وحدت نیوز(نصیر آباد) مجلس وحدت مسلمین ضلع نصیرآباد باری شاخ کے زیر اہتمام مرکزی ڈپٹی سیکرٹری جنرل ایڈوکیٹ سید ناصر عباس شیرازی کی جبری گمشدگی کے خلاف ضلعی سیکرٹری جنرل نصیر آباد سید حسن ظفر شمسی کے قیادت میں بعد نمازِ جمعہ مرکزی امام بارگاہ امام علی رضا علیہ السلام سے احتجاجی ریلی نکالی گئی ریلی کے شرکاء سے صوبائی ڈپٹی سیکرٹری جنرل علامہ سید ظفر عباس شمسی نے خطاب کیا۔

 انہوں نے کہا کہ کچھ دن پہلے سید ناصر شیرازی صاحب نے پنجاب ہائی کورٹ میں رانا ثناء اللہ کے خلاف پٹیشن دائر کروائی تھی اس کے بعد اسے اغوا کرایا گیا حکومت پنجاب ہوش کے ناخن لے ایک سیاسی جماعت کے مرکزی ڈپٹی سیکرٹری جنرل کا اغوا حکومتِ پنجاب پر سوالیہ نشان ہے ہم حکومت پنجاب اور حکومت پاکستان اور تمام تر ریاستی اداروں اور  آرمی چیف  قمر جاوید باجوہ  سے مطالبہ کرتے ہیں کہ سید ناصر شیرازی صاحب کو فوراً  بازیاب کرایا جائے۔

وحدت نیوز(سکھر) مجلس وحدت مسلمین پاکستان کے مرکزی سیکریٹری جنرل علامہ راجہ ناصر عباس جعفری کے حکم پر  بعد نماز جمعہ   جامع حیدری مسجدتا جیل موڑتک ایک احتجاجی ریلی نکالی گئی،  ریلی کی قیادت  مجلس وحدت مسلمین پاکستان ضلع سکھر کے ضلعی  ڈپٹی سیکریٹری جنرل ایڈوکیٹ احسان شر نے کی ریلی میں نمازیوں اور مومنین نے بڑی تعداد نے شرکت کی شرکاء ریلی سے برادر احسان شر،شیعہ رابطہ کونسل کے چئیرمین حجتہ السلام علامہ علی بخش سجادی، آئی ایس او سکھر کے ڈی پی برادر سلیم حیدر  نے خطاب کیا،  ایڈوکیٹ احسان شر نے خطاب کرتے ہوئے کہا کہ  مجلس وحدت مسلمین پاکستان کے مرکزی ڈپٹی سیکریٹری جنرل برادر ایڈوکیٹ ناصر شیرازی کو گھر سے سادہ کپڑوں میں ملبوس حکومتی اداروں کے اہلکاروں نے بے وجہ بے قصور اٹھانے اور غائب کرنے کا عمل کرنا لاقونونیت ہے اور یہ عمل پہلے سے رکا ہی نہیں اور ہمارے قائدین کو بھی غائب کرنا حکومت کی نااہلی اور ریاستی اداروں کی بے حثی کا کھلا نتیجہ اور صہونی قوتوں کی دسترسی اور نواز حکومت کی ہمیشہ شیعہ دشمنی اور کالعدم تنظیموں کی ساتھی رہی ہے ۔

 خطیب جمعہ شیعہ رابطہ کونسل کے چئیرمین  حجتہ السلام و مسلمین علامہ علی بخش سجادی نےخطاب کرتے ہوئے کہا کہ برادر ناصر شیرازی کو غائب کرنا نواز حکومت کی روایتی شیعہ دشمنی اور  ایک کھلم کھلا دہشتگردی ہے نواز حکومت سعودی عرب اور امریکا کے ٹکڑوں پر پلنے والا ہے ہم ملعون وزیر داخلہ پنجاب حکومت رانا ثناءاللہ ہمیشہ سے پنجاب میں شیعہ دشمنی میں اور معصوم لوگوں اور تنظیمی برادران کو گھروں سے اٹھانا کے عمل کو روکا جائے ورنہ ایسے نہ ہو کہ ہم اگر روڈوں پر آئے تو یہ حکومت نہیں رہے گی شرکائے ریلی نے تمام سخت الفاظوں میں مذمت کرتے ہوئے کہا کہ برادر ناصر شیرازی سمیت تمام غائب شیعہ افراد کو جلد سے جلد رہا کیا جائے شرکائے ریلی میں ایم ڈبلیو ایم کے عہدیداروں سمیت  اور کارکنا نے بڑی تعداد میں شرکت کی بعد از ریلی دعائے امام زماں ؑ پر جیل موڑ پر اختتام پذ یر ہوئی۔

