وحدت نیوز (کوئٹہ) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے سانحہء مستونگ، مساجد اور فوجی افسران پر حملے میں ملوث 9 دہشتگردوں کی سزائے موت کا خیر مقدم کرتے ہوئے کہا ہے کہ ملٹری کورٹس کے فوری انصاف سے، ملک سے دہشتگردی کا خاتمہ ہوگا اور عوام کے اندر ملکی نظام انصاف پر کھویا ہوا اعتماد بحال ہوگا ۔ عصر حاضر کے خوارج، اسلام، امت مسلمہ اور پاکستان کے لیے سنگین خطرہ ہیں ۔اس فتنے کو کچلنے کے لیے ملک بھر کے عوام پاک فوج کے شانہ بشانہ کھڑے ہیں۔ انہوں نے امید ظاہر کی کہ ملٹری کورٹس فوری انصاف کی فراہمی کو یقینی بناتے ہوئے دھشت گردوں کو عبرتناک سزائیں دیں۔

انہوں نے کہا کہ دہشتگردوں کے ساتھ ساتھ ، ان کے سر پرستوں اور مدد گاروں کے خلاف بھی بھر پور آپریشن کیا جائے ، نفرتوں کی علمبردار، کالعدم تکفیری جماعتوں کی نفرت انگیز سرگرمیوں کا خاتمہ از بس ضروری ہے۔انہوں نے مطالبہ کیا کہ بلوچستان میں کالعدم تکفیری گروہ کی شر انگیزسرگرمیوں اور نفرت انگیز بیانات کو فوری روکا جائے ۔

انہوں نے کہا کہ داعش کے خلاف آمریکی اتحاد نیا ڈرامہ ہے۔ کیوں کہ داعش کا وجود آمریکی اور اسرائیلی ایجنسیوں کا مشترکہ کار نامہ ہے ،جسے آمریکہ کے اتحادی بعض مسلم ممالک کی حمایت حاصل ہے ۔ آمریکہ اور اسرائیل اپنے انسان دشمن سامراجی عزائم کی تکمیل کے لئے داعش کو باقی رکھنا چاہتے ہیں۔

وحدت نیوز (اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری نے اسرائیل میں احتجاج کے دوران پتھراو کرنے والے فلسطینی مظاہرین پر اسرائیلی وزیر اعظم کی طرف سے گولی چلانے کے حکم کو کڑی تنقید کا نشانہ بنایا ہے۔انہوں نے کہا کہ مظلوم فلسطینیوں کی آواز دبانے کے لیے اسرائیلی وزیر اعظم بنجمن نیتن یاہوکی طرف سے پولیس کو قتل عام کا لائسنس جاری کیا جا رہا ہے جو انسانی حقوق کی تنظیموں اور امت مسلمہ کے خاموش حکمرانوں کے منہ پر زوردار طمانچہ ہے۔ اسرائیل اس بربریت اور ظالمانہ اقدام سے باز رہے۔ دنیا کا کوئی بھی قانون اپنے حقوق کے لیے احتجاج کا حق چھیننے کی اجازت نہیں دیتا۔ صیہونی حکومت کے وحشیانہ مظالم اس کی سالمیت و بقا کے لیے خطرہ ثابت ہوسکتے ہیں۔ اسرائیلی سیکورٹی اہلکاروں کی طرف سے مسجد اقصی میں نمازیوں پر حملہ اور مسجد کے تقدس کی پامالی ایک سنگین جرم ہے۔ عالم اسلام کو چاہیے کہ وہ مقدسات کی توہین کے جرم میں یہودی نصاری کے خلاف مل کر فیصلہ کن آواز بلند کرے۔ اسلام دشمن اسرائیلی اقدامات کے خلاف روایتی بے حسی اور سرد مہری کا مظاہرہ نہ صرف اسلامی تاریخی روایات اور مذہبی احکامات کے برعکس ہے بلکہ اس سے امت مسلمہ بھی شدید خطرات سے دوچار ہوگی۔ انہوں نے کہا فلسطینی مسلمانوں کے تحفظ کے لیے اسلامی ممالک کو اسرائیل کے خلاف مشترکہ لائحہ عمل طے کرنے کی ضرورت ہے تاکہ مسلمانوں کے خلاف جاری صیہونی جارحیت اور دہشت گردی سے موثر انداز میں نمٹا جا سکے۔

