The Latest
وحدت نیوز(قم المقدس) حوزہ علمیہ قم خود سازی اور انسان سازی کا بہترین مرکز ہے۔ تنظیمی تقوی انسان کے رشد میں نکھار پیدا کرتا ہے۔ تفصیلات کے مطابق مجلس علمائے مکتب اہلبیت ع پاکستان کے مرکزی صدرحجۃ الاسلام سید حسنین عباس گردیزی صاحب کے ساتھ ایم ڈبلیو ایم قم کابینہ کی خصوصی نشست منعقد ہوئی۔ نشست میں تنظیمی موضوعات اور قومی رشد و ارتقا میں تنظیم کے کردار پر گفتگو ہوئی۔
شرکا نے مختلف میدانوں میں اپنی تنظیمی فعالیت کا ذکر کیا۔ اس موقع پر مجلس وحدت مسلمین قم کے صدر حجۃ الاسلام سید شیدا حسین جعفری نے معزز مہمان شخصیت کو خوش آمدید کہنے کے ساتھ ساتھ قم کابینہ کے شعبہ جات کی مختصر کارکردگی بھی پیش کی اور اراکین کا تعارف بھی کرایا۔ اس دوران مبلغین کے حوالے سے بھی گفتگو ہوئی جس کے بعد مجلس وحدت مسلمین پاکستان کی شورای عالی کے رکن اور مجلس علمائے مکتب اہلبیت ع پاکستان کے مسئول حجۃ الاسلام سید حسنین عباس گردیزی صاحب نے حاضرین کے ساتھ تبادلہ خیال کیا۔
انہوں نے کہا کہ حوزہ علمیہ قم خود سازی اور انسان سازی کا بہترین مرکز ہے۔ خوش قسمت ہیں وہ لوگ جو دنیا بھر سے اپنی ہدایت و تربیت کیلئے اس مرکز کا رخ کرتے ہیں۔ انہوں نے کہا کہ تنظیمی فعالیت تنظیمی تقوی کے ہمراہ ہونی چاہیے۔ تنظیمی تقوی انسان کے اجتماعی و تنظیمی رشد میں نکھار پیدا کرتا ہے۔اس موقع پر حاضرین نے پاکستان میں مبلغین کے اعزام کے حوالے سے بھی اہم امور زیر بحث لائے جن کی روشنی میں آئندہ ماہ رمضان المبارک اور محرم الحرام میں تبلیغی فعالیت کے حوالے سے بھی کچھ امور طے پائے۔نشست کا اہتمام مجلس وحدت مسلمین قم المقدس کے دفتر میں آج 19دسمبر 2023 کو ساڑھے دس بجے کیا گیا۔
وحدت نیوز(اسلام آباد)چیئرمین مجلس وحدت مسلمین پاکستان علامہ راجہ ناصر عباس جعفری نے بلوچ یکجہتی مارچ کے شرکاء پر پولیس کے لاٹھی چارج کی شدید مذمت کرتے ہوئے کہا ہے کہ مارچ کے درجنوں پر امن شرکاء کی گرفتاریاں بلا جواز اور آئین وقانون کی کھلم کھلا خلاف ورزی ہے، پرامن گرفتار مرد و خواتین کو فوری رہا کیا جائے، حکومت کا متاثرہ فیملیز کے ساتھ غیر انسانی سلوک کہاں کی عقلمندی ہے، شرکاء میں خواتین اور بچوں کے ساتھ طاقت کا استعمال انتہائی افسوس ناک اور شرمناک ہے، بلوچستان کے گھمبیر مسائل کا حل وہاں کے وفادار عوام کے ساتھ بیٹھ کر نکالا جائے۔
