وحدت نیوز (لاہور) مجلس وحدت مسلمین پاکستان صوبہ پنجاب کے سیکرٹری جنرل علامہ عبد الخالق اسدی نے کہا ہے کہ آیت اللہ نمر باقر النمر سعودی عرب میں ایک اصلاح پسند لیڈر تھے ان کے مطالبہ تھا کہ جنت البقیع کو تعمیر کیا جائے بحرین میں مداخلت بند کی جائے ، سعودی عرب میں لوگوں کو اپنی رائے دہی کا حق دیا جائے اپنے حکمران منتخب کرنے کا حق دیا جائے حرمین شریفین کو عالم اسلام کے مسلمانوں کے لئے کھول دیا جائے سعودی عرب میں لوگوں کی فلاح و بہبود کے لئے اصلاحات کی جائیں ۔ ان جائز اور حقیقت پسندانہ مطالبات کو بغاوت کا نا م دے کر مجاہد متقی عالم دین کو قتل کر نا آل سعود کی بوکھلاہٹ کا عکاس ہے ۔ انہوں نے کہا کہ جمہوری اسلامی ایران نے عراق ، شام ، یمن ،فلسطین اور پاکستان میں اتحاد بین المسلمین کیلئے جتنی سفارت کاری کی ہے سعودی سفارت کاری نے ان کو نقصان پہنچایا ہے حتٰی کہ سعودی عرب نے پاکستان ، عراق ، شام یمن میں ایرانی سفارت خانوں کو نشانہ بنایا ہے دنیا کے امن کو اصل خطرہ سعودی عرب سے ہے اور ایران جرات کے ساتھ سعودی غنڈہ گردی کا مقابلہ کررہا ہے اور بہت جلد پوری دنیا ایران کے جوہری معاہدے کی کامیابی کاجشن منائے گی جوہری ایران عالم اسلام کی حفاظت اور امن و سلامتی کاضامن ہو گا۔

وحدت نیوز (کراچی) مجلس وحدت مسلمین پاکستان کے صوبائی سیکرٹری جنرل علامہ مختار امامی نے کہا کہ وفاقی وصوبائی حکومت نیشنل ایکشن پلان کا مذاق اڑارہی ہے ، صوبائی حکومت کی جانب سے 167 بغیر ریسٹریشن ،غیر قانونی مدارس پر پابندی صر ف خانہ پری کی جا رہی ہے صوبائی حکومت کی جانب سے 63 شیعہ مدارس پر پا بندی میں کوئی صداقت نہیں،حیدر آباد و نواب شاہ سمیت پورے سندھ میں 63شیعہ مدارس نہیں حکومت بیلنس پالیسی کے تحت دہشتگردوں کو شیلٹر فراہم کر رہی ہے جبکہ دوسری جانب کراچی و سندھ بھر میں کالعدم جماعتوں کے دفاتر اور ایسے دینی مدارس آج بھی موجود ہیں جوفرقہ واریت پھیلانے اور دہشتگردی میں ملوث رہے ہیں ۔وحدت ہاؤس کراچی سے جاری اپنے بیان میں انہوں نے کہا پاکستان گزشتہ دو عشروں سے دہشت گردوں کے عین نشانے پر ہے۔دہشت گردی کے عفریت نے ہمارے امن و امان کو تباہ کرکے ملکی سالمیت و خودمختاری کو چیلنج کر رکھا ہے ایسے حالات میں وفاقی و صوبائی حکومتوں کی جانب دہشتگردی کی روک تھام کیلئے بنائے جانے والے نیشنل ایکشن پلان کے نام پر کئے جانے والے اقدامات قابل اطمینان نہیں صوبائی حکومت صرف کار کردگی میں اضافے کیلئے کاغذی کاروائیاں کر رہی ہے علامہ مختار امامی نے مطالبہ کیا کہ عسکری و سیاسی قوتوں کو تمام تر توجہ وطن عزیز کے داخلی معاملات پر مرکوز رکھنا بہت ضروری ہے دہشت گردی کے خاتمے کے لیے جاری ضرب عضب میں کسی مصلحت پسندی کو دیوار نہ بننے دیا جائے تب ہی اس کے مطلوبہ نتائج حاصل ہوں گے۔ عوامی خواہشات کے مطابق اس آپریشن کے دائرہ کار کو ان شہری علاقوں تک بھی پھیلایا جائے جہاں دہشت گردوں کے سہولت کار اور فکری معاونین موجود ہیں۔ضرب عضب اور نیشنل ایکشن پلان کے باوجود ملت جعفریہ کو ملک بھر میں سنگین سانحات کا سامنا کرنا پڑادہشت گرد عناصر کے گرد گھیرا مزید تنگ کرنے کی ضرورت ہے انہوں نے کراچی میں قانون نافذ کرنے والے اداروں کی جانب سے شیعہ نوجوانوں کی بلا جواز گرفتاریوں کی مذمت کی اور اسے صوبائی حکومت کی جانب سے ملت جعفریہ کے خلاف سازش قرار دیااور حکومت کو متنبہ کیا کے اگر بلا جواز گرفتاریوں کا سلسلہ بند نہیں ہو اتو صوبائی سطح پر احتجاج کی کال دیں گے ۔

