وحدت نیوز (کراچی) مجلس وحدت مسلمین کراچی کے ڈویژنل سیکرٹری جنرل حسن ہاشمی نے کہا ہے کہ عذاداری کے خلاف کسی بھی قسم کی سازش کا ڈٹ کر مقابلہ کیا جائے گا۔ محرم الحرام کے دوران عزاداری اور عزاداروں کو مکمل سیکورٹی کی فراہمی کے لئے تمام تر انتظامات کرلئے گئے ہیں۔ ان خیالات کا اظہار انہوں نے وحدت ہاؤس کراچی میں اپنی زیر صدارت منعقدہ اجلاس سے خطاب کرتے ہوئے کیا۔ اجلاس میں محرم الحرام کے دوران کراچی میں منعقد ہونے والے عزاداری، مجالس اور جلوسوں کے پروگرامز کو حتمی شکل دے دی گئی اور ایک عزاداری سیل بھی قائم کردیا گیا ہے، جس کے انچارج ایم ڈبلیو ایم کراچی کے سیکرٹری اطلاعات علی حسین نقوی کو نامزد کیا گیا ہے اجلاس سے خطاب کرتے ہوئے حسین ہاشمی نے کہا کہ اس سال کراچی میں ہونے والی تمام مجالس، عزاداری اور جلوسوں کو مکمل سیکورٹی کی فراہمی کے لئے مجلس وحدت المسلمین نے انتظامات کو حتمی شکل دے دی ہے اس کے علاوہ محرم الحرام کے دوران صفائی ستھرائی اور دیگر تمام انتطامات کو بھی مکمل کرلیا گیا ہے۔ انہوں نے عزاداری سیل کے قیام کا اعلان کرتے ہوئے کہا کہ علی حسین نقوی کی قیادت میں بننے والے سیل میں مولانا علی انور،علامہ مبشر حسن ،رضا نقوی کو بحثیت ارکان شامل کیا گیا ہے ایم ڈبلیو ایم کراچی کی جانب سے عزاداری سیل کا مرکزی آٖفس وحدت ہاؤس سولجر بازار میں قائم کیا گیا ہے جہاں صوبائی رہنما ناصر الحسینی آفس سیکرٹری کی خدمات انجام دیں گے جبکہ شہر بھر کی جامع مساجد و امام بارگاہوں اور مجلس وحدت مسلمین کے ضلعی دفاتر و علاقائی یو نٹس میں 7000سے زائد ایم ڈبلیو ایم کے رضا کاروں پر مشتمل ورکنگ ٹیم بنائی گئی ہے جو مرکزی آفس سے 24گھنٹہ رابطہ میں رہے گی اور مختلف شعبہ جات میں اپنی ذمہ داریاں انجام دی جائے گی اس کے علاوہ ایم ڈبلیو ایم خواتین ونگ کی رضا کار بھی اپنی ذمہ داریاں انجام دیں گی۔ان کا کہنا تھا کہ سیل محرم الحرام کے دوران شہر میں ہونے والی تمام مجالس، جلوس اور عزاداریوں کی سیکورٹی کے ساتھ ساتھ ان علاقوں کی صفائی اور دیگر انتطامات کو مکمل کریں گے اور درپیش مشکلات کا ازالہ کریں گے۔ انہوں نے کہا کہ عزاداری کے خلاف کسی بھی سازش کو اب اس شہر کے شیعہ اور سنی بھائی مل کر ناکام بنائیں گے اور 1400 سال سے جاری عزاداری کو تاقیامت کسی کو روکنے کی اجازت نہیں دی جائے گی۔
