وحدت نیوز(آرٹیکل) انسان کو چاہیے کہ انسان ہی رہے، بطورِ انسان ہر انسان پر اصلاح کی دوہری ذمہ داری عائد ہوتی ہے، انسان ایک طرف تو  اپنی اصلاح کا ضامن ہے اور دوسری طرف  اس کے ساتھ ساتھ اپنے جیسے دوسرے انسانوں کی اصلاح کا بھی ضامن ہے۔جب انسان اللہ تعالی کی ذات سے غافل ہوجاتاہے تو وہ صرف خود کو ہی عقلِ کُل اور مصلحِ اعظم سمجھ کر دوسرے انسانوں  پر ظلم ڈھانے  لگتا ہے۔

حقیقتِ حال یہ ہے کہ نہ ہی تو یمن اور بحرین کا مسئلہ شیعہ اور دیوبندی  کا ہے ، نہ ہی شام اور عراق کا مسئلہ وہابی اور شیعہ کا ہے اور نہ ہی افغانستان و کشمیر کے مسائل بریلوی اور اہلحدیث کے جھگڑے ہیں  بلکہ  اصل مسئلہ اصلاحِ اُمت کا ہے، ہمیں اس حقیقت کو سمجھنا چاہیے کہ  بطورِ مسلمان ہم اپنی اور اپنے جیسے انسانوں کی اصلاح کے ضامن ہیں۔

جب ہم اصلاح کی بات کرتے ہیں تو ہمارا مقابلہ کفر اور شرک کے مبتدیوں اور مقلدین سے نہیں ہوتا بلکہ کفر اور شرک کے ائمہ سے ہوتا ہے۔

اس وقت دنیا بھر میں کفر و شرک کے امام ہندوستان، امریکہ اور اسرائیل و روس ہیں۔جب تک ہمارے یہ دشمن منظم، ہوشیار اور بیدار ہیں تب تک انہیں شکست دینے کی صرف ایک ہی صورت ہے کہ ہم ان سے بھی زیادہ منظم، ہوشیار اور بیدار ہو جائیں، چونکہ یہ ایک مسلمہ حقیقت ہے کہ علم و ٹیکنالوجی کو جہالت سے، نظم و ضبط کو بدنطمی سے،آگاہی اور بیداری کو غفلت سے  اور شعور و مکالمے کو تعصب سے شکست نہیں دی جا سکتی۔

عالمِ اسلام کو موجودہ بحران سے نکالنے کے لئے ہماری تمام تر توجہ  اصلاحِ امت پر متمرکز ہونی چاہیے، ہمیں بحیثیت مسلمان ، دنیا بھر میں ایسی بیدار، دیندار اور ہوشیار سوسائٹی کی ضرورت ہے  جو دنیا کے سامنے اسلامی اصولوں، اقدار اور تعلیمات کی درست ترجمانی کرے۔

اگر اسلامی دنیا کی سربراہی اور ملت اسلامیہ کی قیادت ان بادشاہوں کے سپرد کر دی جائے کہ جو اپنا تن من دھن سب کچھ امریکہ کو راضی اور خوش  کرنے کے لئے لٹانے پر تیار ہیں تو مسلم دنیا میں طالبان اور داعش سے بچے کچھے ممالک بھی جلد اس دہشت گردی کی لپیٹ میں آ جائیں گے۔

اگر ہمارے حکمران اسی طرح امریکہ و اسرائیل کے مفادات کی جنگوں میں اپنے جوانوں کو لقمہ اجل بناتے رہے تو دہشت گردی کی یہ وبا اب ممالک کے ممالک کو چاٹ جائے گی۔ اس وقت تک بھی امریکہ کی خوشامد ، چاپلوسی اور غلامی کا جو ہولناک نتیجہ نکلا ہے  وہ کسی سے ڈھکا چھپا نہیں ہے۔

اگر ہم خداوندِ عالم کی وحدانیت اور رسولِ اسلام کی ختمِ نبوت پر قطعی عقیدہ رکھتے ہیں تو پھر ہمیں  امریکہ و اسرائیل  کے قدموں پر ڈھیر نہیں ہونا چاہیے اور ممالک و مسالک کے بجائے اسلامی اصولوں اور معیارات کا ساتھ دینا چاہیے۔یہ نہیں ہو سکتا کہ ہم اذان تو توحید کی دیں اور گردنیں اہلِ قبلہ کی کاٹیں، نعرے تو اللہ اکبر کے لگائیں اور مسلمانوں کے سروں سے فٹبال بھی کھیلیں، باتیں تو اسلامی خلافت کی کریں اور آرمی پبلک سکول پشاور کے ننھے بچوں کو گولیوں سے بھی بھون دیں۔

