وحدت نیوز (مظفرآباد) 8اکتوبر کے زلزلہ سے عبرت حاصل نہیں کی گئی، حکمران طبقہ عیاشیاں جبکہ مخلوق خدا ظلم ، نا انصافی کا شکار ہو رہی ہے۔ان خیالات کا اظہار سیکرٹری جنرل مجلس وحدت مسلمین آزاد کشمیر علامہ سید تصور حسین نقوی الجوادی نے 8اکتوبر کے حوالے سے اپنے پیغام میں کیا ، انہوں نے کہا کہ 8اکتوبر 2005کے زلزلہ سے عبرت نہیں لی گئی۔ حکمران طبقہ کی روز افزوں عیاشیوں میں اضافہ دیکھنے کو ملتا ہے۔ رائیونڈ ،بنی گالہ اور لاڑکانہ کی یاترا تو یاد رہتی ہے مگر افسوس غریب عوام کا کوئی پرسان حال نہیں ، مخلوق خدا ظلم ، ناانصافی ، غربت اور مہنگائی کی چکی میں پس رہی ہے۔ ملازمین اپنے حقوق کے لیے آئے روز ہڑتالیں کرتے ہیں ، حکمران یہاں موجود نہیں ہوتے کہ بات کر سکیں ، اور عوام پریشان حالی کا شکار رہتی ہے، ذرائع رسل و رسائل کے بجائے ہوائی سفر کے منصوبے ترتیب دیے جا رہے ہیں ، ہوائی اعلانات کے ذریعے دل بہلایا جاتا ہے ۔ سبز باغ دکھائے جاتے ہیں ، مگر مسائل کو حل کرنے کے بجائے مذید الجھا دیا جاتا ہے۔ علامہ تصور جوادی نے کہا کہ دیہی علاقوں کی موت بانٹتی سڑکیں حکمرانوں کی نظروں سے اوجھل ہیں ۔ ایک دفعہ وہ ان پر سفر تو کریں ، معلوم ہو جائے گا کتنی ترقی ہو رہی ہے۔آزاد کشمیر جو اپنی ضرورت سے زیادہ بجلی پیدا کر رہا ہے لیکن آزاد کشمیر کے عوام پر بھی لوڈ شیڈنگ کا عذاب مسلط کیا گیا۔ جو عوام جھیلنے پر مجبور ہیں ۔ اور حیرت کی بات یہ کہ یہاں جتنی لوڈ شیڈنگ کی جاتی ہے وہ باقی جگہوں سے زیادہ ہوتی ہے ۔ انہوں نے کہا کہ حکمران و عوامی نمائندے خوف خدا کریں ، اور عوامی سہولیات کے کام کریں ، ایسانہ ہو کہ 2005سے کسی بڑی آفت کا سامنا کرنا پڑے ۔ انہوں نے حکمران طبقہ سے توبہ اور عوام سے شریعت محمدیؐ کے مطابق زندگی گزارنے اور تعلمات دین مبین ، دین اسلام پر عمل پیرا ہونے کی اپیل کی۔

وحدت نیوز(گلگت) سخت دباؤ کے باوجود پولیس فورس میں 95 فیصد میرٹ پر بھرتیاں کرنے پر آئی جی پی گلگت بلتستان اور ڈی آئی جی کو مبارکباد پیش کرتے ہیں۔دیگر محکموں میں بھی میرٹ کو فالو کیا جائے تو مستحق بیروز گار افراد کی حق تلفی نہیں ہوگی،ان خیالات کا اظہار مجلس وحدت مسلمین گلگت بلتستان کے ترجمان محمد الیاس صدیقی نے اپنے ایک بیان میں کیا ہے۔