انہوں نے کہا کہ گذشتہ رات کی یخ بستہ سردی میں میری معصوم بیٹیوں اور بیٹوں کی سسکیاں دراصل پاکستانی عوام کی بے بسی کے آنسو ہیں، میں بلوچستان کی سرزمین سے تعلق رکھنے والے چیف جسٹس قاضی فائر عیسیٰ اور نگران وزیراعظم انوارالحق کاکڑ، سمیت بلوچ چیئرمین سینیٹ صادق سنجرانی سے پوچھنا چاہتا ہوں کہ کیا یہ ہمارے بچے نہیں ہیں؟ ریاست کو ماں بن کر سب کو سینے سے لگانا ہوگا، وگرنہ حالات کسی کے قابو میں نہیں رہیں گے۔
وحدت نیوز(کوئٹہ) گذشتہ روز کوئٹہ پریس کلب میں دیگر قائدین کے ہمراہ نیوز کانفرنس کے دوران چیئرمین مجلس وحدت مسلمین پاکستان علامہ راجہ ناصرعباس جعفری نے ایم ڈبلیوایم کی جانب سے کوئٹہ کے چار حلقوں سے نامزد امیدواروں کا اعلان کردیا ہے ۔
تفصیلات کے مطابق ایم ڈبلیوایم کے سیاسی سیل کی جانب سے جن چار امیدواروں کے ناموں کی بطور امیدوار منظوری دی گئی ہے ان میں علامہ علی حسنین حسینی، علامہ سید عباس علی موسوی، ارباب لیاقت علی ہزارہ اور جعفرعلی جعفری شامل ہیں۔
کوئٹہ کے حلقہ NA-263کوئٹہ-2سے ارباب لیاقت علی ہزارہ، NA-262سے جعفرعلی جعفری،PB-42کوئٹہ -5سے علامہ علی حسنین حسینی جبکہ PB-40کوئٹہ -3سے علامہ سید عباس علی موسوی کو امیدوار نامزد کیا گیا ہے۔
ایم ڈبلیوایم کے تمام نامزد امیدواروں نے اپنے کاغذات نامزدگی ڈسٹرکٹ ریٹررننگ آفیسرز کے سامنے جمع کروادیئے ہیں،واضح رہے کہ ایم ڈبلیوایم کی جانب سے نامزد تمام امیدوار انتہائی قابل ، باکردار اور اعلیٰ تعلیم یافتہ ہیں، ایم ڈبلیوایم نے اس قبل بھی آغا رضا جیسی اعلیٰ تعلیم یافتہ شخصیت کو اسی حلقے سے منتخب کرواکر 5 سال عوام کی بہترین خدمت کی تھی۔
وحدت نیوز(کوئٹہ)مجلس وحدت مسلمین پاکستان کے چئیرمین علامہ راجا ناصر عباس جعفری نے کوئٹہ میں دیگر رہنماؤں کے ہمراہ پریس کانفرنس کرتے ہوئےکہا ہے کہ کسی بھی ملک میں کوئی بھی بحران آتا ہے تو ملک میں انتخابات کروائے جاتے ہیں،منتخب حکومت ہی ملک کو مشکلات سے نکالتی ہے۔
اسی طرح پاکستان میں بھی 8 فروری 2024 کو عام انتخابات ہونگے پاکستان کے آئین میں اقتدار اعلیٰ اللّٰہ کو حاصل ہے۔ منتخب نمائندے پاؤر کو غلط استعمال نہ کریں۔
پاکستان کی عوام بہت اہم ہے۔ اگر ہم چاہیں کہ ملک کو بحرانوں سے نکالے تو عوام کا اعتماد حاصل کریں۔
ہم سب چاہتے ہیں کہ پاکستان ترقی کرے۔ پاکستانی عوام کو انتخابات میں تعلیم یافتہ اور قابل امیدوار چاہیے۔
انہوں نے مزید کہا کہ ریاست ماں کی طرح ہے جس کی حفاظت ہم سب کی ذمہ داری ہے۔
8 فروری 2024 کے انتخابات کے لیے مجلس وحدت مسلمین کے کوئٹہ میں صوبائی اسمبلی کے لیے دو امیدوار ہونگے۔
