The Latest
ایس ۔ایس ۔پی بھکر کی امن کوششوں کے ساتھ ہیں۔لیکن جانب داری یک طرفہ کاروائی کے خلاف بھرپور مزاہمت کر ینگے نتظامیہ کو بلیک میل کرنے کی ہر سازش نا کام بنا دیں گے
مجلس وحدت مسلمین پاکستان ضلع بھکر کا ہنگامی اجلاس زیر صدارت ضلعی سکیرٹری جنرل سفیر حسین شہانی ایڈووکیٹ منعقد ہوا
اجلاس میں ایس ایس پی بھکر سیف اللہ خان خٹک کی طرف سے اٹھائے گئے اقدامات کے بارے میں اجلاس میں بتایا گیا
شرکاء نے متفقہ طور پر فیصلہ کیا گیا کہ مجلس وحدت مسلمین ضلع بھکر امن وامان کے قیام اور بھائی چارے کی فضاء کو قائم کرنے کی خاطر ضلعی انتظامیہ سے بھر پور تعاون جاری رکھے گی۔ لیکن انتظامیہ کوملت جعفریہ کے خلاف کسی بھی یک طرفہ کاروائی کی اجازت کی نہیں دینگے انتظامیہ کے ساتھ مثبت مذاکرات جاری ہیں محرم الحرام کے دوران دریا خان اور پنجگرائیں میں یکطرفہ بے بنیاد من گھڑت مقدمات درج کئے گئے۔ہماری درخواستوں پر کوئی کاروائی نہیں ہوئی۔ زبان بندی اور ضلع بندی کی خلاف ورزی کی گئی ۔ ضلع بھر میں کالعدم تنظیم کے مقررین نے ضلعی انتظامیہ کے احکامات کی خلاف ورزی کی ۔ انتظامیہ کے لئے مسائل پیدا کئے۔ امن وامان کوسبوتاژکرنے کی بھر پور کوشش کی ۔ انتظامیہ اور مخلص لوگوں کے تعاون سے شرپسندوں کو ناکامی کا سامنا کرنا پڑا۔ پولیس ڈائری پر قائم ہونے والے مقدمات پر چلانا اور انتظامیہ کو بلیک میل کرنا مناسب نہیں ہے۔ ہمارے خلاف کیسسز بھی پولیس ڈائری پر درج نہیں ہوا۔ جبکہ شرپسندوں کے اشتعال انگیز مقررین کے خلاف 10سے زائد مقدمات درج کئے گئے ۔ جوہماری امن پسندی کا منہ بولتا ثبوت ہے
مجلس وحدت مسلمین بلوچستان کی صوبائی کابینہ کا اھم اجلاس سیکریٹری جنرل علامہ مقصود علی ڈومکی کی زیرصدارت ڈیرہ اللہ یار میں منعقد ھوا. اس موقع پر اجلاس سے خطاب کرتے ہوئے علامہ مقصود علی ڈومکی نے کہا کہ کوئٹہ اور کراچی میں جاری شیعہ نسل کشی ریاستی اداروں کی مجرمانہ غفلت کا نتیجہ ہے. ریاستی اداروں کی شیعہ دشمن پالیسیوں کو عوامی طاقت اور حکمت عملی سے تبدیل کرانا ہوگا. اگر ملک میں شیعہ قتل عام نہ رکا تو ملک بھر سے اسلام آباد کی طرف لانگ مارچ کا آپشن استعمال کریں گے. بلوچستان حکومت کی نا اھلی سے متعلق سپریم کورٹ کا فیصلہ ہمارے موقف کی تائید ہے. صوبائی اجلاس سے MWM بلوچستان کے رھنماء مولانا برکت علی مطھری، مولانا سھیل اکبر شیرازی، مولانا عبدالحق جمالی نے بھی خطاب کیا. اجلاس نے فیصلہ کیا کہ 26 دسمبر کو نصیر آباد میں صوبائی سیاسی کانفرنس منعقد ھوگی.
