وحدت نیوز (کراچی) مجلس وحدت مسلمین ضلع جنوبی کے تحت صوبائی سیکرٹریٹ سو لجر بازار میں شہدائے ملت جعفریہ ڈیرہ اسماعیل خان ،گلگت بلتستان کے سکریٹری جنرل علامہ آغا علی رضوی کی مادرگرامی، صوبائی وزیر قانون آغا محمد رضا کی ہمشیرہ اور مرکزی سکریٹری اطلاعات بردار علی احمر کی والدہ کے ایصال ثواب و درجات بلندی کیلئے قرآن خوانی اور مجلس عزا کا انعقاد کیا گیا جس میں صوبائی رہنما ناصر حسینی ، کراچی ڈویژن کے سیکریٹری جنرل مولانا صادق جعفری ، ضلع جنوبی کے حسن رضا ، نظیر علی ، محمد عیسیٰ ، علی عباس،   محمد سعید ،عقیل احمد ایڈوکیٹ   اور کارکنان نے شرکت کی ۔

مجلس سے خطاب کرتے ہوئے علامہ غلام عباس رئیسی نے کہا کہ یہ مجلس شہدائے جعفریہ اور مرحومین کیلئے رکھی ہے اللہ تعالی انکے درجات بلند کرے آج کیونکہ انقلاب اسلامی کی انتالیسوں سالگرہ ہے یہ انقلاب اسلامی ملت تشیع کے  لئے معجزہ ھے اس انقلاب کیلئے تمام علماءکرام ، مجتہدین ،دانشوروں اور عوام نے بھرپور حصّہ لیا امام خمینی رضوان اللہ نے اللہ تعالی پر بھروسہ کیا اور انقلاب برپا ہو ا،اس انقلاب اسلامی سے مغرب خوف ذدہ ہے ،آج دشمنان اسلام اور عرب دنيا نے استعمار  طا قتوں کے ساتھ ملکر مسلمانوں کو بدنام کرنے کی کوشش کی ،انقلاب اسلامی کے صحیح رہبر یت نے تمام تر سازشوں کو بے نقاب کر کے عالم اسلام کے مسلمانوں کی تحفظ کیا ،آخر میں شہداء و مرحومین کے لئے فاتحہ کی گئی۔

وحدت نیوز (لاہور) مجلس وحدت مسلمین پنجاب کے ڈپٹی سیکرٹری جنرل پروفیسر ڈاکٹر افتخار نقوی نے پنجاب میں جعلی پولیس مقابلوں پر چیف جسٹس کا از خود نوٹس لینے کے اقدام کا خیرمقدم کرتے ہوئے دعویٰ کیا ہے کہ صرف قصور میں137 لوگ جعلی پولیس مقابلوں میں مارے گئے ہیں۔

 ڈاکٹر نقوی کا مزید کہنا تھا کہ شہبازشریف کی ایماءپرجعلی پولیس مقابلوں کا ریکارڈ بہت خوفناک ہےایم ڈبلیو ایم پنجاب میں جعلی پولیس مقابلوں پر پہلے ہی عدالتی کارروائی کا مطالبہ کرچکی ہیں۔ان کا مزید کہنا تھا کہ ایم ڈبلیوایم پنجاب پولیس کے جعلی مقابلوں میں ماورائے عدالت مارے جانے والوں کے ساتھ کھڑی ہے،ان مقابلوں میں مارے جانے والے غریب لوگوں کا کوئی پرسان حال نہیں،چیف جسٹس کا پنجاب پولیس مقابلوں پر نوٹس کا اقدام مستحسن ہے،مجلس وحدت مسلمین اس اقدام کا خیرمقدم کرتی ہے۔

وحدت نیوز (سکردو) مجلس وحدت مسلمین پاکستان گلگت  بلتستان کے سیکرٹری جنرل علامہ آغا علی رضوی نے اپنے ایک بیان میں کہا ہے کہ گلگت بلتستا ن میں خالصہ سرکارکے نام پر عوامی اراضی پر قبضہ جنگ آزاد ی کے ساتھ سنگین مذاق اور تحریک آزادی کو مسترد کرنے کے مترادف ہے۔ انہوں نے کہا کہ پورے خطے میں عوامی اراضی پر قبضے کی کوشش نہ صرف غیر آئینی عمل ہے بلکہ غیر اسلامی بھی ہے۔ کھرمنگ سمیت پورے گلگت  بلتستان بھر میں عوامی اراضی پر بغیر معاوضہ قبضہ کرنے نہیں دیں گے۔ حکومتی ادارے آئین پاکستان کی پاسداری کرے اور خالصہ سرکار کے قانون کو آئین پاکستان نہ سمجھیں۔انہوں نے کہا کہ سرکاری اداروں کو جہاں ضرورت ہو معاوضہ ادا کرکے اخلاقی اور آئینی تقاضوں کو پورا کرتے ہوئے عوام دشمن فیصلوں کی ترویج سے باز رہے۔

