہ قلندر لعل شہباز کے عرس مبارک کے موقعے پر سندھ حکومت اور انتظامیہ نے نہایت غیر ذمیواری کا مظاہرہ کیا ہے اور ناقص انتظامات کی وجہ سے کئی لوگ موت کے گھاٹ چڑھ گۓ لیکن پھر بھی حکومت کو کوئی پرواہ نہیں - انہوں نے کہا کہ اوقاف کھاتہ صرف تجوریاں کھول کر درگاہ کے لاکھوں روپیے ہر ماہ لیکر جاتا ہے لیکن کسی کو کوئی سہولت نہیں دی جاتی جو ایک زیادتی ہے۔

وحدت نیوز(کوئٹہ) مجلس وحدت مسلمین بلوچستان کے سیکریٹری جنرل علامہ مقصودعلی ڈومکی نے کہا ہے کہ حکومت کی جانب سے ایک ماہ کے لئے زائرین کے راستے کی بندش پر ہمیں شدید تشویش ہے ،حکومت بلوچستان اور وفاقی حکومت زائرین کے مسئلے کو حل کرنے میں سنجیدہ نہیں جسکے باعث زائرین کو متعدد مشکلات کا سامنا ہے۔

 

زائرین کے قافلے کی بلوچستان میں داخلہ کے موقع پر انہیں کئی روز تک سندھ اور پنجاب کے بارڈرپر روکا جا رہا ہے اور ان سے این او سی طلب کی جارہی ہے، بلوچستان حکومت نے رسمی طور پر یہ موقف دیاہے کہ ہم دوسرے صوبوں کے زائرین کی ذمہ داری نہیں لے سکتے جسکی ہم شدید الفاظ میں مذمت کرتے ہیں ، فیری سروس اور پی آئی اے فلائٹ کا اجراء بھی مسئلے کو حل کرنے کے بجائے اسے مزید پیچیدہ بنانے کا باعث ہے،کوئٹہ اور تفتان بارڈر پر کئی روز تک زائرین کو پریشان کرنا افسوسناک ہے ، انہوں نے کہا کہ مجلس وحدت مسلمین نے ہمیشہ ملت کے حقوق کی پاسبانی کی ہے،زائرین کے ایشو پر بھی سنجیدہ حکمت عملی کا مظاہرہ کرتے ہوئے حکومتی سازشوں کو نا کام بنا دے گی۔

 

انہوں نے حکومت سے مطالبہ کیا کہ وہ بلوچستان میں بھی دہشت گردوں کے خلاف آپریشن کا آغاز کرے۔دہشت گردوں کے محفوظ ٹھکانوں اور ٹریننگ کیمپس کا خاتمہ کرے اور تفتان سے کوئٹہ تک روٹ کو زائرین اور عوام کی رفت و آمد کے لئے کھول دے، انہوں نے کہا کہ اگر ناروا سلوک اور سازشیں بند نہ ہوئیں تو ملک گیر سطح پر احتجاج کیا جائے گا۔

وحدت نیوز(ٹیکسلا) 28 جون کو ٹیکسلا میں عظیم الشان کانفرنس بیاد شہداء منعقد کی جائے گی۔ جس سے سیکرٹری جنرل ایم ڈبلیوایم علامہ ناصرعباس جعفری، مولانا سخاوت قمی اور سکینہ مہدوی خطاب کریں گے۔ اس بات کا فیصلہ قلعہ زینبیہ ٹیکسلا میں منعقدہ ایم ڈبلیوایم ٹیکسلا کے اجلاس میں کیا گیا۔ اس موقع پر بیاد شہداء کانفرنس کے لئے انتظامی کمیٹیوں کو حتمی شکل دی گئی۔ اجلاس میں فیصلہ کیا گیا کہ کانفرنس میں مختلف مذاہب کے وفود کو بھی دعوت دی جائے گی تاکہ اتحاد بین المذاہب کی فضا کو سازگار بنایا جا سکے۔

