وحدت نیوز (کراچی) نظام ولایت وہ اہم نظام ہے کہ اللہ رب العزت نے پوری کائنات کو اس نظام کی محوریت میں رکھا ہے ، اگر یہ دنیا ایک لمحے کے لئے بھی حجت خدا اور امام برحق سے خالی ہو جائے تو زمین و آسمان کا سارا نظام درہم برہم ہو کر رہ جائے ۔ہمارے عقیدے کے مطابق آئمہ اطہار علیہم السلام تمام انبیاء و اوصیاء سے علمی و معنوی طور پر افضل ہیں ، رسول اکرم (ص)کے علاوہ کوئی اولوالعزم پیغمبر اہل بیت (ع) کے علم و معنویت کے درجے پر نہیں پہنچ سکتا۔تعلیمات مولا ئے کائنات رہتی دنیا کے لئے مشعل راہ ہیں ،آج ہمارے اطراف میں ناانصافی ، دہشت گردی ، کرپشن ، لوٹ مار یہ ساری سماجی بیماریاں اصل تعلیمات علوی (ع) سے دوری کا نتیجہ ہیں ۔ ان خیالات کا مجلس وحدت مسلمین پاکستان ے مرکزی سیکریٹری امور فرہنگ علامہ شیخ اعجاز حسین بہشتی نے امام بارگاہ سامرہ نیوز رضویہ سوسائٹی کراچی میں تین روزہ مجالس شہادت مولا امیر المومنین حضرت علی ابن ابی طالب علیہم السلام سے خطاب کر تے ہو ئے کیا ۔

ان کا کہنا تھا کہ باب مدینتہ العلم وہ عظیم ہستی ہیں جنہوں نے منبر سے سلونی کا دعویٰ کرتے ہو ئے ارشاد فرما یا ، مجھ سے سوال کرو قبل اس کے میں دنیا سے چلا جاؤں ، مجھے آسمانوں کے راستو ں کا اس طرح علم جیسے تمہیں زمین کے راستوں کا ۔امیر کائنات (ع) کی ذات منبع علم الہیٰ ، چشمہ علم الہٰی ہے ، جس کی طرف آپ (ع) نے اشارہ فرمایا ،میرے سینے میں علم کے چشمے پھوٹتے ہیں اور میری علمی فضاؤں میں کوئی پرندہ پرواز نہیں کر سکتا ۔

کاش دنیا باب مدینتہ العلم کی معرفت رکھتی اور علم و روحانیت علی ابن ابی طالب علیہم السلام سے لیتی تو آج یہ مشکلات و پریشانیاں کہ جن کا سامنا ہے نہیں ہو تیں ۔ہماری بد بختی یہی ہے کہ ہم علم و معنویت اہل بیت سے نہیں لیتے اگر ہم علی (ع) اور اولاد علی (ع) سے علم و معنویت لیں تو اللہ تعالیٰ ہمیں دنیا و آخرت دونوں میں حیات طیبہ عنایت فرمائے گا۔

ڈیرہ اسماعیل خان سینٹرل جیل پروہابی تکفیری طالبان دہشت گردوں کے حملہ کے نتیجے میں بیگناہ شیعہ اسیر اختر عباس بلوچ اور  5 پولیس اہلکاروں سمیت 9 افراد جاں بحق اور 14 زخمی ہوگئے ہیں۔ حملے میں 5 خودکش حملہ آور بھی ہلاک ہوئے۔

اطلاعات کے مطابق شیعہ اسیر اختر بلوچ کو تکفیری وہابیوں نے 2009 میں وہابی  افتخار سلیم ایڈوکیٹ کےقتل کیس میں ملوث کیا تھا جس میں ہائی کورٹ اور اے ٹی سی کی عدالت نے شیعہ اسیر اختر بلوچ کا سزاے موت کی سزا سنائی تھی۔اختر بلوچ کے اہل خانہ کی جانب سے سپریم کورٹ میں اپیل دائر کی تھی جس کے بعد اختر بلوچ کا کیس سپریم کورٹ میں چل رہا تھا۔

ٹی وی رپورٹس کے مطابق سینٹرل جیل میں کل پانچ ہزار قیدی موجود تھے جن میں دو سو پچاس کالعدم تنظیموں کے خطرناک دہشت گرد بھی تھے ۔

ذرائع کے مطابق جیل سے 2 خودکش حملہ آوروں کی لاشوں کے علاوہ 200 کلوگرام بارودی مواد برآمد ہوا ہے۔ جسے ناکارہ بنا دیا گیا۔ سینٹرل جیل پر دہشت گرد حملے کے بعد ڈی آئی خان میں کرفیو نافذ کر دیا گیا جبکہ وائرلیس سروس معطل کر دی گئی۔

 ڈپٹی کمشنر ٹانک کے مطابق حملے کے بعد ضلع ٹانک میں بھی کرفیو نافذ کر دیا گیا ہے۔ ذرائع کے مطابق حملہ آور مختلف سمتوں سے گاڑیوں پرآئے۔ تاہم حملے میں ہونے والے نقصان کاجائزہ لیا جا رہا ہے۔ دہشت گردوں کے حملے میں 60 دھماکے سنے گئے، جبکہ حملے میں 242 قیدی فرار ہوگئے ہیں، حملے کے بعد فوج نے سینٹرل جیل کا محاصرہ کرلیا۔