موجودہ سیٹ اپ کی کوئی حثیت نہیں گلگت بلتستان کو مکمل آئینی حقوق دئے جائیں،کچھ طاقتیں گلگت بلتستان کی عوام کو آپس میں لڑاکر انہیں حقوق سے محروم رکھنے کی کوشش کر رہی ہیں ،موجودہ حکومت گڈگورنس نہ دے سکی ،عوام بہت تنگ ہیں کرپشن ،لاقانونیت اقرباپروری حکومت کی پہچان بن گئی ہے
ان خیالات کا اظہار علامہ راجہ ناصر عباس جعفری سربراہ مجلس وحدت مسلمین پاکستان جو کہ گذشتہ دنوں رکن شوری عالی مجلس وحدت مرحوم حافظ حسین نوری کی اچانک رحلت پر تعزیت کی غرض سے بلتستان گئے ہوئے تھے ،صحافیوں سے گفتگو کرتے ہوئے کیا
مرکزی سیکرٹری روابط ملک اقرار حسین اور مرکزی سیکرٹری میڈا بردارمہدی شاہ نے روابطہ اور میڈیا کے حوالے سے لیکچرز دیئے ایم ڈبلیو ایم بلوچستان کے سیکرٹری جنرل علامہ مقصود ڈومکی نے ورکشاپ کی اہمیت و افادیت پر روشنی ڈالی
ڈیرہ اللہ یار ( وحدت نیوز) مجلس وحدت مسلمین کے شعبہ روابط اور میڈیا کی مشترکہ صوبائی تربیتی ورکشاپ ڈیرہ اللہ یار اوستہ محمد میں منعقد ہوئی جس میں ایم ڈبلیو ایم کے مرکزی سیکرٹری روابط ملک اقرار حسین ، سیکرٹری میڈیا بردار مہدی شاہ اور ایم ڈبلیو ایم بلوچستان کے سیکرٹری جنرل علامہ مقصود علی ڈومکی نے خصوصی شرکت کی ، ورکشاپ میں صوبائی سیکرٹری روبط مولانا عبدالحق سمیت صوبائی کابینہ کے اراکین ، مختلف اضلاع کے روابط و میڈیا کے شعبوں کے مسؤلین بڑی تعداد میں موجود تھے ،اس موقع پر ایم ڈبلیو ایم کے مرکزی سیکرٹری روابط ملک اقرار حسین نے تنظیمی عہدیداروں کے مجموعی مسائل و ذمہ داریوں کے علاوہ شعبہ روابط کی ذمہ داریوں پر تفصیلی روشنی ڈالی اور روابط کے حوالے سے شرکائے ورکشاپ کو آئیندہ تین ماہ کا پروگرام دیا ، انہوں نے روابط کی اہمیت و افادیت کے حوالے سے تفصیلی گفتگو کی او شرکا ء کو پروجیکٹر کے ذریعے روابط کے جدید طریقوں سے آگاہ کیا ، تربیتی ورکشاپ کے دوران ایم ڈبلیو ایم کے مرکزی سیکرٹری میڈیا برادر مہدی نے کہا کہ عصر حاضر میں میڈیا کی اہمیت وا فادیت سے انکار ممکن نہیں ، ضرورت اس امر کی ہے کے میڈیا کے ساتھ رابط مضبوط کئے جائیں۔ ورکشاپ کے اختتام پر ایم ڈبلیو ایم کے صوبائی سیکرٹری جنرل علامہ مقصود علی ڈومکی نے اپنے خطاب میں تربیتی ورکشاپ کے اغراض و مقاصد پر روشنی ڈالی ، انہوں نے کہا کہ ایک مربوط تربیتی پروگرام کے ذریعے ہی کسی بھی تنظیم کی فعالیت میں اضافہ کیا جا سکتا ہے انہوں نے ایم ڈبلیو ایم کے دیگر شعبوں کے لیے بھی ایسے ہی تربیتی پروگراموں کے انعقاد کی ضرورت پر زور دیا
مجلس وحدت مسلمین نے ڈھوک سیداں راولپنڈی، ڈی آئی خان، کراچی اور ملک کے دیگر حصوں میں محرم الحرام کے دوران بم دھماکوں سے شہید ہونے والے شہداء کا چہلم منانے کیلئے 13 جنوری 2013ء کو راولپنڈی کے تاریخی لیاقت باغ میں عظیم الشان اجتماع کرنے کا اعلان کر دیا ہے۔ ذرائع کے مطابق، یہ فیصلہ مجلس وحدت مسلمین پاکستان کی مرکزی کابینہ کے اجلاس میں کیا گیا۔ اسلام آباد میں مرکزی سیکرٹری جنرل علامہ راجہ ناصر عباس جعفری کی صدارت میں ہونے والے مرکزی کابینہ کے اجلاس میں فیصلہ کیا گیا کہ محرم الحرام میں عزاداری سید الشہداء کے دفاع میں شہید ہونے والے افراد کے چہلم کا عظیم الشان اجتماع منعقد کیا جائیگا اور دنیا کو پیغام دیا جائیگا کہ ہم عزاداری سید الشہداء پر کسی صورت کوئی کمپرومائز نہیں کریں گے۔
