وحدت نیوز (علی پور) مجلس وحدت مسلمین ضلع علی پور کے نو منتخب سیکرٹری جنرل خواجہ قمر عباس نے برادر کامران کے ہمراہ موضع سلطان پور کا دورہ کیا۔ اس موقع پر رنداں کوٹلہ افغان کے مومنین کیساتھ نشست ہوئی اور علاقہ میں ایم ڈبلیو ایم کا باقاعدہ یونٹ بھی قائم کیا گیا۔ اس موقع پر اتفاق رائے سے برادر ارشاد حسین کو یونٹ کا سیکرٹری جنرل منتخب کیا گیا۔ ضلعی سیکرٹری جنرل خواجہ قمر عباس نے نومنتخب یونٹ سیکرٹری جنرلز سے ان کے عہدے کا حلف لیا اور نیک خواہشات کا اظہار کیا۔
وحدت نیوز(مظفرگڑھ ) ملت جعفریہ کے لاپتہ افراد کا اگر کا کوئی جرم ہے تو عدالتوں میں پیش کیا جائے۔ ان خیالات کا اظہار مجلس وحدت مسلمین جنوبی پنجاب کے سیکرٹری تنظیم سازی سید عدیل عباس زیدی نے جامع مسجد چہاردہ معصومینؑ منڈا چوک مظفر گڑھ میں ضلعی شورٰی کے اجلاس اور تربیتی ورکشاپ سے خطاب کے دوران کیا۔ ان کا کہنا تھا کہ شہید بھی ہم اور اسیر بھی ہم، یہ کہاں کا انصاف ہے؟ ہمارے اسیران کا اگر کوئی جرم ہے یا کسی کیس میں مطلوب ہیں تو ان پر مقدمات چلائے جائیں۔ اسیران ملت کے گھر والوں کو روزانہ کی بنیاد پر اذئتیں دی جا رہی ہیں۔ بچے اپنے والد، بہنیں اپنے بھایؤں، والدین اپنے بیٹوں کا اور بیویاں اپنے شوہروں کا روز انتظار کرتی ہیں کہ شائد کسی جانب سے کوئی خبر آجائے۔ ہم حکومت وقت سے مطالبہ کرتے ہیں کہ جلد از جلد ملت جعفریہ کے لاپتہ افراد کو منظر عام پر لایا جائے نہیں تو علماء کی جانب سے شروع کی گئی جیل بھرو تحریک انقریب ملک کے طول و عرض میں پھیل جا ئیگی پھر حکومت کے پاس جیلوں میں جگہ نہیں رہے گی۔
ان کا مزید کہنا تھاکہ ہم جو آج میدان میں کھڑے ہیں اس کا محور خوشنودی خدا وند تعالیٰ ہونی چاہئے نہ کہ کوئی شخصئت یا جماعت۔ اگر ہم نے اپنا محور صرف شخصیت یا جماعت کو بنا دیا تو ہم اپنے مقاصد کبھی حاصل نہیں کر سکیں گے۔ گزشتہ روز جامع مسجد چہاردہ معصومینؑ منڈا چوک میں ضلعی شورٰی کا اجلاس اور تربیتی ورکشاپ منعقد ہوئی، جس میں ضلعی کابینہ اور ضلع بھر سے آئے ہوئے یونٹس نے بھرپور شرکت کی۔ اجلاس کا پہلا حصہ تربیتی ورکشاپ کا تھا، جس سے ضلعی سیکرٹری جنرل علی رضا طوری، ڈپٹی سیکرٹری جنرل عمران رضا ایڈووکیٹ اور صوبائی کور کمیٹی برائے تنظیم سازی کے رکن سید شفقت کاظمی نے خطاب کیا۔ ضلعی شورٰی کے دوسرے سیشن میں یونٹس کے برادران نے اظہار خیال کیا اور درپیش مسائل ضلع کے سامنے رکھے۔ جس پر ضلعی مذاکراتی کمیٹی جلد ازجلد مقامی انتظامیہ سے ملاقات کر کے حل کروائے گی۔ اجلاس سے اختتامی خطاب صوبائی سیکرٹری تنظیم سازی سید عدیل زیدی نے کیا۔ جس کے بعد ضلعی کابینہ کی میٹنگ بھی ہوئی، اختتامی دعا مولانا عابد فاطمی نے کرائی۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا ہے کہ امریکی صدر ڈونلڈ ٹرمپ کی جانب سے امریکی وزیر دفاع و خارجہ کے ذریعے مستقبل میں پاکستان کو سخت پیغام پہچانے کے بارے میں میڈیا میں جو اطلاعات آ رہی ہیں ان پر کسی کو قطعی کوئی تشویش نہیں،امریکہ کی جانب سے پاک چین اقتصادی راہداری منصوبے کے خلاف ہرزہ سرائی اس کی بھارت نوازی اور چین وپاکستان دشمنی کی واضح دلیل ہے، پاکستانی ریاست کی جانب سے جہادی گروپوں کی حمایت کے الزامات کی قلعی افغانستان کے صدر حامد کرزئی نے یہ کہہ کر کھول دی ہے کہ داعش کو امریکہ سپورٹ کر رہا ہے۔ انہوں نے کہا کہ ہمارے قومی وقار کا تقاضہ ہے کہ امریکہ کے کسی بھی پیغام کا جواب اسی لب و لہجے میں دیا جائے، ارض پاک سپر پاور کے زعم میں مبتلا کسی ملک کی کالونی نہیں بلکہ ایک خودمختار ریاست ہے۔ انہوں نے کہا کہ دنیا بھر میں دہشت گردوں کا سب سے بڑا حمایتی ہمیشہ امریکہ رہا ہے۔ امریکہ کا ہدف دہشت گردی کا خاتمہ نہیں بلکہ ان ممالک پر لشکر کشی کرنا ہے جہاں امریکہ مفادات کے مخالفین موجود ہیں۔
علامہ ناصر عباس کا کہنا تھا کہ اسامہ کی تلاش اور کیمائی ہتھیاروں کے بہانے افغانستان اور عراق پر حملے کے پس پردہ امریکی عزائم اب کھل کر سامنے آ چکے ہیں۔ امریکہ عالم اسلام کا سب سے بڑا دشمن ہے۔ امت مسلمہ کا اتحاد امریکہ کی موت ثابت ہو سکتا ہے۔ مسلمانوں کو اپنی اسلامی تشخص کی حفاظت کے لیے استعماری و طاغوتی طاقتوں کے خلاف کھل کر میدان میں نکلنا ہو گا۔ انہوں نے کہا افغانستان پاکستان کا پڑوسی اور مسلم برادر ملک ہے۔ افغانستان کے ساتھ بااعتماد دوستانہ تعلقات باہمی مفادمیں ہیں، جو قوتوں ہمارے درمیان اختلافات پیدا کرنا چاہتیں ہیں وہ خطے کے اجتماعی مفادات کی دشمن ہیں۔ کروڑوں مسلمانوں کا قاتل امریکہ دوستی کے لبادے میں چھپا ہوا امت مسلمہ کا کھلم کھلا دشمن ہے۔ ایم ڈبلیو ایم کے سیکرٹری جنرل کا کہنا تھ اکہ امریکی بلاک سے کنارہ کشی مسلمانوں کی بقا کی شرط ہے۔ اگر امریکی اہداف کا بروقت ادارک نہ کیا گیا تو پھر تنزلی و بربادی کے سوا ہاتھ میں کچھ نہیں آئے گا۔
وحدت نیوز(اسلام آباد) مجلس وحدت مسلمین کے مرکزی سیکرٹری تعلیم نثار فیضی نے گوہر پبلشرز کی شائع کردہ کلاس دوئم کی اسلامیات میں متنازع مواد کی اشاعت پر شدید ردعمل کا اظہار کرتے ہوئے کہا ہے کہ نصابی کُتب میں غیر مستند واقعات کی اشاعت ایک سنگین جرم ہے۔حسنین کریمن علیہم السلام کونبی کریم ﷺ نے جنت کے نوجوانوں کا سردار کہا ہے۔ خاندان اہلبیت علیہم السلام پر کسی غلطی کا شائبہ گناہ ہے۔ گوہر پبلیشرز کی اسلامیات کی کتاب میں یہ مذکور ہے کہ حضرت فاطمہ سلام اللہ علیہا نے نوجوانان جنت سے یہ کہا کہ(معاذ اللہ ) اللہ تعالی آپ دونوں سے ناراض ہے۔ یہ واقعہ من گھڑت اور کسی شرپسند ذہن کی اختراع ہے۔ اس طرح کے خود ساختہ واقعات پڑھانے کا مقصد بچوں کے دماغ میں خاندان اہلبیت علیہم السلام کے متعلق شکوک و شبہات پیدا کرنا ہے۔نصابی کتاب میں اس واقعہ سے شیعہ سنی مسلمانوں کے جذبات کو شدید دھچکا لگا ہے۔انہوں نے کہا کہ گوہر پبلیکیشر مذکورہ سبق کو کتاب سے فوری طور پر حذف کریں بصورت دیگر ان کے خلاف احتجاج اور قانونی چارہ جوئی سمیت کسی بھی آپشن پر غور کیا جا سکتا ہے۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ملت تشیع کے جبری گمشدہ نوجوانوں کی حمایت میں بزرگ شیعہ عالم دین علامہ حسن ظفر نقوی کا احتجاجاََ خود کو گرفتار ی کے لیے پیش کرنے پر خراج تحسین پیش کرتے ہوئے کہا ہے کہ علامہ حسن ظفر نقوی کا یہ اقدام ملت کے لیے ان کے حقیقی درد اور اخلاص کا عکاس ہے۔پاکستان میں ملت تشیع کے سینکڑوں لاپتا نوجوانوں کی عدم بازیابی ان کے اہل خانہ اور قوم کے لیے شدید اضطراب کا باعث بنی ہوئی ہے۔ہم نے ہر ادارے کے دروازے پر دستک دے کر دیکھ لیا ہے۔بجائے ہماری شنوائی کے اہل خانہ کو ڈرایا دھمکایا جا رہا ہے۔یہاں کہاں کا انصاف ہے۔یہ کس قانون کی کتاب میں لکھا ہوا ہے کہ جس ادارے کا جس کو جی چاہے اٹھا کر لے جائے اور نہ عدالتوں میں پیش کیا جائے اور نہ ہی اہل خانہ کو ان کی خیریت سے آگاہ کیا جائے۔یہ اختیارات کا ناجائز استعمال اور بنیادی انسانی حقوق کی شدید ترین خلاف ورزی ہے۔اس لاقانونیت سے تنگ آکر ہمارے بزرگ عالم دین علامہ حسن ظفر نقوی نے عاشور کے موقعہ پر گمشدہ افراد کے اہل خانہ سے خطاب کرتے ہوئے کہا تھا کہ اگر لاپتہ افراد کو بازیاب نہیں کرنا تو پھر مجھے بھی گرفتار کیا جائے۔
انہوں نے اپنے آپ کو گرفتار کروا کر یہ ثابت کیا ہے کہ شیعہ حقوق کے حصول کی خاطر ہم ہر طرح کی آئینی و قانونی جدوجہد کے لیے تیار ہیں۔مجلس وحدت مسلمین جبری گمشدہ افراد کی بازیابی کے لیے علامہ حسن ظفر نقوی کے موقف کی مکمل طور پر حمایت کرتی ہے۔انہوں نے کہا کہ ملت کے افراد کی جبری گمشدگی کسی شیعہ تنطیم یاجماعت کا مسئلہ نہیں بلکہ پوری ملت تشیع کا اجتماعی مسئلہ ہے۔