وحدت نیوز(سکردو)یوم ثقافت گلگت بلتستان کے عنوان سے سکردو کے 20 دینیات سنٹرز کے 80 اساتید قرآنی میں قرآنی ایوارڈ تقسیم کیاگیاپروگرام کا اہتمام مجلس وحدت مسلمین مرکزی کردار سازی کونسل کے رکن شیخ محمدجان حیدری نے کیا۔انہوں نے پروگرام کے غرض وغایت پر روشنی ڈالتے ہوئے کہا کہ قرآن ہی حقیقی ثقافت ہے آج کے زمانے میں ہمیں قرانی ثقافت سے آشنائی بہت ضروری ہے استعماری طاقتیں ثقافت کے مقام پر غیر دینی ثقافت کو ترویج دینے میں مصروف عمل ہیں۔

پروگرام کے میر محفل آغا سید علی رضوی صوبائی صدر مجلس وحدت مسلمین گلگت بلتستان کے کہا کہ قرآن دینی معاشرہ کی روح ہے آج اگر انقلاب اسلامی ایران کامیاب ہے اور فلسطین کی حمایت کررہاہے تو ظلم کے مقابلے میں مظلوموں کی حمایت کا اصول قرآن سے لیاہے۔معاشرہ میں قران کی ترویج کےلئے موثر کردار ادا کرنا وقت کی اہم ضرورت ہے۔

وحدت نیوز(سکردو)ایام فاطمیہ کی مناسبت سے ایم ڈبلیو ایم سکردو سیکرٹریٹ میں 5 روزہ مجالس عزا کا اہتمام مجلس وحدت مسلمین گلگت بلتستان کے زیر اہتمام صوبائی سیکرٹریٹ سکردو میں 5 روزہ مجالس عزا کا انعقاد کیا گیا۔مجلس عزا سے حجت الاسلام والمسلمین شیخ کاظم جنرل سیکرٹری مجلس علماء مکتب اھل بیت بلتستان،شیخ احمدعلی نوری رکن گلگت بلتستان کونسل،شیخ ڈاکٹر مشتاق حکیمی صوبائی جنرل سیکریٹری،اور صوبائی صدر آغا سید علی رضوی کے خطاب کیا۔مجالس عزا میں کارکنوں اور جوانوں کی کثیر تعداد نے شرکت کی۔

مجالس عزا سے خطاب میں خطباء نے کہا کہ کسی بھی ادارہ اور تحریک کی ناکامی میں بنیادی کردار اس تحریک کے حامل لوگوں کا ہوتاہے جس قدر وہ لوگ سست روی کا شکار ہو اسی حساب سے تحریک ناکام ہوتی ہے لہذا عصر حاضر میں دینی تحریکوں کی کامیابی کےلئے ہمیں میدان میں حاضر ہونا ہوگا۔مجلس وحدت مسلمین پاکستان عالمی نظام عدل کے قیام کی تحریک ہے لہذا اس تحریک میں آپ کی نظر مخلص قیادت اور مخلص کارکنوں پر ہونی چاہئے یہ لوگ ہمارے لئے رول ماڈل ہیں۔ باقی مفاد پرست لوگ ہمیشہ تحریکوں کو خراب کرتے ہیں۔

