The Latest
وحدت نیوز(کوہاٹ) مجلس وحدت مسلمین صوبہ خیبر پختونخواہ کےذیر اہتمام قومی امام بارگاہ استرزئی پایان میں یوم عزم امام حسین ع بمناسبت برسی شہید قائد علامہ عارف حسین الحسینی ع سے خطاب کرتے ہوئے مجلس وحدت مسلمین کے سربراہ علامہ ناصرعباس جعفری نے کہا کہ ہمارا ایمان ہے کہ ہمارےآئمہ (ع) معصوم اور حجت خدا ہیں۔ ان کے فرامین پر عمل پیرا ہو کر ہم عظمتوں کی بلندیوں تک پہنچ سکتے ہیں۔ وہ قطب عالم امکاں اور لسان اللہ ہیں۔ معصوم (ع) کا فرمان ہے کہ جس نے اپنے زمانے کو پہچانا وہ محفوظ ہو گیا، امن پا گیا۔ تو زمانے کے حوادث اورا پنے دشمن کی پہچان، دشمن سے نبردا ٓزما ہونے کے لئے انتہائی ضروری ہے۔ دشمن کے دوست اور ساتھی کی پہچان بھی ضروری ہے۔ دشمنی کی وجہ، مقصد و ہدف دشمن، دشمنی کا طریقہ کاراور اپنے رہبر کی پہچان یہ سب انتہائی ضروری اہداف ہیں۔ کروڑوں کا لشکر رہبر کے بغیر کامیاب نہیں ہو سکتا۔ سید حسن نصر اللہ نے سب سے پہلے دشمن کی پہچان کی اور طے کیا کہ اصلی دشمن اسرائیل ہے اور اس کے خلاف ڈٹ گئے۔
اسی طرح ہمارا دشمن عالمی استکبار امریکہ و اسرائیل اور عرب ممالک ہیں۔ ملک کے اندر ان کے آلہ کار موجود ہیں۔ ضیاء کے زمانےسے دشمنی کا آغاز ہوا۔ دشمن نے تکفیر کے فتووں کے ذریعہ ہمیں تنہا کرنے کی کوشش کی۔ تکفیریوں کو جعلی سنی بنا کر پیش کیا گیا۔ ایسے میں شہید قائد نے قوم کا پرچم اٹھایا اور قوم میں ایک نئی روح پھونکی۔ دشمن نے قوم کے لئے اندرونی رکاوٹیں کھڑی کیں۔ جن کا قائد شہیدنے حکمت و تدبیر اور جرات سے مقابلہ کیا، دشمن کو بری طرح شکست ہوئی، دشمن نے علامہ عارف حسین الحسینی کو راستے سے ہٹانے کا فیصلہ کر لیا اور شہید کر دیا گیا۔ ہم شیعہ دشمن قوتوں کو معاف نہیں کریں گے ان کا تعاقب کیا جائے گا۔ امریکہ، اسرائیل، سعودی ممالک اور تکفیریت کے منحوس اتحاد نے ہم سے قائد کو چھینا، ہم شہید قائد کا انتقام لیں گے۔ جس کے لئے ہمیں قومی طور پر بھرپور انداز میں منظم ہونا ہوگا۔
ہم شہید قائد کے نقش قدم پر چلتے ہوئے قومی اتحاد و وحدت کے لئے سفید کاغذ پر دستخط کرنے کے لئے تیار ہیں۔ شیعہ قوم کے اتحا د کے لئے ہمیں ہر طرح کی شرائط قبول ہیں۔ اہل سنت نے سانحہ عاشور کی مشکل گھڑی میں ہمارا ساتھ دیا، ہم باغیرت قوم ہیں مشکل وقت میں اہل سنت کا ساتھ نہیں چھوڑیں گے۔ ان خواتین کا کیا قصور تھا جن کے منہ میں گولیاں ماری گئیں۔ ہم نے فوج اور تکفیر کے مابین موجود معاہدہ کو ختم کرا دیا ہے۔ فوج اب تبدیلی لانا چاہتی ہے۔ نواز حکومت کو گرانا سعودی نفوذ کو کم کرنے کے لئے انتہائی ضروری ہے۔
