وحدت نیوز(مظفرآباد) احتجاجی مظاہرے دھرنے جمہوریت میں عوام کا حق ہیں، ہر آدمی اپنے مطالبے کے لیئے آواز اٹھانے کا حق رکھتا ہے، پارلیمنٹ ہاؤس کے سامنے پاکستان کی بانی شخصیات کی اولادیں اکٹھی ہیں جبکہ وہ لوگ جو قیام پاکستان کے مخالف اور قائداعظم محمد علی جناح کو کافر اعظم کہتے تھے، آج ان دھرنوں کی مخالفت کر رہے ہیں، آج ان دھرنوں کی مخالفت کر رہے ہیں،انہیں تکلیف مظاہروں سے نہیں بلکہ لبیک یا حسین ؑ کے جان افزاء اور روح پرور نعروں سے ہے جو شیعہ سنی مسلمان یک زبان ہو کر لگا رہے ہیں، ان خیالات کا رکن شوریٰ عالی MWMسیکرٹری جنرل MWMآزادکشمیر علامہ سید تصور حسین نقوی الجوادی نے ضلع مظفرآباد کی کابینہ کے اجلاس میں خصوصی شرکت وخطاب کرتے ہوئے کیا۔

انہوں نے کہا کہ شام غریباں اہلبیت ؑ کے پسماندگان کی شام ہے جب ہر طرف ہو کا عالم تھا ، سارے مرد شہید ہو چکے تھے، ماؤں کی گودیاں خالی ہو چکی تھیں۔ بہنوں کے دل کا قرار بھائی جدا ہوگئے تھے، خیمے جل چکے تھے، اسباب لٹ چکے تھے، ایسے میں چند یتیموں اور بیواؤں کو ساتھ لیکر سیدہ زینب سلام اللہ علیھا بیٹھی تھیں ، اس غمزدہ لیکن مقدس ترین شب کی اس طرح تشبیہ دے فضل الرحمن نے توہین و اہانت اہلبیت ؑ کا مظاہرہ کرتے ہوئے اپنے یزیدی ہونے کا ثبوت دیاہے، انہوں نے کہا کہ پاکستان شیعہ سنی مسلمانوں کی مشترکہ جدوجہد کا نتیجہ ہے جب کہ فضل الرحمن کے والد مفتی محمود کا بیان ریکارڈ پر ہے کہ جس میں انہوں نے قیام پاکستان کو گناہ قرار دیا تھا، لہذا فضل الرحمن مذہبی منافرت پھیلانے کے بجائے اپنے اجداد کے گناہوں کی معافی مانگیں، کہ انہوں نے پاکستان کو ’’ناپاکستان قرار دیا تھا، اور ملا فضل الرحمن پاکستان میں اقتدار کے نشے میں دھت رہتا ہے۔

علامہ تصور نقوی جوادی نے کہا کہ بہت عرصہ بعد قوم کو علامہ راجہ ناصر عباس جیسی باجرأت اور حوصلہ مند قیادت نصیب ہوئی ہے ، جنہوں نے مجلس وحدت مسلمین کے قیام سے ملت کی عزت و سربلندی کے لیئے اقدام اٹھائے ہیں ، جس پر ہم انہیں خراج تحسین پیش کرتے ہیں۔ انہوں نے کہا کہ ہم انقلاب مارچ کے مطالبات کے تسلیم ہونے اور مقاصد میں کامیابی کے لیئے دعا گو ہیں ، انہوں نے واضح کیا کہ اب نواز شریف کے لیئے کوئی باعزت راستہ باقی نہیں رہ گیا ، ان کی ضد اور ہٹ دھرمی کیوجہ سے ملک میں شدید انارکی پھیلی ہے ، جمہوری طریقہ تو یہ تھا کہ وہ پہلے دن ایف آئی آر کا حکم دیتے اور خود مستعفی ہو جاتے ، تحقیقات سے بے گناہ ثابت ہوتے تو ہیرو قرار پاتے لیکن اب وہ اس سطح تک آگئے ہیں تم انہیں سیاست سے مکمل علیحدگی اختیار کر لینی چاہیے۔ افواج پاکستان ملکی سلامتی کا ضامن ادارہ ہے نواز شریف نے پہلے انہیں مذاکرات کی درخواست کی اور پھر اپوزیشن جماعتوں کے دباو میں آکر یوٹرن لیا جس کی وجہ سے فوج کی ساکھ خراب کرنے کی کوشش کی گئی لیکن آئی ایس پی آر نے تمام دعوؤں کی کلی کھول دی ہے۔