وحدت نیوز(حیدرآباد) مجلس وحدت مسلمین پاکستان کے نزدیک ظالم کے خلاف قیام اور مظلوم کی حمایت وصیت امیرالمومنین حضرت علی ع ہے اور ہم تحریک منہاج القرآن کے ساتھ اس وصیت کی روشنی میں ہی اظہار ہمدردی کر رہے ہیں ۔شہباز شریف مظلوموں اور نہتے شہریوں پر گولیاں برسہ کر اپنی ریاستی دہشتگردی کا ثبوت دے رہے ہیں اور کالعدم تنظیموں کا گڑہ پنجاب ہے اور ان کی سرپرستی پنجاب حکومت کر کہ تحفظ دے رہی ہے جب مظلوم اور بیگناہ شہریوں پہ ظلم و جبر کر رہی ہے ، یہ کیسا وزیراعلیٰ ہے جو اپنے ہی شہر میں اپنی ہی عوام پر گولیاں اور ڈنڈے برسہ رہا ہے۔

 

وحدت ہائوس حیدرآباد سے جاری کردہ ایک بیان میں مولانا امداد علی نسیمی نے کہا کہ لاہور میں بے گناہ مرد و خواتین کو بے دردی سے قتل کرنے کی پرزور مذمت کر تے ہیں، رانا ثناء اللہ نے منہاج القرآن کی نہتی خواتین پر مسلح دہشت گرد ہونے کا جھوٹا الزام لگایا، نہتے شہریوں کے قتل عام کے بعد شہباز شریف پنجاب میں حق حکمرانی کھو چکے ہیں ، دسیوں بے گناہ کارکنان کی شہادت پر مجلس وحدت مسلمین پاکستان ضلع حیدرآباد عوامی تحریک کے غم میں برابر کی شریک ہے۔

وحدت نیوز(لاڑکانہ) علامہ ڈاکٹر طاھرالقادری کی رھائشگاه سے تجاوزات  ھٹانے کے بہانے سے پنجاب پولیس اور مسلم لیگ (ن) کے غنڈوں کی جانب سے کی گئی رياستی دهشتگردی کی سخت م‍ذمت کرتے ہیں۔ان خیالات کا اظہار مجلس وحدت مسلمین ضلع لاڑکانہ کے سیکریٹری جنرل طارق بدوی نے وحدت ہاوس سے جاری بیان میں کیا، ان کا کہنا تھا کہ وزیراعلیٰ پنجاب کے گھر کے قریب منہاج القرآن کے پرامن کارکنوں پر حملہ کھلی بربریت ہے، وزیر اعلیٰ پنجاب شہباز شریف کو اس ظالمانہ اقدام کے بعد فالفور مستعفی ہو جانا چاہیے تھا۔ پرامن احتجاج سب کا حق ہے، پنجاب حکومت کی یہ بیہمانہ حرکت، جمہوریت نہیں بلکہ ڈیکٹیٹر شپ ہے۔ ایک طرف جہاں فاٹا شمالی وزيرستان میں طالبان کیخلاف آپریشن ہو رہا ہے، جو دہشت گردی کا اصل مرکز ہیں۔ اس آپریشن کی ہم بھرپور حمایت کرتے ہیں، اس اہم آپریشن کے وقت پوری ملت پاک فوج کے ساتھ کھڑی ہے۔ اس موقعہ پر اس نام نہاد جمہوری حکومت کی جانب سے منہاج القرآن کے کارکنوں کا قتل عام ایک شرمناک عمل ہے۔ہم مجلس وحدت مسلمین پاکستان ضلع لاڑکانہ کی جانب سے علامہ طاھرالقادری کو اس افسوسناک واقعے پر تعزيت پيش کرتے ہیں، ہم ان کے دکھ میں برابر کے شریک ہیں۔ اور مسلم لیگ (ن) حکومت کے خلاف ہر موومنٹ میں ان کے ساتھ ہیں۔