انہوں نے کہا کہ سخت حکومتی دباؤ کے باوجود پولیس فورس میں میرٹ کو پامال نہیں ہونے دیا گیاجو کہ انتہائی قابل ستائش عمل ہے ۔آئی جی پی گلگت بلتستان ظفر اقبال اعوان اور ڈی آئی جی گلگت بلتستان نے کسی سیاسی دباؤ میں آئے بغیر انتہائی شفاف طریقے سے جو بھرتیاں عمل میں لائی ہیں وہ دوسرے محکموں کے ذمہ داروں کیلئے نمونہ عمل ہے اور اگر اسی طریقے سے خالی اسامیوں پر میرٹ پر بھرتیاں عمل میں لائی جائیں تو علاقے سے بیروزگاری کے خاتمے کے ساتھ ساتھ علاقے کی تعمیر و ترقی اور امن عامہ بحال کرنے میں مدد ملے گی۔انہوں نے کہا کہ ماضی میں فرض ناآشنا آفیسروں نے میرٹ کو پائمال کرکے سفارش اور رشوت کی بنیاد پر بھرتیاں عمل میں لائیں جس کا خمیازہ ابھی تک بھگت رہے ہیں۔پچھلے دور حکومت میں زیادہ تر تقرریاں میرٹ کی بجائے اقربا پروری، رشوت اور سفارش کی بنیاد پر ہوئیں لیکن اس دور میں بھی ڈی آئی جی پولیس امجد خان نے تمام تر دباؤ کے باجود میرٹ کو فالو کیا جس کو ابھی تک اچھے الفاظ میں یاد کیا جارہا ہے۔انہوں نے کہا کہ رشوت ،سفارش اور سیاسی دباؤ کے ذریعے تقرریوں سے ادارے مفلوج ہوچکے ہیں خاص طور پر محکمہ تعلیم کا تو بیڑا غرق ہوچکا ہے۔

 انہوں نے کہا کہ محکمہ ایجوکیشن میں دیگر اضلاع سے لائے گئے ملازمین ،خاص کر اساتذہ کو فوراً متعلقہ اضلاع میں بھیج کر گلگت کی سیٹوں پر خالصتاً گلگت کے باشندوں کو میرٹ پر بھرتی کیا جائے اور اس سلسلے میں مجلس وحدت مسلمین نے اعلیٰ حکام سے ملاقاتوں میں بے ضابطگیوں کے شواہد بھی پیش کرینگے اور تحفظات دور نہ کئے گئے تو احتجاج کا راستہ بھی اختیار کیا جاسکتا ہے۔

وحدت نیوز (ملتان) مجلس وحدت مسلمین پنجاب کے ڈپٹی سیکرٹری جنرل علامہ اقتدارحسین نقوی نے ملک کے دیگر صوبوں سے پنجاب میں داخل ہونے پر علما و ذاکرین پر پابندی لگانے کے احکامات کو غیر قانونی، بنیادی حقوق سے متصادم اور بلاجواز قرار دیتے ہوئے کہا ہے کہ پنجاب حکومت کا یہ اقدام قابل مذمت اور یہاں کی پرامن فضا کو خراب کرنے کی ایک سازش ہے۔ صوبہ پنجاب میں ماہ محرم کے احترام میں شیعہ سنی وحدت کا عملی مظاہرہ کیا جا تا ہے۔نواسہ رسول امام عالی مقام حضرت حسین کے ایام غم میں شیعہ سنی مل کر تعزیہ نکالتے ہیں اور سبیلیں لگائیں جاتیں ہیِ اہل سنت کی مساجد میں غم حسین کا بیان ہونا اس حقیقت کا بین ثبوت ہے کہ بریلوی حضرات بھی محرم کو اسی عقیدت و احترام سے منا تے ہیں۔صوبوں کے مابین نقل و حرکت پر پابندی کسی بیمار ذہین کی اختراع ہے۔ان خیالات کااظہار اُنہوں نے ملتان میں ضلعی عزادری کونسل کے اجلاس سے خطاب کرتے ہوئے کیا، اجلاس میں ضلع بھر کی امام بارگاہوں کے بانیان، متولیان اور جلوس ہائے عزاء کے لائسنسداروں نے شرکت کی۔