اس وقت اصلاحِ اُمت کی کوشش صرف اس لئے ضروری نہیں کہ دنیا کو اس کی ضرورت ہے بلکہ اس لئے بھی ضروری ہے کہ شدت پسندی کی یہ آگ ہمارے ملک میں بھی  گھس چکی ہے۔

ظاہر ہے جب ہم نےاسلامی دنیا کا  حکومتی نظام ہی امریکہ و اسرائیل کے پٹھو حکمرانوں کے حوالے کیا ہوا ہے تو پھر ہم امن، صلح اور انسانی حقوق کی اپیلیں کس سے کر رہے ہیں!؟

یہ ایک واضح حقیقت ہے کہ شام کی ملت نے اپنے ملک میں غیر ملکی غنڈوں کے خلاف ایک بڑی جنگ بہت کامیابی سے لڑی ہے اور اب غوطہ میں جاری اپریشن دہشت گردوں کے تابوت میں آخری کیل ٹھونکنے جا رہا ہے۔

یہ پتھر پر لکیر ہے کہ شام میں دہشت گردوں کے خلاف جاری اپریشن اپنے منطقی نتیجے کو پہنچ کر رہے گا چونکہ اس اپریشن کی قیادت کوئی ایسا چیف آف آرمی اسٹاف نہیں کر رہا جس نے  اپریشن کے بعد جا کر سعودی عرب کے ہاں نوکری بھی کرنی ہو۔ لہذا  شام سے دہشت گردوں کے انخلا کے لئے اس آپریشن کا جاری رہنا ضروری اور حتمی ہے۔

بے شک آخری فتح اہلِ شام کی ہی ہوگی اور آخری شکست غیرملکی غنڈوں کو ملے گی ۔چونکہ جو اصولوں اور اقدار  کی  خاطراپنے وطن کی سرزمین پر جان دے  دیتا ہے وہ مر کر بھی زندہ رہتا ہے اور جو دوسروں کے گھر میں گھس کر لوگوں کو ناحق قتل کرتا ہے وہ مار کر بھی شکست خوردہ اور زلیل ہوتا ہے۔

تحریر۔۔۔نذر حافی

This email address is being protected from spambots. You need JavaScript enabled to view it.

وحدت نیوز (اسلام آباد) مجلس وحدت مسلمین پاکستان کے سربراہ علامہ راجہ ناصرعباس جعفری نے بانی امامیہ اسٹوڈنٹس آرگنائزیشن پاکستان ڈاکٹر شھید محمد علی نقوی قدس سرہ کے 23ویں یوم شہادت پر مرکزی سیکریٹریٹ سے جاری اپنے تعزیتی پیغام میں کہا ہے کہ شہید ڈاکٹر نقوی ؒ کی راہ خدا  اور حسینی خط پر شہادت درحقیقت اس بات کا اعلان ہے کہ امام حسین علیہ السلام کے بتائے ہوئے راستے پر چلنے والے سرخرو ہیں اور اس راہ میں شکست کا گزر نہیں اور یہی لوگ امام القائم علیہ السلام کے حقیقی منتظر ہیں  لہذا وہ اس راہ پر چلتے ہوئے کبھی تھکتے نہیں اور ان کے لبوں پر  شکستہ پہلو ، راہ ولایت کی پہلی شہیدہ کے نام یا زھراء کی ندائیں اس بات پر گواہ ہیں کہ ہماری فتح یقینی ہے ۔ڈاکٹر محمد علی نقوی قدس سرہ کی تصاویر میں ان کےمتبسم چہرے  پر عیاں یہ پیام ہم پڑھ سکتے ہیں کہ حسینی کبھی ھارا نہیں کرتے  امام زمانہؑ کے منتظر کبھی تھکا نہیں کرتے اور لبیک یا زھراء کی صدا بلند کرنے والے یقینا منزل مقصود پر پہنچ کر رہیں گے ۔