وحدت نیوز(ڈیرہ الہیار) سندھ بلوچستان بارڈر پر حکومت بلوچستان کی جانب سے روکے گئے زائرین مجلس وحدت مسلمین صوبہ سندھ کے سیکریٹری جنرل علامہ مقصودڈومکی اور صوبہ بلوچستان کے سیکریٹری جنرل علامہ برکت مطہری کے زائرین کے ہمراہ تین روزہ پرزور احتجاج اور آئی جی بلوچستان ، ڈپٹی کمشنر جعفرآباد سمیت اعلیٰ سرکاری اور عسکری حکام سے مسلسل رابطوں کے بعد کوئٹہ پہنچنے میں کامیاب ہو گئے، مقامی مومنین کے تعاون سےایم ڈبلیوایم کی جانب سے زائرین امام حسین ؑ کیلئے کھانے اور پینے کا اہتمام کیا گیا، جبکہ علامہ مقصودڈومکی کی اہلیہ نے بذات خود زائرین میں شامل مستورات کی خدمت کی ذمہ داری انجام دی، بعد ازاں علامہ مقصودڈومکی خود زائرین کو بلوچستان بارڈر کراس کرواکر واپس جیکب آباد آئے۔

وحدت نیوز(لاہور) پیپلزپارٹی پنجاب کا مجلس وحدت مسلمین کے مرکزی ڈپٹی سیکرٹری جنرل ناصر شیرازی کے اغوا پر شدید ردعمل ، پیپلز پارٹی پنجاب کے صدر قمر الزمان کائرہ نے اپنے بیان میں کہا کہ ناصر شیرازی کو سادہ کپڑوں میں ملبوس مسلح افراد نے رانا ثناء اللہ اور شہباز شریف کے ایماء پر اٹھایاہے ۔ انہوں نے کہا کہ اگر سیا سی کارکنوں کو اسی طرح اٹھایا جاتا رہا تو مستقبل میں ن لیگ بھی اس سے محفوظ نہیں رہےگی۔قمر الزمان کائرہ نے رانا ثنا ء اللہ کو مشورہ دیتے ہوئے کہا انتقامی سیاست کرنے سے بہتر ہےرانا ثناءاللہ اپنا قبلہ درست کر لیں۔ پیپلز پارٹی پنجاب کے رہنماء ندیم افضل چن نے کہا کہ رانا ثناءاللہ اس اغوا کے ذمےدار ہیں.پنجاب حکومت بوکھلا چکی ہےا ور اس بوکھلاہٹ میں مخالفین کو ںشانہ بنا رہی ہے۔ ندیم افضل چن کا کہناتھاکہ رانا ثناءاللہ سیاسی کارکنوں کے خلاف ہٹلر بننے کی کوشش نہ کریں۔ ندیم افضل چن نے کہا کہ پیپلزپارٹی اس ایشو پر مکمل طور پر مجلس وحدت مسلمین کے ساتھ ہے۔

وحدت نیوز (پشاور) مجلس وحدت مسلمین کے مرکزی ڈپٹی سیکریٹری جنرل جناب سید ناصر شیرازی ایڈووکیٹ کا بدھ مورخہ یکم نومبر کو 9:00 بجے شب سیاہ ڈبل کیبن میں سوار سادہ لباس اور پنجاب ایلیٹ فورس کے لباس میں ملبوس افراد نے کمرشل مارکیٹ واپڈا ٹاون کی شاہراہ پہ روکا جس وقت وہ اپنے اہلیہ و کمسن بچوں کہ ہمراہ اپنے گھر واپڈا ٹاون واپس جارہے تھے۔ سادہ لباس میں ملبوس مسلح شخص انکی گاڑی کہ دروازہ پہ مکے مارنے لگا جس پہ ناصر شیرازی ایڈووکیٹ باہر نکلے تو انکا بلا کسی وارنٹ اغوا کرلیا گیا جبکہ انکی اہلیہ و بچے بھی موجود تھے۔ ان حیالات کا اظہار مجلس وحدت مسلمین صوبہ خیبر پختون خوا کے صوبائی سیکرٹری جنرل علامہ محمد اقبال بہشتی نے پشاور پریس کلب میں پریس کانفرنس سے خطاب کرتے ہوئے کیا۔ اس موقع پرمجلس وحدت مسلمین کے صوبائی رہنماء ارشد علی حیدری، امامیہ اسٹوڈنٹس آرگنائزیشن پشاور ڈویژن کے صدر برادر مبشر اور دیگر موجود تھے۔ انہوں کا مزید کہنا تھا کہ ایک مذہبی سیاسی جماعت کی مرکزی شخصیت کو اس طرح اغوا کرنا جبکہ وہ سپریم کورٹ کا وکیل بھی ہو اور اس پہ کوئی الزام و نہ ایف آئی آر ہو، آئین پاکستان و حقوق انسانی کی کھلی خلاف ورزی ہے۔ کس آئین و قانون کہ تحت ایک معزز پاکستانی کو اسطرح انکے اہل خانہ کو حراساں کرکے گرفتار و اغوا کیا جاسکتا ہے، کونسا قانون اسکی اجازت دیتا ہے۔ سید ناصر شیرازی ایڈووکیٹ پنجاب کے وزیر قانون رانا ثنا اللہ کی ماڈل ٹاون جی آئی ٹی رپورٹ کو فرقہ وارانہ رنگ دینے اور اعلی عدلیہ کو مسلکی بنیاد پہ تقسیم کرنے کی سازش کہ خلاف لاہورہائی کورٹ میں پیٹیشن لگائی ہوئی تھی جسکی سماعت دو رکنی بینچ کررہا ہے۔

