وحدت نیوز (کراچی) خیرالعمل ویلفیئراینڈ ڈیولپمنٹ ٹرسٹ کراچی ڈویژن شعبہ فلاح وبہبود مجلس وحدت مسلمین پاکستان کے زیر اہتمام ضلع کورنگی کراچی میں بازار مہربانی لگایا گیا، جہاں سینکڑوں  ضرورت مند خواتین نے کپڑوں سمیت دیگر اشیائے ضروریہ مفت حاصل کیں ، اس موقع خیرالعمل ویلفیئر ٹرسٹ کراچی کے سیکریٹری زین رضوی سمیت ایم ڈبلیوایم ضلع کورنگی کے آرگنائزر عنایت علی ودیگر رہنمابھی موجود تھے، بازا رمہربانی سے استفادہ کرنے والی خواتین نے ایم ڈبلیوایم کے فلاحی شعبے خیرالعمل ویلفیئراینڈ ڈیولپمنٹ ٹرسٹ کا شاندار بازار مہربانی کے انعقاد اور ضرورت مند خواتین کیلئے مفت اشیاءکی فراہمی پرتہہ دل سے شکریہ ادا کیا۔

وحدت نیوز (ڈکہن) مجلس وحدت مسلمین تحصیل گڑھی یاسین کے رھنمامستنصر مھدی، زبیر علی ،امتیاز علی، قدیر مہدی دولھہ دریا خان جتوئی، مولوی محبوب علی کی قیادت میں شہداء شکارپور کے وارثان سے اظھار یکجہتی اور وارثان شہداء کےمطالبات کی  منظوری کے لئے  ڈکہن سے شکارپور تک لبیک یازینب س مارچ کا آغاز کیا گیا مارچ کے دوران مستنصر مھدی نے میڈیا سے گفتگو کرتے ہوئے کہاکہ 3سال پہلے جامعہ مسجد کربلا معلیٰ لکھی در شکارپور 30 جنوری 2015 نماز جمعہ کے اجتماع میں خودکش بم دھماکہ ہوا  جس میں72 مومنین نے حالت نماز میں جام شہادت نوش کیا 3 تین سال گذر جانے کے بعد بھی حکومت سندھ شکارپور میں یادگار شہدا ٹاور تعمیر نہیں کرسکی اور وارثان شہدا کو نوکریاں دھشتگردی کے خلاف فوجی آپریشن کا بھی ابھی تک آغاز نہیں ہوا ہے جبکہ شکارپور کے اندر آج بھی ڈھشتگردی کے مراکز ٹریننگ کیمپس اور بارود کی فیکٹریاں موجود ہیں حکومت خاموش تماشائی آخر کیوں بنی بیٹھی ہے ، انہوں نے مزید کہاکہ ابھی تک وارثان شہدا کے مطالبات پر عمل نہیں ہواہے اور ہم ڈکہن سے شکارپور تک 40 کلومیٹر پیدل لبیک یازینب س مارچ کرکے کل سندہ کے تاریخی اجتماع عظمت شہدا کانفرنس میں شرکت کریں گے۔

وحدت نیوز (کراچی) مجلس وحدت مسلمین پاکستان صوبہ سندھ و دعا کمیٹی سولجر بازار کے زیر اہتمام محفل شاہ خراسان روڈ پر منعقدہ ھفتہ وار دعائے توسل و مجلس ایام فاطمیہ بسلسلہ شھادت خاتون جنت بی بی فاطمتہ الزہرا سلام اللہ علیہما میں ماتمی انجمنوں کے نمائندوں اور مومنین و خواتین نے شرکت کی ،دعا کی تلاوت مولانا نعیم الحسن نے رقت آمیز مصائب بی بی فاطمہ ؑ پڑھے ،بعد ختم دعا ایم ڈبلیو ایم کراچی کے رہنما علامہ سجاد شبیر رضوی نے مجلس عزا سے خطاب کرتے ہوئے کہا کہ حضرت فاطمہ سلام اللہ علیہما کی زندگی بہترین نمونہ عمل ہے، بی بی کی یوم شھادت یعنی ایام فاطمیہ کو عاشوراء کی طرح پورے پاکستان میں مجلس عزا و جلوس عزا برپا کرنا چا ئیے،دختررسول ﷺکی مظلومیت کوآشکارکرنےکیلئےایام فاطمیہ کوعاشوراکی طرح منانے کی ضرورت ہے، ختم مجلس مشہورِ نوحہ خواں طاہر رضا زیدی نے نوحہ خوانی و ماتم داری بھی کی گئی ،اس موقع پر صوبائی رہنما ناصر حسینی، کراچی ڈویژن کے ڈپٹی سکریٹری جنرل علامہ مبشر حسن ، محمد سیعد ، عقیل احمد ، ودیگر شخصیات بھی موجود تھی ایم ڈبلیو ایم گلگت بلتستان کے سکریٹری جنرل علامہ آغا علی رضوی کی والدہ ، بلوچستان کے صوبائی وزیر قانون آغا محمد رضا کی ہمشیرہ اور سید اسرار گیلانی کے والد کی قضاء الہی سے رحلت پر انکے عزیز و خانوادہ کی خدمت میں تعزیت و تسلیت پیش کرتے ہوئے مرحومین کے ایصال ثواب کیلئے فاتحہ خوانی کی گئی ،اور شیعہ  مسنگ پرسنز و سماجی رہنما ممتاز رضوی کی بازیابی کیلئے خصوصی دعا کی گئی۔