وحدت نیوز (کوئٹہ) مجلس وحدت مسلمین کوئٹہ ڈویژن کے سیکریڑی سیاسیات کامران حسین ہزارہ نے اپنے ایک بیان کہا کہ پرامن اور خوشحال پاکستان کے لیے ملی یکجہتی کو فروغ دینا ہوگا۔ آج ذاتی پسند اور نا پسند سمیت اقرباء پروری کرپٹ معاشرے کی وجہ سے نئی نسل کے مستقبل کو داو پر لگا دیا گیا۔ جب تک معاشرتی کرپشن ، ذاتی اقرباء پروری کا سدباب نہیں کیا جاتا ہم بہتری کی جانب گامزن نہیں ہوسکتے۔ عوام کی حالت زار بدلنے کے تمام تر دعوے صرف لفاظی ہیں ان دعووں میں اگر ذرا بھر بھی صداقت ہوتی تو اس کے اثرات منظر عام پر آنا شروع ہوجاتے ۔ حقیقت یہ ہے کہ عوام پر عرصہ حیات اس قدر تنگ کر دیا ہے کہ وہ اب معاشی بدحالی کے ہاتھوں چھوٹی چھوٹی خوشیوں سے محروم ہو چکے ہیں۔حکمرانوں کو اپنے قبلے کی درستگی کے بعد عوام کے مسائل کے حل کے لیے عملی کاوشیں کرنا ہوگی تاکہ عوام کو ریلیف مل سکے اور وہ معاشی آسودگی کے بعد ملکی ترقی و خوشحالی میں اپنا کلیدی کردار ادا کرتے ہوئے استحکام پاکستان میں اپنا حصہ ڈال سکیں۔کیونکہ معاشی طور پر خوشحال عوام ہی ریاست کوضمانت فراہم کرسکتے ہیں۔ہمیں ایسے معاشرے کے قیام کے لیے جدوجہد کرنا چاہیے جہاں ہم آہنگی ، برداشت، امن اور خوشحالی کا راج ہو اور جہاں لوگ امن سے رہ سکیں۔
وحدت نیوز (کوئٹہ) مجلس وحدت مسلمین بلوچستان کے سیکریٹری جنرل علامہ مقصود علی ڈومکی نے سندہ اور پنجاب میں ایام محرم اور اربعین کے دن بلدیاتی الیکشن کی تاریخ کی تقرری پر افسوس کا اظہار کرتے ہوئے کہا ہے کہ ماہ محرم نواسہ رسول ﷺ امام حسین عالی مقام ؑ اور شہدائے کربلا کی عظیم قربانی کو زندہ رکھنے کا مہینہ ہے جس میں پوری امت مسلمہ غم اور سوگ میں ڈوبی ہوتی ہے، ایام عزا میں الیکشن مہم اور پولنگ کا انعقاد تکلیف دہ امر ہے الیکشن کمیشن کوتاریخ کے اعلان سے قبل ان امور کو مدنظر رکھنا چاہئے تھا۔ چہلم شہدائے کربلا کے موقع پر کراچی مکمل بند اور سوگ کی کیفیت میں ہوتا ہے اس دن الیکشن ہونا محال ہے۔ انہوں نے مطالبہ کیا کہ الیکشن کمیشن ایام عزا کے پیش نظر تاریخ میں ردوبدل کا اعلان کرے۔
در یں اثناء علامہ مقصودعلی ڈومکی نے بلوچستان بھر کی انتظامیہ کے نام اپنے خط میں محرم الحرام کے دوران قیام امن اور اخوت کے سلسلے میں اپنی تجاویز دیتے ہوئے تاکید کی کہ ایام عزا میں بجلی کی فراہمی یقینی بنائی جائے۔ خصوصا رات کے وقت مجالس اور جلوس کے اوقات میں بجلی کی لوڈشیڈنگ کا خاتمہ کیا جائے۔
دریں اثناء محرم الحرام کے سلسلے میں صوبائی عزاداری سیل کا اعلان کر دیاگیا ہے۔ صوبائی عزاداری سیل کے سربراہ علامہ مقصود علی ڈومکی ہوں گے ۔ جبکہ دیگر اراکین میں سید ظفر عباس شمسی، مولانا عبدالحق جمالی، آغا سہیل اکبر، شمن علی حیدری شامل ہیں، جبکہ ڈویژن، اضلاع اور تحصیل کی سطح پر بھی عزاداری سیل قائم کئے گئے ہیں۔