انہوں نے بتایا کہ سید ناصر شیرازی کے بھائی نے بدھ کی شب ستو کتلہ پولیس اسٹیشن لاہور میں پنجاب کہ وزیر اعلیٰ شہباز شریف اور رانا ثنا اللہ کہ خلاف ان کے اغوا پر پرچہ کی درخواست بھی دی ہے کیونکہ پنجاب کے حکمران کالعدم جماعتوں کہ سرپرست اور اپنے مخالفین بالخصوص شیعیان حیدرکرار کے دشمن بنے ہوئے ہیں۔ سید ناصر شیرازی کو ملک بھر سے لاپتہ مظلوم افراد کے حق میں بولنے اور اعلی عدلیہ کو مسلکی بنیادوں پہ تقسیم کرنے کی سازش کہ خلاف کھڑے ہونے کہ سزا دی گئی ہے۔ جس شخص پہ کوئی ایک بھی ایف آئی آر درج تک نہ ہو اسکو اس خوفناک طریقہ سے اغوا ملک میں جنگل کے قانون کا پتہ دیتا ہے جہاں آج کوئی بھی معزز شخص محفوظ نہیں اور کسی بھی چور، ڈاکو، لٹیرے اور ملک دشمن کو خطرہ نہیں۔ نواز لیگ کا چند ہفتے قبل سوشل میڈیا کا ایک فرد غائب ہوگیا تھا تو پوری جماعت باشمول نواز شریف و وزیر داخلہ میدان میں آگئے تھے جبکہ اسکے بارے میں اخبارات نے کہا تھا کہ وہ عدلیہ و قومی اداروں کہ خلاف منفی پروپیگنڈے میں ملوث تھا۔ لیکن آج تیسرادن ہونے والا ہے لیکن وفاقی وزیر داخلہ کے کانوں پہ جوں تک نہیں رینگی بلکہ وہ ایک نااہل شخص کہ پروٹوکول میں مصروف ہیں۔ آج ملک بھر کہ گوشہ و کنار میں گمشدگان کے اہل خانہ اپنے پیاروں کی بازیابی کہ لیے سراپا احتجاج ہیں لیکن کوئی شنوائی نہیں۔ مولا علی (ع ) نے فرمایا تھا کہ "حکومت کفر سے تو چل سکتی ہے لیکن ظلم سے نہیں "
اب اس ملک کہ مظلوموں و محروموں کیساتھ ہونے والے ظلم کو روکنا ہوگا کہیں انکی فریادیں عرش الہٰی کو نہ ہلا دیں اور جب تخت اچھالے جائیں اور تاج گرائیں جائیں۔