وحدت نیوز(سرگودھا) پنجاب بھر میں شاہی نظام حکومت قائم ہے، تخت لاہور نے تمام صوبے کے عوام کو بیکس ولاچاربنا رکھا ہے، مذہبی آزادی صلب کر نے کی کوششیں کی جارہی ہیں ،پورا پنجاب کالعدم تکفیری جماعتوں کی جنت بن چکا ہے، ڈی پی او سرگودھا ہلال پور میں عزاداری پر سے پابندی فوری طور پر ہٹائے ، سرگودھا کا ہر چوک عزاخانہ بنا دیا جائے گا،پنجاب حکومت نے قاتل ومقتول میں فرق ختم کر دیا ہے،گیارہ بے گناہ کارکنان کی شہادت کے باوجود صاحبزادہ حسن محی الدین قادری کے خلاف ایف آئی آر کااندراج انتقامی سیاست ہے ، ان خیالات کا اظہار مجلس وحدت مسلمین کے سربراہ علامہ ناصر عباس جعفری نے سرگودھا کی تحصیل بھلوال میں منعقدہ شہداء کانفرنس سے خطاب کرتے ہوئے کیا، قبل ازیں علامہ ناصر عباس جعفری سرگودھا کی حدود میں داخل ہوئے تو سیال موڑ پر علاقہ مکینوں نے سینکڑوں کی تعداد میں موٹر سائیکلوں اور گاڑیوں میں ناصر ملت کا فقید المثال استقبال کیا، علامہ ناصرعباس جعفری نے سیال موڑ کی مرکزی امام بارگاہ میں مومنین سے مختصر خطا ب کیا، سیال موڑ سے علامہ ناصر عباس جعفری ایک بڑی ریلی کے ہمراہ کوٹ مومن سٹی پہنچے جہاں پہلے سے موجود سینکڑوں گاڑیوں میں سوار مومنین اور اہل علاقہ علامہ ناصر عباس جعفری کے قافلے میں شامل ہو گئے،ایک بڑا قافلہ دو کلومیٹر طویل ریلی کی صورت میں علامہ ناصر عباس جعفری کے ہمراہ بھلوال سٹی پہنچا جہاں مقامی تاریخ کا عظیم الشان استقبال کیا گیا ۔


بھلوال میں عزاداری کانفرنس سے خطاب کرتے ہو ئے علامہ ناصر عباس جعفری نے کہا کہ نواز شریف کے بھائی شہباز شریف کی پنجاب میں حکومت ہمارے لئے ایسی ہی ہے جیسے کوفے میں یزید کے بھائی ابن زیاد کی حکومت ، نواز لیگ کا ایک ہی ایجنڈا ہے کہ کسی طرح بھی محب وطن قوتوں کو پنجاب سمیت ملک بھر میں کچلا جائے،آئین پاکستان کی روشنی میں کالعدم قرار دی جانے والی ملک دشمن تنظیمیں پنجاب کو اپنا ننھیال سمجھتی ہیں ، جس آزادی کے ساتھ کالعدم جماعتیں پنجاب میں فعال ہیں ایسی صورت حال کسی اور صوبے میں نہیں ،سنگین جرائم میں ملوث دہشت گردو ں کو پنجاب حکومت مراعات فراہم کرتی ہے ،قاتلوں کو سرکاری پروٹوکول دیا جاتا ہے، کبھی جلوس پر پابندی کی ناکام کوششیں کی جاتی ہیں کبھی عزاداری پر قدغن لگانے کی بوگس سازشیں کی جا تی ہیں ، آج یہاں اس کانفرنس کے توسط سے ڈی پی او سرگودھا کو متنبہ کر تا ہوں کہ عزاداری کے اجتماعات پر سے پابندی کو فوری طور پر اٹھا یا جائے ورنہ سرگودھا کی ہر گلی ہر چوک سے ماتمیوں کے دستے نکلیں گے اور پورے سرگودھا کو عزاخانے میں تبدیل کر دیں گے، انہوں نے گذشتہ دنوں لاہور میں ریاستی ظلم و جبر کی مذمت کر تے ہوئے کہا کہ شہباز شریف نے سیاسی انتقام کے نشے میں دہت ہو کر نہتے شہریوں پر گولیاں چلوائیں خواتین کی حرمت بھی پامال کی گئی، انتقامی سیاست میں ایک سیاہ باب رقم کیا گیا، شہباز شریف کی انتقام کی آگ ابھی بجھی نہیں ، ڈاکٹر طاہر القادری کے فرزند صاحبزادہ حسن محی الدین قادری کے خلاف جھوٹی ایف آئی آر کاٹ دی گئی جو کے مقتول کو ہی قاتل بنانے کی گہناؤنی سازش ہے ، جس کی ہم پر زور مذمت کر تے ہیں ۔

 