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے کہا کہ پاک چین اقتصادی رہداری منصوبے میں مزید تاخیرعوامی شکوک و شبہات میں اضافے اور ان مخفی ہاتھوں کو تقویت دینے کا باعث بنے گا جو پاکستان کی اقتصادی ترقی کی راہ میں رکاوٹیں پیدا کرنے میں مصروف ہیں۔آل پارٹیز کانفرنس میں اکنامک کوریڈور کے حوالے سے طے شدہ فیصلوں سے انحراف ملکی ترقی و استحکام کے لیے تباہ کن ثابت ہو سکتاہے۔جو شخصیات گلگت اور بلتستان کے آئینی حقوق کے لیے دوالگ الگ معیار وضح کررہی  ہیں وہ پاکستانی اقتصادی ترقی کی راہ میں رکاوٹ پیدا کر کے ملک دشمن قوتوں کے ایجنڈے کو پروان چڑھانا چاہتے ہیں۔بھارتی زبان بولنے والے ان موقعہ پرست سیاستدانوں کے لیے سخت زبان استعمال کرنے کی ضرورت ہے۔اقتصادی راہدری کے ثمرات اس وقت تک حقیقی معنوں میں حاصل نہیں کیے جا سکیں گے جب تک اس میں گلگت بلتستان سمیت ملک کے تمام صوبوں کی حصہ داری نہیں ہو گی۔انہوں نے کہا کہ گلگت بلتستان کے وزیر اعلی حفیظ الرحمن کے حوالے سے میڈیا میں یہ خبر گردش کر رہی ہے کہ کشمیر کمیٹی کے سامنے انہوں نے آئینی حقوق کا حقدار صرف گلگت اور دیامر کو ٹھراتے ہوئے سکردو اور استور کو کشمیر کا حصہ قرار دیا ہے۔مسلم لیگ نون کے منظور نظر وزیر اعلی نے گلگت بلتستان کو تقسیم کرنے کی بات کر کے اپنی اصلیت ظاہر کر دی ہے۔ گلگت بلتستان کے حوالے سے کوئی بھی ایسا فیصلہ یا اقدام قطعی قابل قبول نہیں ہو گا جو گلگت بلتستان کی وحدت میں رخنہ ڈالے۔

وحدت نیوز (اسلام اباد) مجلس وحدت مسلمین پاکستان کے مرکزی سیکریٹری امور روابط ملک اقرار حسین کو چیئرمین مرکزی کنونشن نامزدکردیا گیا ہے، اس بات کا فیصلہ علامہ راجہ ناصرعباس جعفری کی زیر صدارت ایم ڈبلیوایم کی مرکزی کابینہ کے اجلاس میں اتفاق رائے سے کیا گیا، ملک اقرارحسین ماہ اپریل میں اسلام آباد میں  منعقدہ مجلس وحدت مسلمین پاکستان کے تین روزہ مرکزی تنظیمی وتربیتی کنونشن کے چیئرمین کی حیثیت سے ذمہ داری انجام دیں گے، کنونشن کے انعقاد کے سلسلے میں تمام تنظیمی عہدیداران سے روابط ، علمائے کرام اور مہمانان گرامی کو دعوت دینے سمیت کنونشن کی کاروائی کو چلانے کے مجاز ہوں گے۔