وحدت نیوز(ملتان)آزادی فلسطین مارچ کے حوالے سے مجلس وحدت مسلمین پاکستان کے مرکزی وائس چیئر مین علامہ سید احمد اقبال رضوی نے مرکزی ڈپٹی جنرل سیکرٹری سلیم عباس صدیقی، مرکزی سیکرٹری یوتھ علامہ اعجاز حسین بہشتی،صدر ایم ڈبلیو ایم جنوبی پنجاب علامہ سید اقتدار حسین نقوی،مرکزی صدر وحدت یوتھ پاکستان علامہ تصور علی مہدی، سیکرٹری تنظیم سازی و پروگرام آرگنائزر سید دلاور زیدی ،عاطف سرانی میڈیا کوآرڈینیٹر اور برادر فخر نسیم صدیقی ضلعی صدر ملتان کے ہمراہ ملتان پریس کلب میں پریس کانفرنس سے خطاب کرتے ہوئے کہا ہے کہ اسرائیلی سفاکیت کے نتیجے میں 20 ہزار سے زائد مظلوم فلسطینی شہید ہو چکے ہیں جن میں اکثریت معصوم بچوں اور خواتین کی ہے اسرائیل نے غزہ میں جنگی جرائم کی انتہاءکر دی ہے اسکولز پناہ گزین کیمپس ہسپتالز چرچز مساجد اور رہائشی مکانات اس بربریت کا نشانہ بنے ہیں امریکہ اس سارے قتل عام میں بلا واسطہ شامل ہے، ہیومن رائٹس کے تمام ادارے بے نقاب ہو چکے ہیں انسانی حقوق کی تنظیموں اور اداروں نے اس قتل عام کی اب تک مذمت نہیں کی، مصر، اردن، متحدہ عرب امارات اور ترکی نے منافقانہ کردار ادا کیا ہے۔

مسلم حکمرانوں نے اس وحشیانہ ظلم میں کردار ادا کیا ہے اگر یہ ممالک اسرائیل کی توانائی کی فراہمی کو ہی روک دیتے تو اسرائیل کے لیے بڑا جھٹکا ہوتا او آئی سی گونگے اور بہروں والے کردار کی بجائے واضح طور پر فلسطینی عوام ہونے والی اسرائیل و امریکہ کی درندگی روکے پاکستان کے تمام طبقات نے فلسطینی عوام کے ساتھ کھڑے ہونے کا عملی مظاہرہ کیا ہے، کسی مذہب و مسلک سے بالاتر ہو کر سب نے اسرائیلی مظالم کی مذمت کی ہے۔

10 دسمبر بروز اتوار آزادی فلسطین مارچ میں ہزاروں کی تعداد میں افراد شریک ہونگے۔تمام بڑی مذہبی و سیاسی جماعتوں کے رہنما آزادی فلسطین مارچ میں شریک ہوں گے اور فلسطینی عوام کے ساتھ اظہار یکجہتی اور اسرائیلی مظالم کے خلاف احتجاج کریں گے، جو کہ دربار شاہ شمس سے گھنٹہ گھر چوک ملتان تک ہو گا، دیگر رہنماو ٔں کے ساتھ ساتھ مرکزی خطاب چیئرمین مجلس وحدت مسلمین پاکستان علامہ راجہ ناصر عباس جعفری چار بجے اپنا مرکزی خطاب کریں گے۔

انہوں نے کہا کہ فلسطینی عوام پورے عالم اسلام اور بالخصوص پاکستانی عوام سے یہ امید لگا رہے ہیں کہ ہمارے حق میں کم از کم صدائے احتجاج تو بلند کرو، فلسطینیوں نے غاصب اسرائیل کے غرور کو خاک میں ملا دیا ہے مرکاوہ ٹینک کی تباہی سے ہی اسرائیل کا گھمنڈ ٹوٹ چکا ہے، فلسطینیوں نے پاکستان کے عوام کے ساتھ بھی احسان کیا ہے جو سازش بھارت اور اسرائیل گٹھ جوڑ کے ساتھ سی پیک کے سازش کر رہے تھے اس سارے کھیل کو فلسطینی مظلوموں نے ناکام بنا دیا ہے، مسلم حکمرانوں کو چاہیے کہ وہ اپنی عوام کی سوچ کے مطابق اسرائیل سے اپنے تعلقات کو منقطع کریں پاکستانی حکمرانوں کی جانب سے دو ریاستی فارمولے کی بات کی مذمت کرتے ہیں اور یہ پاکستان کے فلسطین پر اصولی موقف اور بانی پاکستان قائد اعظم محمد علی جناح کے اصولی مو ¿قف کے خلاف ہے لہذا ہمارے نگران حکمرانوں کو چاہیے کہ وہ اپنے دائرہ کار میں رہتے ہوئے بیانات دیں۔