وحدت نیوز(لاہور) مجلس وحدت مسلمین کے پنجاب کے سیکرٹری جنرل علامہ مبارک علی موسوی نےکہا کہ ن لیگ کی ڈرامے بازیاں زیادہ دیر تک نہیں چلیں گی۔ نواز شریف اپنی کرپشن چھپانے کے لیے ہر روز نیا جھوٹ بولتا ہے۔ انہوں نے کہا نواز شریف تحریک عدل نہیں بلکہ عدلیہ مخالف تحریک چلا رہا ہے جو ملک میں انارکی پھیلانےکی سازش کے مترادف ہے۔ انہوں نے کہا یہ باپ بیٹی جگہ جگہ عدلیہ مخالف تقریریں کر کے اداروں کو متنازعہ بنانے کی سازش کر رہے ہیں جس کا فوری نوٹس لیاجانا چاہیے۔ علامہ مبارک علی موسوی کا مزید کہنا تھا کہ کارگل میں دھوکہ دینے والا اب کس منہ سے کشمیر کی بات کرتا ہے۔ یہ دونوں بھائی بھارت اور مودی کے یار ہیں۔مودی کے یاروں نے پاکستان کو سوائے بدنامی کے کچھ نہیں دیا۔ ان کا کہنا تھا کہ شریف خاندان کو 2018 میں عوامی عدالت سے بھی نااہل کیا جائے گا۔

وحدت نیوز(قم المقدسہ) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری حفظہ اللہ سے وحدت ہاوس قم میں  ایم ڈبلیوایم قم المقدسہ کی کابینہ کے اراکین کی سیکریٹری جنرل علامہ محمد موسیٰ حسینی کی سربراہی میں  اور دانشکدہ شہید حسینی ؒ کی انتظامیہ نے  علیحدہ علیحدہ خصوصی ملاقاتیں کیں  اس موقع پر  اہم قومی وملی معاملات سمیت طلاب جامعہ مصطفیٰ العالمیہ کو درپیش مشکلات،علمائے کرام کیلئے فن خطابت کے اہم رموز، اور دیگر اہم امور پر تبادلہ خیال کیاگیا، علامہ راجہ ناصرعباس جعفری نے گفتگو کرتے ہوئے کہاکہ علماء کرام کو جدید چیلنجز سے آگاہ رہنا چاہیے،اپنے کاموں میں اخلاص، معنویت اور دینداری کو مرکزی حیثیت دیں،علماء کرام کی دوبنیادی ذمہ داریاں ہیں،نمبر ایک انبیاء کے وارث ہونے کے ناطے دیانت ومعنویت کے حامل ہونااور نمبر دو زمانہ شناس، دشمن شناس اور مخاطب شناس ہونا،انہوں نے کہاکہ  مجلس وحدت مسلمین پاکستان کی نظریاتی، جغرافیائی اور علمی ثقافتی سرحدوں کی محافظ ہے لہذا آپ کوشش کریں مختلف میدانوں میں اسپشلسٹ بنیں  تاکہ قوم وملت کی مدد کرسکیں،اس موقع پر ایم ڈبلیوایم کے مرکزی سیکریٹری امور خارجہ علامہ شفقت حسین شیرازی، ایم ڈبلیوایم قم کے سیکریٹری جنرل علامہ موسیٰ حسینی ودیگر بھی موجود تھے۔

وحدت نیوز (ڈیرہ اسماعیل خان) مجلس وحدت مسلمین، انجمن تھلہ متوالیان اور تحریک تحفظ کوٹلی امام حسینؑ کی جانب سے  حالیہ شیعہ ٹارگٹ کلنگ اور شہدا ءکے قاتلوں کی عدم گرفتاری کے خلاف  احتجاجی ریلی نکالی گئی اور علامتی دھرنادیا گیا،جس میں خواتین و حضرات اور خانوادہ شہداء نے سینکڑو ں کی تعدادمیں شرکت کی ،  دھرنےکے شرکاء سے خطاب کرتے ہوئے مجلس وحدت مسلمین ضلع ڈیرہ اسماعیل خان کے سیکریٹری جنرل علامہ غضنفر نقوی نے کہا کہ عمران خان کی بے حس حکومت ڈیرہ وال سرائیکیوں کے قتل عام پر خاموش ہے جو سراسر زیادتی ہے چیف جسٹس پاکستان کومخاطب ہوتے ہوئےانہوں نے کہا کہ اسلام آباد کی سٹرکوں پے لگے بینر زکا تو نوٹس لیا جاتا ہے لیکن ڈیرہ میں ہونے والی دہشت گردی محترم چیف جسٹس صاحب کو نظر کیوں نہیں آتی۔