علامہ اقتدار حسین نقوی نے مزید کہا کہ علما ئے کرام اور ذاکرین ماہ محرم کے دوران فضائل و مصائب اہل بیت علیہم السلام بیان کرتے ہیں انہیں محدود کرنے کا مطلب ذکرِ خانوادہ رسالت کو محدود کرنا ہے جو کسی طور قابل قبول نہیں۔ پاکستان کی سات کروڑ شیعہ آبادی کے بارے میں کسی بھی فیصلہ سے قبل قوم کے عمائدین کو اعتماد میں لیا جائے تاکہ تمام معاملات کا باریک بینی سے جائزہ لیا جا سکے۔انہوں نے کہا کہ پنجاب حکومت میں شامل تکفیری گروہ کے ہمدردوں کے متعصبانہ فیصلے پنجاب حکومت کے لیے نقصان دہ ثابت ہو سکتے ہیں۔ پنجاب حکومت کو چاہییے کہ وہ کسی مخصوص مکتبہ فکر کی خوشنودی حاصل کرنے کے لیے ملت تشیع کے پرامن لوگوں کو تنگ کرنے کے لیے اوچھے ہتھکنڈوں سے اجتناب کرے۔اجلاس سے ضلعی سیکرٹری جنرل علامہ قاضی نادر حسین علوی، محمد اصغر سومرو، سید دلاور عباس زیدی، سید وسیم عباس زیدی اور دیگر نے خطاب کیا۔

وحدت نیوز (سکردو) مجلس وحدت مسلمین پاکستان گلگت بلتستان کے ڈپٹی سیکرٹری جنرل علامہ آغا علی رضوی نے کہا ہے کہ وفاقی حکومت کا رویہ سانحہ منٰی کے بعد انتہائی شرمناک اور افسوسناک ہے، وفاقی حکومت کو سانپ سونگھ گیا ہے اور اب تک حجاج کی بازیابی اور زخمی حجاج کے علاج معالجے کے کوئی بھی موثر اقدام نہیں اٹھایا گیا ہے۔ نواز شریف کی سعودی نواز حکومت نے قومی تشخص اور وقار کو نیلام کرکے رکھ دیا ہے۔ انہوں نے کہا کہ خانہ خدا کے مہمانان شہید ہونے والے حجاج کی تدفین مکے میں ہونا انتہائی دلخراش ہے، ان سب کے جسد خاکی کو پاکستان لانا چاہیئے تھا، جو حجاج دفن نہیں ہوئے انہیں پاکستان میں لانے کے لئے حکومت اقدام کرے۔ انہوں نے مزید کہا کہ سینکڑوں حجاج کی گمشدگی پر نواز حکومت نے چپ کا روزہ رکھا ہوا ہے اور اپنے فکری و معاشی آقا کی خوشنودی کی خاطر پاکستانی قوم کی عزت کو نیلام کرکے رکھا ہوا ہے۔ انہوں نے کہا کہ سعودی حکومت حج کے انتظامات سنبھالنے میں بری طرح ناکام ہوچکی ہے، وہ حرم اللہ کی توہین کی مرتکب ہوئی ہے، انہیں کوئی حق نہیں پہنچتا کہ دوبارہ حج کے معاملات کو اپنے ہاتھ میں لیں بلکہ حج کے تمام تر معاملات کو اسلامی ممالک اپنے ہاتھ میں لے لیں، تاکہ آئندہ حرم اللہ کی اہانت اور حجاج کی تذلیل نہ ہو۔

وحدت نیوز (خیرپور) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے گذشتہ ماہ کراچی میں شہید ہونے والے ایڈووکیٹ امیرحیدرشاہ کے گھر جاکر انکے کے بھائی رحمٰن شاہ اور دیگر اہل خانہ سے اظہار تعزیت کیا، اس موقع پر ایم ڈبلیوایم کے رہنما یعقوب حسینی ، عبداللہ مطہری ،چوہدری اظہرحسن اور دیگر بھی موجود تھے،علامہ راجہ ناصرعباس جعفری نے شہید کے درجات کی بلندی کیلئے خصوصی دعا کی اور فاتحہ خوانی کی۔