آغا علی رضوی نے کہا کہ بعض عناصر وقتی سہولت کی خاطر عوام دشمن اور غلط پالیسیز کا اجراء کرتے ہیںجس کے سبب خطے کے عوام پر ریاستی اداروں سے اعتماد ختم ہوتا ہے جو کہ وطن عزیز پاکستان کے مفاد میں ہرگز نہیں۔ ریاست سے مراد شہری اور قطعہ ارضی ہے جبکہ مقننہ ، عدلیہ اور قوت مجریہ ریاست کے تحفظ اور ترقی و خوشحالی کا ضامن ہے۔ اگر ملک میںافرا تفری ہو اور ملک مشکلات کا شکار ہوں تو ریاستی اداروں کی ناقص کارکردگی کا نتیجہ ہوتا ہے۔ اب گلگت بلتستا ن پہلے کی نسبت کہیںزیادہ حساس بن چکا ہے اور کسی قسم کی کوتاہی و غلط پالیسی کا ملک متحمل نہیں۔ پوری دنیا کی اور پاکستان دشمنوں کی نگاہیں گلگت بلتستان پر ہیں لہذا ریاستی اداروں کو چاہیے کہ عوام کو انکے حقوق مانگے بغیر دئیے جائیں ۔ انہوں نے مزید کہا کہ خالصہ کی ہڈیاں سڑھ چکی ہیں اور اسکا قانون زندہ رکھنا خالصہ مزاج لوگوں کا کام ہے ۔ خالصہ کے نظریات کو تسلیم کرنے اور عمل کی کوشش کرنے والے خالصہ کی ریاست میں جائیں اقبال و جناح کے پاکستان میں ان کے لیے کوئی جگہ نہیں ہے۔  

وحدت نیوز (لاہور) مجلس وحدت مسلمین پاکستان صوبہ پنجاب کے سیکرٹری جنرل علامہ سید مبارک علی موسوی نے کا کہنا تھا کہ شہباز شریف پنجاب کے فرعون ہیں جس نے پنجاب پولیس جیسے ادارے کو تباہ کر دیا ، شہباز شریف نے پنجاب پولیس میں کئی عابد باکسر پال رکھے ہیں جو ماورائے عدالت لوگوں کا قتل کرتے ہیں ۔ پنجاب پولیس کا گرفتار انسپکٹر عابد باکسر خود اس بات کا اعتراف کر چکا ہے کہ وہ شہباز شریف کے کہنے پر لوگوں کا قتل کرتا تھا ۔ اسی طرح پنجاب پولیس نے ایک سال میں 137 ماورائے عدالت قتل کیے جب کہ سانحہ ماڈل ٹاؤن علیحدہ ہے، شہباز شریف وہ فرعون ہے جس کا وقت قریب آگیا ہے۔

علامہ مبارک موسوی کا مزید کہنا تھا کہ شریف برادران نے پاکستان میں اداروں کو اپنے ذاتی مقاصد کے لیئے استعمال کر کے تباہ کر دیا ۔ سپریم کورٹ نے ایک بھائی سے پاکستانی عوام کو نجات دلائی اب اگلی باری چھوٹے بھائی کی ہے اور بہت جلد عوام کو شہباز شریف سے بھی چھٹکارا حاصل ہو گا۔ علامہ مبارک علی موسوی نے کہا کہ 2018 کے الیکشن میں عوام دانشمندانہ فیصلہ کریں گے اور پنجاب کے فرعون کو پاکستان پر کبھی بھی مسلط نہیں ہونے دیں گے۔

وحدت نیوز(اسلام آباد) آئین وقانون کے مطابق انصاف کی فوری فراہمی میں ناکامی پر معاشرہ مایوسی کا شکار ہو رہاہے۔قانون کو کاغذوں سے نکال کر عملی صورت میں اس کا نفاذ وقت کی سب سے اہم ضرورت ہے۔ ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے اپنے بیان میں کیا۔

