وحدت نیوز (گلگت) ہراموش روڈ پر مسافر گاڑی کو دہشت گردی کا نشانہ بنایا گیا ہے صوبائی حکومت کی جانب سے اسے حادثہ قرار دینا دہشت گردوں کے آگے حکومت کا ہتھیار ڈالنے کے مترادف ہے۔وزارت داخلہ سے بار بار پیشگی اطلاع کے باوجود مقامی انتظامیہ سیکورٹی کے خاطر خواہ انتظامات سے قاصر رہی ہے اور اپنی ناکامی کو چھپانے اور ملامت سے بچنے کی خاطر دہشت گردی کی اس واردات کو حادثہ قرار دے رہی ہے۔

ان خیالات کا اظہار مجلس وحدت مسلمین کے صوبائی ترجمان محمد الیاس صدیقی اور غلام عباس سیکرٹری سیاسیات نے جائے وقوعہ پر صحافیوں کو واقعے کے بارے میں بریفنگ دیتے ہوئے کیا۔ انہوں نے کہا کہ دھماکے کے مقام سے راتوں رات تمام شواہد کو مٹایا گیااور عجلت میں رات کے تیسرے پہر پریس کانفرنس کرکے اسے حادثہ قرار دینے سے علاقے کے عوام میں سخت بے چینی اور تشویش پائی جاتی ہے اور انتظامیہ کے اس اقدام سے عوام عدم تحفظ کا شکار ہوئے ہیں۔

انہوں نے کہا کہ مقامی انتظامیہ کے ذمہ داران کی طرف سے جس جانبداری مظاہر ہ کیا جارہا ہے اس سے یوں لگ رہا ہے کہ انہیں عوام کے جان و مال کے تحفظ سے کوئی غرض نہیں۔ انہوں نے مزید کہا کہ مقامی انتظامیہ کے ذمہ دار میڈیا پر آکر شہداء کے لواحقین اور زخمیوں سے معافی مانگ لیں اور ان کے زخموں پر نمک پاشی کی بجائے اس بردلانہ کاروائی کے میں ملوث کرداروں کو بے نقاب کرکے مجرموں کو قانون کے کٹہرے میں کھڑا کریں۔

وحدت نیوز(کوئٹہ) مجلس وحدت مسلمین کوئٹہ ڈویژن سے جاری کر دہ بیان کے مطا بق ممبر بلوچستان اسمبلی سید محمدر ضا نے ایک وفد کے ہمراہ ارباب عمر فاروق کاسی سے اُن کے رہا ئش گاہ ارباب ہاوس میں ملاقات کی وفد میں سیکریٹری جنرل کوئٹہ عبا س علی ، کونسلر کربلائی رجب علی اور دوسرے اراکین شامل تھے وفد نے اربا ب عبدالظاہرکاسی کی واپسی پر اُن کے بیٹے کو مبا رک با د پیش کی ایم پی اے سید محمد رضا نے اُن سے با ت کر تے ہوئے کہایہ خبر سُن کر ہمیں بہت خو شی ہوئی اور یہ ہمارے لئے بھی بہت خوشی کی با ت ہے کہ ہما رے صو بے کی ایک بزرگ سیا سی اور قبا ئلی شخصیت اغوا ء ہونے کے ایک سا ل بات با حفاظت اپنے گھر واپس آگئے ہیں ۔

انہوں نے مذید کہاکہ اربا ب عبدل الظا ہر کی با حفا ظت گھر واپسی کیلئے جن جن لوگو ں نے کوششیں کی ہے وہ قابل ستا ئش ہے لیکن ٖضر ورت اس امر کی کہ ایسے اقدامات کئے جا ئے کہ آئندہ اس طر ح کاکوئی وا قعہ رونما نا ہوسکے اور اسکی روک تھام کیلئے حکومت کو ایک مر بود حکمت عملی پر کام کرنے کی ضر ورت ہے کیونکہ یہ اللہ تعالی کا بڑا کرم ہے کہ اربا ب صاحب بخیر و عا فیت اپنے گھر واپس پہنچ گئے ہے ورنہ اس شہر میں ایسے بے شما ر واقعات پیش آئے ہے جس میں اغوا ء کاروں نے مختلف شعبہ ہا ئے زندگی سے تعلق رکھنے والے لوگوں کو اغوا ء کرنے کے بعد اُن سے تا وان کی رقم کی وصولی کے بعد اُن کی زندگی کا بھی خا تمہ کیا جس میں ہزارہ اور شیعہ مکتبہ فکر سے تعلق رکھنے والے افراد کی بڑی تعدا د موجود ہے جن کو اغواء کاروں نے اغواء کرنے کے بعد قتل کیا اور اُن کی لاش کسی صحرا میں پھینک کر خود آرام سے فرا ر ہوتے رہیں۔ حکومت کو چا ہےئے کہ ایسے اغوا ء کار گروپس کا سراغ لگا کر اُن کے نیٹ ورک کا مکمل صفا یا کیا جا ئے تاکہ مستقبل میں کسی بھی شخص اور اس کی فیملی کو اس کرب کی صورت حا ل سے نا گزرنا پڑے جس سے پچھلے ایک سا ل سے اربا ب عبد الظا ہر اور اُن کی فیملی گزر رہی تھی۔