سیکرٹری جنرل مجلس وحدت مسلمین پاکستان جوکہ ان دنوں بلتستان گئے ہوئے ہیں نے خپلو کے علاقے ژنو جاکر علامہ حافظ حسین نوری مرحوم کے والد اور بیٹوں سے اظہار تعزیت کی ،جبکہ دوسری جانب علامہ راجہ ناصر عباس جعفری اور وفد نے مقامی سیاسی سماجی اور دینی شخصیات سے بھی ملاقات کی ادھر علامہ ناصر عباس جعفری کی سکردو آمد کی خبر پھیلنے کے بعد مقامی شخصیات و عمائدین اور عوام علامہ راجہ ناصر عباس جعفری سے ملاقات کی غرض سے ان کی قیام گاہ تشریف لارہے ہیں،علامہ راجہ ناصر عباس جعفری کے ہمراہ ایک اعلی سطحی وفد جس میں علامہ سید حسنین گردیزی،علامہ اقبال بہشتی اور علامہ اعجاز بہشتی بھی شامل ہیں
واضح رہے کہ علامہ حافظ حسین نوری جوکہ مجلس وحدت مسلمین کے شوری عالی کے رکن اور بلتستان میں مجلس وحدت مسلمین کے سربراہ تھے عشرہ محرم میں مجلس عزاسے واپسی پر ایک کار حادثے میں جاں بحق ہوئے تھے ۔
علامہ حافظ حسین نوری اپنے منفرد رویشی صفتی اور قومیات میں انتہائی متحرک ہونے کے سبب ہردل عزیز تھے علامہ حافظ حسین نوری دھیما مزاج ضرور رکھتے تھے لیکن اصولی اور خاص کر قومیات کے معاملے میں انتہائی ڈٹ جاتے تھے جس کی بہت سی مثالیں بلتستان اور خاص کر مجلس وحدت مسلمین کی تشکیل کے وقت سامنے آئیں
حافظ حسین نوری نے بہت سے علامہ کے برعکس خود کو درس و تدریس یا پھر پیش امامی تک محدود نہیں رکھا بلکہ وہ قریہ قریہ دیہات دیہات جاتے اور تبلیغ دین کرتے تھے سیاسی اور سماجی مسائل میں کھلے لفظوں اپنی رائے پیش کرتے تھے بہت سے سیاسی معاملات میں اہم تجزیے پیش کرتے اور دوستوں کی رہنمائی کیا کرتے تھے
وہ کہا کرتے تھے کہ امت مسلمہ کے درمیان وحدت صرف ایک پالیسی یا اسٹراٹیجی نہیں بلکہ ہمارے فقہاکے بقول یہ ایک شرعی فریضہ ہے ،ایک قرآنی اصول ہے ۔
علامہ حافظ نوری بلتستان میں ہونے والے عوامی جلسوں اورخاص کر مذہبی سیاسی مسائل کے لئے ہونے والے احتجاجات کی قیادت کیا کرتے تھے ۔
علامہ حافظ نوری کا شمار ان شخصیات میں ہوتا ہے جن سے علمائے کرام بھی استخارہ کرایاکرتے تھے جس کی بڑی وجہ ان کی شخصیت کا علمی و اخلاقی اور الھی پہلو تھا ان کے قریب ترین افراد کا کہنا ہے کہ وہ ایک عالم دین ہونے کے ساتھ ساتھ ایک عارف بھی تھے جنہوں نے سیروسلوک کی کئی منزلیں طے کیں تھیں
مجلس وحدت مسلمین پاکستان کے مرکزی سیکرٹری سیاسیات سید ناصر عباس شیرازی نے کراچی ووٹر لیسٹوں کی تجدید کے حوالے سے سپریم کورٹ کے حالیہ فیصلے پر اپنی رائے دیتے ہوئے کہا کہ ایسے عمل کی پورے ملک میں ضرورت ہے۔کراچی میں فوج کے ذریعے ووٹر لیسٹوں کی تیاری کی نہیں بلکہ دہشت گردوں سے کراچی کو پاک کرنیکی ضرورت ہے آئے دن بے گناہ لوگوں کا قتل عام کیا جاتاہے لیکن اعلیٰ عدلیہ ،سیاسی جماعتیں سمیت سب خاموش ہیں ۔