انہوں نے مزید کہاکہ جب موت ایک حتمی امر ہے اور ہر ایک نے مرنا ہے تو پھر عقلمند لوگ بہترین موت کا انتخاب کرتے ہیں ،یعنی شہادت والی خوبصورت موت  اور شہادت کی موت وہ نہیں جو راہ چلتے ہوئے اچانک  کسی حادثے کا شکار ہو کر ملے ،بلکہ شہادت کی موت شہید کا اپنا انتخاب ہوتی ہے ،وہ اس کے لئے اچانک نہیں ہوا کرتی  بلکہ شہید اس کی تلاش میں ہوتا ہے،جب مولا علی علیہ السلام کے فرق مبارک پر تلوار لگی اور زخمی ہوئے تو فرمایا  فزت برب الکعبه اور پھر ارشاد فرمایا میرے لئے یہ سب کچھ ناپسندیدہ نہیں بلکہ میری مثال اس پیاسے شخص کی ہے جو رات کی تاریکی میں کسی صحرا میں پانی کی تلاش میں نکلے اور(اچانک )اسے پانی کا چشمہ مل جائے ۔

وحدت نیوز(بھکر) مجلس وحدت مسلمین پاکستان کے مرکزی ڈپٹی سیکرٹری جنرل علامہ احمد اقبال رضوی نے صوبائی سیکرٹری جنرل جنوبی پنجاب علامہ سید اقتدار حسین نقوی اور دیگر رہنمائوں کے ہمراہ ضلع بھکر کا دورہ کیا، اس موقع پر ایم ڈبلیو ایم جنوبی پنجاب کے صوبائی رہنما سید ندیم عباس کاظمی، ثقلین نقوی، ارشاد حسین بنگش بھی ہمراہ تھے۔ رہنمائوں نے اپنے دورے کے دوران بھکر کی ضلعی کابینہ سے ملاقات کی اور آئندہ الیکشن کے حوالے سے تفصیل گفتگو کی۔

 علامہ احمد اقبال رضوی نے کہا کہ ایم ڈبلیو ایم جنرل الیکشن میں جنوبی پنجاب کے منتخب حلقوں میں اپنا بھرپور کردار ادا کرے گی، جنوبی پنجاب کی محرومیاں یہاں کے منتخب نمائندوں کی غفلت اور لاپرواہی کا نتیجہ ہیں، بھکر اور ڈیرہ اسماعیل خان میں انتظامیہ پُرامن شہریوں کو غائب اور ہراساں کرنے پر مامور ہے، حکومت ہوش کے ناخن لے اور ہمارے لاپتہ جوانوں کو فوری بازیاب کرے۔

اُنہوں نے مزید کہا کہ ایم ڈبلیو ایم پاکستان میں اتحاد کی علامت بن چکی ہے، آج دہشتگرد گروہ ہمیں اپنے راستے کا کانٹا سمجھتے ہیں۔ علامہ اقتدار نقوی نے کہا کہ دشمن ہمارے خلاف پروپیگنڈے، مقدمات اور فورتھ شیڈول میں ڈال کر اپنے راستے سے ہٹانا چاہتا ہے، میں سلام پیش کرتا ہوں اُن جوانوں کو جنہوں نے جیلیں دیکھیں، مقدمات سہے لیکن پھر بھی میدان میں ڈٹے ہوئے ہیں، ہم اپنے دشمن کو آئندہ الیکشن میں منہ توڑ جواب دیں گے۔ اس موقع پر ایم ڈبلیو ایم بھکر کے ضلعی سیکرٹری جنرل سفیر حسین شہانی ایڈووکیٹ، اُمیدوار قومی اسمبلی احسان اللہ خان بلوچ، ظہیر عباس نقوی اور دیگر موجود تھے۔

وحدت نیوز(سکردو) مجلس وحدت مسلمین پاکستان گلگت بلتستان کے سربراہ آغا علی رضوی نے کہا کہ چھومک و کتپناہ میں عوامی اراضی پر شب خون مارنا علاقہ دشمنی اور خطے کی سالمیت کے خلاف سنگین سازش ہے۔ انہوں نے کہا کہ جی بی کی ایک ایک انچ کی حفاظت کرنا ہر شہری پر فرض ہے۔ خالصہ سرکار کے نام پر گلگت بلتستان کو 48 سے پہلے کی صورتحال کی طرف دھکیلنے کی کوشش انتہائی خطرناک اور پاکستان کی سالمیت و استحکام کو خطرے میں ڈالنے کی نہ صرف کوشش ہے بلکہ اس عمل سے دشمن ملک کے موقف کو تائید ملتی ہے۔ خالصہ سرکار کے نام پر جی بی کو ہندوستان سے جوڑنے کی کوشش کرنے والوں کے خلاف کارروائی کی جائے تاکہ دشمن کے عزائم خاک میں مل جائیں۔ چند انچ اراضی کے مفت حصول کے لئے انتظامیہ دشمن کے موقف کی عملی حمایت کرنا چھوڑ دے۔ یہ خطہ یہاں کے عوام نے ڈوگرہ راج سے آزاد کرایا ہے اور آزادی کے ستر سال بعد اس کی زمینوں کو سینکڑوں سال قبل کی خالصہ سرکار سے جوڑنا ریاست سے غداری اور جنگ آزادی کو تسلیم نہ کرنے کے مترادف ہے۔

آغا علی رضوی نے کہا کہ انتظامیہ ایسے غلط فیصلے سے باز رہے جس کے نتیجے میں یہاں کے عوام سخت اقدام اٹھانے پر مجبور ہو جائیں۔ خالصہ سرکار کا مسئلہ اقوام متحدہ اور عالمی عدالت تک پہنچ جائے تو نہ صرف انتظامیہ کو شدید دھچکا لگے گا بلکہ خطے کی سیاسی صورتحال متاثر ہونے کے ساتھ ساتھ مسئلہ کشمیر اور جی بی پر پاکستان کا موقف کمزور پڑ جائے گا لہذٰا میں ریاستی اداروں سے اپیل کرتا ہوں کہ ایسا اقدام اٹھانے سے باز رہے جس کے نتیجے میں دشمن کے لئے راہ ہموار نہ ہو۔ اگر ریاستی اداروں کو پورے خطے میں کہیں بھی زمین چاہیئے تو قانونی تقاضے پورے کرتے ہوئے حاصل کرنے میں کوئی بھی طاقت مانع نہیں ہو سکتی۔ اس کے علاوہ بھی عوامی فلاح کے لئے اگر کہیں کوئی زمین درکار ہوتی ہے تو عوام کو بھی آمادہ کیا جاسکتا ہے، لیکن طاقت کا استعمال کسی صورت ملکی مفاد میں نہیں۔ ویسے بھی اقوام متحدہ کی قراردادوں کے مطابق جی بی سٹیٹ سبجیکٹ رول کا خاتمہ غیرقانونی عمل ہے۔ انہوں نے مزید کہا کہ عوامی اراضی پر ناجائز قبضے کے خلاف تحریک کے لئے عوام تیار رہیں۔ اس ظلم کے خلاف کسی بھی سطح تک جانے کے لئے تیار ہیں۔ ہم ہر قسم کی قربانی دیں گے لیکن خالصہ سرکار کے نام پر گلگت بلتستان کو سکھوں کی راج دھانی میں رہنے نہیں دیں گے۔ ہم نے آزادی شعور کے ساتھ حاصل کی ہے خالصہ سرکار نہیں بلکہ پاکستان ہماری پہلی اور آخری منزل جبکہ آئین پاکستان ہمارا دستور ہے۔

وحدت نیوز(کراچی) مجلس وحدت مسلمین پاکستان کے صوبائی سیکرٹری سیاسیات ، علی حسین نقوی نے پولیٹیکل کونسل کے ذمہ داران سے ملک میں بڑھتی ہوئی مہنگائی کے خلاف شدید ردعمل کا اظہار کرتے ہوئے کہا ہے کہ  اشیائے خوردونوش کی بڑھتی ہوئی قیمتوں نے عام آدمی کی زندگی کو اجیرن بنا دیا ہے۔انہوں نے کہا حکمرانوں کی طرف سے عوام کو بدامنی، مہنگائی، عدم تحفظ،اسٹریٹ کرائمز ،لوڈشیدنگ اور لاقانونیت جیسے تحفے دیے جا رہے ہیں جو سراسر زیادتی ہے۔ بھاری مینڈیٹ حاصل کرنے والی حکومت اپنی عوام کو ’’قابل قدر‘‘ صلہ دے رہی ہے۔