وحدت نیوز (کوئٹہ) نورویلفیئرسوسائٹی (رجسٹرڈ) کی جانب سے ’’ تقریب عطیہ ایمبولینس‘‘ کا انعقاد میجرنادرعلی آڈیٹوریم متصل سردار حسن موسیٰ گرلز کالج کوئٹہ میں منعقد کیا گیا۔ اس تقریب کے مہمان خصوصی مجلس وحدت مسلمین کے ممبر بلوچستان اسمبلی سید محمد رضا ( آغا رضا) تھے۔علاوہ ازیں دیگر مہمانوں خاص میں میجر نادر علی ، (ریٹائرڈ) ڈی آئی جی فقیر حسین ، طاہر نظری ، ابراہیم ہزارہ، صدر امن جرگہ یوسف خلجی ، حاجی کریم ،ایم ڈبلیوایم کونسلر کربلائی عباس علی ، ایم ڈبلیوایم کونسلر سید مہدی و فیملی شہداء تھے۔

پروگرام کا آغاز تلاوت قرآن پاک سے اور نعت رسول مقبول (ص) پیش کی گئی۔ تقریب سے مہمانوں سے خطاب کیا۔ جن میں مولانا ابن الحسن حیدری ، جناب طاہر نظری،جناب میجر نادر رعلی،یوسف خلجی ، عامر علی چنگیزی اور ایم پی اے آغا رضا نے خطاب کیا،تقریب میں شریک مہمانوں نے اپنے دست مبارک سے کارکنان نور ویلفیئر سوسائٹی میں اعزازی سندتقسیم کیے،ایم پی اے آغا رضا نے اپنے دست مبارک سے نور ویلفیئر سوسائٹی کو (2)عدد ایمبولینس کی چابی پیش کی۔ یاد رہے کہ آغا رضا نے اپنے ڈی ڈی فنڈ سے نورویلفیئر سوسائٹی کے لیے ملبغ 17لاکھ روپے کے چیک دیے تھے جنہیں نور ویلفیئر سوسائٹی کے چیرمین عامر علی چنگیزی نے مذکورہ رقم سے ایمبولینس خریدے،آخر میں ایم پی اے آغا رضا نے تقریب میں شریک (5)پانچ کارکنان نورویلفیئر سوسائٹی کے خانوادہ شہدا میں فی کس مبلغ 25ہزار روپے عیدی کا اعلان کیا اور پروگرام کے آغازمیں تلاوت قرآن مجیدکرنے والے قاری کے لیے مبلغ 10ہزار روپے کا اعلان کیا۔

وحدت نیوز(کراچی) مجلس وحدت مسلمین کراچی ڈویژن کے رہنماامام جمعہ جامع مسجد حیدری اورنگی ٹاون مولاناصادق جعفری  کے دست مبارک پرایک ہندو جوان دلیپ نے مذہب حقہ (اسلام )قبول کرلیا،دائرہ اسلام میں شامل ہوجانے کے بعد اس نومسلم کا نام عرفان رکھا گیا، مولانا صادق جعفری نے نومسلم عرفان کے حق میں دعا کی ۔