وحدت نیوز (اسلام آباد) مجلس وحدت مسلمین پاکستان کے فلاحی شعبے خیرالعمل ویلفیئر اینڈ ڈیولپمنٹ ٹرسٹ کے زیر اہتمام عالمی یوم کینسر کے موقع پر مختلف شہروں میں آگہی سیمینار ، ورکشاپس اور واک کا انعقاد کیا گیا جس میں ماہر ڈاکٹرز نے عوام کو کینسرسے متعلق معلومات فراہم کیں اور کینسر سے بچاوکیلئے احتیاطی تدابیر سے آگاہ کیا، اس حوالے سے ضلع شکارپور ، ٹنڈومحمد خان، مٹیاری اور ٹنڈوالہیارمیں تقریب منعقد کی گئیں ،خیرالعمل ویلفیئر اینڈ ڈیولپمنٹ ٹرسٹ   ضلع ٹنڈو محمد خان کی جانب سے عالمی کینسر ڈے  منایا گیااس  سلسلے میں شہر کے مختلف اسپتالوں میں آگہی ورکشاپس  کا انعقاد کیا گیا جس میں سابقہ سیکریٹری فلاح و بہبود سجاد علی ڈومکی،فیاض علی،ڈاکٹر اشوک کمار،ڈاکٹر مصطفی اور دیگر نے خطاب کرتے ہوئے کہا کہ ہم اپنے معاشرے میں کینسر جیسے موذی مرض سے تو واقف ہیں لیکن کینسر جیسے موذی مرض کے پھیلاؤ کی وجہ سے واقف نہیں اسوقت کینسر بڑی تیزی سے پھیلتا جا رہا ہے جسکی وجہ خصوصاً تمباکو نوشی اور نشہ آور چیزوں کا استعمال کرنا ہے جس سے منہ کا کینسر پیٹ،گلے اور ہونٹوں کا کینسر عام پایا جاتا ہے جس میں شامل خون کا کینسر اور چھاتی کا کینسر اگر آپ معاشرے کو اس موذی مرض سے پاک صاف دیکھنا چاہتے ہیں تو ایسی چیزوں سے پرہیز کریں جوکہ کینسر کا باعث بنتی ہیں۔

خیرالعمل ویلفیئر اینڈ ڈیولپمنٹ ٹرسٹ   ضلع شکارپور کی جانب سے  لکھی غلام شاھ میں عالمی کینسر ڈے کے موقع پر آگہی سیمینار کا انعقاد کیا گیا  جس میں ضلع شکارپور کے ماہر ڈاکٹرز اور لکھی کے معززین نے خطاب کیا اور شرکاءکوآگاہی دی جس میں ڈاکٹر مشتاق احمد صاحب ڈاکٹر محمد حنیف عباسی ڈاکٹر آفتاب احمد میمن لالا کاظم علی خان صیف اللہ میمن نذیر احمد میمن اور دوسرے معززین نےلوگوں کو کینسر کے موذی مرض سے بچنے کے لیے احتیاطی  تدابیر بتائی اس سیمینارمیں شہر کے معززین نےکہا ایسے فلاحی کام جاری رہنے چاہئیں   اورعوام کی خدمت کا سلسلہ بھی جاری رہنا چاہئے، خیر العمل ویلفیئر ٹرسٹ کی کاوش لائق تحسین ہے۔خیرالعمل ویلفیئر اینڈ ڈیولپمنٹ ٹرسٹ  ضلع ٹنڈو الہیار کی جانب سے عالمی کینسر ڈے  کے موقع پر  عوام الناس میں آگاہی حفاظتی تدابیر اور بچاو کے حوالے سے سول ہسپتال ٹنڈوالہیار میں واک کا اہتمام کیا گیا جس میں ایم ایس تعلقہ ہسپتال ڈاکٹر غلام معین الدین ،پیرا میڈیکل اسٹاف ، ضلعی سیکرٹری جنرل مجلس وحدت مسلمین زوار غلام رسول لاشاری اور تعلقہ سیکرٹری جنرل لیاقت علی کمبوہ سمیت شہریوں کی بڑی تعداد نے شرکت کی ۔خیرالعمل ویلفیئر اینڈ ڈیولپمنٹ ٹرسٹ ضلع مٹیاری کے زیر اہتمام ہالا سٹی میں ورلڈ کینسرڈے کے موقع پر آگہی نشست کا انعقاد  کیاگیاجس میں  ماہر ڈاکٹرز نے شرکت کی، اس موقع پر ایم ڈبلیوایم صوبہ سندھ کے ڈپٹی سیکریٹری جنرل علامہ دوست علی سعیدی بھی موجود تھے۔

وحدت نیوز(شکارپور) خیرالعمل ویلفیئر اینڈ ڈیولپمنٹ ٹرسٹ شعبہ فلاح بھبود مجلس وحدت مسلمین ضلع شکارپور کی جانب سے  لکھی غلام شاھ میں عالمی کینسر ڈے کے موقع پر آگہی سیمینار کا انعقاد کیا گیا  جس میں ضلع شکارپور کے ماہر ڈاکٹرز اور لکھی کے معززین نے خطاب کیا اور شرکاءکوآگاہی دی جس میں ڈاکٹر مشتاق احمد صاحب ڈاکٹر محمد حنیف عباسی ڈاکٹر آفتاب احمد میمن لالا کاظم علی خان صیف اللہ میمن نذیر احمد میمن اور دوسرے معززین نےلوگوں کو کینسر کے موذی مرض سے بچنے کے لیے احتیاطی  تدابیر بتائی اس سیمینارمیں شہر کے معززین نےکہا ایسے فلاحی کام جاری رہنے چاہئیں   اورعوام کی خدمت کا سلسلہ بھی جاری رہنا چاہئے، خیر العمل ویلفیئر ٹرسٹ کی کاوش لائق تحسین ہے۔

وحدت نیوز(ٹنڈوالہیار) خیرالعمل ویلفیئر اینڈ ڈیولپمنٹ ٹرسٹ شعبہ فلاح بہبود مجلس وحدت مسلمین ضلع ٹنڈو الہیار کی جانب سے عالمی کینسر ڈے کے موقع پرعوام الناس میں آگاہی حفاظتی تدابیر اور بچاو کے حوالے سے سول ہسپتال ٹنڈوالہیار میں واک کا اہتمام کیا گیا جس میں ایم ایس تعلقہ ہسپتال ڈاکٹر غلام معین الدین ،پیرا میڈیکل اسٹاف ، ضلعی سیکرٹری جنرل مجلس وحدت مسلمین زوار غلام رسول لاشاری اور تعلقہ سیکرٹری جنرل لیاقت علی کمبوہ سمیت شہریوں کی بڑی تعداد نے شرکت کی ۔