ان کا مذید کہنا تھا کہ سانحہ ماڈل ٹاون انتہائی شرمناک ہے، بے گناہوں کو قتل کیا گیا اور ہم ڈاکٹر طاہر القادری کے ساتھ مکمل یکجہتی کا اظہار کرتے ہیں۔ انہوں نے کہا کہ ڈاکٹر طاہر القادری جلوس نکالیں، دھرنے دیں یا حکومت کیخلاف لانگ مارچ کریں، ہم انکے ساتھ ہیں۔ انہوں نے کہا کہ منہاج القرآن کے کارکنوں کو قتل کر کے انہیں فوج کی حمایت کرنے کی سزا دی گئی۔ ایم ڈبلیو ایم کے مرکزی قائد کا کہنا تھا کہ مجلس وحدت مسلمین نے ایک سیاسی قوت بننے کا فیصلہ کر لیا ہے، اگرچہ یہ ایک مشکل کام ہے لیکن اگر ہم سیاسی طاقت نہیں بنیں گے تو اپنے حقوق کے لیے بھیک مانگنا پڑے گی، لیکن پھر بھی ٹھوکریں ملتی رہیں گی۔ بھلوال ضلع سرگودہا کی مرکزی امام بارگاہ میں اپنے خطاب میں انہوں نے کہا کہ ملک کو دہشت گردوں کی فیکٹری نہیں بننے دیں گے، پاکستان کے شیعہ اور سنی اکٹھے ہو جائیں تو پھر وہی ہو گا جو یہ چاہیں گے۔ انہوں نے سانحہ ماڈل ٹاون کے متعلق حکومت پر تنقید کرتے ہوئے کہا کہ وزیر اعلیٰ پنجاب شہباز شریف کا یہ کہنا کہ انہیں پولیس گردی کا علم ہی نہیں تھا، ایک جھوٹ ہے۔ علامہ راجہ ناصر عباس نے کہا کہ اہلسنت نے راولپنڈی واقعہ کے موقع پر ہمارا ساتھ دیا، ہم انکے شانہ بشانہ چلیں گے، لیکن اپنے حقوق کے لیے ہتھیار نہیں اٹھائیں گے، بلکہ عوامی جد و جہد کریں گے اور انشا اللہ کامیابی ہمارا مقدر ٹھہرے گی۔

وحدت نیوز(اسلام آباد) مجلس وحدت مسلمین کے مرکزی سیکرٹری سیاسیاست ناصر عباس شیرازی ایڈووکیٹ نے اسلام آباد میں مسلم لیگ (ق) کے سیکرٹری جنرل مشاہد حسین سید اور مسلم لیگ نون کے رہنماءشیخ وقاص اکرم سے الگ الگ ملاقات کی ہے، ملاقات میں امن و امان کی مجموعی صورتحال، ملکی حالات اور طالبان کے خلاف ہونے والے فوجی آپریشن پر بات چیت ہوئی ہے۔ رہنماوں نے لاہور واقعہ پر اظہار افسوس کیا اور اسے جمہوری دور کی بدترین مثال قرار دیا۔ اس موقع پر ناصر عباس شیرازی کا کہنا تھا کہ جس انداز میں وزیر اعلٍی شہباز شریف کی ہدایت پر نہتے لوگوں کا قتل عام ہوا ہے اس کی کوئی نذیر نہیں ملتی۔ انہوں نے کہا کہ شہباز شریف اور رانا ثناءاللہ کو فی الفور استعفیٰ دینا چاہیئے تاکہ تحقیقات شفاف انداز میں ہو سکیں۔ مشاہد حسین سید سے ہونے والی ملاقات میں اپوزیشن کے متوقع گرینڈ الائنس پر بھی تبادلہ خیال کیا گیا۔ رہنماوں نے اس بات پر اطمنان کا اظہار کیا کہ پاک فوج بڑی تیزی کے ساتھ بھرپور آپریشن کر رہی ہے اور انشاءاللہ یہ آپریشن ملک میں امن و امان کی نوید ثابت ہوگا۔