وحدت نیوز(کراچی) مجلس وحدت مسلمین بلوچستان کے صوبائی سیکریٹری جنرل علامہ مقصودعلی ڈومکی نے کہا ہے کہ بھارت کی جانب سے مسلسل گولہ باری کی شدید مذمت کرتے ہوئے کہا ہے کہ بھارت کو یہ بات سمجھنی چاہیئے کہ جنگی جنون خطے کی عوام کے مفاد میں نہیں ۔ بھارت اور پاکستان کی عوام کے درمیان جنگ اور عداوت کے بجائے ایک دوسرے کے احترام اور برابری پر مبنی تعلقات ہوں تو بہتر ہے۔ ستر سالہ عداوت کا بھارت کو کیا فائدہ ملا؟ پاکستان کی عوام اور مسلح افواج وطن عزیز کے چپے چپے کی حفاظت کرنا جانتے ہیں۔ بھارتی جارحیت نواز حکومت کی قومی سیاسی صورتحال سے توجہ ہٹانے کی مضموم سازش ہے،انہوں نے عید کے روز پاکستان کے حدود میں امریکی ڈرون حملوں کوا فسوس ناک قرار دیتے ہوئے کہا ہے کہ شیطان بزرگ امریکہ کی جارحیت کسی طور قبول نہیں۔پاکستان کو امریکہ کی کالونی نہیں بننے دیں گے۔ حکمران امریکہ کی غلامی کا طوق اپنی گردن سے اتاردیں۔

انہوں نے کراچی میں جاری ٹارگٹ کلنگ اور دہشت گردی کو افسوس ناک قرار دیتے ہوئے کہا ہے کہ کراچی میں شیعہ ، سنی ، دیوبندی،بریلوی غرض ہر کوئی ماراجا رہا ہے۔ہم رنگ ، نسل اور فرقے کی تفریق سے بالاتر ہو کر کراچی میں دہشت گردی کے خلاف فوجی آپریشن کا مطالبہ کرتے ہیں ۔ ڈیڑھ سال تک آپریشن کے نام پر کراچی میں ڈرامہ رچایا گیا۔ مگر آج بھی کراچی پر دہشت گردوں کا راج ہے۔انہوں نے کہا کہ حکومت اور ریاستی ادارے آخر دہشت گردوں کے سامنے اتنے بے بس کیوں ہیں ؟ مصلحتوں سے بالاتر ہو کر دہشت گردوں کے خلاف اقدام کرنے کی ضرورت ہے۔ عوام پہ یہ واضح کیا جائے کہ یہ دہشت گرد کون ہیں ؟ اور انہیں کون سے مقتدر افراد یا اداروں کی سرپرستی حاصل ہے؟اور انہیں سرمایہ کہا ں سے ملتا ہے ؟

وحدت نیوز(لاہور) مجلس وحدت مسلمین پاکستان نے ملک بھر میں روز جمعہ کو ،یوم دفاع وطن ،کے طور پر منا یاملک بھر کی مساجد میں علمائے کرام نے جمعہ کے خطبوں میں بھارتی جارحیت کیخلاف اور پاکستان میں ملی وحدت پر گفتگو کی لاہور میں جامعہ مسجد سمن آباد میں نماز جمعہ کے اجتماع سے خطاب کرتے ہوئے مجلس وحدت مسلمین لاہور کے سیکرٹری جنرل علامہ سید امتیاز کاظمی نے کہا کہ مادر وطن کاتحفظ ہم پر فرض ہے اس مشکل گھڑی میں ہمیں وطن کے دفاع اور دشمن کیخلاف میدان میں نکلنے کو تیار رہنا ہو گا دشمن کی سازش ہے کہ ہمیں آپس میں لڑا کر وہ ہماری پیٹھ میں چھرا گھونپیں لیکن ہمیں تمام اختلافات بھلا کر ہمارے اصل دشمن کیخلاف متحد رہنا ہے انشااللہ ہم اپنی پاک افواج کے شانہ بشانہ دشمن کیخلاف لڑینگے اور ارض پاک کی طرف کسی کو میلی آنکھ سے دیکھنے کی اجازت نہیں دینگے ویلنشیا ٹاوُن میں نماز جمعہ کے اجتماع سے خطاب کرتے ہوئے مجلس وحدت مسلمین پاکستان کے رہنما علامہ ابوذر مہدوی نے کہا کہ بھارتی جنگی جنون کا موثر جواب دینا ہوگا نریندر مودی مسلمانوں کا قاتل ہے اوراس دشمن سے خیر کی توقع نہیں انشااللہ ہمارے شہداء کے خون کا حساب بھارتیوں کو دینا ہوگا ہم دفاع وطن کے لئے ہمہ وقت تیار ہیں ،لاہور سمیت پنجاب کے مختلف اضلاع میں آئمہ کرام نے جمعہ کے خطبوں میں دفاع وطن ایک ملی قومی اور دینی فریضہ پر گفتگو کی۔