وحدت نیوز(لاہور) مجلس وحدت مسلمین کے مرکزی رہنما علامہ امین شہیدی نے ماڈل ٹاؤن لاہور میں یوم شہداء کی تقریب سے خطاب کرتے ہوئے کہا کہ کربلا میں امام حسین علیہ السلام نے قربانی دی، اس کے بعد کربلا کے جناب زینب سلام اللہ علیہا اور حضرت زین العابدین علیہ السلام وارث تھے، انہوں نے اس پیغام کو دنیا تک پہنچایا اور یزید کو گالی بنا دیا، آج شہدائے ماڈل ٹاؤن کے وارث آپ ہیں، آپ نے کربلائے ماڈل ٹاؤن کو زندہ کرنا ہے۔ انہوں نے کہا کہ آج شریفوں کے چہرے سے شرافت کا نقاب اتر چکا ہے۔ انہوں نے کہا کہ آج ضیاءالحق کے معنوی فرزند نواز شریف نے اس آمر کو بھی شرما دیا ہے، وہ وردی پہن کر ظلم کرتا تھا اور یہ جمہوریت کے لبادے میں مظالم کے پہاڑ توڑ رہے ہیں۔ انہوں نے کہا کہ آج یہ وقت آگیا ہے کہ تم دہشت گردوں کی سرپرستی میں اتنے آگے نکل گئے تھے کہ قاتل اعلٰی نے طالبان سے مخاطب ہو کر کہہ دیا تھا کہ آپ تو ہمارے بھائی ہو، پنجاب میں وارداتیں نہ کرو، آج انہوں نے طالبان کو تحفظ دینے کی بھرپور کوشش کی۔
علامہ امین شہیدی نے کہا کہ اب ٹی وی کی نشریات روک رہے ہیں، تاکہ آپ کی آواز لوگوں تک نہ پہنچے۔ انہوں نے کہا کہ حکمران کہہ رہے کہ ہمارا یہ باہر آنا آپریشن ضرب عضب کو ناکام کرنے کی سازش ہے، افسوس قاتل مظلوم بننے کی کوشش کر رہے ہیں، یہ تو خود آپریشن کے مخالف تھے۔ علامہ امین شہیدی نے کہا کہ ہر گزرتا دن ان کے اقتدار کو بحر ہند میں غرق کرتا جائے گا۔ انہوں نے کہا کہ ہماری خوش قسمتی ہے کہ خارجیوں نے جس طرح کا ماحول بنا کر شیعہ سنی کو لڑانے کی کوشش کی، تو آج دیکھ لیں کہ شیعہ اور سنی اس پنڈال میں ایک قوت بن کر کھڑے ہیں۔ انہوں نے کہا کہ حکمرانوں نے ہمیں روکنے کے لئے پوری طاقت استعمال کی، اپنے درندے ہونے کا پورا ثبوت دیا۔ لاہور اور پورے ملک کو سیل کیا، لیکن عوام کا سمندر نکلا اور ماڈل ٹاؤن تک پہنچا ہے۔ انہوں نے کہا کہ یہ لاکھوں لوگ رکاوٹیں عبور کرکے پہنچے ہیں، اگر کھلی اجازت ہوتی آج حکمرانوں کے اقتدار کا آخری دن ہوتا۔
وحدت نیوز(لاہور)عوامی احتجاج اورانقلاب مارچ سے خافزدہ پنجاب حکومت کی جانب پکڑ دھکڑ کانا رکنے والا سلسلہ جاری ہے،آج الصبح علامہ سید حسن رضا ہمدانی کو ان کے گھر سے پنجاب پولیس کے اہلکاروں نے گرفتار کر لیا ہے،گرفتار ہونے والے علامہ حسن رضا ہمدانی مجلس وحدت مسلمین پنجاب کے صوبائی سیکریٹری وحدت یوتھ ہیں ، وہ گذشتہ روزسے پاکستان عوامی تحریک کے زیراہتمام منعقدہ یوم شہداء کی تیاریوں میں مصروف تھے، واضح رہے کہ پنجاب حکومت پولیس کو