کراچی جو پاکستان کا معاشی حب ہے وہاں اس وقت عملاَدہشت گردوں اورمافیاز کا راج ہے اگر بروقت کاروائی نہ کی گئی تو مستقبل میں پچتاوئے کے سوائے کچھ ہاتھ نہ آئے گا ۔انہوں نے کہاکہ غیر ملکی سفیر کا آخبارات میں بیان آناکہ کراچی میں اتنی تعداد میں اسلحہ اور اتنے تعداد میں میزائل ہیں ۔آخر ان کو یہ باتیں کس نے بتائیں یقیناَ یہ وہی لوگ ہیں جنہوں نے روشنیوں کے شہر کراچی کوبارود کا ڈھیر بنا دیا ہے۔امریکی کونسلیٹ کا براہ راست دہشت گردوں سے رابطہ ہے اور انہی کے ایماں پر بے گناہ لوگوں کا قتل عام کیاجارہا ہے۔حکمرانوں کی بے حسی اور ریاستی اداروں کی نا کامی میں ملکی سا لمیت کو داؤ پر لگادیاہے
مصر میں آئین میں کی جانے والی تبدیلی کے بعد اگرچہ پارلیمنٹ نے اس نئے قانون کو اکثریت رائے سے پاس کیا جس کے تحت عدلیہ صدر مرسی کی جانب سے جاری کردہ کسی بھی فیصلے کو چلینج نہیں کرسکتی
دوسری جانب اپوزیشن کا کہنا ہے کہ صدر نے اپنی طاقت میں اضافہ کرکے درحقیقت سابق ڈکٹیٹر کی یاد تازہ کی ہے تودوسری جانب عدلیہ کا کہنا ہے کہ یہ قانون عدلیہ کی سپرمیسی کو زک پہنچا رہاہے
بائیس نومبر کو جب سے اس قانون کی بات چھیڑی گئی ہے تب سے اپوزیشن نے پورے مصر میں مظاہرے شروع کئے جو اب تک جاری ہیں ،مظاہرین نے مشہور تحریراسکوائر میں ڈھیرے ڈالے ہیں اور وہ وقتافوقتا ملک کے دیگر اہم مقامات پر بھی احتجاج کرتے ہیں
گذشتہ روز صدر مرسی کے صدارتی محل کے باہر ہزاروں مظاہرین نے اس وقت احتجاج اور گھیراو کیا کہ جس وقت صدر اپنے محل میں موجود تھے
دوسری جانب جمعہ کے دن ایک ملین سے زائد افراد نے صدر کی حمایت میں پورے ملک میں احتجاج کیا یہ بات تو واضح ہے کہ صدر مرسی کے حامیوں کی تعداد مخالفین کی نسبت بہت ہی زیادہ ہے لیکن مسلسل کئی ہفتوں سے ہزاروں افراد کی جانب سے دھرنا لگانا صدر مرسی کے لئے مشکلات ضرورپیدا کررہا ہے اور اس پر مزید اضافہ یہ کہ اعلی عدلیہ گذشتہ کئی ہفتوں سے ہڑتال پر ہے
ایس ایس پی سکھر پیر محمدشاہ نے مجلس وحدت مسلمین سندھ کے سیکرٹری سیاسیات عبداللہ مطہری کی رہائش گا ہ پر ان سے ملاقات کی ، اس موقع پر ایم ڈبلیو کی ضلعی کابینہ کے عہدیداران منظور بیدار،سید رکھیال شاہ، مولانا عمران ،احسن شیر ایڈووکیٹ، اور میر انور تالپور بھی موجود تھے ، ایس ایس پی سکھر نے عشرہ محرم الحرام کے دوران علاقہ میں امن و امان برقرار رکھنے کے لیے مجلس وحدت کے کارکنوں و عہدیداروں کے مخلصانہ کردار کی تعریف کی اور اس ضمن میں مجلس وحدت کے قائدین کا شکریہ ادا کیا ، انہوں عشرہ محرم کے دوران مثالی خدمات سرانجام دینے پر مجلس وحدت کے گیارہ کارکنوں کو تعریفی اسناد سے نوازا اور توقع ظاہر کی کہ مجلس وحدت مسلمین آئندہ بھی امن و امان کے حوالے سے ضلعی انتظامیہ کے ساتھ اپنا تعاون برقرار رکھے گی ، ایم ڈبلیو ایم سندھ کے سیکرٹری سیاسیات عبداللہ مطہری نے ایس ایس پی کو بتایا کہ مجلس وحدت نظریاتی جماعت ہے جو ملک کی سلامتی و استحکام کے لیے اپنا بھر پور کردار داد کر رہی ہے اور انشاء اللہ قومی سلامتی کے معاملات میں ہمیشہ صف اول میں نظر آئے گی انہوں نے کہا کہ امسال ایام عزا کے دوران ملک کے مختلف علاقوں میں ہونے والی دہشت گردی اور خود کش حملوں کے