علامہ راجہ ناصر عباس جعفری کا کہنا تھا کہ مجلسِ وحدت مسلمین نے قومی اسمبلی کے لیے ایک امیدوار منتخب کیا ہے۔ ہم پورے پاکستان سے اپنے امیدوار کھڑے کرینگے۔
بلوچ عوام وطن کے وفادار ہیں۔ بلوچستان سے شہداء کی فیملیز انصاف کے لیے اسلام آباد کی طرف گامزن ہیں۔
حکومت بلوچستان کے عوام کے ساتھ نرمی کے ساتھ پیش آئے۔ بلوچستان میں مسائل کا حل بلوچوںکے ساتھ مل بیٹھ کر نکالے۔
انہوں نے مزید کہاکہ فلسطینیوں کو خدا کی نصرت حاصل ہے۔ فلسطین پر کئی دہائیوں سے ظلم جاری ہے۔ غزہ میں اسرائیلیوں کو شکست کا سامنا ہے۔ دنیا کے کسی بھی ملک میں عوام کھڑے ہو جائیں تو کوئی بھی ان کو شکست نہیں دے سکتا۔
فلسطینی عوام سے اظہار یک جہتی کیلئے 24 دسمبر کو علمدار روڈ پر مظاہرہ کرینگے۔
10 جنوری کو اپنے شہداء کے یاد میں ایک اجتماع کرینگے۔ پاکستان میں ہم سب بھائی بھائی ہیں۔
وحدت نیوز(پشاور) مجلس وحدت مسلمین صوبہ خیبر پختون خواہ کے جنرل سیکریٹری شبیر حسین ساجدی نے صوبائی ذمہ داران سے گفتگو کرتے ہوئے کہا ہے کہ مجلس وحدت مسلمین ملک کے طول و عرض میں عوام کی امیدوں کا مرکز بن چکی ہے، ہمارے بزرگ و جوان اور مرد و زن جہان بھی تکلیف میں مبتلا ہوں ۔ ہمارے ورکرز اور ذمہ داران و علماء بلا تفریق مذہب و مکتب سب سے پہلے پہنچتے ہیں ۔ ملک کے کونے کونے میں عبادت گاہوں سے لیکر مکتب وبیمارستان کے خدمت گزار ہیں۔
انہوں نے فخریہ انداز میں ذمہ داران کو کہا کہ مذہبی ثفافتی اور سماجی میدان میں سبقت میں رہنے والی جماعت انشااللہ صوبہ بھر میں سیاسی میدان میں بھی فعال کردار ادا کرے گی۔
صوبائی جنرل سیکریٹری نے کہا کہ آنے والے الیکشن میں مجلس وحدت مسلمین عوام کے تعاون سے بھرپور انداز سے ابھر کر سامنے آئے گی۔ فرقہ پرست انتہاء پسند قوتوں کی مختلف علاقوں میں ضمانتیں ضبط ہونگی، کرپشن عوامی استحصال نفرتین پھیلانے والوں کیلیے تمام تر راستے بند کرنے کی کوشش کریں گے ۔ ملک کی تعمیر و ترقی اور امن و بھایی چارہ قائم کرنے میں بھر پور کردار ادا کریں گے ۔ مظلوموں کے محافظ بنیں اور ظالموں کے خلاف ہمشہ میدان عمل میں موجود رہنگے۔
جنرل سیکریٹری شبیر ساجدی نے ذمہ داران کو سنجیدگی اور اطمینان کے ساتھ الیکشن 2024 لڑنے کی تلقین کرتے ہوئے کہا کہ ذمہ دار محب وطن شہری بن کر مجلس وحدت مسلمین کی پالیسی کو ہر صورت فالو کریں، الیکشن میں ایسا سلوک اور اخلاق اپنائیں کہ مستقبل میں معاشرتی بیگاڑ یا دراڑ پیدا ہونے کا اندیشہ نہ ہو، مخلص ، دیانت دار ایماندار افراد کے چناؤ کو یقینی بنائیں اور ووٹرز کی غزت نفس کا ہر صورت تحفظ کریں۔