وحدت نیوز (کوئٹہ) مجلس وحدت مسلمین کوئٹہ ڈویڑن کے میڈیا سیل سے جاری شدہ بیان میں ضلعی سیکریٹری جنرل جناب عباس علی نے کہا ہے کہ عوام کے ہماری جماعت سے محبت اور ہماری حمایت کیلئے شکر گزار ہیں. کوئٹہ کے مختلف علاقوں سے عوام بڑی تعداد میں ہمارے ساتھ شامل ہو رہے ہیں اور ہمارا حصہ بن رہے ہیں. انہوں نے مزید کہا کہ ہمیں اس بات کی بھی خوشی ہے کہ علمدار روڈ کے ساتھ ساتھ ہزارہ ٹاؤن میں بھی ہمارے نمائندے مضبوط تر ہوں گے. ہزارہ ٹاؤن کے مین علاقوں کے جوانوں نے ہماری حمایت ظاہر کی ہے اور جلد از جلد ان کے لئے تمام تر وسائل کا انتظام کیا جائے گا اور ہزارہ ٹاؤن کے دیگر عوام بھی ہمارا ساتھ دے پائیں گے .انہوں نے مزید کہا کہ ہماری جماعت سیاست کے ساتھ ساتھ دیگر شعبہات زندگی میں بھی کام کر رہی ہے. جوانوں کی اخلاقی تربیت ہمارے اہداف میں سے ہیں. ان جوانوں کو ہی مستقبل میں وطن عزیز کی بھاگ دوڑ سنبھالنی ہے انکی اخلاقی تربیت میں کسی قسم کی کوتاہی ہمارے مستقبل میں بھگاڑ کا باعث بن سکتا ہے اور انکی تربیت ہماری ذمہ داری ہے. اسکے علاوہ شعبہ تعلیم میں ہم مختلف سکولوں اور اداروں کو سپورٹ کر رہے ہیں تاکہ وہ مزید خدمات انجام دے سکے اور جہاں تک ہمارے دسترس میں ہے اور ہمارے لئے ممکن ہے ہم خدمات انجام دے رہے ہیں. بیان کے آخر میں انہوں نے کہا کہ ہمیں امید ہے کہ وہ تمام نو جوان حضرات جنہیں ہم سے امیدیں ہیں ہم انکے امیدوں پورا اتریں گے اور نا صرف وہ ہمارے جماعت سے مستفید ہونگے بلکہ خود بھی قوم کیلئے بڑا سرمایہ قرار پاکر قوم کے دیگر افراد کو اپنے آپ سے مستفید کریں گے.علاوہ ازیں ہزارہ ٹاون بروری میں بھی جوانوں کے مثبت سرگرمیوں کے لیے اسپورٹس کمپلیکس تعمیر کی جائیں گی۔ تاکہ نوجوان نسل گمراہی اور دوسرے منفی سرگرمیوں سے بچ سکیں اور پاکستان کے نام دنیا کے ہر گوشے میں روشن کرسکیں۔
وحدت نیوز (کوئٹہ) مجلس وحدت مسلمین کوئٹہ ڈویژن کے کونسلر کربلائی عباس علی نے اپنے ایک بیان میں کہا ہے کہ پاکستان کی سیاسی تاریخ کے سرسری جائزے سے یہ بات سامنے آتی ہے کہ ملک میں تمام خرابیوں کا بنیادی سبب مخلص اور دیانت دار قوی قیادت کا فقدان ہے ۔ سیاستدانوں اور حکمرانوں نے کبھی بھی اپنے ذات سے باہر نکل کر ملک وقوم کے مفادات کو فوقیت نہیں دی۔ ان کی تمام سرگرمیاں اقتدار کے حصول اور ایک دوسرے کو نیچا دکھانے کے گرد گھومتی ہے۔انھوں نے سیاست کو سماجی خدمت کا ذریعہ بنانے کے بجائے زاتی مفادات کے حصول کے لئے استعمال کیا اور عوامی مسائل سے لاتعلق رہے۔ یہی وجہ ہے کہ 68 سال گزرنے کے باوجود عوامی مسائل جوں کے توں ہیں۔سب سے بڑی بات تو یہ ہے کہ ہمارے حکمران ملک میں سیاسی نظام کے ساتھ ساتھ اخلاقی نظام قائم کرنے میں بھی ناکام رہے ہیں۔ ہمارے ذیادہ تر مسائل کا تعلق اخلاقی اور سماجی نظام سے ہے۔اسلامی تعلیمات پر عمل پیرا ہونے کے باوجود پم اخلاقی گراوٹ سے دوچار ہیں ۔سو ہمیں ایسی قیادت میسر آتی ہے جیسے ہم خود ہیں۔ ہم نے لاکھوں انسانوں کی قربانی دے کر یہ خطہٗ زمین اس لئے حاصل کیا تھا کہ یہاں قرآن و سنت کے زریں اصولوں کے مطابق نظام قائم ہوگا۔ ہماری زندگیاں اسلام کے مطابق ہونگی۔لیکن ہمارا کردار اور عمل اسلامی تعلیمات سے کوسوں دور ہے۔ناپ تول میں کمی ، ناجائز منافع خوری ، ملاوٹ ، دھوکہ بازی ، جھوٹ اور فریب جیسے برائیو ں میں گرفتار ہیں۔ گزشتہ برسوں میں ہم بحیثیت قوم قیام پاکستان کے اصل مقاصد حاصل کرنے میں ناکام ہی رہے ہیں۔ لیکن اس ناکامی کا ملبہ دوسروں پر گرانے کی بجائے ہمیں سوچنا چاہیے کہ ہماری زندگیاں کس حد تک اخلاقی نظام کی پاپند ہیں۔
وحدت نیوز(کراچی) شہری حکومت کی جانب سے کالعدم جماعت کے رہنماﺅ ںکو دعوت دینے کی مذمت کرتے ہیں،کمیشنر کراچی و سندھ حکومت کے کالعدم جماعتوں سے روابط امن و امان کیلئے خطرہ ہے،کمشنرکی جانب سے بلائے جانے والے اجلاس میں کالعدم دہشتگرد جماعت کو دعوت دینا نیشنل ایکشن پلان کی خلاف ورزی ہے،حکومت آپریشن ضرب عضب کا دائرہ ملک بھر تک وسیع کرے ، امن و امان کے حوالے سے بلائے جانے والے اجلاس میں کالعدم جماعت کی نمائندگی کی مذمت کرتے ہیں،شہر قائد کالعدم دہشتگرد جماعت کے خلاف بے گناہ شیعہ و سنی علمائ و عوام کے قتل کے مقدمات قائم ہیں،نام بدل کر کام کرنے والی کالعدم جماعت پر مکمل پابندی لگائی جائے۔ان خیا لات کا اظہار مجلس وحدت مسلمین کے ڈپٹی سیکر ٹری جنرل سید رضا نقوی نے وحدت ہاﺅس سے جاری اپنے مذمتی بیان میں کیا ان کا کہنا تھا کہ کمشنر کراچی شعیب احمد صدیقی کی جانب سے محرم الحرام کے حوالے بلائے جانے والے اجلاس میں کالعدم دہشتگرد جماعت ے رہنماءکو بلانا محرم الحرام میں شہر کے امن و امان کی سازش کی کو شش کی جارہی ہے حکومتی مشینری اگر شہر میں امن و امان کی خواہاں ہے تو ہزاروں بے گناہوں کے خون میں ملوث کالعدم دہشتگرد جماعت کے خلاف کاروائی کرے اور یہی وجہ ہے کہ ا یم ڈبلیو ایم و امامیہ اسٹوڈنٹس آرگنائزیشن نے کمشنر کراچی کی جانب سے بلائے جانے والے اجلاس میں کالعدم دہشتگرد جماعت کے رہنماء کے خطاب سننے سے قبل ہی بائیکاٹ کر دیا۔ان کا کہنا تھا کہ بائیکاٹ کا فیصلہ بے گناہ شیعہ و سنی مسلمانوںکے قتل میں ملوث کالعدم جماعت کے رہنما ءکو کمشنر کراچی کی جانب سے اہم اجلاس میں دعوت دینے پر لیا گیا اور ایسے اہم اجلاس سے خطاب کروانے کا مقصد شہری وسندھ حکومت کی کالعدم دہشتگرد جماعتوں سے وابستگی ظاہر کرتی ہے ،محرم الحرام مجالس و جلوس عزاءکے دوران کسی بھی ناخوشگوار واقعہ کی تمام تر ذمہ داری کمشنر کراچی و سندھ حکومت پر عائد ہوگی، محرم الحرام سے قبل حساس اداروں کی جانب سے ممکنہ دہشتگردی رپورٹ کے باو جود سندھ حکومت کالعدم دہشتگرد جماعتوں کے خلاف ایکشن نہیں لے رہی جو قابل مذمت ہے۔
