مجلس وحدت مسلمین کو قائم ہوئے اگرچہ چند برس ہو گئے ہیں تاہم انتخابی سیاست میں شرکت کا ان کا فیصلہ چند ماہ ہی پرانا ہے۔ ان چند ماہ کی سیاسی فعالیت کا جائزہ لیا جائے تو مجموعی طور پر یہ کہا جاسکتا ہے کہ اہل تشیع کی نسبتاً ایک نئی سیاسی جماعت نے چند قابل ذکر اور قابل توجہ کامیابیاں حاصل کی ہیں۔ یہ کامیابیاں بیشتر سیاسی تجربات کے حوالے سے ہیں۔ زیر نظر مضمون میں ہم انہی پہلوؤں کا جائزہ لیں گے۔

الیکشن 2013ء سے قبل کئی دہائیوں تک پاکستان کی پانچ کروڑ شیعہ عوام ملکی سیاسی عمل میں کوئی خاص کردار نہیں رکھتی تھی بلکہ الیکشن کے دن و الیکشن سمیت تمام سیاسی عمل سے من حیث مکتب لا تعلق نظر آتے تھے۔ شہید قائد علامہ عارف حسین الحسینی کے دور میں ملت تشیع پاکستان نے ایک بھرپور سیاسی کردار ادا کرنے کا آغاز کیا تھا جو آپ کی شہادت کے بعد بالکل معطل ہو گیا۔