The Latest
وحدت نیوز(لاہور) پنجاب حکومت سانحہ ماڈل ٹاوُن کی ذمہ دار ہے، وزیراعلٰی اپنے وزرا سمیت مستعفی ہو کر گرفتاری دیں، شہباز شریف نے نہتے لوگوں اور خواتین کا قتل عام کرکے ظلم و بربریت کی بدترین مثال قائم کی۔ ان خیالات کا اظہار مجلس وحدت مسلمین پاکستان کے سربراہ علامہ ناصر عباس جعفری نے پاکستان عوامی تحریک کے زیراہتمام منعقدہ اے پی سی سے خطاب کرتے ہوئے کیا۔ ان کا کہنا تھا کہ کوئی بھی باشعور اور غیرت مند انسان خواتین پر ہاتھ نہیں اُٹھاتا، جو ظلم سانحہ ماڈل ٹاوُن کے مظلوموں کیساتھ کیا گیا، اس کا حساب ان ظالم حکمرانوں کو دنیا اور آخرت دونوں میں دینا ہوگا۔ اُن کا کہنا تھا کہ ہم ہر ظالم کیخلاف اور ہر مظلوم کے حامی ہیں، مسلم لیگ نون نے جمہوریت کا نام بدنام کیا، آج ہمیں فیصلہ کرنا ہوگا کہ کیا ہم نے ظالموں کے ظلم پر خاموش رہنا ہے یا مظلوموں کا ساتھ دینا ہے۔ علامہ ناصر عباس جعفری نے پاکستان عوامی تحریک کے ذمہ داران کو یقین دلایا کہ ہم آپ پر ہونے والے اس ظلم کی بھرپور مذمت کرتے ہیں اور اس واقعے کیخلاف آپ کی ہر جائز قانونی و آئینی جدوجہد میں آپ کیساتھ ہیں۔ اے پی سی میں مجلس وحدت مسلمین پاکستان کے ڈپٹی سیکرٹری جنرل علامہ امین شہیدی اور مرکزی سیکرٹری سیاسیات سید ناصر شیرازی نے بھی شرکت کی۔
وحدت نیوز(اسلام آبا د) مجلس وحدت مسلمین پنجاب کے صوبائی ترجمان علامہ اصغر عسکری نے کہا کہ ریاستی اداروں کی سر پرستی میں کالعدم جماعتوں کی شیعہ دشمنی پر مبنی فعالیت اپنے عروج پر ہے،ملک پاکستان نا اہل حکمرانوں کے ہاتھوں یر غمال بن چکا ہے اور آئے دن مشکلات میں اضافہ ہوتا چلا جا رہا ہے اگر آج قوم بیدار نہ ہوئی اور ان غدار و مفاد پرست حکمرانوں کے خلاف آواز بلند نہ کی تو مستقبل میں مشکلات مزید بڑھ جائیں گی ان خیالات کا اظہار انہوں نے ڈی آئی خان کے نواحی علاقے حاجی مورہ میں ایک جلسہ سے خطاب کرتے ہوئے کیا
علامہ اصغر عسکری نے اپنے خطاب میں پنجاب حکومت کے متعصبانہ اور جانبدارانہ رویے کی بھر پور مذمت کرتے ہوئے کہا کہ پنجاب حکومت نے اپنے تعصب کی بنیاد پر ضلع بھکر میں ہمارے ایک سو تیس (130) عہدیداران اور کارکنان کو شیڈول فور میں ڈال دیا ہے جبکہ کالعدم تنظیموں کو ہر قسم کی آزادی ہے انہوں نے کہا کہ کالعدم جماعتوں کو باقاعدہ ریاستی اداروں کی سر پرستی حاصل ہے کراچی سے لیکر کشمیر اور خیبر سے لیکر کوئٹہ تک کالعدم جماعتیں اپنے مذموم مقاصد و ملک دشمنی پالیسی پر فعالیت کر رہی ہیں جبکہ کسی کے خلاف کوئی قانونی کاروائی نہیں کی جا رہی اور ہمارے بے گناہ اور شریف شہریوں کو راولپنڈی پولیس نے گزشتہ 3 ماہ سے گرفتار کیا ہوا ہے اور بے بنیاد مقدمات میں ڈالنے کی کوشش کی جا رہی ہے جس کی ہم بھر پور مذمت کرتے ہیں ۔ علامہ اصغر عسکری نے کہا کہ اس ظلم و نا انصافی کے خلاف پوری ملت تشیع کو اٹھنا ہو گا اور مجلس وحدت مسلمین کی قیادت کے ساتھ ہم آواز بن کر اپنا کردار ادا کرنا ہو گا ۔