اس کے حل کے لیے تمام جماعتوں کو میدان عمل میں نکلنا چاہیے۔لاپتہ افراد کی بازیابی کے معاملے پر مزید خاموشی ملت کے مفادات کے برعکس سمجھی جائے گی۔ شیعہ مذہبی جماعتوں کی طرف سے جیل بھرو تحریک میں ایم ڈبلیو ایم اپنا کردار ادا کر رہی ہے۔انہوں نے مطالبہ کیا کہ وزیر اعظم اور آرمی چیف ملت تشیع کے گمشدہ افراد کی بازیابی کے لیے خصوصی ہدایات جاری کریں۔
وحدت نیوز (رتودیرو، سکھر) مجلس وحدت مسلمین سندھ کے سیکرٹری جنرل علامہ مقصود علی ڈومکی کہا ہے کہ ملت تشیع ملک کی انتہائی پرامن محب وطن اور اتحاد کی داعی ملت ہے، ہمارے علمائے کرام سادات اور جوانوں کو ظالمانہ بیلنس پالیسی کے تحت اٹھایا جا رہا ہے، مجاھد ملت علامہ سید حسن ظفر نقوی تنہا نہیں پوری قوم ان کے ساتھ ہے۔ جیل بھرو تحریک کی بھرپور حمایت کرتے ہیں، صورتحال کا ادراک نہ کیا گیا تو ملک گیر تحریک چلے گی۔ علاوہ ازیں انہوں نے سکھر میں پریس کانفرنس سے خطاب کرتے ہوئے کہا کہ ہمارے مومنین گذشتہ کتنے مہینوں سے لاپتہ ہیں۔ جن کے بوڑھے والدین ارباب اختیار کےِ در پر باربار درخواست دیتے رہے مگر کوئی انہیں انصاف دینے کے لئے آمادہ نہیں، ہم مختلف پروگراموں میں وقتاً فوقتاً بتاتے آرہے ہیں، پر آج تک انکا کوئی پتا نہیں چل پایا۔ علامہ مقصود ڈومکی نے کہا کہ ہم نے اج تک کسی مجرم کی حمایت نہیں نہ ہی آئندہ کبھی کسی مجرم حمایت کرینگے۔ مگر مظلوم کا ساتھ دینا ہمارا فریضہ ہے۔ علامہ مقصود علی ڈومکی نے کہا کے ہم یہ ضرور کہتے ہیں کہ اگر کسی کو سزا دینی ہے تو وہ بھی آئین اور قانون کے مطابق ہو۔ یہ نہیں ہوسکتا کے آپ کسی کو ماورائے قانون ماورائے عدالت اٹھائیں۔ قانون سے بالاتر کوئی نہیں۔ یہ ناقابل قبول ہےِ کہ آپ غیر قانونی طور پر کسی کو اٹھائیں اور اس کو پتا بھی نہ چلے کے اس کا قصور کیا ہے۔
انہوں نے کہا کہ مجھے امید ہے کہ ہمارے حکمران اس مسئلے کو سنجیدگی سے حل کریں گے۔ ہمارے بزرگ عالم دین مجلس وحدت مسلمین کے مرکزی ڈپٹی سیکرٹری جنرل علامہ سید حسن ظفر نقوی نے جیل بھرو تحریک کا آغاز کیا ہے، ہم اس کی بھرپور حمایت کرتے ہوئے اربابِ اختیار سے مطالبہ کرتے ہیں کہ اس مسئلے کو جلد حل کریں ورنہ ہم پورے سندھ میں احتجاجی تحریک شروع کریں گے۔
اور جیل بھرو تحریک ملک گیر رخ اختیار کرے گی۔ سندھ میں اس وقت بھی ہزاروں عاشقانِ اہل بیت ع جیل جانے کے لئے تیار ہیں۔ پریس کانفرنس میں مجلسِ وحدت مسلمین ضلع سکھر کے ڈپٹی سیکرٹری جنرل ایڈووکیٹ احسان علی شر و دیگر ذمہ داران شریک ہوئے۔