سیاسی طاقت نہ

وحدت نیوز (کوئٹہ) مجلس وحدت مسلمین کوئٹہ ڈویژن کے زیر اہتمام پا نچویں اجتما عی شا دی کا انعقاد کیا گیا جس میں زند گی کے مختلف شعبوں سے تعلق رکھنے والے سماجی، سیا سی اور مذہبی زعما ء و اکا برین نے ایک بڑی تعدا د میں شر کت کی ۔ تقریب سے خطا ب کر تے ہوئے مجلس وحدت مسلمین کے مر کزی رہنما علامہ سید ہاشم مو سوی نے کہا کہ یہ ہما رے لئے اعزاز کی با ت ہے کہ آج کی اس اجتما عی شا دی میں برا دران اہ سُنت کے جو ڑے بھی شا مل ہیں جو بذا ت خود اتحا د بین المسلمین کی ایک بہت بڑی علامت ہے یوں ایک دوسرے کے سا تھ میل جو ل رکھنا اور محافل میں شریک ہونے سے آپس کی غلط فہمیا ں دور ہو تی ہیں اور ایک دوسرے کو سمجھنے میں مدد گا ر ثا بت ہو گی۔ انہوں نے کہا شیعہ اور سُنی اسلام کے دو مضبو ط با زو ہیں جسکے اتحا د میں دشمنا ن دین و امریکا اور استکبا ر جہان اپنے لئے مُضر سمجھتے ہیں یہی وجہ ہے کہ آج یہ قو تیں مسلما نوں کو دست و گریبان کرنے میں کو ئی دقیقہ فرو گذا شت نہیں کرتے ہیں اور اپنے پر وردہ عنا صر کے ذریعے وطن عزیز پا کستان میں بین المذا ہب نفر توں کے بیج ہوئے جا رہے ہیں مگر ہمیں یہ یقین کر لینا چا ہیے کہ مسلما نوں کو نجا ت اور اُنکے مسا ئل کا حل صر ف اور صر ف اتحا د و اتفا ق میں ہی پو شیدہ ہے جسکے لئے علما ء سمیت معا شر ے کے ہر طبقے کے لو گو ں کا اپنا کر دا ر ادا کر نا چا ہئیے۔

 

تقریب سے خطا ب کر تے ہوئے سُنی سپریم کونسل کے ڈپٹی چیرمین سید حبیب اللہ چستی نے بتا یا کہ اس پُر مسر ت موقع پر خو د کو اس نو رانی محفل میں پا کر خو شی محسو س کر رہا ہوں جسکے لئے میں مجلس وحدت مسلمین کے رہنما وں اور تما م اراکین کا بے حد مشکور و ممنوں ہوں اُنہوں نے محفل میں شریک جو ڑوں کو مبا رکباد پیش کر تے ہوئے کہا کہ اجتما عی شا ویوں کا اتعقاد ایک قا بل تحسین امر ہے نکا ح سُنت نبوی ﷺ میں سے ہے او ر سُنت رسول ﷺ کی پیر وی کرتے ہوئے ہی ہم اپنے معا شرے سے بُرا ئیوں کا خا تمہ کر سکتے ہیں ۔ اُنہوں نے کہا کہ اس چیز کیلئے حضر ت فا طمتہ الزاہ ؑ کی سیر ت اور سا دگی بھری شا دی ہما رے لئے بہترین نمونہ عمل ہے ورنہ شاد ی کے اخر اجا ت اور بے جا رسوما ت کو بڑھانے سے معا شرے کے اندر باالخصو ص نو جو انوں میں بُر ائیا ں جنم لتیے ہیں آج کی یہ محفل شیعہ ، سُنی اتحاد کا بہترین مظا ہرہ صدیوں سے ہم میں یہی محبت امن اور بھا ئی چا رے کی فضا ء تھی مگر کچھ غیر ملکی پر وردہ عنا صر اور دشمنان اسلام نے ہم میں ایسے گر وہ بنا ئے جو شب و روز مسلمانوں کے اندر انتشار اور فر قہ وا ریت کو ہو ا دینے میں مصر و ف عمل ہیں ورنہ ہم تو وہ ہیں جو گناہ قتل کرنے اور ایک دوسرے پر کفر کے فتو ے لگا نے کا روئے زمین میں بد ترین گنا ہ تصور کر تے ہیں ۔

 

تقریب میں موجو د مختلف سما جی مذہبی  سیا سی شخصیات بالخصوص ایم ڈبلیوایم کے رکن بلوچستان اسمبلی سید محمد رضانے مجلس وحدت مسلمین کی اس کا وش کو سر اہتے ہوئے کہا کہ اس کا وش سے ایک انسا ن سا ز معاشرے کی تشکیل اور نو جو ان طبقے کو معا شر ے کا ذمہ دا ر فر د بنانے میں بھر پور مد د ملے گی۔ پروگرام کے آخر میں ایم ڈبلیو ایم کے تما م یونٹس ،ضلعی عہدے دا ران اور کا رکنوں کو خر اج تحسین پیش کر تے ہوئے کہا گیا کہ اُنہوں نے دن رات محنت کر کے اس اجتما عی شادی کے پر وگر ام کو کامیاب بنا نے میں اہم کر دار ادا کیا۔