وحدت نیوز(اسلام آباد) 20 دسمبر 2005ء کے عالمی انسانی یکجہتی کے دن کی مناسبت سے چیئرمین مجلس وحدت مسلمین پاکستان علامہ راجہ ناصر عباس جعفری نے اپنے بیان میں کہا ہے کہ اس دن کو منانے کا مقصد دنیا سے غربت و تنگ دستی کا خاتمہ اور انسانوں کی باہمی یکجہتی کی اہمیت کو اجاگر کرنا ہے، لوگوں کے معیار زندگی کو بلند کرنا ریاست کے فرائض میں شامل ہے، بنیادی انسانی حقوق اور ضرورتوں کی فراہمی کو یقینی بنانا اولین ترجیح ہونی چاہیے، ملک میں انسانی یکجہتی کی فوری اور اشد ضرورت ہے، ہم سب ملکر مشترکہ عزائم کے ذریعے ہی مشترکہ خطرات سے نمٹ سکتے ہیں اور ذاتی انا اور مفادات سے بالاتر ہو کر قومی مفادات کا تحفظ کرنا ہو گا، ملک میں مختلف قومیتوں کو برابر کا پاکستانی شہری سمجھتے ہوئے حقوق دینا ہونگے۔
انہوں نے کہا کہ اس دن ہمارا بنیادی مقصد قدرتی آفات سے متاثرہ افراد کی مدد، انسانی حقوق کی پامالیوں کو روکنا، دنیا میں انسانی بنیادوں پر اتحاد و یگانگت کی اہمیت کو اُجاگر کرنا اور پسے ہوئے محروم طبقات کی ملکر مدد کرنا شامل ہے، مظلوم و محروم عوام بالخصوص فلسطین، کشمیر اور برما کی عوام پر ڈھائے جانے والے وحشیانہ مظالم کے خلاف صدائے احتجاج بلند کرنا ہی اصل انسانیت کے ساتھ یکجہتی ہے، جس پر جتنا توجہ دی جانی چاہیے تھی اس قدر نہیں دی گئی، دنیا میں بڑھتی ہوئی عدم مساوات کے چیلنج کے تناظر میں عالمی یکجہتی کو مستحکم بنانا ناگزیر ہے۔
وحدت نیوز(نجف اشرف)مجلس وحدت مسلمین پاکستان کے سیکرٹری امورِ خارجہ حجۃ الاسلام والمسلمین علامہ سید شفقت حسین شیرازی وفد کے ہمراہ نمائندہ رہبر معظم سے ملاقات۔
تفصیلات کے مطابق مجلس وحدت مسلمین پاکستان کے سیکرٹری امورِ خارجہ حجۃ الاسلام والمسلمین علامہ سید شفقت حسین شیرازی نے ایم-ڈبلیو-ایم نجف اشرف کے وفد کے ہمراہ عراق میں موجود مقام معظم رہبری کے نمائندہ و وکیل آیت اللہ سید مجتبیٰ حسینی (دام ظلہ) سے منگل کے روز مؤرخہ 19/12/2023 کو ملاقات کی، جس میں ملکی و عالمی صورتحال کو زیرِ بحث لایا گیا۔
ملاقات کی ابتدا میں نمائندہ رہبر معظم کی خدمت میں چئیرمین مجلس وحدت المسلمین حجۃ الاسلام والمسلمین علامہ راجہ ناصر عباس جعفری (حفظہ اللہ) کا سلام عرض کیا گیا۔ اس ملاقات میں پاکستان کی بدلتی صورتحال، مقبوضہ کشمیر پر بھارت کی بربریت، چلاس میں بےگناہ شیعہ عوام کا قتلِ عام، ملک کے مختلف گوشوں میں شیعہ نسل کشی، امریکہ اور اسکے اتحادیوں کا ملک میں اثر و رسوخ، ایم-ڈبلیو-ایم کی ملک میں حالیہ سرگرمیاں، پاکستان تحریکِ انصاف سے اتحاد، آئندہ آنے والے الیکشن میں ایم-ڈبلیو-ایم کا کردار اور نجف میں مقیم پاکستانی طلبہ کی مشکلات سمیت دیگر متعدد موضوعات پر سیر حاصل گفتگو کی گئی۔
