وحدت نیوز(کوئٹہ ) مجلس وحدت مسلمین بلوچستان کے سربراہ علامہ مقصود علی ڈومکی نے دہشتگردوں کے ہاتھوں سید جواد حسین اور ذاکر حسین کے قتل کی شدید الفاظ میں مذمت کرتے ہوئے کہا ہے کہ عید کے روز دہشتگردی کا یہ المناک واقعہ ریاستی اداروں کی کارکردگی پر سوالیہ نشان ہے ۔انہوں نے کہا کہ ٹارگٹ کلنگ کا یہ واقعہ گزشتہ15سالوں سے کوئٹہ میں جاری دہشتگردی کا تسلسل ہے ، حکومت فی الفور دہشتگردوں کے خلاف آپریشن کلین اپ شروع کرے ۔ آج بھی مختلف علاقوں میں دہشتگردوں کے تربیتی مراکز اور محفوظ ٹھکانے موجود ہیں۔ انہوں نے کہا کہ دہشتگرد اس صوبے کی عوام ،اسلام اور انسانیت کے دشمن ہیں۔

انہوں نے وفاقی حکومت سے مطالبہ کیا کہ جن 68دہشتگردوں کو عدالت سے سزائے موت ہوئی ہے ان کی سزاؤں پر فی الفور عمل درآمد کیا جائے۔ انہوں نے کہا کہ وزیر اعلیٰ بلوچستان ڈاکٹر عبدالمالک بلوچ ،صوبائی کابینہ اور اتحادیوں کو چاہیے کہ وہ دہشتگردی کے خاتمے کے لئے سنجیدہ اقدامات کریں اور عوام کو ان سے جو توقعات وابستہ ہیں وہ توقعات مایوسی میں بدلنے سے پہلے دہشتگردی کا خاتمہ یقینی بنائیں۔

انہوں نے کہا کہ انتہائی دکھ اور افسوس کے ساتھ کہنا پڑتا ہے کہ آج تک عوام کے قاتلوں کو سزا نہیں دی گئی۔ جبکہ شھداء کے وارث ،مدعی،وکیل اور گواہوں کو سرعام قتل کیا گیا۔ایسے سانحات جنہیں وزیراعظم جیسی ذمہ دارشخصیت نے ٹیسٹ کیس کے طور پر لینے کا اعلان کیااس کیس کا بھی کچھ نہیں ہوا۔

وحدت نیوز(کو ئٹہ) مجلس وحدت مسلمین کوئٹہ ڈویژن کے سیکریٹری جنرل محمد عباس موسوی نے ایک بیان میں کہاہے کہ دہشت گرد شہرمیں آزاد گھوم رہے ہیں اور جب چا ہے معصوم شہریوں کو اپنی بر بریت کا نشا نہ بنا تے ہیں۔ دہشت گردوں کی بے رحمی کا اس سے بڑا کیا ثبوت ہو سکتا ہے کہ عید کے دن بھی اپنی درندگی سے باز نہیں آتے ہیں اور نہتے انسا نوں کا خون بہاتے ہیں۔

انہوں نے کہا کہ دہشت گر دی کے یہ واقعا ت صو بائی حکومت کی دہشت گر دوں کو لگام دینے میں نا کامی کا مُنہ بولتا ثبو ت ہے اور افسوس کی با ت ہے کہ حکومت صر ف ایک تماشا ئی کا کردار ادا کر رہی ہے ایسا محسوس ہورہا ہے کہ حکومت دہشت گر دوں کے سامنے بے بس نظر آتی ہے اور یہ ملکی سلامتی کیلئے انتہائی خطر ناک ہے۔

ان کا مذید کہنا تھا کہ ہم حکومت اور قا نون نافذکرنے والے ادا روں سے مطا لبہ کیا گیا کہ اس واقعہ میں ملوث دہشت گر دوں اور ان کے سر پرستوں کو بے نقاب کیا جائے اور انہیں قرار واقعی سزا دی جا ئے اور بلوچستان بھر میں دہشت گردوں کے ٹھکانوں کاقلع قمع کرتے ہوئے صوبے کو دہشت گر دی کے اس لعنت سے ہمیشہ ہمیشہ کیلئے پاک کیا جا ئے۔