انہوں نے کہاکہ قیمتوں پر نظر رکھنے والے اداروں اور ضلعی حکومتوں کی موجودگی میں عام گھریلو اشیاء کی من مانی قیمتیں وصول کیا جانا اداروں کی عدم توجہی کا منہ بولتا ثبوت ہے۔ اس ملک کی اکثریت کا تعلق متوسط طبقے سے ہیں۔ قیمتوں میں ہوشربا اضافہ سفید پوش طبقے کے لیے درد سر بنا ہوا ہے۔حکومت کو ذمہ داری کا مظاہرہ کرتے ہوئے اس اہم مسئلہ کی طرف توجہ دینے کی ضرورت ہے۔

انہوں نے کہا جو تاجر مصنوعی قلت پیدا کر کے سبزیوں، چکن اور دیگر ضروری اشیا کی قیمتوں کو بڑھا کر فائدہ حاصل کر رہے ہیں ان کے خلاف فوری کاروائی کی جائے۔انہوں نے اعلی حکام سے مطالبہ کیا ہے کہ اشیائے خورد و نوش کی قیمتیں معمول پر لانے کے لیے مارکیٹوں کا دورہ کیا جائے اور ناجائز منافع خوروں کو موقع پر جرمانے کیے جائیں۔

وحدت نیوز(مظفرآباد) مجلس وحدت مسلمین آزاد کشمیر کی رابطہ مہم عروج پر، علامہ تصور جوادی پر حملہ کرنے والے مجرمان کی عدم گرفتاری کے خلاف 7مارچ احتجاج کے لیے گاؤں گاؤں دورہ جات، لوگوں سے ملاقات ، احتجاج میں شرکت کی دعوت، کئی شخصیات کی جانب سے حمایت کا اعلان۔ تفصیلات کے مطابق مجلس وحدت مسلمین آزاد کشمیرو انسداد دہشت گردی پبلک ایکشن کمیٹی کے رابطہ مہم جاری ، 7مارچ بھرپور شرکت متوقع، مجلس وحدت مسلمین آزاد کشمیر کے ڈپٹی سیکرٹری جنرل مولانا سید طالب حسین ہمدانی ، سیکرٹری جنرل مظفرآباد سید غفران علی کاظمی کے کوہالہ ویلی و اندرون شہر دورہ جات جاری ۔جبکہ انسداد دہشت گردی پبلک ایکشن کمیٹی جہلم ویلی میں متحرک، سید شجاعت علی کاظمی ، سید تصور عباس موسوی ، سید راشد علی نقوی و دیگر کی لوگوں سے ملاقات، احتجاج میں شرکت کی دعوت ۔د

دوسری جانب تنظیم السادات یوتھ ونگ مظفرآباد کی جانب سے حمایت و بھرپور شرکت کا اعلان، تحریک انصاف آزاد کشمیر کے رہنماء سید تبریز علی کاظمی ، مجہوئی سے معروف شخصیت مخدوم سید تنویر حسین کاظمی ، گوڑی سے سید کرامت کاظمی ، بندوے سے سید واجد کاظمی ، کھن بانڈی سے سید فخر کاظمی ، نگرہ سیداں سے سید حسین نقوی ، گڑھی دوپٹہ سے سید امجد حیدری ، کمہار بانڈی سے سید مجاہد کاظمی ، کوہالہ ویلی سے سید شاہد کاظمی ، سید زاہد کاظمی ، سید شیراز کاظمی و دیگر کی جانب سے بھرپور شرکت کا اعلان ۔ مولانا سید طالب حسین ہمدانی و سید غفران علی کاظمی نے اپنے مشترکہ بیان میں کہا کہ 7مارچ تاریخی احتجاج ہو گا، اب کسی صورت بھی مہلت نہیں دی جا سکتی ، حکومت کو ہمارے مطالبات پر غور کرنا ہو گا، دہشت گردوں اور ان کے سہولت کاروں کو گرفتار کر کے قرار واقعی سزا دینا ہو گی بصورت دیگر آنے والے سخت و شدید ردعمل کو روکنا حکومت و انتظامیہ کے لیے مشکل کام ہو گا۔ ہم نہیں چاہتے تھے کہ سڑکوں پر نکلیں لیکن اب خاموشی ناممکن امر ہے ۔ ایک سال سے اوپر ہو گیا ، حکومت کے کان پر جوں تک نہیں رینگی۔