وحدت نیوز (مانٹرنگ ڈیسک) رپورٹ کے مطابق رہبر معظم انقلاب اسلامی حضرت آیت اللہ العظمی خامنہ ای نے ریڈيو اور ٹی وی کے سربراہ اور اہلکاروں سے خطاب میں دشمن کی طرف سے جاری سافٹ ویئر جنگ کی طرف اشارہ کرتے ہوئے فرمایا: دشمن ،عوام کے اعتقادات کو بدلنے اور اسلامی نظام کو اندرونی سطح پر ختم کرنے کی تلاش و کوشش جاری رکھے ہوئے ہے اور اس صورتحال کے پیش نظرقومی ریڈيو اور ٹی وی نیز ذرائع ابلاغ کی ذمہ داری بہت ہی اہم ہے۔

رہبر معظم انقلاب اسلامی نے فرمایا: عام طور پر جنگیں عوام کے جذبات و احساسات کو برانگیختہ کرنے اور لوگوں کے درمیان اتحاد اور انسجام کا باعث بنتی ہیں جبکہ سافٹ ویئر جنگ میں ایسا نہیں ہے سافٹ ویئر جنگ میں بڑی ظرافت کے ساتھ عوام میں اختلاف پیدا کیا جاتا ہے اور لوگوں سے انکےاعتقادات کو سلب کرنے کی کوشش کی جاتی ہے اور اسلامی نظام کے خاتمہ اور استحالہ کے لئے دشمن آج اسی حربے کو استعمال کررہا ہے اور اس عظیم اور ناخواستہ جنگ کا مقابلہ میڈیا اور ثقافتی اداروں کی اہم ذمہ داری ہے۔

رہبر معظم انقلاب اسلامی نے فرمایا: سافٹ ویئر جنگ صرف ایران کے خلاف ہی نہیں ہے البتہ اس جنگ میں ایران ایک اہم اور حساب شدہ نشانہ ہے۔

رہبر معظم انقلاب اسلامی نے فرمایا: دشمن جوانوں کے اندر مایوسی پیدا کرنے اور انھیں انقلاب سے دور کرنے کی تلاش و کوشش میں ہے البتہ اسے اس محاذ پر بھی شکست اور ناکامی کا سامنا کرنا پڑےگا۔

رہبر معظم انقلاب اسلامی نے ایران کی علمی اور سائنسی میدان ترقی اور پیشرفت کی طرف اشارہ کرتے ہوئے فرمایا: ہمیں اپنے جوانوں کے اندر شوق و نشاط پیدا کرنے کی ضرورت ہے اور انھیں یہ بتانے کی ضرورت ہے کہ وہ علاقائي ممالک کا مشاہدہ کریں جو بڑے عرصہ سے امریکہ کے زير اثر ہیں اور امریکہ کی طرفداری اور وفاداری کا عہد کئے ہوئے ہیں ان کی ترقی اور ایران کی ترقی و پیشرفت کا موازنہ کریں اور پھر نتیجہ حاصل کریں کہ امریکہ کے ساتھ رہنے والے ممالک نے ترقی حاصل کی ہے یا امریکہ سے دور رہنے والے ملک نے ترقی اور پیشرفت حاصل کی ہے۔

رہبر معظم انقلاب اسلامی نے فرمایا: ایران نے انقلاب اسلامی کی سائے میں خاطر خواہ ترقی حاصل کی ، استقلال اور آزادی ایرانی قوم کو نصیب ہوئی اور آج اسلام اور قرآن کی بدولت ایرانی قوم کو دنیا میں عزت اور سرافرازی حاصل ہے اور دشمن میں مجال نہیں کہ وہ ایران کی طرف ٹیڑھی نگاہ کرکے دیکھ سکے ، ایرانی قوم کو یہ عزت اور پیشرفت اسلامی نظام کے سائے میں ملی ہے۔