وحدت نیوز(اسلام آباد)چیرمین مجلس وحدت مسلمین پاکستان علامہ راجہ ناصر عباس جعفری کی زیر صدارت ایم ڈبلیو ایم خیبر پختونخواہ اراکین کابینہ کا اجلاس اسلام آباد میں منعقد ہوا۔اجلاس میں ضلع کرم کی کشیدہ صورتحال پر دکھ اور تشویش کا اظہار کیا گیا۔اس موقع پر آنے والے الیکشن کے حوالے سے بھی تبادلہ خیال ہوا، الیکشن میں مجلس وحدت مسلمین کی جانب سے بھر پور حصہ لینے کا اعلان اور آئندہ کچھ دنوں میں الیکشن میں حصہ لینے والے امیدواروں کے نام جمع کرنے کا بھی فیصلہ کیا گیا۔

اجلاس میں مرکزی سیکرٹری سیاسیات سید اسد عباس نقوی، صوبائی صدر علامہ جہانزیب جعفری، تحصیل چیرمین و ضلعی صدر مولانا مزمل حسین۔ صوبائی جنرل سیکرٹری شبیر ساجدی، صوبائی رہنما حاجی علی داد، مرکزی پولیٹیکل کونسل کے ممبر ظہیر عباس نقوی۔ سخراب حسین۔ تحصیل پاراچنار کے صدر سید مسرت حسین، حاجی سیعد خان اور مرکزی سیکرٹریٹ کے مسئول ارشاد بنگش نے شرکت کی۔

اجلاس میں آنے والے الیکشن میں دیگر پارٹیوں کے ساتھ اتحاد پر مشاورت ہوئی، چیرمین علامہ راجہ ناصر عباس جعفری نے الیکشن میں حصہ لینے کی اہمیت و افادیت پر گفتگو کی۔اور کہا کہ اس وقت ہمارا اپنے حلقے بنانے کے لئے الیکشن میں حصہ لینا اور سیاسی میدان میں حاضر رہنا ضروری ہے۔سید اسد عباس نقوی نے پی ٹی ائی کے ساتھ جاری بات چیت کے حوالے سے بریفننگ دی ۔

وحدت نیوز(مانٹرنگ ڈیسک) پاکستان کی سرزمین پر یوں تو ایک سے بڑھ کر ایک سنگین اور وحشت ناک سانحات رونما ہوئے ہیں لیکن ایک ایسا سانحہ جس نے پوری قوم کے نا صرف جسموں بلکہ روحوں کو بھی جھنجھوڑ کر رکھ دیا اور جس کے اثرات طویل عرصے تک انسانی اذہان سے محو نا ہوسکے اور جو دلخراش سانحہ آج بھی ہر سال پہلے کی طرح تازہ ہوکر ہماری نگاہوں کے سامنے آجاتا ہے وہ سانحہ آرمی پبلک اسکول پشاور ہے ۔

16دسمبر 2014 کی تاریخ اور یہ دن ہمیں ان 144 معصوم کھلتے ہوئے پھولوں اور ان کی باغبان استانیوں کی یاد دلاتاہے جنہوں نے گندی سیاست اور غلیظ مقاصد کی بھینٹ چڑھ کر اپنی قیمتی جانوں کے نذرانے وطن عزیز کی سلامتی اور استحکام کی خاطر قربان کیں۔

آرمی پبلک اسکول پشاور پر ملک دشمن تکفیری وہابی دہشت گردوں نے داخلی ایجنٹوں کی مدد سے حملہ آور ہوکر نا صرف اندھادھند فائرنگ کی بلکہ خودکش دھماکے کرکےڈیڑھ سو کے قریب معصوم طلباءوطالبات اور خواتین اساتذہ کو بربریت کا نشانہ بنایا تھا۔

چشم فلک نے ایسی وحشت ناک مناظر اس سانحےمیں دیکھے کہ ہر زندہ ضمیر شخص اپنے جذبات پر قابو نا رکھ سکا اور فرط جذبات سے اس کی آنکھیں آب دیدہ ہوئیں۔