وحدت نیوز (ڈی آئی خان) چیف جسٹس آف پاکستان سید ناصر شیرازی کے جبری اغواء پر فوری سوموٹو ایکشن لیں۔ ان خیالات کا اظہار مجلس وحدت مسلمین ڈیرہ اسماعیل خان کے ضلعی سیکرٹری جنرل مولانا غضنفر نقوی، سید اسد علی زیدی، سید تہور عباس شاہ نے کوٹلی امام حسینؑ ڈیرہ اسماعیل خان میں مسنگ پرسن اور ایم ڈبلیو ایم کے مرکزی جنرل سیکرٹری سید ناصر عباس شیرازی کے جبری اغواء کے خلاف لگائے گئے احتجاجی کیمپ میں خطاب کرتے ہوئے کیا۔ اس موقع پر صوبائی جنرل سیکرٹری پاکستان پیپلز پارٹی و سابق ڈپٹی اسپیکر قومی اسمبلی فیصل کریم خان کنڈی نے کوٹلی امام حسینؑ لگے احتجاجی کیمپ کا دورہ کیا ان کے ہمراہ ڈسٹرکٹ صدر پی پی پی سید سجاد شیرازی و اخونزادہ سخی مرجان بھی موجود تھے۔ مجلس وحدت مسلمین ڈیرہ اسماعیل خان کے ضلعی راہنماوں نے سنگ پرسن بالخصوص ایم ڈبلیوایم کے مرکزی جنرل سیکرٹری سید ناصر عباس شیرازی کے جبری اغواء کو شرمناک عمل قرار دیتے ہو ئے شدید مذمت کی۔ انہوں نے سید  ناصر عباس کی جبری گمشدگی میں پنجاب حکومت بالخصوص نااہل وزیر قانون پنجاب رانا ثنااللہ کے زیر اثر اداروں کوملوث قراد دیتے ہوئے ایف آئی آر درج کرکے مجرموں کے خلاف فوری کاروائی کامطالبہ کیا۔ انہوں نے کہا کہ  نااہل وزیر قانون پنجاب رانا ثنااللہ کی ملت جعفریہ سے دشمنی اور عناد کسی سے ڈھکی چھپی نہیں، رانا ثنااللہ ملک میں انتشار پھیلا رہے ہیں حکومت بالخصوص چیف جسٹس آف پاکستان کو اس پر فوری ایکشن لینا چاہیے۔ پنجاب کے موجودہ حکمرانوں کی تاریخ گواہ ہے کہ انہوں نے ہمیشہ قانون وانصاف اور انسانی حقوق کی دھجیاں اُڑائیں ہیں جس کی زندہ مثال سانحہ ماڈل ٹاون لاہور کے بے گناہ 16 افراد کا پولیس کے ہاتھوں قتل عام ساری دنیا کے سامنے ہے۔

ایم ڈبلیو ایم کے رہنماؤں نے مزید کہا کہ سید ناصر عباس شیرازی ایڈوکیٹ کا اغوا نواز لیگ کی پنجاب حکومت کا سیاہ کارنامہ ہے۔  مقررین نے کہا سید ناصر عباس شیرازی، جرآت و بہادری اور جہد مسلسل کا نام ہے۔ ایم ڈبلیو ایم کے بہادر کارکن حسینیت کے جذبے سے سرشار ہیں، انہیں گھٹیا حرکتوں سے خوفزدہ نہیں کیا جاسکتا۔ انہوں نے مطالبہ کیا کہ چیف جسٹس، ایڈوکیٹ سید ناصر عباس شیرازی کی اغوا نما گرفتاری کا فوری نوٹس لیں۔ سید ناصر عباس شیرازی کو فوری طور پر رہا نہ کیا گیا تو بھرپور احتجاج کا راستہ اختیار کیا جائے گا۔ کارکن قائد وحدت کے حکم کے منتظر ہیں، مرکز سے موصولہ رہنمائی کے مطابق بھرپور احتجاجی تحریک کا آغاز کیا جائے گا۔ انہوں نے کہا کہ حق و صداقت کی راہ میں قید وبند کی صعوبتیں برداشت کرنا اہل حق کا شیوہ ہے، تاریخ گواہ ہے کہ جیل کی سلاخیں حق والوں کو جھکانے میں ناکام رہی ہیں اب بھی شکست و رسوائی ان کا مقدر ہوگی۔ مجلس وحدت مسلمین نے وطن عزیز میں امن، اخوت، اتحادبین المسلمین اور حب الوطنی کے فروغ کے لئے جو جدوجہد کی ہے، دوست و دشمن اس کے معترف ہیں۔ ایک عرصہ سے ملت جعفریہ انتقامی کاروائیوں کے نشانے پر ہے، یہ واضح امتیازی سلوک ہی ہے کہ ہزاروں زائرین اس وقت بھی تفتان، کوئٹہ اور سندہ، بلوچستان بارڈر پر پریشان بیٹھے ہیں۔ حکومت زائرین کو تحفظ دینے کی بجائے ان کے لئے مشکلات کھڑی کر رہی ہے۔ اس موقع پر صوبائی جنرل سیکرٹری پاکستان پیپلز پارٹی و سابق ڈپٹی اسپیکر قومی اسمبلی فیصل کریم کنڈی فیصل کریم خان کنڈی نے احتجاجی کیمپ میں متاثرہ خاندانوں سے اظہار یکجہتی بھی کی اور پاکستان پیپلز پارٹی کی جانب سے ہر قسم کا تعاون کرنے کی یقین دہانی بھی کرائی۔