وحدت نیوز(کوئٹہ) مجلس وحدت مسلمین کو ئٹہ ڈویژن سے جا ری کر دہ بیان میں رکن بلوچستان اسمبلی سید محمد رضا رضوی نے آپریشن ضر ب عضب کوخوش آئند قر ار دیتے ہوئے اس کا دائرہ وسیع کر کے پورے ملک میں دہشت گر دوں کا قلع قمع کرنے کا مطا لبہ کرتے ہوئے کہاہے کہ دہشت گر دوں کا ملک بھر میں پیچھا کر کے اُن کو انجا م تک پہنچا یا جا ئے تا کہ اُن کو یہ مو قع نا مل سکے کہ وہ پھر منظم ہو کر معصوم انسا نوں کے خون سے ہولی کھیل سکے اب وقت آگیا ہے کہ سا ٹھ ، ستر ہزار معصوم پا کستانیوں کے قا تلوں سے قصا ص لیا جا ئے کیونکہ شہدا ء کے خا نوادوں کی بھی یہی خواہش ہے کہ اُن کے عزیزوں کے خون کا بدلہ لیا جا ئے انہوں نے کہا کہ مجلس وحدت مسلمین پا کستان کے اصو لی موقف کی آج پو رے پا کستان میں اکثر سیا سی اور مذہبی جما عتوں کی طر ف سے تا ئید کی جا رہی ہیں اور بعض عنا صر جو کل تک اس مو قف کی مخا لفت کر رہے تھے آج ہو ا کے روخ کو دیکھ اپنے مو قف سے انحراف کرکے آپر یشن کے حق میں بیان جاری کر رہے ہیں جو اُن کے سیا سی بلا غت کی نشا نی ہے۔ان کا مذید کہنا تھا کہ پنجا ب حکومت کی طر ف سے پا کستان عوامی تحریک کے کا رکنوں پر کی جا نے والی بد ترین ظلم و ستم کو غیر انسا نی اور غیر جمہو ری اقدام قر ا ر دیتے ہو ئے اسکی شدید مذمت کی گئی اور کہا گیا کہ کسی بھی مہذت معا شر ے میں خوا تین اور عوام پر اس طر ح سے لا ٹی چا رج اور گو لیاں نہیں بر سا ئی جا تی لیکن ہما رے حکمر ان اقدار کے نشے میں اتنے غر ق ہو گئے ہیں کہ انہیں عوام کے جا ن کی کو ئی فکر نہیں اور عوام کو بد ترین ظلم و بر بر یت کا نشا نہ بنا یا جا رہا ہیں جو انتہا ئی شرمناک ہے۔

وحدت نیوز(نوشہروفیروز) مجلس وحدت مسلمین پاکستان ضلع نوشہرو فیروز کے سیکریٹری اعجازعلی ممنائی نے تحریک منہاج القران کے کارکنوں پر پنجاب حکومت  سے تشدد اور شہادت پر گہرے دکھ کا اظہار کرتے ہوئے کہا کہ  پنجاب حکومت دہشتگردوں کے بجا پر امن شہریوں پر ظلم کے پہاڑ گرا رہی ہے  ملک سے دہشت گردی کے خاتمے کیلئے ان کے پاس کوئی پلاننگ نہیں ہے انہوں نے کہا کہ اب حکمرانو کے ساتھ طالبان کے خلاف جہاد کرنا  بھی  فرض ہوگیا ہے۔ حکومت دہشت گردی کے خاتمے کیلئے طالبان کیخلاف اعلان جہاد کرے پوری قوم ساتھ دیگی۔طالبان نے ملک کی اینٹ سے اینٹ بجاد ی مگرانکے حمایتیوں کو کوئی شرمندگی نہیں ہوئی۔ طالبان کے سرپرستوں کے گرد گھیرا تنگ کیا جائے تو دہشت گردوں کی کمین گاہوں تک پہنچا جاسکتا ہے۔ طالبان ہزاروں بیگناہ پاکستانیوں کے قاتل ہیں ، ان سے مجرموں والا سلوک کیا جائے انہوں نے کہا کہ نام نہاد اسلام کے ٹھیکیدار ریاست مخالف طالبان کی حمایت سے باز آ جائے۔عراق کی موجودہ صورتحال کو دیکھ کر پاکستان کی حکومت کو سبق لینا چاہیے یعنی یہ ممکن ہے کہ پورا ملک حکومت اور دین کے سائے تلے متحد ہو کر اس دہشت گردوں کی لعنت سے چھٹکارا پا سکتا ہے ۔

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree