وحدت نیوز(کراچی) جشن ولادت باسعادت خاتم المرسلین حضرت محمد مصطفیٰ ﷺکے موقع پر ملک بھر کی طرح سندھ بھرمیں بارہ تا سترہ ربیع الاول ہفتہ وحدت منایا جائے گا، اس پورے ہفتے میں مشترکہ اجتماعات منعقد کر کے عظیم وحدت کا پیغام دینگے، تمام مکاتب فکر کو دعوت دیتے ہیں کہ وہ ان اجتماعات میں شرکت کرکے عملی وحدت کا مظاہرہ کریں اور دشمن کی سازش کو ناکام بنا دیں،ملک کے چپے چپے میں شیعہ سنی ملکرمیلاد النبی ﷺکے جلوس نکالیں،ایم ڈبلیوایم کے کارکنان سبیلیں لگائیں اور شرکائے جلوس کا استقبال کریں، ان خیالات کا اظہارمجلس وحدت مسلمین کے صوبائی سیکرٹری جنرل علامہ باقرعباس زیدی نے جشن ولادت باسعادت نبی آخرالزمانﷺکی آمد کے موقع پروحدت ہاؤس میں تنظیمی اجلاس سے خطاب کرتے ہوئے کیا،اس موقع پر علی حسین نقوی،یعقوب الحسینی،علامہ مبشر حسن علامہ علی انور،علامہ صادق جعفری،میر تقی ظفر، ناصر الحسینی،حیدر زیدی،زین رضوی،احسن عباس،حسن رضا سمیت دیگر رہنما موجود تھے۔

 انہوں نے کہا کہ دنیا بھر کی طرح سرزمین پاکستان میں بھی شیعہ،سنی متحد ہیں کوئی فرقہ واریت نہیں چند مٹھی بھرتکفیری سوچ کے حامل افراد ملک کے امن کو غارت کرنا چاہتے ہیں جنہیں ہم اپنے اتحاد سے ناکام بنا دیں گے، نبی کریم ﷺ کی ذات اقدس دنیا بھی مسلمانوں کیلئے نقطہ وحدت ہے، عالم اسلام معاشرتی مشکلات اور عالم کفر کی سازشوں سے نبردآزما ہونے کیلئے سیرت پیغمبرختمی مرتب ﷺسے استفادہ کرے۔

انہوں نے کہا کہ عالم اسلام اس وقت عالمی استعماری قوتوں کی سازشوں کی زد پر ہے،یمن، نائجیریا،عراق،شام امریکی گماشتوں کی تجربہ گاہ بنے ہوئے ہیں تو دوسری جانب سوئیڈن میں قرآن مجید کی بے حرمتی اور فرانس میں گستاخانہ خاکوں کی اشاعت امت مسلمہ کیخلاف منعظم سازش ہے۔ امت مسلمہ کو قرآن وسنت اوراہلبیت ؑ سے متمسک رہ کر عالم کفرکی تمام تر نجس سازشوں کا مقابلہ کرنا ہو گا، پاکستان میں تکفیری سوچ کے حامل مٹھی بھر دہشت گرد عناصرکو محب رسول ﷺشیعہ سنی عوام پر مسلط کرنے کی ناکام کوشش کی جارہی ہے جسے عوام کو تدبراور فراست کے ساتھ ناکام بنانا ہوگاربیع الاول کے مبارک مہینے میں ایم ڈبلیو ایم سندھ مختلف تقریبات اور سیمینار کا انعقاد کر کے بھرپور مذہبی جوش وجذبے کے ساتھ اپنے مولا و آقا حضرت محمدﷺ کو خراج عقیدت پیش کرے گی۔

وحدت نیوز(کراچی)مجلس وحدت مسلمین کراچی ڈویژن کے فلاحی شعبے المجلس ڈیزاسٹر مینجمنٹ سیل کی جانب سےشہر قائد کے درجنوں مقامات پر جلوس جشن عید میلادالنبی ؐ کے شرکاء کے استقبال کیلئے کیمپس اور سبیلیں لگائی جائیں گی، جہاں ان کی مشروبات سے تواضع کی جائے کی اور گل پاشی کی جائے گی، ان خیالات کا اظہار المجلس ڈیزاسٹر مینجمنٹ سیل کراچی ڈویژن کے سیکریٹری جنرل سید زین رضارضوی نے میڈیا سیل سے جاری بیان میں کیا۔

انہوں نے کہاکہ ہر سال کی طرح اس سال بھی المجلس ڈیزاسٹر مینجمنٹ سیل کراچی ڈویژن قائد وحدت علامہ راجہ ناصرعباس جعفری کی ہدایت پر 12 ربیع الاول کو برادران اہل سنت کی جانب سے نکالے جانے والے جلوس ہائے میلاد النبیؐ کا پرجوش استقبال کریں گے اور ان کیلئے سبیلیں بھی لگائی جائیں گی ۔

انہوں نے مزید کہاکہ ضلع وسطی، ضلع ملیر، ضلع لانڈہی کورنگی ، ضلع شرقی، ضلع جنوبی اور ضلع غربی کے درجنوں مقامات پر استقبالیہ کیمپس اور سبیلیوں کا اہتمام کیا جارہا ہے، جہاں شیعہ سنی علمائے کرام خطاب بھی کریں گے۔

وحدت نیوز(لاہور)فرانس میں حضرت محمد مصطفی صل اللہ علیہ وآلہ وسلم کی شان میں گستاخئ اور فرانسیسی صدر کے بیان کو افسوسناک قرار دیتے ہوئےمجلس وحدت مسلمین شعبہ خواتین کی مرکزی سیکریٹری جنرل اور رکن پنجاب اسمبلی محترمہ سیدہ زھرا نقوی نے میڈیا سیل سے جاری بیان میں کہا کہ گستاخانہ خاکوں کی اشاعت ناقابل برداشت ہے مسلمانوں کے نزدیک سب سے زیادہ عظیم ہستی رسول کریم ؐ ہیں جن کی محبت کے  بغیر ایمان مکمل نہیں ہوتا ۔

انھوں نے کہا کسی بھی مہذب ملک اور قوم کو یہ زیب نہیں دیتا کہ دوسرے ادیان کے مقدسات کی توہین کرے فرانسیسی میگزین نے دوبارہ  آزادی اظہار رائےکی آڑ میں اس فعل قبیح کو انجام دے کر مسلمانوں کو رنجیدہ کیا ہےجس پر پوری دنیا کے مسلمان شدید احتجاج کر رہے ہیں ۔

انھوں نے کہا آزادی اظہار رائے کا ہرگز یہ مطلب نہیں کہ رسول اللہ صل اللہ علیہ وآلہ وسلم کی شان میں گستاخی کی جائےمسلمان اپنی جان پر کھیل کر اپنے پیارے نبیؐ کی حرمت کا دفاع کریں گے ،انھوں نے کہا کہ فرانسیسی حکام نفرت انگیز بیانات سے انتہا پسندی کو ترویج دے رہے ہیں جس کے سنگین نتائج برآمد ہونگے ،اس سے پہلے کہ حالات قابو سے باہر ہوجائیں فرانس کو اپنے اس مجرمانہ فعل پر معافی مانگنی چاہئیے۔

ان کا مزید کہنا تھا کہ حکومت پاکستان کی جانب سے فرانسیسی سفیر کو طلب کر کی شدید احتجاج ریکارڈ کروایا گیا ہے تاہم تمام مسلم ممالک کو اس قابل مذمت ، نفرت آمیز اور منظم اسلامو فوبیا مہم کے خلاف ٹھوس اور موثر اقدامات کرنا ہونگے۔

وحدت نیوز(سکردو) گلگت بلتستان اویرنس فورم کے زیر اہتمام گرینڈ پولیٹیکل ڈیبیٹ سکردومیں مجلس وحدت مسلمین کے سینئررہنما اورامیدوار حلقہ دوکا اہم ترین چیلنج۔ گلگت بلتستان کے دیرینہ مسائل کو سامنے رکھتے ہوئے پولیٹیکل پارٹیز متحد ہوجائیں۔ مسائل کے حل تک الیکشن کا بائیکاٹ کرنے پر آمادہ ہو جائیں۔ میں ایم ڈبلیوایم کی جانب سے ضمانت دیتا ہوں۔

پروگرام سے خطاب میں سینئر رہنما نے کہا کہ آئینی حقوق کاحصول ہمارا ہدف اور اسی ہدف کیلئے ہم نے پہلے نون لیگی وفاقی حکومت کو آفر کی، اس بار تحریک انصاف کی حکومت کی طرف سے یقین دہانی پر سیٹ ایڈجسٹمنٹ کا فیصلہ کیا۔ اگر حسب وعدہ ان امور پر پیش رفت سامنے نہیں آتی تو ہم عوامی طاقت کیساتھ اسمبلی سمیت ہر فورم پر بھرپور توانائی کیساتھ کھڑے ہونگے۔ سیٹ ایڈجسٹمنٹ کا فیصلہ عوام اور علاقے کے مفاد میں کیا۔

 مزاحمتی سیاست کے علاؤہ انتخابی سیاست پر سوال کا جواب دیتے ہوئے انہوں نے کہا کہ ہماری سیاست عوام اور علاقے کیلئے ہے۔ تہتر سالہ محرومیوں کے خاتمے کیلئے بڑی جماعتوں نے کوئی عملی کام پارلیمنٹ میں بھرپور اکثریت ہونے کے باوجود نہیں کیا۔ گلگت بلتستان کے حقوق کیلئے جو جماعت مخالفت کریگی وہ بے نقاب ہوگی، اور آئندہ گلگت بلتستان میں انکی سیاست کا خاتمہ ہوجائےگا۔

 محمد کاظم میثم نے مذہبی سیاسی جماعت پر لگائے جانے والے الزامات کا جواب دیتے ہوئے کہا کہ پاکستان کلمہ لاالہ الااللہ کی بنیاد پر قائم ہوا۔ ملکی آئین اسلامی اصولوں کے مطابق طے ہے ایسے میں سب سے زیادہ سیاست کا حقدار دینی جماعتیں اور طاقتیں ہیں، اسلئے دینی جماعتوں کی ملکی سیاست میں کردار پر انگلی اٹھانا بالکل بے معنی بات ہے۔

 سکردو روڈ کے حوالے سے ایم ڈبلیو ایم رہنما کا کہنا تھا کہ ابتدائی نقشے کیمطابق ٹنلز کا بننا ضروری ہے جس کیلئے ہم ہر لیول پر آواز بلند کرتے رہے ہیں۔ واضح ہونا چاہئے کہ ہمارا موقف اس بابت دوٹوک اور عوام اور علاقے کی امنگوں کے مطابق ہے اور رہےگا۔ ٹنلز کا نہ بننا اس اہم شاہراہ کے بننے کے مقصد کوفوت کرنے کے مترادف ہوگا، ایسا بلتستان کی لاکھوں باسیوں کیساتھ ظلم ہوگا۔ نیشنل ہائی وے اتھارٹی کو چاہئے کہ ابتدائی نقشے اور بریفنگ کے مطابق کام کو مکمل کروائے۔ پروفیشنل تعلیمی ادارہ جات کے قیام ، طبی مراکز کے قیام، ٹیکنیکل اور لا کے اداروں کے قیام، انفراسٹرکچر کی بہتری، انتظامی یونٹس اور حلقہ بندی سمیت دیگر اہم امور پر مشتمل منشور کے مندرجات بھی پیش کیا۔

پولیٹیکل ڈیبیٹ میں شرکاء کے سوالات کا بھی بھرپور جواب دیتے ہوئے دیگر جماعتوں کے اقدامات اور بعض اعتراضات کا مدلل اور مفصل جواب دیتے ہوئے داد و تحسین سمیٹنے میں مجلس وحدت مسلمین اور پی ٹی آئی کے مشترکہ امیدوار سب سے موثر رہے۔