ہتھیار کے طور پر استعمال کررہی ہے اور پنجاب بھر میں تحریک منہاج القرآن ، مجلس وحدت مسلمین اورسنی اتحاد کونسل کے کارکنان اورعہدیدارون کے خلاف کریک ڈاؤن جاری جس کے نتیجے میں اب تک پنجاب بھر سے ہزاروں کی تعداد میں کارکنان میں کو گرفتار کر لیا گیاجنہیں نامعلوم مقامات پر منتقل کر دیا ہے، پنجاب حکومت نے اتحادی جماعتوں کی جانب سے منہاج القرآن میں منعقدہ یوم شہداء اور انقلاب مار چ کو روکنے کیلئے طاقت کا بے دریغ استعمال رہی ہے۔ایم ڈبلیوایم کے قائدین کاکہنا ہے کہ کارکنان کی گرفتاریاں ہماری پر امن جمہوری جدو جہد کے راستے کی دیوار نہیں بن سکتیں ۔
وحدت نیوز(لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی کارکنان کے ہمراہ عوامی تحریک کے مرکزی کیمپ کا دورہ اور کارکنان سے خطاب علامہ اسدی نے منہاج القرآن اور مجلس وحدت مسلمین کے کارکنان سے خطاب کرتے ہوئے کہا کہ یہ جنگ حوصلوں کی جنگ ہے آپ مکمل پرامن طور پر اپنی جدوجہد جاری رکھیں کو ئی بھی طاقت ہمیں اس آئینی ،قانونی جدوجہد سے نہیں روک سکتے ہم انقلاب اور تبدیلی کی اس سفر میں علامہ ڈاکٹر طاہرالقادری کے ساتھ ہیں انہوں نے کہا کہ حکمرانوں کے دماغی توازن کھو چکے ہیں اور یہ ہماری پہلی فتح ہے انشااللہ ہم صبر ،استقامت،اور میدان میں ثابت قدمی سے بتا دینگے کہ ظالم کے ظلم کے سامنے ہم جھکنے والے نہیں ہم قائد کے پاکستان کو امن کا گہوارہ اور لیٹروں سے پاک کرکے دم لیں گے منہاج القرآن سیکرٹریٹ مرکزی کیمپ میں کارکنا ن پر عزم اور پر جوش تھے علامہ اسدی نے پنجاب بھر میں کارکنان،ٹرانسپورٹر کو ہراساں کرنے کے عمل کو آمرانہ اقدامات قرار دیتے ہوئے اس کی شدید مذمت کی۔
وحدت نیوز(لاہور) مجلس وحدت مسلمین پاکستان کےسربراہ علامہ ناصر عباس جعفری نے منہاج سیکریٹریٹ میں ڈاکٹر طاہر القادری اور صاحبزادہ حامد رضا کے ہمراہ پر ہجوم پریس کانفرنس سے خطاب کرتے ہوئےکہا کہ پنجاب حکومت کے تمام سازشی حربے ناکام ہوچکے ہیں، یوم شہداء کو ثبوتاژکرنے کے لئے شرکاء پر طاقت کا بے دریغ استعمال کیا جارہا ہے،حکومت کی جانب سے یوم شہداء میں رکاوٹیں ڈالنے اورظالم استبدادی حکومت سے نجات کے لئے پاکستان کے تمام شیعہ سنی عوام متحد ہوکرسڑکوں پر نکل آئیں،مشکل کی اس گھڑی میں اپنے اہل سنت بھائیوں کو یزیدی نواز حکومت کے سامنے تنہا نہیں چھوڑیں گے، گلگت تا کراچی اور کوئٹہ تا خیبرہر گلی ہر کوچے میں مظلوموں کی حمایت میں دھرنے دیئے جائیں ،مرکزی یوم شہداء کا اجتما ع ماڈل ٹاون لاہور میں ہر صورت ہوگا،قومی سلامتی کے نام وزیر اعظم صاحب کا سیاسی شو بری طرح فلاپ ہو گیا،نواز شریف کا ہم سے بات چیت اور مذاکرات سے انکار ہمارے موقف کی صداقت کی دلیل ہے۔