وحدت نیوز(گلگت) مجلس وحدت مسلمین کی رکن صوبائی اسمبلی گلگت بلتستان بی بی سلیمہ نے اپنے ایک بیان میں کہا ہے کہ سانحہ بڈھ بیر میں شہید ہونے والے پاک فوج کے جوانوں کو سلام پیش کرتے ہیں جنہوں نے اپنی جانوں کا نذرانہ پیش کر کے حساس مقامات تک دہشت گردوں کی رسائی کو ناممکن بنا دیا اور دہشت گردوں کے عزائم کو خاک میں ملا دیا۔ انہوں نے کہا کہ دہشت گردی ایک مائنڈ سیٹ ہے جس کے پیچھے تکفیری سوچ کار فرما ہے جس کی جڑیں عوام میں موجود ہیں اس سوچ کے خاتمے کے بغیر دہشت گردی پر قابو پانا مشکل ہے۔ ایک عرصے سے حکمرانوں نے اپنے مقاصد کے کیلئے اس سوچ کو پروان چڑھایا اور آج سویلین سمیت ہماری سرحدوں کے محافظ ان کا نشانہ بن رہے ہیں۔ آپریشن ضرب عضب کے ساتھ ساتھ شہری علاقوں میں اسلام کے نام پر دہشت گردی کی تعلیم دینے والوں کے خلاف آپریشن کی ضرورت ہے تاکہ دہشت گردی کو پروان چڑھانے والی فیکٹری ہی ختم ہو۔ انہوں نے کہا کہ ملک سے دہشت گردی کی اس لعنت سے تبھی چھٹکارا ممکن ہے کہ فوجی آپریشن کے ساتھ ساتھ حکومتی وانتظامی معاملات کو بھی درست کیا جائے۔ کرپشن، اقربا پروری، رشوت، لوٹ کھسوٹ جہاں دہشت گردی کو پروان چڑھانے کا باعث بنتے ہیں وہاں عدالتوں سے انصاف کا نہ ملنا اور پولیس گردی بھی ایک موثر وسیلہ ہے، حکومتیں انتظامیہ اور عدلیہ کے اعلٰی عہدوں پر خداشناس افراد کی تعیناتی عمل میں نہیں لائی جائیگی تب تک بحران پیدا ہوتے رہینگے، لہٰذا قوم و ملک کا مستقبل سنوارنے کیلئے حکومتوں کو ذاتی اور سیاسی مفادات سے بالاتر ہو کر فیصلے کرنا پڑینگے۔

وحدت نیوز (کوئٹہ) مجلس وحدت مسلمین کے مرکزی رہنما علامہ سید ہاشم موسوی نے اپنے بیان میں کہا ہے کہ دہشت گردی ملک کیلئے تباہ کن ہے جس کا ادراک ہر مکتبہ فکر ،سماجی ، سیاسی اکابرین کو ہوچکا ہے ، دہشت گردی کی بنیادی وجہ و ہ تکفیری سوچ ہے جو غیرملکی اسلام دشمن عناصر کیطرف سے پھیلائی ہوئی جال ہے جس کے ذریعے ہمارے نوجوانوں کی برین واش کرکے انہیں وطن عزیز پاکستان اور مسلمانوں کے خلاف دہشت گردانہ کاروائیوں میں استعما ل کرتے ہیں، یہی وہ سوچ ہے جس کی وجہ سے نہ پاکستانی عوام ، سیکورٹی ادارے اور نہ املاک محفوظ ہے الغرض یہ دہشت گردانہ سوچ پاکستان دشمن ممالک کیلئے موٗثر ہتھیار کے طور پر کام دے رہے ہیں جس کی واضح دلیل حالیہ دہشت گردانہ واقعات میں پنجاب کے وزیر داخلہ شہید شجاع خانزادہ پرحملہ ، اور اس بڑھ کرپشاور میں ائیربیس کیمپ بڈھ بیڑ پر دہشت گردی کا افسوسناک واقع شامل ہے جسمیں پاکستان ائیرفورس کے کئی سپوت حالت نماز میں شہید کیئے گئے، ان واقعات کی تمام سیاسی و دیگر وابستگیوں سے بالاتر ہوکر سنجیدہ تحقیقات کرکے درپردہ عناصر کو بے نقاب کرکے ان کو عبرتناک سزا دی جائے، بلاشبہ ان دہشت گردانہ واقعات کامقصد پاک چین اقتصادی منصوبہ کو ناکام بنانے کی سازش ہے۔ انہوں نے کہااب تکفری سوچ کا خاتمہ ناگزیر ہوچکی ہے کیونکہ جب تک تکفیری سوچ ہوگی اس وقت تک دہشت گردی کامکمل خاتمہ نہیں ہوسکے گی ،انہوں نے کہاکہ تمام سیاسی ، مذہبی جماعتیں ،سماجی تنظموں کی یہ ذمہ داری بنتی ہے کہ وہ عوام کودہشت گردی کے اندرونی عوامل کے بارے میں آگاہی دے تاکہ نام نہاد اسلام کے لبادے میں دہشت گرد عوام کو بیوقوف نہ بنا سکے۔ انہوں نے کہا کہ حکومت اور سیکورٹی ادارے دہشت گردی کے عوامل ، سوچ ، مالی معاونت ،سہولت کاروں کے خلاف فوری اور موئثر کاروائی کریں تاکہ مسقتبل میں کوئی بھی ملک دشمن اسلام دشمن دہشت گردپاکستانی عوام کے جان ومال سے کھیلنے کی جراٗت نہ کرسکیں۔