وحدت نیوز(تہران) اسلامی جمہوری ایران کے دارالحکومت تہران میں عیدالفطر کی نماز رہبر انقلاب اسلامی آیت اللہ العظمٰی سید علی خامنہ ای کی امامت میں ادا کی گئی۔ لاکھوں نمازیوں کے اجتماع سے خطاب میں رہبر انقلاب اسلامی نے غزہ کے مسئلے کو عالم اسلام کا نمبر ایک مسئلہ قرار دیا۔ اسلامی انقلاب کے سربراہ نے تاکید کی کہ انسانیت کو اس مسئلے پر ردعمل دکھانا چاہیے۔ اسلامی جمہوری ایران کے سپریم لیڈر نے کہا کہ غزہ میں صیہونی حکومت کے اقدامات نسل کشی پر مبنی اور عظیم تاریخی المیہ ہے۔ ان کا کہنا تھا کہ اس مجرم حکومت اور اس کے حامیوں پر ایک عالمی عدالت میں مقدمہ چلا کر انہیں کیفر کردار تک پہنچانا چاہیے۔ سید علی خامنہ ای نے کہا کہ دنیا میں اقوام اور مصلحین کو چاہیے کہ وہ صیہونی مجرموں کو سزا دیئے جانے کا مطالبہ کریں، خواہ وہ اقتدار میں ہوں یا اقتدار میں نہ ہوں۔ ان کا کہنا تھا کہ ان لوگوں کو بھی سزا دیئے جانے کا مطالبہ کیا جائے جو صیہونی حکومت کی حمایت کر رہے ہیں۔

 رہبر انقلاب اسلامی آيت اللہ العظمٰی سید علی خامنہ ای نے مزید کہا کہ غزہ کے عوام جو اپنے برحق ہونے پر استقامت کا ثبوت دے رہے ہیں، ان کی طاقت و استقامت فلسطین کی طاقت و استقامت کی نشاندہی کرتی ہے اور آخر کار ملت فلسطین صیہونی دشمن پر کامیاب ہوکر رہے گی۔ رہبر انقلاب اسلامی نے کہا کہ دشمن اب پشیمان ہوچکا ہے اور اگر وہ غزہ پر جارحیت جاری رکھے گا تو اسکو مزید مسائل کا سامنا کرنا پڑے گا۔ ایران کے سپریم لیڈر نے کہا کہ امریکہ اور دنیا کے تمام مجرمین صیہونی حکومت کو نجات دلانے کے لئے غزہ پر جنگ بندی کا معاہدہ مسلط کرنا چاہتے ہیں، سامراجی قوتیں فلسطین کی مزاحمتی تحریکوں حماس اور تحریک جہاد اسلامی کو ہتھیار ڈالنے پر مجبور کرنا چاہتی ہیں لیکن عالم اسلام کو چاہیے کہ وہ صیہونی حکومت کے مقابل ملت فلسطین کو زیادہ سے زیادہ ہتھیار فراہم کرے۔

ادھر انقلاب اسلامی کے سربراہ آیت اللہ العطمٰی سید علی خامنہ ای نے کہا ہے کہ عالم اسلام کو اپنے اختلافات ختم کرکے اپنی تمام تر توانائيوں سے غزہ کے عوام کی ضروریات کو پورا کرنا چاہیے۔ انقلاب اسلامی کے سربراہ آج عید سعید فطر کی مناسبت سے ایران کے مسئولین، اعلٰی حکام، اسلامی ممالک کے سفیروں، نمائندوں اور عوام سے خطاب میں کہا کہ صیہونیوں کے بے شرمانہ جرائم کا مقابلہ کرنے کے ساتھ ساتھ اس کے حامیوں بالخصوص امریکہ اور برطانیہ سے نفرت و بیزاری کا اظہار کریں۔ رہبر انقلاب اسلامی نے تمام مسلمان اقوام کو عید سعید فطر کی مبارک باد پیش کرتے ہوئے کہا کہ بڑے افسوس کی بات ہے کہ اسلامی تعلیمات و معارف کے برخلاف آج سیاست اور اقتدار پسندی نے امت اسلامی کو تفرقے سے دوچار کر دیا ہے۔ انہوں نے اسلامی ممالک کے حکام کو اس طرح کے محرکات پر قابو پانے اور طاقتور امت واحدہ کی تشکیل دینے کی دعوت دیتے ہوئے کہا کہ اگر اقتدار پسندی، وابستگی اور فساد سے عالم اسلام میں تفرقہ نہ پھیلے تو پھر کوئی بھی سامراجی طاقت اسلامی ممالک پر حملہ کرنے یا ناجائز مراعات لینے کی جرات نہیں کرسکے گی۔