انہوں نے مذید کہا کہ پنجاب بھر میں پاکستان عوامی تحریک ، مجلس وحدت مسلمین، سنی اتحاد کونسل اور مسلم لیگ ق کے خلاف ریاستی دہشت گردی نے نون لیگ کی ناکامی کو واضح کردیا، پنجاب حکومت اپنے اقتدار کی بقاء کی خاطر نہتی خواتین ، معصوم بچیوں اور بزرگوں پر گولیاں برسا رہی ہے، نوازاور شہباز شریف جتنا ظلم چاہیں کرلیں ، کون کے آخری قطرے تک میدان میں ڈٹے رہیں گے، ظلم کے ایوانوں کت زمین بوس ہونے سے پہلے واپس گھروں کو نہیں جائیں گے، چاہےہفتوں لگیں یا مہینے، حکومت نے ہماری احتجاجی تحریک کو ثبوتاژکرنے کے لئے کرائے کے بدماش بھیجنے کا پلان تیار کیا ہے اور انتشار اور دہشت گردی کے ذریعےحکومت کے مفاد اور ہمارے خلاف اقدامات کریںگے،ڈاکٹر طاہر القادری یہ کسی بھی رہنما کی گرفتاری کےبعد حالات کے مذید کنٹرول میں رہنے کی ذمہ داری نہیں لے سکتے۔
وحدت نیوز(اسلام آباد) مجلس وحدت مسلمین پاکستان کے مرکزی ڈپٹی سیکرٹری جنرل اور ایم ڈبلیوایم کےمرکزی سیکریٹری خارجہ امور کےعلامہ سید شفقت حسین شیرازی نے کہا ہے کہ مجلس وحدت کے سربراہ علامہ ناصر عباس جعفری کی اپیل پر نہ فقط پاکستان بلکہ دنيا بھر ميں ظلم و بربريت كيخلاف پرجوش احتجاجات کی لہر اٹھے گی اور ظالموں سے ان کے ہر ظلم كا حساب لے گی۔ لبيک يارسول الله اور لبيک ياحسين کے فلک شگاف نعروں سے بہادر اور غيور پاكستانی قوم ان بزدل اور خائن حكمرانون کے ايوانوں كو ہلا كر ركهـ دے گی۔ ان خیالات کا اظہار انہوں نےمرکز ی سیکریٹریٹ سے جاری اپنے بیان میں کیا۔
علامہ شفقت شیرازی کا کہنا تھا کہ احتجاجات اور لانگ مارج ہمارا جمہوری حق ہے اور يہ اس وقت تک جاری رہیں گے، جب تک قاتلوں كو عدالت ميں لا كر انہيں قرار واقعی سزا نہیں دی جاتی۔ انکا مزید کہنا تھا کہ ہماری قوم ہر بيگناه خون کے ایک ایک قطرے كا حساب لے گی۔ تنگ نظر اور ڈكٹيٹر مزاج حكمرانوں كا جمیوريت سے كوئی تعلق نہیں اور نہ پاكستانی نظام جعلی جمہوريت اور جعلی مينڈیٹ سے چلايا جاسكتا ہے۔ پاكستان کی عوام آل سعود کی 35 سالہ غلامی کے نظام سے تنگ آچکی ہے۔ تمام مكاتب فكر اور مذاہب کے لوگ عوامی احتجاجات ميں شركت كرکے نئے پاكستان، اخوت و محبت کے پاكستان، رواداری و ملنساری کے پاكستان، خوشحال اور ترقی يافتہ پاكستان، علامہ اقبال اور قائدأعظم محمد على جناح کے پاكستان کی تشكيل ميں اپنا اپنا كردار ادا كریں۔ ہماری پوليس اور ديگر انتظامی اداروں ميں سروس كرنے والے افسران اور اہلكار ان ظالموں کے اشاروں پر انکی كرسياں بچانے كيلئے اپنے ہی بہن بهائيوں كو اذيت دینے اور انکے خون سے ہولی كهيلنے سے پرہيز كريں۔ سانحہ ماڈل ٹاون سے عبرت حاصل كريں، كوئی بهی عوام کی عدالت يا پهر خدا كی عدالت سے نہيں بچ سکے گا۔