وحدت نیوز(کوئٹہ ) مجلس وحدت مسلمین کوئٹہ ڈویژن سے جاری کردہ ایک بیان میں کونسلر کربلائی رجب علی نے کہا ہے کہ ہزارہ ٹاون بروری اور اس سے ملحقہ آبادیوں میں پانی کی شدید قلت اور بجلی کی غیر اعلانیہ لوڈ شیڈنگ نے عوام کا جینا اجیرن کر رکھا ہیں شدید گرمی میں گھنٹوں بجلی غائب رہتی ہے اور جب بجلی آتی بھی ہے تو بہت کمزور ہونے کی وجہ سے برقی آلات فریج، پنکھا، واٹر پمپ وغیرہ نہیں چل سکتے اور بڑے پیمانے پر لوگوں کے برقی آلات خراب ہونے کی شکایات آرہی ہے جسکی وجہ سے عوام کو معاشی طور پر بہت نقصان اُٹھانا پڑ رہا ہیں دوسری جانب قلت آب نے عوام کی مشکلات میں اضافہ کر دیا ہے اور گرمی کے اس شدید موسم میں لوگ بوند بوند پانی کو ترس رہے ہیں اور ان کا کوئی پرسان حال نہیں اور عوام کو ٹینکر مافیا کے رحم و کرم پر چھوڑ دیا گیا ہے جو عوام سے من مانی قیمت وصول کرتے ہیں اور اب کئی دنوں سے ٹینکرز مالکان بھی عوام کو پانی پہنچانے سے معذرت کرتے نظر آتے ہیں اور ہڑتال اور مختلف قسم کے بہانوں سے اپنی قیمتیں بڑھانے کے چکروں میں رہتے ہیں جبکہ عوامی نمائندے کسی قسم کا کردار ادا کرنے سے مکمل قاصر نظر آتے ہیں اور صرف زبانی جمع خرچ سے کام چلا رہے ہیں ۔ انہوں نے میں حکومت سے پر زور مطالبہ کیا گیا کہ محکمہ واسا اور واپڈا کی اس خراب کارکردگی کا فوری نوٹس لیتے ہوئے عوام کی اس کرب کی صورت حال سے نجات دلایا جائے اور عوام کو انکے بنیادی حقوق کے سلسلے میں کردار ادا کیا جائے۔
وحدت نیوز(راولپنڈی) مجلس وحدت مسلمین پنجاب کے سیکرٹری جنرل علامہ عبدالخالق اسدی نے راولپنڈی میں بےگناہ شیعہ افراد کی گرفتاری کو پنجاب حکومت کی جانب سے انتقامی کارروائی قرار دیتے ہوئے کہا کہ دہشت گردوں کے زیراثر حکومت صوبے میں پرُامن شہریوں کو ہراساں کرنے سے باز رہے۔ ان خیالات کا اظہار انہوں نے لاہور میں جنوبی پنجاب کے ممبران سے خطاب کرتے ہوئے کیا۔ اُن کا کہنا تھا کہ آپریشن ضرب عضب سے انشاءاللہ وطن عزیز سے شدت پسندوں کا خاتمہ ہو گا، پاکستانی عوام یکجا ہو کر اپنی بہادر فوج کا ساتھ دیں تاکہ مملکت خداداد پاکستان کو پھر سے امن و محبت کا گہوارا بنایا جا سکے۔ علامہ اسدی نے رمضان المبارک کے آمد سے قبل ذخیرہ اندوزوں کی جانب سے اشیاء خورونوش کی قیمتوں میں ہوشربا اضافے کو حکومت کی ناکامی قرار دیتے ہوئے کہا کہ یہ اقدام اللہ کے مہینے کے تقدس کو پامال کرنے کے مترادف ہے، حکومت کا فرض ہے کہ وہ ان مافیاز کیخلاف فوری کارروائی کرے تاکہ عوام سکھ کا سانس لے سکیں۔ علامہ اسدی نے عوام سے اپیل کی کہ آپریشن ضرب عضب کے متاثرین کی بھرپور مدد کریں یہ ہمارے وہ بھائی ہیں جنہوں نے اپنا آج ہمارے کل کے لئے قربان کیا ہے۔
وحدت نیوز(اوکزئی ایجنسی) سانحہ تفتان کے خلاف مجلس وحدت مسلمین کے زیر اہتمام اورکزئی ایجنسی میں احتجاجی ریلی نکالی گئی، قبل ازیں مدرسہ انوارال اہلبیت (ع) کے زیر اہتمام احتجاجی جلسہ منعقد ہوا، جس میں ایجنسی بھر سے لوگ شریک ہوئے۔ ایم ڈبلیوایم مانی خیل یونٹ کے زیر اہتمام مانی خیل امام بارگاہ سے کلایہ بازار تک احتجاجی ریلی نکالی گئی، جس میں حکومت کے خلاف شدید نعرہ بازی کی گئی۔ اس موقع پر مجلس وحدت مسلمین اورکزئی ایجنسی کے سیکرٹری جنرل اور پرنسپل مدرسہ انوار ال اہلبیت (ع) علامہ مصطفیٰ بہشتی نے کہا کہ افسوس کے ساتھ کہنا پڑتا ہے کہ حکومت کی طرف سے سانحہ تفتان میں ملوث عناصر کے خلاف کوئی کارروائی عمل میں نہیں لائی گئی اور نہ ہی شہداء کے لواحقین کیلئے مالی معاوضے کا اعلان ہوا۔ ان کا کہنا تھا کہ اس سے معلوم ہوتا ہے کہ ہمارے حکمران کس قدر نااہل اور بے کار ہیں، انہیں حکومت چلانے کا طریقہ ہی نہیں آتا، ہم اس عظیم اجتماع کے ذریعے مطالبہ کرتے ہیں کہ حکومت شہداء کے لئے مالی معاوضے کا اعلان کرے اور زائرین کے لئے راستے کو محفوظ بنانے کے لئے اقدامات کرے۔ ان کا کہنا تھا کہ ہم یہ بھی مطالبہ کرتے ہیں کہ زائرین کی مشکلات کو ختم کیا جائے، ان کے ساتھ ناروا سلوک برداشت نہیں کیا جائے گا۔ اس موقع پر علامہ سید اعوان علی شاہ، علامہ باقر حسین منتظری، علامہ جواد حسین اور دیگر نے بھی خطاب کیا اور سانحہ تفتان کی شدید مذمت کرتے ہوئے شہدا کے لواحقین سے اظہار ہمدردی کیا۔
وحدت نیوز(کوئٹہ) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے مدرسہ خاتم النبیین ﷺ میں منعقدہ تقریب سے خطاب کرتے ہوئے کہا ہے کہ ماہ مبارک رمضان، اللہ کا مہینہ ہے جو اپنی رحمتیں اور برکتیں لے کر آرہا ہے۔ روزہ دار اللہ تعالی کا مہمان ہے جس کا سونا عبادت اور سانس لینا تسبیح کے برابر ہے۔ رسول اسلام ﷺ نے اپنے خطبہ میں اس مبارک مہینے کے فضائل بیان کئے اور فرمایا بد بخت ہے وہ انسان جو اس عظیم مہینے میں مغفرت الہی سے محروم رہا۔
انہوں نے کہا کہ دہشت گردوں کے خلاف آپریشن عوام کا دیرینہ مطالبہ تھا۔ مجلس وحدت مسلمین نے دہشت گردی کے خلاف عوام کی ترجمانی کا حق ادا کیا۔ اب جبکہ آپریشن شروع ہوچکا ہے ہم مطالبہ کرتے ہیں کہ طالبان کی طرح لشکر جھنگوی کے دہشت گردوں کے خلاف بھی ملک گیر آپریشن شروع کیا جائے۔ بلوچستان میں کالعدم سپاہ صحابہ نے ملت جعفریہ کے خلاف میڈیا ٹرائل شروع کیا ہے جسے مکمل طور پر ریاستی اداروں کی پشت پناہی حاصل ہے۔ امریکہ اور عرب شہزادوں کو خوش کرنے کے لئے فرقہ واریت کی آگ بھڑکانے والے ملک و ملت کے خیر خواہ نہیں۔ انہوں نے کہا کہ قوم یہ سوال پوچھنے کا حق رکھتی ہے کہ دہشت گردوں کے خلاف آپریشن پر شور مچانے والے معصوم انسانوں کے قتل عام پر کیوں خاموش رہے۔ دہشت گردوں کے ترجمان اور ہمدرد انہیں معصوم انسانوں کا خون بہانے سے روکیں۔
وحدت نیوز(لاہور) سانحہ ماڈل ٹاؤن لاہور: مظلوم عوام پر گولیاں چلانے والوں کے خلاف فوری کاروائی کی جائے ۔واقع میں پنجاب حکومت کی نا اہلی ہے شہباز شریف کے ہوتے ہوئے واقعہ کی آزادانہ تحقیقات نہیں ہو سکتی ،وزیر اعلیٰ پنجاب شہبار شریف کی فوری بر طرفی کا مطالبہ کرتے ہیں ،اجلاس میں خیر سگالی کیلئے شرکت کی مجلس وحدت مسلمین کسی الانئس کا حصہ نہیں ہیں ۔29جون منہاج القرآن سیکریٹریٹ میں منعقدہ آل پارٹیز کانفرنس میں شرکت کریں گے ۔ ان خیالات کا اظہار مجلس و حدت مسلمین پاکستان کے مر کزی ڈپٹی سیکرٹری جنرل علامہ امین شہیدی اور ایم ڈبلیوایم پاکستان کے سیکر ٹری سیاسیات برادر ناصرعباس شیرازی نے علامہ طاہرالقادری کی جانب سے بلائے جانے والے سیاسی و مذہبی جماعتوں کے اجلاس سے خطاب میں کیا اجلاس کی سر براہی علامہ طاہر القادری نے کی جبکہ اجلاس میں پاکستان مسلم لیگ (ق) کے سربراہ چوہدری شجاعت حسین ،چوہدری پر ویز الٰہی ،سنی اتحاد کونسل کے سربراہ صاحبزادا حامد ر ضا، سابق وزیر قانون راجہ بشارت نے شرکت کی علامہ امین شہیدی کا کہنا تھا کے نواز حکومت اپنے اُوچھے ہتھکنڈوں پر اتر آئی ہے طاقت کے نشے میں ڈوبے ہوئے حکمرانوں نے عوام پر ظلم کی انتہا کی پوری دنیا میں ملک خداد پاکستان کا میج ڈاؤن ہوا ملک میں بسنے والے ہر ظالم کے خلاف اور مظلولوں کے حامی ہیں ایک طرف دہشتگرد ملک کو عدم استحکام کی طرف لے جا رہے ہیں تو دوسری جانب نواز حکومت بھی انہی دہشتگردوں کے ایجنڈے کی تکمیل میں مصروف عمل نظر آتی ہے ملکی محب و طن جماعتوں کے ساتھ ہیں عدم استحکام کی تمام سازشوں کو ناکام بنا دیں گے مجلس وحدت مسلمین کسی الائنس کا حصہ نہیں اجلاس میں خیر سگالی کیلئے شرکت کی29جون علامہ طاہر القادری کی جانب سے منہاج القرآن سیکریٹریٹ میں منعقدہ آل پارٹیز کانفرنس میں شرکت کریں گے بے گناہ افراد کی شہادت پر گہرے دکھ کا اظہار کرتے ہیں ،شہیدو زخمی ہونے والے کے افراد کے لواحقین کے غم میں برابر کے شریک ہیں ۔ہم مطالبہ کرتے ہیں کے اس ریاستی دہشتگری میں شہید ہونے والے افراد کے قتل میں ملوث ملزمان کے خلاف جلد از جلد کاروائی کی جائے اور ملزمان کو کیفر کردار تک پہنچایا جائے ۔
وحدت نیوز(کراچی) مجلس وحدت مسلمین پاکستان کے مرکزی رہنماء علامہ احمد اقبال رضوی نے کہا ہے کہ ہمارا مؤقف آج سچ ثابت ہوچکا ہے، ہم نے روز اول سے ہی طالبان سے مذاکرات کو شیطان سے مذاکرات قرار دیا تھا، وطن کو بچانے کے لئے دہشتگردوں کے خلاف ملک گیر آپریشن کرنا ہوگا، دہشت گردی کے خاتمے اور ملکی سلامتی کیلئے مجلس وحدت مسلمین کا ایک ایک کارکن فوج کے ساتھ ہے، نواز حکومت نے طالبان سے مذاکرات کی بدعت کو رواج دے کر ملک دشمنی کا ثبوت دیا۔ ان خیالات کا اظہار انہوں نے کراچی میں صوبائی دفتر میں منعقدہ اجلاس سے خطاب میں کیا۔ اجلاس میں صوبائی سیکرٹری جنرل علامہ مختار امامی، علامہ حسن ہاشمی، علامہ علی انور، عبداللہ مطہری، عالم کربلائی، علی حسین نقوی سمیت دیگر رہنماء موجود تھے، اُن کا کہنا تھا کہ مجلس وحدت مسلمین نے ہمیشہ وطن کی سلامتی کی آواز کو بلند کیا اور یہ مطالبہ کیا کہ طالبان سے مذاکرات کے بجائے ان کے خلاف ملک گیر فوجی آپریشن کیا جائے، جنوبی پنجاب، بلوچستان اور سندھ میں پھیلے ہوئے تکفیری دہشت گردوں کے خلاف بھی آپریشن ضرب عضب کا آغاز کیا جائے،ملکی دفاع اور ظالم حکمرانوں سے نجات کے لئے قوم کو جلد منظم ہونا ہو گا۔
وحدت نیوز(گلگت) بزرگ عالم دین اور نائب امام جمعہ گلگت شیخ یونس نجفی، شیعہ علماکونسل گلگت ڈویژن کے جنرل سیکریٹری علامہ شیخ شہادت حسین اورشیعہ علماء کونسل نگر کے راہنماء شیخ صلاح الدین بھی ایم ڈبلیو ایم میں شامل ہو گئے ہیں ، شامل ہو نے والے علمائے کرام کے اعزاز میں صوبائی سیکریٹریٹ میں ایم پر وقار تقریب کا انعقاد کیا گیا جس میں صوبائی سیکریٹری جنرل علامہ شیخ نیئر عباس مصطفوی نے معزز علمائے کرام کو مجلس وحدت مسلمین میں شمولیت پر مبارک باد دی جبکہ صوبائی پولیٹیکل سیکریٹری غلام عباس نے نو وارد علمائے کرام کے گلے میں پھولوں کے ہار ڈال کر انہیں خوش آمدید کہا، واضح رہے کہ اس سے قبل بھی مختلف علمائے کرام اور دیگر شعبہ ہائے زندگی سے تعلق رکھنے والے افراد بڑی تعداد میں مجلس وحدت مسلمین کے کاروان کا حصہ بن چکے ہیں ۔
وحدت نیوز(اسلام آباد ) خیرالعمل فاؤنڈیشن پاکستان کے چیئرمین نثارعلی فیضی نے کہا کہ خیرالعمل فاؤنڈیشن رمضان المبارک کے مقدس مہینے میں اپنی مدد آپ کے تحت25 ہزار خاندانوں میں راشن تقسیم کریگی رمضان المبارک خدا کا مہینہ ہے اور اسکے مخلص و پسندیدہ بندے اس ماہ مقدس میں آمادہ قلوب کے ساتھ تقرب الہی کے ہر موقع سے بھر پور استعفادہ کرتے ہیں خیرالعمل فاؤنڈیشن پاکستان کی انسانی خدمت کا محور و مرکز اللہ تعالی کی رضاو خوشنودی کا حصول ہے اسکے تمام منصوبے انہی اہداف کو حاصل کرنے کی غرض سے تشکیل دیئے گئے ہیں ماہ مبارک رمضان میں غریب،پسماندہ، مستضعف ومستحق لوگوں کوراشن پہنچانے کا عزم لیکر مجلس وحدت مسلمین کا ہر کارکن انشاء اللہ اپنی ذمہ داری ادا کرے گا اور پریشانی میں گھرے عوام کے چہروں پر مسکراہٹ بکھیر کر اپنی معنویت میں اضافہ کے امکا نات پیدا کرے گا ان خیالات کا ا ظہار انہوں نے گزشتہ روز خیرالعمل فاؤنڈیشن کی کور کمیٹی کے ہونے والے اجلاس میں کیا ،اجلاس میں فیصلہ کیا گیا کہ خیرالعمل فاؤنڈیشن پاکستان کے تمام اضلاع میں اپنی مدد آپ اور مخیر حضرات کے تعاون سے رمضان پیکج مہم کا آغاز کریگی ،اس مہم کے تحت غرباء و فقرا ء میں راشن تقسیم کیا جائے گا تقریبا ۲۵ ہزار خاندان اس رمضان پیکیج مہم سے مستفید ہونگے اور رمضان کا آخری عشرہ ً عشرہ ایتامً کے طور پر منایا جائے گا جسمیں ایتام کمیٹی کے زیر اہتما م یتیم بچوں کیلئے افطار پروگرام ترتیب دیئے جائیں گے ۔یتیم بچوں میں کپڑے ، عیدی اور تحائف تقسیم کیے جائیں گے اُ ن کو عیدکارڈز بھیجے جائیں گے ہر ضلع میں مستحق یتیم بچوں کا ریکارڈ مرتب کیا جا رہا ہے تاکہ جس حد تک ہوسکے اُ ن کی معاونت کی جاسکے اور معاشرے میں یتیم پروری کا کلچر فروغ پاسکے۔ اس موقع پر انہوں نے تمام درد دل رکھنے والے افراد سے اپیل کی کہ وہ آئیں اور معاشرے کے مستحق افراد کی بنیادی ضرورتوں کا احساس کرتے ہوئے انکوماہ مبارک رمضان اور عید کی خوشیوں میں اپنے ساتھ شریک کرنے کے لیے خیرالعمل فاؤ نڈیشن کا اس کار خیر میں ساتھ دیں ۔