باوجود ایم ڈبلیو ایم کے کارکنوں اور عہدیداروں نے انتہائی صبر و تحمل کا مظاہرہ کرتے ہوئے اشتعال انگیزی سے گریز کیا اور پاکستان کو غیر مستحکم کرنے والے عناصر کی سازشیں ناکام بنا دیں ، ایس ایس پی کی جانب سے ایم ڈبلیوایم کے جن کارکنوں و عہدیداروں کو تعریفی اسناد سے نوازا گیا ان میں ایم ڈبلیو ایم سکھر کے ضلعی سیکرٹری عزادار ی سید غلام میراں شاہ، معاون سیکرٹری سجاد حسین، معاون سیکرٹری روابط پرویز جتوئی،قریشی گوٹھ یونٹ کے سیکرٹری جنرل نبی بخش، یونت وسہ پور پرانا سکھر کے سیکرٹری جنرل اسد،پرانا سکھرعلی آباد مسجد شاہ یونٹ بیراج کالونی کے محمد رمضان اور پٹ بہادرمنگی یونٹ دوپرانا سکھر مولانا انور چاچڑ صالح شامل ہیں ، یاد رہے کہ عشرہ محرم کے دوران امن امان کی صورت حال یقینی بنانے کے لیے ایم ڈبلیو ایم کی جانب سے ضلع سکھر میں پولیس کی معاونت کے لیے پانچ سو رضاکار فراہم کیے گئے تھے
کراچی (اسٹاف رپورٹر) مولانا محمد اسماعیل کے قتل کی مذمت کرتے ہیں، مولانا محمد اسماعیل اور دیگر بے گناہ افراد کا قتل کراچی کو عدم استحکام سے دوچار کرنے کی امریکی سازش کا حصہ ہے، شہر کراچی میں روزانہ 15سے 18لوگوں کا قتل عام سیکیورٹی اداروں کی ناکامی کا منہ بولتا ثبوت ہے۔ ان خیالات کا اظہار مجلس وحدت مسلمین پاکستان کے مرکزی ترجمان مولانا سید حسن ظفر نقوی، سندھ کے سیکریٹری جنرل مولانا مختار احمد امامی اور کراچی کے سیکریٹری جنرل مولانا صادق رضا تقوی نے مولانا محمد اسماعیل کے قتل پر وحدت ہاؤس سے جاری اپنے مذمتی و تعزیتی بیان میں کیا۔ رہنماؤں نے کہا کہ کراچی میں حکومت نام کی کوئی چیز نہیں ہے، دہشت گرد آئے روز عوام کو اپنی گولیوں کا نشانہ بنا رہے ہیں حتیٰ کہ اب دہشت گردوں کی سفاکانہ کارروائیں سے بچے اور خواتین بھی محفوظ نہیں رہیں جبکہ ہماری محافظ سیکیورٹی ایجنسیاں اور سندھ حکومت اقتدار کی بندر بانٹ میں مصروف ہے۔ انہوں نے کہا کہ پاکستان میں کوئی فرقہ واریت نہیں ہے بلکہ یہ ایک مخصوص ٹولہ ہے کہ جو امریکہ ڈالروں کی مدد سے پاکستان کے عوام میں افتراق کو فروغ دینا چاہتا ہے، ان نے ہاتھ سے شیعہ، بریلوی، دیوبندی اور اہلحدیث سب ہی متاثر ہیں، جس کی واضح مثال مولانا حسن جان، مولانا سرفراز نعیمی اور مولانا حسن ترابی کی شہادت کا واقعات ہیں۔
رہنماؤں نے مزید کہا کہ کراچی میں بڑھتی ہوئی ٹارگٹ کلنگ میں ملوث عناصر کے خلاف بھرپور آپریشن کرنے کے لئے کراچی کو پاک فوج کے حوالے کیا جائے تاکہ شہر قائد میں امن و امان کی بحالی کو ممکن بنایا جاسکے۔ رہنماؤں نے مولانا محمد اسماعیل کے خانوادہ سے تعزیت کا اظہار کیا اور کہا کہ دہشت گردوں کے خلاف اس ملک کی عوام کو ایک منظم اور مضبوط حکمت عملی کے تحت میدان میں وارد ہونا پڑے گا اور اپنے اتحاد سے یہ پیغام دینا ہوگا کہ پاکستان کے دشمن اس ملک کو ناامنی کا شکار کرنے کی چاہے کتنی ہی سازشیں کرلیں، ہم اپنے اتحاد سے ملک دشمن عناصر کی سازشوں کو ناکام بنائیں گے
