وحدت نیوز(شکاپور)مجلس علماء مکتبِ اہلبیت پاکستان صوبہ سندھ کے صدر علامہ عبداللہ مطھری کی زیرصدارت ضلع شکارپور کا مشاورتی اجلاس منعقد ہوا،مجلس وحدت مسلمین نے قومی اسمبلی حلقہ این اے 193 شکارپور پر علامہ مقصود علی ڈومکی، صوبائی اسمبلی حلقہ پی ایس 07 خانپور_شکاپور پر اصغر علی سیٹھار کو نامزد کیا ہے،علماء مکتبِ اہلبیت ضلع شکارپور کے اراکین نے اجلاس میں فیصلہ کیا کہ مجلس وحدت مسلمین کے نامزد امیدواروں کی بھرپور حمایت اور الیکشن کیمپئن چلائیں گے۔ مجلس علماء مکتبِ اہلبیت علیہم السلام صوبہ سندھ کے صدر علامہ عبداللہ مطھری کی زیرصدارت ضلعی شکارپور کے علماء کرام کا مشاورتی اجلاس وحدت ہاؤس شکارپور میں منعقد ہوا، علامہ عبداللہ مطھری نے گفتگو کرتے ہوئے کہا کہ ہمیں خوشی ہے کہ ہمارے حلقے این اے 193 شکارپور سے علامہ مقصود علی ڈومکی الیکشن لڑ رہے ہیں جو ایک باکردار اور پاکیزہ انسان ہیں اور دوسرے حلقے پی ایس 07 خانپور_شکاپور سے اصغر علی سیٹھار الیکشن لڑ رہے ہیں ہم علماء کرام اس الیکشن میں مجلس وحدت مسلمین کے نامزد امیدواروں کی الیکشن کیمپئن میں بھرپور حصہ ڈالیں اس موقع پر علماء کرام نے حمایت کا اعلان کیا اور بھرپور ساتھ دینے کا فیصلہ کیا۔ اس موقع پر قومی اسمبلی حلقہ این اے 193 شکارپور کے نامزد امیدوار علامہ مقصود علی ڈومکی نے گفتگو کرتے ہوئے کہا کہ میں مجلس علماء مکتب اہلبیت کے اراکین کا شکریہ ادا کرتا ہوں جنہوں نے اس الیکشن میں ساتھ دینے کا یقین دلایا ہم پہلے دن سے میدان میں ہیں اور میدان میں رہیں گے۔