وحدت نیوز (لاہور) سیکرٹری جنرل مجلس وحدت مسلمین ضلع لاہور علامہ حسن ہمدانی کی کابینہ اراکین کے ہمراہ سمن آباد ٹاون کے عمائدین سے ملاقات ہوئی، جس میں تنظیمی امور پر گفتگو کی گئی، برادر آصف چشتی کوآرگنائزرسمن آباد ٹاون یونٹ نامزدکردیاگیا، 26 جنوری کو برادر آصف چشتی کابینہ سمیت حلف اٹھائینگے،سمن آباد ٹاون میں یونٹ سازی مہم کو فروری کے آخر تک مکمل کرنے کا ٹاسک بھی نو منتخب برادر آصف چشتی کو دیا گیا ہے۔

وحدت نیوز (کراچی) مجلس وحدت مسلمین کراچی ڈویژن کے وفدکی ڈویژنل سیکریٹری جنرل علامہ محمد صادق جعفری کی زیر قیادت مقامی اسپتال میں زیر علاج قائد حزب اختلاف گلگت بلتستان اسمبلی اور رہنما اسلامی تحریک پاکستان کیپٹن (ر) محمد شفیع خان کی عیادت ، ایم ڈبلیوایم کے وفدمیں ڈویژنل پولیٹیکل سیکریٹری میر تقی ظفراور ضلع شرقی کے آرگنائزعلامہ احسان دانش بھی شامل تھے، ایم ڈبلیوایم کے رہنماوں نے کیپٹن(ر) شفیع کی احوال پرسی کی اور ان کی جلد مکمل صحت یابی کی دعا کی، کیپٹن (ر) نے شفیع نے ایم ڈبلیوایم کے رہنماوں کو اپنی طبیعت سے آگاہ کیااور ان کی آمدپر شکریہ اداکیا، ایم ڈبلیوایم کراچی ڈویژن کے سیکریٹری جنرل علامہ صادق جعفری نے ملت جعفریہ سے اپوزیشن لیڈر گلگت بلتستان اسمبلی کیپٹن(ر) محمد شفیع کی شفاءیابی کیلئے خصوصی دعاکی اپیل بھی کی ہے ۔

وحدت نیوز(اسلام آباد/آن لائن) حساس اداروں نے آئی ایٹ امام بارگاہ پر حملے کے ملزمان کو گرفتار کرلیا ، ملزمان نے دوران تفتیش قتل بچیوں کے اغوا ، ڈکیتی سمیت سنگین نوعیت کی وارداتوں کا انکشاف کیا ہے ۔ باوثوق ذرائع کے مطابق گرفتار ملزمان کی گرفتاری کو تاحال خفیہ رکھا گیا ہے اور اسلام آباد کی ایک ٹیم آئندہ دو روز میں ملزمان سے تفتیش کیلئے لاہور جائے گی ۔ ملزمان کا پنجاب اور اسلام آباد میں ایک وسیع نیٹ ورک ہے ۔

ذرائع کا مزید کہنا تھا کہ اس وسیع نیٹ ورک کی کڑیاں ڈاکٹر شاہد مسعود کے انکشافات سے ملتی جلتی ہے ملزمان کو انسداد دہشتگردی ڈیپارٹمنٹ (سی ٹی ڈی ) سی آئی ڈی اسلام آباد اور سابق آئی جی سپیشل برانچ اسلام آباد کیپٹن ریٹائرڈ الیاس کہ آئی ٹی کے حوالے سے مہارت بھی رکھتے ہیں پر مشتمل ٹیم نے حساس اداروں کے تعاون سے گرفتار کیا ہے اس حوالے سے ذرائع کا مزید کہنا تھا کہ پنجاب میں اس منظم نیٹ ورک کے پیچھے سیاسی شخصیات کے ساتھ پڑوسی ممالک کی انٹیلی جنس کابھی ہاتھ ہے جس کا مقصد پاکستان میں فرقہ واریت پر فسادات برپا کرنا تھا ذرائع کا مزید کہنا تھا کہ اس نیٹ ورک میں ملوث ملزمان کے ابتدائی تفتیش میں اسلام آباد سے ڈپٹی سپرٹینڈنٹ نادرا کی بچی کو اغواء کرنے کے واقعہ سے اسلام آباد میں قتل ڈکیتی اور دوران ڈکٹی ریپ کے حوالے سے انکشافات کرتے ہوئے متعدد وارداتوں کا بھی اعتراف کیا ہے اس حوالے سے ذرائع کامزید کہنا تھا کہ اس نیٹ ورک میں موجود کچھ جرائم پیشہ افراد کا تعلق کالعدم تنظیم تحریک طالبان سے بھی ہے اور ملزمان وفاقی دارالحکومت میں واردات کے بعد پنجاب میں واردات کرتے اور پھر سندھ اور دیگر صوبوں کو نشانہ بناتے ہوئے بلوچستان کے پی کے کے سرحدی علاقوں سے افغانستان بھاگ جاتے تھے ۔