وحدت نیوز(لاہور) مجلس وحدت مسلمین پاکستان کے مرکزی سیکریٹری سیاسیات سید ناصرعباس شیرازی نے پنجاب حکومت کی جانب سے ایم ڈبلیوایم کے کارکنان کی بلاجواز گرفتاریوں کی پرزور مذمت کرتے ہوئے کہا کہ شریف برادران نے حقیقی انداز میں اپنی شکست تسلیم کر لی ہے، یوم شہداء میں شرکت کے لئے آنے والے ایم ڈبلیوایم کے کارکنان کو جبراً گرفتار کیا جا رہا ہے، مختلف شہروں سے یوم شہداء میں شرکت کے لئے آنے والے 45 کارکنان کو پولیس نے گرفتار کر لیا ہے،پنجاب حکومت کے اوچھے ہتھکنڈے ہمیں ظلم کے خلاف جدوجہد سے نہیں روک سکتے، ہم خون کے آخری قطرے تک میدان میں ڈٹے رہیں گے، ان خیالات کا اظہار انہوں نے ایم ڈبلیوایم کے صوبائی سیکریٹریٹ مسلم ٹاون میں صحافیوں سے گفتگو کرتے ہوئے کیا۔
ان کا مذید کہنا تھا کہ یوم شہداء اور انقلاب مارچ کسی صورت ملتوی نہیں ہوگا، کارکنان تمام تر رکاوٹوں کو عبور کرتے ہوئے منہاج القرآن پہنچیں ، اگر پنجاب حکومت کے مظالم اسی طرح جاری رہے تو ملک بھر میں احتجاج اور دھرنوں کا اعلان کر دیا جائے گا، کارکنان اور عوام کسی بھی قسم کی ہنگامی کال کے لئے خود کو تیار رکھیں ، ہم اپنے قائدین کا دفاع بھی کریں گے، پنجاب حکومت خود اپنی مشکلات میں اضافے کا سبب بن رہی ہے، عوام احتجاج میں عوامی و سرکاری املاک کے تحفظ کو ملحوض خاطر رکھیں ۔
وحدت نیوز(لاہور) مجلس وحدت مسلمین پاکستان کے سربراہ علامہ ناصرعباس جعفری اور سنی اتحاد کونسل کے چیئرمین صاحبزادہ حامد رضا کی صوبائی سیکرٹریٹ مجلس وحدت مسلمین پنجاب مسلم ٹاوُن لاہور میں ملاقات ہوئی اور یوم شہداء میں شامل ہونے کیلئے آنے والے مختلف اضلاع کے کارکنان کو انتظامیہ کے جانب سے ہراساں کرنے کے عمل کی مذمت کی۔ ملاقات میں علامہ ناصر عباس جعفری نے کہا کہ پرامن عوامی جدوجہد ہمارا آئینی و جمہوری حق ہے اور اس حق کو کوئی ہم سے چھین نہیں سکتا، یہی حکمران جب لوڈشیڈنگ کیخلاف پچھلے دور حکومت میں پرتشدد احتجاج کریں یا لانگ مارچ اپنے سیاسی پارٹنر سابق چیف جسٹس کیلئے کریں تو جائز، باقی پاکستانی عوام کیلئے پابندی۔ یہ کہاں کا انصاف اور جمہوریت ہے؟ سابق صدر آصف زرداری کو بھاٹی چوک پر لٹکانے کا اعلان کرنے والے وزیراعلٰی پنجاب کس منہ سے ڈاکٹر طاہرالقادری کے خلاف بغاوت اور عوام میں اشتعال پیدا کرنے کا مقدمہ درج کر رہے ہیں۔؟ علامہ ناصر عباس جعفری نے کہا کہ حکومت ہم سے سیاسی انتقام لے رہی ہے، ڈاکٹر طاہر القادری سے پہلےمیں اور حامد رضا گرفتاری دیں گے،یوم شہداء اور انقلاب مارچ سے پہلے حکومتی بوکھلاہٹ اس بات کی غمازی ہے کہ یہ حکمران اعصابی جنگ ہار چکے ہیں، عمران خان اور ہمارا ایجنڈا تقریباً ایک ہے، کیونکہ جب تک یہ نظام تبدیل نہیں ہو جاتا حقیقی معنوں میں عوام کی حکمرانی ممکن نہیں۔
ملاقات میں سنی اتحاد کونسل پاکستان کے چیئرمین صاحبزادہ حامد رضا نے کہا کہ ہمارے حوصلے ایسے اوچھے ہتھکنڈوں سے پست ہونے والے نہیں، ہم ثابت کریں گے کہ ان بادشاہوں کی رکاوٹیں ریت کی دیوار ثابت ہونگی۔ انہوں نے کہا کہ الحمدللہ پاکستان کے بانیان شیعہ سنی متحد ہیں اور تکفیروں کے سرپرستوں کو ملکی سلامتی سے نہیں کھیلنے دینگے، ہم حکمرانوں کو متنبہ کرتے ہیں کہ ہم پرامن یوم شہداء ہرحال میں منائیں گے، یہ ہمارا قانونی حق ہے۔ صاحبزادہ حامد رضا کا کہنا تھا کہ پنجاب بھر میں مجلس وحدت مسلمین، سنی اتحاد کونسل اور پاکستان عوامی تحریک کے کارکنان کو ہراساں کرنے والے سن لیں، انقلاب مارچ ہر حال میں ہوگا اور ہم عوامی طاقت سے اس عمل کو یقینی بنائیں گے۔ انہوں نے کہا کہ شریف برادران کی نااہلی کے باعث ان کی کسی حکومت نے بھی اپنی مدت پوری نہیں کی اور اس بار بھی ان کی نااہلی اور جمہوریت دشمن اقدامات کی بدولت عوام انہیں گھسیٹ کر انصاف کے کٹہرے میں لا رہے ہیں۔ انہوں نے کہا کہ حکمرانوں کی ناکامی ان کی ترجیحات ہیں، عوام لوڈشیڈنگ اور غربت کی چکی میں پس رہے ہیں اور حکمران بجلی پیدا کرنے کے بجائے سڑکیں اور پل بنانے میں مصروف ہیں۔
وحدت نیوز(اسکردو) مجلس وحدت مسلمین پاکستان بلتستان ڈویژن کی جانب سے شہید قائد علامہ عارف حسین الحسینی کی برسی کی مناسبت ایک اہم پروگرام کا انعقاد ڈویژنل سیکرٹریٹ میں منعقد ہوا جس میں علمائے کرام کے علاوہ ڈویژنل عہدیداران اور کارکنان نے شرکت کی۔ شہید قائد علامہ عارف حسین الحسینی کی شخصیت پر گفتگو کرتے ہوئے سیکرٹری جنرل علامہ آغا علی رضوی نے کہا ہے کہ شہید قائد کی پوری زندگی جہد مسلسل سے عبارت تھی۔ انہوں نے پاکستان بھر میں تمام مکاتب فکر کو باہم ملانے کے لیے اور عالم اسلام کے اندر اتفاق و اتحاد کی فضا قائم کرنے کے لیے وہ عملی جدوجہد کی، جس کے نقوش آج بھی ملک کے گوشہ و کنار میں مرتب ہیں۔ انہوں نے کراچی کے ساحل سے لے کر پارا چنار اور کوئٹہ سے گلگت بلتستان کو ایک ہی لڑی میں پرویا تھا۔ وہ عظیم قائد وطن عزیز پاکستان کی سلامتی کے ضامن تھے۔
