وحدت نیوز(جهل مگسی) صوبائی سیکرٹری جنرل مجلس وحدت مسلمین بلوچستان علامہ برکت علی مطهری اور ڈپٹی سیکرٹری جنرل علامہ سید ظفر عباس شمسی نے وفد کے ہمراہ گدی نشین سید سرفراز شاہ سے شہدا فتح پور کی تعزیت کی اور واقعے کی پر زور مذمت کی اس موقع پر ایم پی اے نواب زادہ نادر خان مگسی، نواب زادہ اورنگ زیب مگسی ڈسٹرکٹ چیئرمین ضلع جهل مگسی اور پیپلزپارٹی کے سابق وزیر صادق عمرانی اور علاقے کے سیاسی شخصیات موجود تھیں،سانحہ فتح پور میں جس بہادر کانسٹیبل شہید بہار خان لاشاری نے بہادری کا مظاہرہ کیا بهاگتے ہوئے دہشتگرد کو گرفتار کرنے کی خاطر دو مرتبہ اپنی کلاشنکوف کا بٹ مارا جس سے دہشتگرد زمین پر گر پڑا اور گرتے ہی خودکش دھماکہ کر دیا جس کی وجہ سے یہ بہادر کانسٹیبل شہید ہوا،صوبائی سیکرٹری جنرل مجلس وحدت مسلمین بلوچستان علامہ برکت علی مطهری اور صوبائی ڈپٹی سیکرٹری جنرل علامہ سید ظفر عباس شمسی نے ان کے لواحقین سے گھر جاکر تعزیت کااظہار کیا اور فاتحہ خوانی کی اور شہید کی بہادری کوخراج تحسین پیش کیا۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کاسی روڈ کوئٹہ میں شیعہ ٹارگٹ کلنگ کے نتیجے میں پانچ قیمتی انسانی جانوں کے ضیاع پر گہرے غم و غصے کا اظہار کرتے ہوئے کہا ہے کہ کوئٹہ میں شیعہ ہزارہ قبیلہ کالعدم مذہبی جماعت لشکر جھنگوی اور داعش کے نشانے پر ہے۔صوبہ بلوچستان کو عدم استحکام سے دوچار کرنے کے لیے ملک دشمن قوتیں کالعدم مذہبی جماعتوں کو آلہ کار کے طور پر استعمال کر رہی ہیں۔دہشت گردی کے خلاف جاری جنگ کے سو فیصد نتائج اس وقت تک حاصل نہیں ہو سکتے جب تک ان کالعدم جماعتوں کے سرغنوں کو گرفتار نہ کیا جائے۔انہوں نے کہا پاک چین اقتصادری راہدری کی کامیابی بلوچستان کی سلامتی اور امن و امان سے مشروط ہے۔ دشمن طاقتیں اس صوبے کا امن تباہ کرنے کے لیے کبھی گریٹر بلوچستان کا نعرہ لگاتے ہیں اور کبھی محرومی کا رونا رو کر محب وطن افراد کو ارض پاک سے بد ظن کرنے کی کوشش کی جاتی ہیں۔ ان سازشوں کو ناکام بنانے کے لیے بلوچستان میں شر پسند عناصر کے گرد قانون کا شنکجہ سخت کرنا ہو گا۔ہزارہ قبیلہ سمیت ملک میں بسنے والے ہر فرد کی حفاظت ریاست کی ذمہ داری ہے۔بلوچستان میں دہشت گردی کے واقعات پاکستان میں دہشت گردوں کی موجودگی کے تاثر کو تقویت فراہم کریں گے جو عالمی سطح پر پاکستان کے ساکھ کے لیے سخت نقصان دہ ہے۔انہوں نے کہا دہشت گردی کی جنگ کا رُخ بلاتاخیر کالعدم مذہبی جماعتوں کے رہنماؤں کی طرف موڑا جائے۔
وحدت نیوز(اسلام آباد) مجلس وحدت مسلمین گلگت بلتستان کی پولیٹیکل کونسل کااہم اجلاس مرکزی سیکریٹری جنرل علامہ راجہ ناصرعباس جعفری کی زیر صدارت منعقد ہوا جس میں مرکزی سیکریٹری امور سیاسیات اسد عباس نقوی, کوآڈینیٹر سیاسی سیل آصف رضا ایڈوکیٹ, صوبائی سیکریٹری جنرل آغا علی رضوی, صوبائی ترجمان الیاس صدیقی, رکن گلگت بلتستان اسمبلی ڈاکٹر حاجی رضوان علی اور خاتون رکن اسمبلی بی بی سلیمہ بھی موجود تھیں, اجلاس میں تنظیمی صورتحال سمیت گلگت بلتستان کے آئینی حقوق کے حصول, عوامی اراضی پر غیرقانونی قبضے اور سرکاری اداروں میں خلاف میرٹ بھرتیوں کے حوالے سے تفصیلی مشاورت ہوئی اور آئندہ کا لائحہ عمل مرتب کیا گیا۔
وحدت نیوز(گلگت) پیپلز پارٹی اپوزیشن لیڈر تبدیل کرنے کا شوق ضرور پورا کرے لیکن علاقائی تعصب اور فرقہ وارانہ رنگ دینے کی مذموم کوشش سے باز رہے۔مجلس وحدت مسلمین نے اپوزیشن لیڈر کو تبدیل کرنے کا کوئی اصولی فیصلہ نہیں کیا ہے اور پیپلز پارٹی یہ خواب دیکھنا چھوڑ دے کہ مجلس وحدت مسلمین کے اراکین اپوزیشن لیڈر کی تبدیلی کیلئے انہیں ووٹ دینگے۔مجلس وحدت مسلمین گلگت بلتستان کے ترجمان محمد الیاس صدیقی نے کہا ہے خود کو سیکولر کہنے والی جماعت اپوزیشن لیڈر کو تبدیل کرنے کیلئے علاقائی تعصب اور فرقہ وارانہ جذبات کا سہارا لے رہی ہے۔پیپلز پارٹی کی چور دروازوں سے مجلس وحدت کے اراکین کی حمایت حاصل کرنے کی کوشش کو ہر صورت ناکام بنائیں گے۔انہوں نے کہا کہ پانچ جماعتوں کے باہمی مشورے سے موجودہ قائد حزب اختلاف کا انتخاب ہوا ہے جس میں خود پیپلز پارٹی کے اس وقت کا اکلوتا رکن اسمبلی بھی شامل ہے اور ہم نے اس وقت جو عہد و پیمان باندھا تھا اسی پر آج تک قائم ہیں۔انہوں نے کہا کہ مذہبی جماعتوں کے خلاف ناشائستہ زبان استعمال کرنے والی جماعت کس منہ سے ہم سے حمایت کی امید لگائے بیٹھی ہے اور ہماری جماعت اس وقت تک پیپلز پارٹی کے ساتھ بیٹھنے کو تیار نہیں جب تک پیپلز پارٹی کا صوبائی صدر جنرل الیکشن اور حلقہ 4 کے ضمنی الیکشن کے بعد علمائے کرام کی شان میں کی جانیوالی گستاخیوں پر بلامشروط معافی نہیں مانگتے۔پیپلز پارٹی کی تاریخ گواہ ہے کہ انہوں آج تک کبھی بھی اصولوں کی سیاست نہیں کی ہے حتی ٰ کہ بے نظیر بھٹو کی شہادت کے بعد جس جماعت کو زرداری نے قاتل لیگ کہا تھا ان کو صرف اپنے اقتدار کو دوام دینے کیلئے نہ صرف گلے سے لگایا بلکہ نائب وزیر اعظم کا عہدہ بھی اسی قاتل لیگ کو سونپ دیا تھا۔
وحدت نیوز (نوابشاھ) مجلس وحدت مسلمین ضلع نوابشاھ کی طرف سے لاپتہ شیعہ جوانوں کی رہائی اور مرد مجاھد علامہ حسن ظفر نقوی سے اظھار یکجھتی کے لئے احتجاج کیا گیا پریس کلب نوابشاھ کے سامنے مولانا سجاد حسین اور سید نبی شاھ نے خطاب کرتے ھوئے کہا کہ ھمارے بیگناھ جوانوں کر رہا کیا جائے یا عدالتوں میں پیش کیا جائے، یہ کیسا ظلم ھے مسلسل قتل بھی ھم ھو رھے ھیں اور اسیر بھی ھمیں بنایا جارھا ھے، ظالم اور مظلوم کو ایک صف میں کھڑا کرنا ظلم ھے، جو اب برداشت سے باھر ھے اگر قبلہ حسن ظفر نقوی نے جیل بھرو تحریک کا ھمیں حکم دیا تو ھم اپنے بچوں کے ساتھ گرفتاریاں پیش کرینگے۔
وحدت نیوز (حیدر آباد) مجلس وحدت مسلمین ضلع حیدر آباد کے ترجمان علامہ گل حسن مرتضوی، سیکرٹری جنرل ایڈووکیٹ رحمان رضا عباسی، ڈپٹی سیکرٹری جنرل سید صفدرعباس، سیکریٹری تبلیغات علامہ ملازم حسین اور سیکریٹری نشرواشاعت عابد علی قریشی نے پریس کلب حیدر آباد پر پریس کانفرینس کرتے ہوئے کہا کہ ملک بھر میں بمب بلاسٹ، قتل عام، لوٹ مار اور عبادت گاھوں پر حملے اسی تمام دہشتگردی میں شکار ہونے والوں کی اکثریت شیعہ قوم سے ہے اس پر افسوس کی بات یہ ہے کہ ہمارے لوگوں کو حکومتی اداروں کے ہاتھوں لا پتہ کیا جا رہا ہے کسی کا بھائی کسی کا بیٹا کسی کا شوہر تو کسی کا باپ جن کو بے گناہ اپنے گھرون سے اٹھا کر لاپتہ کردیا ہے جب کہ تاریخ گواھ ہے کہ ہم محب وطن پاکستانی ہیں آج تک کسی دہشتگردی میں ملوث نہ ہمارا مدرسہ ہے نہ کوئی تنظیم ملک کی سالمیت کے خلاف نکلی اور نہ ہی کسی بلاسٹ میں خود کش حملا آور ہمارا عزادار نکلا ہو، پھر اسے لوگوں سے ریاستی ادارون کی زیادتی کیوں۔؟ کسی بھی پاکستانی شھری کو اس طرح لاپتہ کرنا قانون کی خلاف وازی ہے اور ہم اس کی بھرپور مزمت کرتے ہیں۔ ان کا کہنا تھا کہ ان مظلوم بے گناہ انسانوں کی بازیابی کے لئے علامہ حسن ظفر نقوی نے کئی ساتھیوں کے ساتھ کراچی سے گرفتاری دیکر جیل بھرو تحریک بازیابی کا آغاز کردیا ہے جب کے دوسرے مرحلے میں علامہ احمد اقبال رضوی مرکزی ڈپٹی سیکریٹری جنرل مجلس وحدت مسلمین پاکستان 13/10/2017 کو کئی کارکنان کے ساتھ گرفتاری پیش کرینگے۔ ہم مطالبہ کرتے ہیں کہ حکمت لاپتہ اسیران کو جلد بازیاب کرے ورنہ مرکزی قیادت کے حکم پر ہم حیدر آباد ڈویژن سے 5000 گرفتاریاں پیش کرنے کہ لئے تیار ہیں۔