افسو س کے آج 9 برس گذرجانے کے باوجود ان 144 شہداء کے خاندان ریاست سے اپنے پیاروں کے لہوکا انصاف مانگتے نظر آرہے ہیں، ریاست سے انصاف تو کیا ملنا تھا اس سانحے کے ماسٹر مائنڈ کالعدم تحریک طالبان کے بدنام زمانہ دہشت گرد احسان اللہ احسان کو کیفر کردار تک پہنچانے کے بجائے ریاستی قید سے باآسانی فرار کرواکر بیرون ملک بھیج دیا گیا۔

وحدت نیوز(کوئٹہ)مجلس وحدت مسلمین پاکستان کے مرکزی سیکرٹری تنظیم علامہ مقصود علی ڈومکی نے کہا ہے کہ نگران وزیراعظم انوارالحق کاکڑ امریکی غلامی میں ساری حدیں پار کرتے ہوئے بانی پاکستان کے افکار و نظریات سے انحراف کر رہے ہیں۔ نگران وزیراعظم اپنے حد میں رہیں۔ ان خیالات کا اظہار انہوں نے ڈکھن تحصیل گڑھی یاسین کی حیدری مسجد میں تنظیمی کارکنوں اور مومنین سے خطاب کرتے ہوئے کیا۔ اس موقع پر ایم ڈبلیو ایم کے تحصیل صدر سید نوید علی شاہ، جنرل سیکرٹری حسنین جوادی، سیکرٹری تربیت طارق حسین کنبھر، میڈیا سیکرٹری یاسر عباس ابڑو و دیگر موجود تھے۔

اس موقع پر گفتگو کرتے ہوئے علامہ مقصود علی ڈومکی نے کہا کہ فلسطین کے مسئلے کا حل یہی ہے کہ فلسطین فلسطینیوں کا ہے۔ سرزمین فلسطین کا ایک انچ رقبہ بھی غاصب اور قابض صیہونیوں کا نہیں ہے۔ انہوں نے کہا کہ نگران وزیراعظم انوارالحق کاکڑ امریکی غلامی میں ساری حدیں پار کرتے ہوئے بانی پاکستان حضرت قائداعظم محمد علی جناح کے افکار و نظریات سے انحراف کر رہے ہیں۔ امریکہ و اسرائیل کو خوش کرنے کے لئے بابائے قوم اور حکیم الامت حضرت علامہ محمد اقبال رحمۃ اللہ علیہما کے افکار سے انحراف ملک و قوم اور امت مسلمہ سے خیانت ہوگی۔ نگران وزیراعظم کو اپنی حد میں رہنا چاہئے، بانی پاکستان اور علامہ اقبال کے نظریہ سے انحراف کا جرم قوم کبھی معاف نہیں کرے گی۔

وحدت نیوز(آرٹیکل)فضیلت کے معیار دو طرح کے ہیں۔ فضیلت اعطائی اور فضیلت اکتسابی۔

فضیلت  اعطائی وہ فضلیت  و شان ہے جو خداوند متعال کی طرف سے بچپن میں ملتی ہے نسبت ،نام،خاندان۔۔۔۔وغیرہ

 سیدہ زہرا کا نسب اور جناب  فاطمہ زہرا کا اسم گرامی  یہ سب فضلیت  اعطائی میں شامل ہیں۔

فضلیت اکستابی فاطمہ سلام اللہ علیہا  خاتم الانبیاء امحمد مصطفی ﷺ کی دختر تمام دنیا والوں کے لئے لاہوت میں احادیت، جادواں خزانہ، عالم جبروت کے مظاہر،احمن کی رحمت کا خزانہ  اور خدائے ُ سبحان کی رافت  و مہربانی کا سر چشمہ ہیں۔