انہوں نے مزید کہا کہ انہوں نے اپنی جدوجہد سے پاکستان سے تفرقے کو ختم کرنے اور شیعہ سنی وحدت کو قائم کرنے کے بعد ثابت کر دیا کہ فرزندان توحید چاہے ملک کے جس کونے میں ہوں یا جس قوم و قبیلے سے تعلق رکھنے والے ہوں سب جسد واحد کی مانند ہیں۔ قائد شہید کی اس عظیم جدوجہد سے اور انکی شخصیت سے دشمنان اسلام اور دشمنان پاکستان خائف ہوئے اور راستے سے ہٹانے میں اپنی عافیت جانی۔ دشمن نے شاید یہ خیال کیا کہ انکی شہادت سے ملت ختم ہو جائے گی اور اپنے اہداف کھو بیٹھے گی لیکن آج شہید قائد کے معنوی فرزنددان اب بھی میدان عمل میں دشمن کی آنکھوں میں آنکھیں ڈال کر سرگرم عمل ہیں اور ملک بھر سے تکفیریت کا خاتمہ کرنے، اتحاد بین المسلمین کی فضا قائم کرنے میں مصروف ہیں۔ دنیا کی کوئی طاقت ہمیں شہید قائد کے اہداف سے پیچھے نہیں ہٹا سکتی۔
وحدت نیوز(سکھر) مجلس وحدت مسلمین پاکستان کے مرکزی شعبہ تربیت کی جانب سے ملک بھر میں بصیرت افزائی تبلیغی ورکشاپس کا اہتمام کیا جا رہا ہے۔ اس سلسلے میں صوبہ سندھ کے شھر سکھر میں سات روزہ بصیرت افزائی تربیتی کورس منعقد کیا گیا۔ پروگرام کے اختتام پر جید علماء کرام اور علاقہ کی معروف شخصیات کے ساتھ تربیتی کورس کی اختتامی تقریب منعقد کی گئی۔ اس تقریب میں مجلس وحدت مسلمین صوبہ سندھ کے سیکرٹری جنرل علامہ مختار امامی، ڈپٹی سیکرٹری جنرل مجلس وحدت مسلمین قم علامہ میثم ہمدانی، سیکرٹری تبلیغ مجلس وحدت مسلمین قم علامہ مختار احمد، سیکرٹری جنرل مجلس وحدت مسلمین اصفہان علامہ تقی زیدی کے علاوہ مقامی علماء اور معروف شخصیات نے خصوصی شرکت کی۔ پروگرام کے بہترین انعقاد پر چوہدری اظہر سیکرٹری جنرل مجلس وحدت مسلمین ضلع سکھر اور ان کی کابینہ کے افراد کی خدمات کو سراہا گیا۔
پروگرام میں علامہ مومن قمی، علامہ سید اظہر حسین امام جمعہ شھر سکر، سابق ایم پی اے سکھر نصراللہ کے علاوہ دوسری سیاسی اور سماجی شخصیات نے خصوصی شرکت کی۔ اختتامی نشست سے خطاب کرتے ہوئے علامہ مختار امامی نے شعبہ تربیت کی جانب سے ایسے تبلیغی اور تربیتی پروگرام کے انعقاد کو خوش آیند اور موجودہ دور کی اہم ترین ضرورت قرار دیا۔ علامہ مختار احمد کلیم نے ایم ڈبلیو ایم ضلع سکھر کو اس پروگرام کے کامیاب انعقاد پر مبارکباد دی۔ انہوں نے کہا کہ قوم کی تربیت اور اس طرح کی تربیتی نشستیں منعقد کرنا شہید علامہ عارف حسین الحسینی کا خواب تھا۔ اختتامی نشست میں ورکشاپ میں شریک ممبران کو کورس مکمل کرنے پر تعلیمی اسناد بھی دی گئیں۔ اختتامی دعا علامہ سید اظہر حسین نے انجام دی۔