نمائندہ رہبر معظم نے ان تمام موضوعات کو دلچسپی سے سنا اور آخر میں پاکستان کے امن و امان اور سلامتی سلامتی کیلئے خصوصی دعائے خیر کی۔
وحدت نیوز(کوئٹہ) چیئرمین مجلس وحدت مسلمین پاکستان علامہ راجہ ناصر عباس جعفری حفظہ اللہ کے کوئٹہ پہنچنے پر امام جمعہ کوئٹہ حجت الاسلام علامہ سید ہاشم علی موسوی اور معروف عالم دین علامہ علی حسنین حسینی نے اپنے ایک وفد کے ہمراہ صوبائی سیکریٹریٹ بلوچستان میں قائد وحدت سے ملاقات کی، مختلف امور پر گفتگوکی گئی اوراس موقع پر علامہ علی حسنین الحسینی نے ایم ڈبلیو ایم میں اپنی شمولیت کا بھی اعلان کیا۔
ایم ڈبلیوایم قائدین نے علامہ علی حسین الحسینی کو ایم ڈبلیوایم کے الہیٰ کاروان میں شمولیت پر خوش آمدید کہا اور انہیں مبارکباد بھی پیش کی۔
اس موقع پر وائس چیئرمین ایم ڈبلیو ایم علامہ سید احمد اقبال رضوی ،مرکزی جنرل سیکرٹری سید ناصر عباس شیرازی ،مرکزی سیکرٹری سیاسیات سید اسد عباس نقوی، صوبائی صدر علامہ سید ظفر عباس شمسی ،علامہ مقصودعلی ڈومکی سمیت صوبائی و کوئٹہ ڈویژن کے قائدین بھی موجود تھے۔
وحدت نیوز(کوئٹہ) چیئرمین مجلس وحدت مسلمین پاکستان علامہ راجہ ناصر عباس جعفری حفظہ اللہ سے ایم ڈبلیوایم علمدار روڈ اور ایم ڈبلیوایم ہزارہ ٹاون کے تمام کابینہ نے ملاقات کی اور آنے والے الیکشن کے حوالے سے اہم فیصلے جات کئےگئے ۔
ملاقات میں وائس چیئرمین ایم ڈبلیو ایم علامہ سید احمد اقبال رضوی ، مرکزی جنرل سیکرٹری سید ناصر عباس شیرازی ،سابق وزیر قانون بلوچستان سید محمد رضا ( آغا رضا )، مرکزی سیکرٹری سیاسیات سید اسد عباس نقوی، صوبائی صدر علامہ سید ظفر عباس شمسی ،علامہ مقصود علی ڈومکی ، سمیت صوبائی و کوئٹہ ڈویژن کے قائدین بھی موجود تھے۔
وحدت نیوز(کوئٹہ) چیئرمین مجلس وحدت مسلمین پاکستان جناب علامہ راجہ ناصر عباس جعفری کا دورہ کوئٹہ چیئرمین مجلس وحدت مسلمین پاکستان علامہ راجہ ناصر عباس جعفری نے بزرگ عالم دین اور پرنسپل جامعہ امام صادقؑ علامہ محمدجمعہ اسدی سے ملاقات کی اور اُن کی خیریت دریافت کی۔
اِن کےہمراہ ایم ڈبلیوایم وائس چیئرمین علامہ سید احمد اقبال رضوی، رہنماء مجلس وحدت مسلمین جناب آغا رضا ،مرکزی جنرل سیکریٹری جناب ناصر عباس شیرازی، مرکزی سیکریٹری سیاسیات جناب اسد عباس نقوی اور مرکزی سیکریٹری تنظیم سازی علامہ مقصود علی ڈومکی اور متبرین موجودتھے ۔