ذرائع کا مزید کہنا تھا کہ اس نیٹ ورک میں کچھ ایسے افغان باشندے بھی ملوث ہیں جن کو تھانہ سبزی منڈی اسلام آباد کے عقب میں واقع کچی بستی کو مسمار کئے جانے کے بعد اس نیٹ ورک کی جانب سے باغی بنانے کیلئے ان کو افغانستان بھیجا گیا اور وہ وہاں سے ٹریننگ کے بعد واپس آئے اور گرفتار کرلئے گئے واضح رہے کہ ستائیس نومبر دو ہزار سترہ کی شام اسلام آباد کے تھانہ آئی نائن کی حدود میں واقع سیکٹر آئی ایٹ میں فائرنگ کرکے موٹر سائیکل سوار فرار ہونے میں کامیاب ہوگئے تھے پولیس کے ذمہ دار افسر نے نام ظاہر نہ کرنے کی شرط پر بتایا کہ آئی ایٹ امام بارگاہ واقع کے بعد ابتدائی تفتیش میں یہ بات سامنے آئی تھی کہ حملہ آوروں کا تعلق کسی اہل سنت جماعت سے نہیں ہے شیعہ سنی فسادات پھیلانے کیلئے امریکہ سے آئے ہوئے وکیل  ( سابق لیگل ایڈوائزرایم ڈبلیوایم سید ین زیدی ایڈووکیٹ ) کو نشانہ بنا کر راولپنڈی راجہ بازار واقعہ کو ہوا دینے کی کوشش کی گئی۔

 پولیس افسر کا مزید کہنا تھا کہ ابتدائی تفتیش میں ملزمان کی جانب سے حملے میں استعمال کئے گئے ہتھیاروں کے استعمال نے تفتیش کار رخ تبدیل کیا کیونکہ ماضی میں شیعہ سنی فسادات پھیلانے والوں کی جانب سے ایسے ہتھیار کبھی استعمال نہیں کئے گئے پولیس افسر کا مزید کہنا تھا کہ آئی ایٹ واقعہ میں انٹیلی جنس بیورو آئی بی کا اہلکار بھی جان کی بازی ہار گیا لیکن ا س میں پلاننگ کے تحت امریکہ سے اپنی بیٹی کے گھر آنے والے وکیل ( سابق لیگل ایڈوائزرایم ڈبلیوایم سید ین زیدی ایڈووکیٹ ) کو نشانہ بنایا گیا کیونکہ وہ اہم کیس کی پیروی کررہے تھے اسلام آباد میں آئی ایٹ واقعہ کے ملزمان کی گرفتاری اور حوالگی کے حوالے سے حال ہی میں انسپکٹر جنرل آف پولیس سلطان اعظم تیموری کی جانب سے بات کرنے سے گریز کیا گیا۔

 بعد ازاں سی آئی اے ہوم سائیڈ یونٹ کے انچارج انسپکٹر ملک عبدالرحمان جو کہ آئی ایٹ واقعہ کے مقدمہ نمبر 391 کی تفتیش کررہے ہیں اور ان کو انسداد دہشتگردی کی دفعات شامل کئے جانے کی وجہ سے سی آئی ڈی کی معاونت بھی حاصل تھی نے آن لائن کے استفسار پر موقف اختیار کیا کہ ایسی اطلاعات ان کے پاس نہیں ہیں کیا آپ ئندہ دو روز میں لاہور آئی ایٹ مقدمے کی تفتیش کے حوالے سے جاری ہیں میں لاہور جارہا ہوں لیکن کسی اور مقدمے کی تفتیش کیلئے جاری ہوں میرے پاس قتل کے چار مقدمات زیر تفتیش ہیں واقعہ کے بعد سے اب تک ہر دو دن بعد اس حوالے سے سپیشل برانچ میں میٹنگ ہوئی تھی اب کیوں نہیں ہورہی کے سوال پر پولیس افسر نے کوئی تسلی بخش جواب نہیں دے سکے۔