وحدت نیوز(مانٹرنگ ڈیسک)جب بحث چلی کہ عقل بڑی یا بھینس تو ابتأامیں تو سمجھ ہی نہیں آتا تھا کہ بھینس اور عقل کی آپس میں کیا مشابہت ہے اور کیوں ان دونوں غیر مشابہ چیزوں کا موازنہ کیا جاتا ہے لیکن حالیہ واقعات اور ان پر ہونے والے تبصروں نے یہ معاملہ سلجھا دیا ۔جب ہم نے دیکھا کہ میڈیا ،حکمرانوں اور حکمرانو ں کے خیرخواہ بڑے بڑے عقلمند یہ کہتے نظر آئے کہ اگر یہ روایت پڑ گئی کہ کوئی بھی شخص یا جماعت کچھ ہزار کا لشکر لے کر اسلام آباد آجائے تو کیا اس کے سب مطالبے مان لئے جائیں اور ایسی روایت میں کیاحکومت کی رٹ باقی رہ سکے گی اور کیا کوئی آنے والی حکومت چل سکے گی۔

ان کے اس تبصرے یا بہانے ،نے یہ بات ثابت کردی کہ عقل کے مقابلے پر بھینس ہی آسکتی ہے کیونکہ دورِ گذشتہ میں محاوروں کے ایجاد کرنے والوں نے ان ہی کے لئے ایسے محاورے بنائے تھے۔جو عقل کی تلنا عدد سے کریں گے۔یعنی یہ نہ تو اب دیکھا جارہا ہے اور نہ ہی آئیندہ دیکھا جائے گا کہ مطالبے کیا ہیں ان کی سچائی کیا ہے ان مطالبوں کی اسساس کیا ہے ان کی بنیاد کیا ہے اور وہ مطالبے کون کررہے ہیں اور یہ مطالبے کس وجہ سے ہو رہے ہیں یا ان میں علم اور عقل کا کتنا عمل دخل ہے کن کن عوامل کی وجہ سے یہ مطالبات معرض وجود میں آئے ملکی بقاء اور اس میں رہنے والوں کے حقوق کا اس میں تحفظ ہے یا نہیں اور دیگر عسکری ،معاشی اور سماجی پہلوکا عقلی جائزہ لینے کے بجائے ۔یہ دیکھا جائے گا کہ جلوس کتنا بڑا ہے لوگوں کی تعداد کتنی ہے یہ اسلام آبادمیں ہے یا کسی اور علائقے میں ہے اس جلوس سے ہماری یا ہمارے جیسوں کی حکومت بچ جائے گی یا چلی جائے گی۔اور شاید یہی وجہ ہے کہ انھوں نے عقل کے مقابلے پر بھینس کو ہی ترجیح دی اور سب نے مل کر اپنی اور اپنے جیسوں کی حکومت اور عہدے بچانے کے لئے یہ بہانہ گھڑ لیا کہ کل کوئی اس سے بڑالشکر لے کر آئے تو وزیر اعظم استعفے دے دے یا کوئی اور مطالبہ مان لیاجائے۔یعنی حقائق کی بنیاد پر جائزہ لینے کی بجائے لوگوں کی تعداد اور ان کے دھرنے کامقام دیکھا جائے۔حیرت ہے ان کے عقل پر جو عدد کو عقل پر فوقیت دیتے ہیں اور اس بے عقلی کو جمہوریت کا نام بھی دیدیتے ہیں۔اور اس پر ڈٹ بھی جاتے ہیں شاید انہی سے یہ سوال ہے کہ عقل بڑی یا بھینس ۔