وحدت نیوز (کراچی) مجلس وحدت مسلمین پاکستان کراچی دویژن کے سیکرٹری سیاسیات علی حسین نقوی کا وحدت ہاوس میں امام سجاد فاونڈیشن کے ذمہ داران سے گفتگو کرتے ہوئے کہنا تھا کراچی میں سندھ پولیس کی جانب سے ملت تشیع کے جوانوں کی بلاجواز گرفتارکر کے ان پر جھوٹے مقدمات قائم کرنے کی شدید الفاظ میں مذمت کرتے ہیں ۔سندھ پولیس اصل مجرموں قاتلوں اور دہشتگردوں کوتوگرفتار کرنے سے قاصر ہے اس لیے سندھ پولیس میں موجود متعصب افسران کی جانب سے خانہ پوری کے لئے ملت جعفریہ سے تعلق رکھنے والے جوانوں کوگرفتار کر کے ان پر جھوٹے مقدمات بنارہی ہے ہم سندھ حکومت کومتنبہ کرتے ہیں کہ اگر بیگناہ جوانوں کو رہااور متعصب پولیس افسران کو برطرف نہ کیا گیا تو پھر ہم سندھ بھر میں احتجاجی تحریک شروع کرنے پر مجبور ہونگے۔ جس کے تمام تر نتائج کی ذمہ داری سندھ حکومت پرعائدہوگی۔سندھ حکومت کو وفاق کی جانب سے بھیجے جانے والی مدارس کی رپورٹ جھوٹ کے سوا کچھ نہیں جیتنے مدارس سندھ حکومت کے وزیر داخلہ نے حیدر آباد اور نواب شاہ میں ظاہر کیے ہیں اتنے مدارس تو ملت جعفریہ کے پورے سندھ میں نہیں ہیں اس موقع پر علامہ مبشر حسن مولانا علی انواراور مدثر حسین ،بھی موجود تھے ۔

وحدت نیوز (ہالا) مٹیاری میں مخدوم امین فہیم مرحوم کی خالی ہونے والی نشست این اے218پر ضمنی انتخاب18جنوری کو منعقد ہونے جارہے ہیں ،اس نشست پر مجلس وحدت مسلمین کے نامزد امیدوار سید فرمان علی شاہ کا مقابلہ پاکستان پیپلز پارٹی کے نامزد امیدوارمخدوم سعید الزمان سے ہے،واضح رہے کہ پی پی پی امیدوارسعید الزمان تکفیری سوچ کا حامل انتہائی متعصب شخص ہے، جس کا عقیدہ ہے کہ جشن میلاد النبیﷺمنایا بدعت ہے، قائد اعظم کافر ہیں ،شیعوں کو غیر مسلم قرار دیتا ہے،کربلا کو دوشہزادوں کی جنگ قرار دیتا ہے نعوذباللہ اور اب تک 8سے زائد شیعہ مخالف کتب تحریر کر چکا ہے، مٹیاری مخدوموں کا مضبوط قلعہ تصور کیا جاتا ہے ،لیکن مجلس وحدت مسلمین نے ظالم تکفیری کے مقابلے میں امیدوار کھڑا کرکے ایک مرتبہ پھر عصرکی یزیدی قوت کونتائج کی پروا کیئے بغیر للکارا ہے،فرمان علی شاہ کی کارنر میٹنگ سے خطاب کرتے ہوئے مجلس وحدت مسلمین کے مرکزی رہنماعلامہ اعجاز بہشتی نے کہا کہ غریبوں اور محروموں کے حقوق کی جنگ لڑنا سنت آئمہ اور انبیاء ہے، مٹیاری کے عوام نے گذشتہ کئی دہائیوں سے وڈیروں ،جاگیر داروں اور مخدوموں کو ووٹ دیئے لیکن آج تک ووٹ دینے والے غریب عوام کی تقدیر نہ بدل سکی، افسوس کی بات تو یہ ہے کہ اس ترقی یافتہ دور میں بھی عوام ، صفائی ، صحت اور تعلیم کی بنیادی ضروریات سے بھی محروم ہیں ، فرمان شاہ نے غریبوں کی داد رسی کے کیلئے وڈیرہ شاہی سے ٹکر لی ہے، اب تو بات اور آگے نکل چکی ہے، حسینیوں سے ووٹ لینے کیلئے پی پی پی نے ایک متعصب تکفیری امیدوار کو ٹکٹ دیا ہے، تکفیریت کے مقابل خیمے کو ووٹ دینا عبادت بھی ہے اور عین جہاد بھی۔اس موقع پر خطاب کرتے ہوئے ایم ڈبلیوایم کے ضلعی سیکریٹری جنرل علامہ اختر عباس نے کہا کہ ہم ہر صورت میدان میں حاضررہیں گے، تکفیریت کے سامنے میدان خالی نہیں چھوڑیں گے ،ایم ڈبلیوایم کے امیدوار برائے این اے218سید فرمان علی شاہ نے کہا کہ حسینی ہونے کے ناطے تکفیری کے مقابل میدان میں کھڑا ہوا ہوں اور خون کے آخری قطرے تک میدان میں ڈٹا رہوں گا۔