 انہوں نے کہا کہ ملک میں فوری انصاف کی راہ میں حائل رکاوٹوں کو دور کرنا ناگزیر ہو چکا ہے عوام ہر معاملے میں سپریم کورٹ کی جانب دیکھتے ہیں لوگوں کا مقامی و صوبائی عدالتوں کے نظام پر سے جیسے اعتماد ختم ہو چکا ہے۔دہشتگردی کا شکار ہونے والے ہزاروں متاثرین خاندان انصاف کے لئے ترس رہے ہیں۔ملٹری کورٹس کی تعداد بڑھائی جائیں اور تمام بڑے دہشتگردی کے سانحات کے کیسیز ملٹری کورٹس میں بھیجے جائیں۔ اس وقت ملک بھر کی عدالتوں میں لاکھوں کیسیز زیر التوا ہیں۔اس پر مذید عدلیہ اور سیاسی جماعتوں کی چپقلش معاملات کو مذید گھمبیر بنا رہے ہیں۔

انہوں نے مزید کہاکہ عدلیہ کے فیصلوں کو سٹرکوں پر چیلنج کرنے کی روایت انتہائی خطرناک ہے۔ قانون کی بالادستی کے لئے عدلیہ اور پارلیمنٹ کو مل کر کردار ادا کرنا ہو گا۔بحیثیت پاکستانی ہر ایک کی ذمہ داری ہے کہ وہ مملکت خداداد پاکستان کی تعمیر و ترقی کے لئے اخلاص کے ساتھ کام کریں۔ اداروں کو اپنے اختیارت سے تجاوز کرنے اور دوسرے ادارواں کے معاملات میں مداخلت سے گزیز کرنے کی پالیسی اپنانا ہو گی۔

وحدت نیوز (اسلام آباد) سینٹ الیکشن سے قبل سیٹوں کی خرید و فروخت میرٹ کاقتل اور مقدس ایوان بالا کی توہین ہے، ایوان بالا مملکت پاکستان کا مقدس ادارہ ہے جس کے تقدس اور بالادستی کو قائم رکھنا تمام سیاسی جماعتوں کی ذمہ داری ہے ۔ ان خیالات کا اظہار مجلس وحدت مسلمین پاکستان کے سربراہ علامہ راجہ ناصر عباس جعفری نے اپنے بیان میں کیا ۔

انہوں نے کہا کہ سینٹ پاکستان کے آئین اور قانون بنانے کے عمل کا اہم ترین حصہ ہے اگر سینٹ جسے حساس اور اثررکھنے والے ادارے میں ذمہ داریاں ادا کرنیوالے اراکین میرٹ اور قابلیت کی بجائے کسی معاہدے یا سرمائے کے بل بوتے پر آئیں گے تو پاکستا ن کے لئے صرف مشکلات میں اضافے کا باعث بنےگا۔ ایوان بالا کو ربڑ سٹمپ بنانے والوں کیخلاف اعلی عدلیہ کو نوٹس لینا چاہیئے ۔ہمیں ان قانون ساز اداروں میں خواہ وہ صوبائی ہوں یا مرکزی ان میں ہارس ٹریڈنگ اور دولت کے بل بوتے آنے والوں کا راستہ روکنا ہوگااور اس کے لئے ضروری ہے کہ مناسب قانون سازی کی جائے جس سے جماعتیں ایسے افراد کو سامنے لائیں جو کہ اہلیت رکھتے ہوں ۔

انہوں نے مزید کہاکہ اراکین صوبائی اسمبلیز کو بھی ووٹ کرتے ہوئے آئین پاکستان پر اللہ کے حضور لئے گئے حلف کی پاسداری کرتے ہوئے وطن عزیز کے مفاداور آئین پاکستان کو مقدم رکھتے ہوئے اپنی امانت کو صالح ایماندار اور محب وطن افراد کو دینا ہوگا،پاکستان کی سلامتی و بقا کا تقاضہ ہے کہ ہمیں اشرافیہ اور پاکستان پر مسلط کرپٹ سیاستدانوں کیخلاف متحد ہونا ہوگا،بصورت دیگر یہ مافیا ملکی سلامتی اور قومی وقار کو داو پر لگانے سے گریز نہیں کریں گے۔