تحریر:عبداللہ مطہری

وحدت نیوز(گلگت) انقلاب مارچ کی اتحادی جماعتوں پاکستان عوامی تحریک، مجلس وحدت مسلمین پاکستان، پاکستان مسلم لیگ ق، سنی اتحاد کونسل گلگت بلتستان کے رہنماؤں کامشترکہ اجلاس ریویریا ہوٹل گلگت میں منعقد ہوا ،اجلاس میں مجلس وحدت مسلمین گلگت بلتستان کے سیکرٹری جنرل علامہ نیئر عباس مصطفوی،محمد الیاس صدیقی، غلام عباس، عارف حسین قنبری پاکستان عوامی تحریک کے اورنگزیب ایڈوکیٹ، پاکستان مسلم لیگ ق کے بشیر احمد،مرزا حسین، آمنہ انصاری ، مسرت ظفراور سنی اتحاد کونسل کے قاری ولایت نے شرکت کی۔
اتحادی جماعتوں کا یہ اجلاس ملک عزیز پاکستان کو موجودہ حکمرانوں کے ظلم وستم سے پاکستانی عوام کو آزادی دلوانے کے خاطر آزادی مارچ اور انقلاب مارچ کے نتیجے میں پیدا شدہ مخدوش حالات کے تناظر میں طلب کیا گیا ۔اجلاس میں ملک میں پیدا شدہ بحرانی کیفیت سے نکلنے کیلئے ڈاکٹر طاہر القادری سربراہ پاکستان عوامی تحریک کے پیش کردہ دس نکاتی ایجنڈے،جس میں گلگت بلتستان کے حقوق سرفہرست ہیں پر مکمل اتفاق کیا گیا۔

ان رہنماؤں نے اجلاس کے دوران کہا کہ 67 سالوں سے آمروں اور جمہوریت کے علمبرداروں نے پاکستانی عوام کا استحصال کیا ہے اور حقیقی جمہوریت کے ثمرات سے عوام الناس کو دور رکھا ہوا ہے۔ آئین پاکستان کی دھجیاں بکھیر دی گئی ہیں اور آئین اور جمہوریت کے نام پر پاکستانی عوام کا گلہ گھونٹ دیا گیا ہے۔ آج جب نظام بدلنے اور آئین پاکستان کی تمام شقوں پر عمل درآمد کی بات ہورہی ہے تو مفاد پرست ٹولہ کھل کرسامنے آیا ہے ۔ یہ ٹولہ انتخابات میں دھاندلی کرکے جعلی مینڈیٹ کے ذریعے اقتدار پر قابض ہونا چاہتے ہیں اور موجودہ حالات میں پاکستانی عوام نظریاتی طور پر دو واضح طبقات میں منقسم ہوگئے ہیں۔ ایک طبقہ جو انقلاب اور آزادی کا خواہاں ہے جو معاشرے کا مظلوم طبقہ ہے تو دوسرا طبقہ اشراف اور امراء کا طبقہ ہے جس نے غریب عوام کی کمائی پر ہاتھ صاف کئے ہیں اور عوام کی خون پسینے کی کمائی سے بیرون ملک جائیدادیں بنالی ہیں۔
ان حالات میں ایک پاکستانی کی حیثیت سے اپنے فرائض منصبی کی ادائیگی کو اپنا شرعی ذمہ داری سمجھتے ہوئے انقلاب اور تبدیلی کو ناگزیر قرار دیا جاتا ہے۔موجودہ حکمرانوں کی طرز حکمرانی نے اس ملک کو تباہی کے دہانے تک پہنچادیا ہے اور آج اس ملک کے عوام کی تقدیر بدلنے کا وقت آپہنچا ہے ۔ اجلاس میں شریک رہنماؤں کے متفقہ فیصلے کی روشنی میں جاری کردہ اعلامیہ کے اہم نکات ذیل میں درج کئے جاتے ہیں۔

۱۔ یہ اجلاس انقلاب مارچ کی مکمل تائید کرتا ہے اور ڈاکٹر طاہرالقادری کی جانب سے پیش کردہ مطالبات سے مکمل اتفاق کرتے ہوئے حکومت کو فوری مستعفی ہونے کا مطالبہ کرتا ہے۔
۲۔ یہ اجلاس ڈیڈ لائن کے ختم ہونے تک مطالبات کو تسلیم نہ کیا گیا تو پورے گلگت بلتستان کو جام کرنے کے ساتھ شاہراہ قراقرم کو ہر قسم کی ٹریفک کیلئے بلاک کردیا جائیگا۔
۳۔ کل مورخہ 19 اگست 2014 شام 5 بجے سکوار چونگی پر دھرنہ دیا جائیگا اور شاہراہ قراقرم کو ہر قسم کی ٹریفک کیلئے بند کردیا جائیگا اور ظالم حکمرانوں خاتمے تک دھرنا جاری رہیگا۔