 
رہبر انقلاب اسلامی آیت اللہ العظمٰی سید علی خامنہ ای نے مزید کہا کہ صیہونی حکومت کے ہاتھوں اس گستاخی سے غزہ کے عوام کا قتل عام، عالم اسلام کے تفرقے کا نتیجہ ہے۔ ان کا کہنا تھا کہ مغرب میں خفیہ سنسر کا جال اس بات کا موقع نہیں دیتا کہ مغربی قومیں غزہ کے ہولناک حالات سے آگاہ ہوسکیں، لیکن غزہ میں صیہونی جرائم اس قدر ہولناک اور دلخراش ہیں کہ مغربی میڈیا میں ان کے ایک چھوٹے سے نمونے کے نشر کئے جانے سے غیر مسلم قومیں لرز کر رہ جائيں گی اور سڑکوں پر نکل آئيں گی۔ اسلامی جمہوی ایران کے سپریم لیڈر نے کہا کہ غزہ کے ثابت قدم اور مظلوم عوام کو اس وقت غذا، پانی، مکانات، اسپتالوں کی تعمیر نو نیز دواؤں کی اشد ضرورت ہے اور ملت فلسطین کو اپنا دفاع کرنے کے لئے ہتھیار بھی درکار ہیں۔ رہبر انقلاب اسلامی نے کہا کہ امریکہ اور برطانیہ جیسے سامراجی ملکوں نے کھل کر صیہونی بربریت کی حمایت کرکے نیز عالمی اداروں منجملہ اقوام متحدہ نے ڈھکے چھپے الفاظ میں صیہونی جرائم کی حمایت کرکے اس خونخوار حکومت کے جرائم میں شرکت کی ہے۔

وحدت نیوز(لاہور) پنجاب حکومت نے عیدالفطر کے حساس موقع پر مجلس وحدت مسلمین کے صوبائی سیکریٹریٹ سے سکیورٹی ہٹا لی ہے، جس کے بعد ایم ڈبلیوایم کے رہنماؤں نے پنجاب حکومت کی جانب سے سکیورٹی واپس لئے جانے کے فیصلے کی مذمت کرتے ہوئے اسے پنجاب حکومت کی دہشت گردوں سے ملی بھگت قرار دیا ہے۔ ایم ڈبلیو ایم پنجاب کے سربراہ علامہ عبدالخالق اسدی نے ’’اسلام ٹائمز‘‘ سے گفتگو کرتے ہوئے کہا کہ پنجاب حکومت مجلس وحدت کے ساتھ اوچھے ہتھکنڈے استعمال کر رہی ہے اور ایم ڈبلیو ایم کو سیاسی انتقام کا نشانہ بنایا جا رہا ہے۔ انہوں نے کہا کہ وزیراعلٰی پنجاب میاں شہباز شریف ہمیں ڈاکٹر طاہرالقادری کے انقلاب کی حمایت پر نشانہ بنا رہے ہیں، لیکن وہ یاد رکھیں کہ اللہ تعالٰی نے اگر انہیں اقتدار دیا ہے تو اس کے حوالے سے پوچھ گچھ بھی ہوگی۔ انہوں نے کہا کہ ہم کلمہ حق کہتے رہیں گے، حکومت کے اوچھے ہتھکنڈوں سے خوف زدہ نہیں ہوں گے۔ علامہ اسدی نے کہا کہ سکیورٹی واپس لئے جانے پر کوئی واقعہ رونما ہوگیا تو اس کی تمام تر ذمہ داری پنجاب حکومت پر عائد ہوگی۔