زہرا سلام اللہ علیہا کی والدہ ماجدہ  خدیجہ بنت خویلد قریش کے ایک اعلی اور شریف و نجیب خاندان سے تعلق رکھتی ہیں اُنہوں نے ایک روحانی گھرانے میں علم معرفت کی تربیت حاصل کی اور پرورش پائی ان کا گھرانہ ہمیشہ حرم الہی کا محافظ رہا جب یمن کے بادشاہ نے حجرا  اسود کو مسجد الحرام سے یمن منتقل کرنا چاہا تو خدیجہؑ کے والد خویلد دفاع کے لیئے اٹھ کھڑے ہوئے اور مزاحمت کی اور انہی کی فدا کاری کے باعث شاہ یمن نے اپنا فیصلہ بدل دیا اور احجرے اسود اپنے مقام پر باقی رہا۔ عقل فاطمہ ؑ کی ذات کی حقیقی معرفت سے عاجز اور قلم اس عظیم خاتون کی حالت اور صفات کمال تحریر کرنے سے قاصر ہیں۔ کیونکہ زہرا ؑ  قادر متعال کی برگزیدہ اور حضرات ذی الجلال کی پروردہ اور فرشتہ سیرت انسان کی صورت میں عالم ملکوت سے دنیا کی عورتوں کی  تعلیم و تربیت  کے لئے جہان  خاکی  میں تشریف لائیں  تاکہ  دنیا کی عورتیں اس عظیم خاتون کے روحانی،اخلاقی اور علمی کمالات سے درس کمال  حاصل کریں اور زندگی کے تمام دینوی  اور اخری  امور  اور بچوں کی تعلیم تربیت  میں اس بے نظیر معلہ کی اقتداء کریں۔ اس عظیم  خاتون  کے فضائل و کمالات کس طرح بیان کئے جاسکتے ہیں جو نبوت اور امامت  کے اکٹھا ہونے کا مقام،رسالت و ولایت کا سنگم اور دنیا کے فنا ہونے تک شموس ہدایت کا ظاہر ہونے کا مقام ہے۔ اسی طرح خانہ داری میں بھی جناب زہرا ؑ کا کوئی صانی نہیں ہے کیونکہ اسلام میں ہر خانہ دار عورت کے تین بھاری زمہ داریاں ہیں۔

۱۔ شوہرکی خدمت اور اس کے آرام وا ٓسائش کا خیال رکھنا  وہ جب گھر آئے  یہ عورت کا جہاد ہے۔
۲۔ حمل کے زمانے سے لکر بچوں کے بالغ ہونے تک  انکی خدمت  اور تربیت کرنا  کہ یہ بھی خدا کی رضا کی راہ میں بہترین عبادت ہے۔
۳۔ خدا کی عبادت اور اطاعت، عورت کاجہاد  شوہر کے ساتھ اچھا سلوک  اور برتاؤ ہے  اور بات کے باوجود  کہ یہ فضائل  جناب زہراؑ میں کامل ترین شکل میں موجود تھے پھر بھی تاکید کی گئی ہےاور گھر کے کاموں کی تقسیم اس طرح تھی کہ علی علیہ اسلام  ایندھن اور پانی  اور دوسرے کام باہر کے کرتے اور جناب فاطمہ ؑ  آٹا پیستی،روٹی پکاتیں  اور کپڑوں کو پیوند لگاتیں تھیں۔ جناب فاطمہ ؑ اپنے گھر کے کاموں کے باوجود  بچوں کی تربیت،شوہر کی خدمت  اور دیگر کاموں کی بھی دیکھ بھال کرتیں تھیں اور دنیا کے تمام عابدوں سے زیادہ اپنے پرور دگار کی عبادت کرتی تھیں  جیسا کہ حسن بصری سے روایت ہے کہ انہوں نے کہا  اس امت میں فاطمہ ؑ سے زیادہ عبادت گزارکوئی نہیں دیکھا وہ محراب عبادت میں اتنا کھڑی ہوتیں تھیں کہ ان کے دونوں پاوں ورم کر جاتے تھے۔حضرت امام حسن علیہ اسلام  فرماتے ہیں کہ میری ماں  زہراؑ  اول شب جمعہ سے عبادت میں مشغول ہوتی تھیں اور صبح تک عبادت میں مصروف رہتی تھیں اور ہمیشہ دوسروں کے لئے دعا کرتیں تھیں میں نے کہاں اماں جان آپ نے دوسروں کے لئے دعا کی لیکن اپنے لیئے کوئی دعا نہیں کی  تو فرمایا  پہلے ہمسائے پھر گھر والئے۔