وحدت نیوز (بغداد) جنوبی عراق میں مسلسل کار بم دھماکوں میں سنتالیس عزاداران امام علی علیہ السلام شہید ہو گئے ہیں ۔رپورٹ کے مطابق حضرت امام علی علیہ السلام کے روز شہادت کے ایام کے دنوں میں عراق میںہونے والے کار بم دھماکوں میں اب تک سنتالیس عزاداران امام علی علیہ السلام شہید ہو چکے ہیں۔

واضح رہے کہ اپریل سے اب تک القاعدہ یزیدی دہشت گردوںکی جانب سے جاری ہولناک دہشت گردانہ حملوں میں تین ہزار سے زائد عراقی شہری شہید ہو چکے ہیں۔اسی طرح ذرائع سے جاری ہونے والی اطلاعات میں بتایا گیا ہے کہ جولائی کے آغاز سے اب تک پانچ سو عراقی شہری شہید ہو چکے ہیں۔

پیر کے روز عراق میں ہونے والے دہشت گردانہ حملوں کی تاحال کسی نے ذمہ داری قبول نہیں کیہے البتہ تاثر یہی پایا جاتا ہے کہ عراق میں سرگرم عمل امریکی ایجنٹ القاعدہ یزیدی دہشت گرد ان دھماکوں میں ملوث ہے۔

پولیس ذرائع کا کہنا ہے کہ بغداد میں شیعہ اکثریتی آبادی والے علاقوں میں ایک گھنٹے کے دوران مارکیٹوں، پارک اور دیگر مقامات پر آٹھ دہشت گردانہ بم دھماکے ہوئے ہیں جبکہ شمالی شہر صدر جو کہ شیعہ آبادی کا بڑا علاقہ ہے دو مختلف بم دھماکوں میں نو افراد شہید ہوئے ہیں جبکہ 33زخمی ہوئے ہیں۔

پیر کے روز ہونے والے ہولناک دھماکوں میں بازار اور قرب و جوار میں موجود گھروں کی عمارتوںکو بھی شدید نقصان پہنچا ہے۔
ذرائع کاکہنا ہے کہ اسی طرح حریہ کے پڑوسی علاقوں میں بھی دو ہولناک بم دھماکے ہوئے ہیں جس میں چھ افراد شہید جبکہ دو درجن سے زائد زخمی ہوئے ہیں۔

ایک اور علاقے کاظمیہ کی مصروف ترین شاہرہ کے نزدیک پارک کے ساتھ ہونے والے ایک دھماکے میں چار شہید جبکہ ایک درجن سے زائد زخمی ہو گئے ہیں۔جنوب مغربی علاقے بایا میں تین افراد شہید ہوئے ہیں جبکہ پندرہ زخمی ہونے کی اطلاعات موصول ہوئی ہیں۔
واضح رہے کہ ملک بھر میں دہشت گردانہ حملوں میں کار بم دھماکے کئے گئے ہیں ۔

رسالہ کے علاقے میں بھی چار افراد شہید اور درجنوں زخمی ہوئے ہیں جبکہ بصرہ میں بھی پانچ افراد کو شہید کیا گیا ہے جبکہ بیس سے زائد زخمی ہیں۔

وحدت نیوز (کوئٹہ) کوئٹہ کے علاقے ہزارہ ٹاوٴن میں خودکش حملہ آور علاقہ مکینوں کی فائرنگ سے واصل جہنم ہوگیا، پولیس کا کہنا ہے کہ حملہ آور کے جسم سے بم نصب تھا جو پھٹ نہیں سکا۔ کوئٹہ کے علاقہ ہزارہ ٹاوٴن میں علاقہ مکینوں کی فائرنگ سے خودکش حملہ آور واصل جہنم ہوگیا۔ ڈی آئی جی فیاض سنبل کا کہنا ہے کہ ہزارہ ٹاوٴن میں فائرنگ سے ہلاک ہونے والا سعودی ایجنٹ وہابی خودکش حملہ آور تھا، مشتبہ شخص کے قبضے سے دستی بم بھی برآمد ہوا ہے۔ انہوں نے مزید بتایا کہ حملہ آور کے سر میں گولی لگنے سے اس کی ہلاکت ہوئی، جبکہ اس کے جسم سے بندھا دھماکہ خیز مواد پھٹ نہیں سکا، جسے بم ڈسپوزل اسکواڈ نے ناکارہ بنا دیا۔

دیگر ذرائع کے مطابق کوئٹہ کے علاقے ہزارہ ٹاؤن میں مکینوں نے دہشت گردی ناکام بنا دی۔ فائرنگ سے خودکش حملہ آور واصل جہنم ہوگیا۔
ہزارہ ٹاؤن میں افطاری سے کچھ دیر پہلے ایک مشکوک شخص داخل ہوا تو علاقہ مکینوں نے اسے روکنے کی کوشش کی۔ اس کے بھاگنے پر لوگوں نے فائرنگ کر دی۔ سر میں گولی لگنے سے حملہ آور موقع پر واصل جہنم ہوگیا۔ بم ڈسپوزل اسکواڈ نے اس کی خودکش جیکٹ ناکارہ بنا دی جبکہ ایک دستی بم بھی برآمد کر لیا گیا۔ خودکش جیکٹ میں آٹھ سے دس کلو گرام دھماکہ خیز مواد تھا۔ حملہ آور کی لاش سی ایم ایچ منتقل کر دی گئی۔ پولیس نے واقعے کی تحقیقات شروع کر دی ہیں۔