The Latest
وحدت نیوز (کراچی) مجلس وحدت مسلمین ضلع ملیر کے فلاحی شعبے المجلس ڈیزاسٹر مینجمنٹ سیل نے کورونا وائرس کی عالمی وباسے بچاؤ کیلئے امدادی سرگرمیوں کے دوسرے مرحلے کا آغاز کردیاہے۔ مجلس وحدت مسلمین ضلع ملیر کے سیکریٹری جنرل جناب احسن عباس رضوی صاحب اور ضلع ملیر کے ڈپٹی سیکرٹری جنرل سید شعیب رضوی نے وفد کے ہمراہ مرکزی امام بارگاہ جعفرطیار میں غازی عباس ٹرسٹ انتظامیہ مرکزی مسجد مرکزی امام بارگاہ جعفر طیار کے مینیجنگ ٹرسٹی سید مرتضی عابدی اور ٹرسٹ کے دیگر اراکین جناب ظفر احسن نقوی، جناب اختیار امام رضوی صاحب، جناب ثمر عباس رضوی صاحب، جناب کاشف رضا رضوی صاحب اور جناب صادق حسین نقوی صاحب سے ملاقات کی ۔ اس موقع پر ایم ڈبلیوایم جعفرطیار یونٹ کے سیکریٹری جنرل محمد علی زیدی اور ڈپٹی سیکریٹری جنرل سید کاظم نقوی بھی موجود تھے۔
مجلس وحدت مسلمین کے فلاحی شعبے المجلس ڈیزاسٹر مینجمنٹ سیل ضلع ملیر کی جانب سے کرونا کی وبا کی وجہ سے میت کو نہلانے کے لئےغسال کی حفاظت کے لیے بہترین قسم کے پانچ حفاظتی سوٹ غازی عباس ٹرسٹ کے حوالے کیے اراکینِ غازی عباس ٹرسٹ نےمجلس وحدت مسلمین ضلع ملیر کاتہہ دل سے شکر یہ ادا کیا اور ادارے کی توفیقات خیر میں اضافے کی دعا بھی کی۔واضح رہے کہ اس سے قبل پہلے مرحلے میں بھی اے ڈی ایم سی ضلع ملیر نے درجنوں طبی مراکز اور اداروں میں یہ حفاظتی لباس تقسیم کیا تھا ۔
وحدت نیوز(چنیوٹ) مجلس وحدت مسلمین ضلع چنیوٹ کے فلاحی شعبے المجلس ڈیزاسٹر مینجمنٹ سیل کی طرف سے کرونا وائرس سے بچاو ٔکے لئے جگہ جگہ سپرےکا آغازکر دیا گیا۔چنیوٹ شہر کی مختلف جگہوں سبزی منڈی ،رجوعہ چوک، جھنگ روڈ سرگودھا روڈ اور فیصل آباد روڈ پر کرونا سے بچاؤ کے لئے سپرا کیا گیا۔ایم ڈبلیو ایم کے کارکنان نے مختلف دوکانوں کے سامنے سپرے کرنے کے ساتھ لوگوں کو کرونا سے بچاو ٔکے لئے آگاہی بھی د ی۔
بھوانہ اور تحصیل لالیاں کے علاقوں میں بھی کرونا وائرس دے متعلق جلد سپرا اور آگاہی مہم شروع کی جائے کی ایم ڈبلو ایم کے کارکنان کی طرف سے ضلع چنیوٹ کے مختلف علاقوں میں اس سے پہلے 900 افراد میں راشن بھی تقسیم کیا جا چکا ہئےچنیوٹ میں کرونا وائرس کو شکست دینے کے لئے جہاں حکومت متحرک نظر آ رہی ہے وہاں ایم ڈیلو ایم کے کارکنان بھی اس خدمت میں پیش نظر آ رہے ہیںکارکنان کا کہنا تھا کہ جب تک ضلع چنیوٹ سے کرونا کو شکست نہ دے لیں تب تک عوام میں آگاہی کرتے رہیں گے۔
وحدت نیوز (فیصل آباد) مجلس وحدت مسلمین پاکستان ضلع فیصل آباد کے سیکرٹری جنرل علامہ سید ذاکر حسین نقوی نے کہا ہے کہ فلسطینی اور کشمیری مسلمانوں سمیت دنیا بھر کے مظلومین کی حمایت میں عالمی یوم القدس کے طور پر منایا جائے گا۔ کشمیر اور فلسطین میں مسلمانوں پر ڈھائے جانے والے مظالم پر عالم اسلام کی خاموشی امت مسلمہ کی بے حسی پر دلالت کرتی ہے، ان خیالات کا اظہار انہوں نے فیصل آباد پریس کلب میں پریس کانفرنس کرتے ہوئے کیا۔ ان کا مزید کہنا تھا کہ رمضان المبارک کا آخری جمعہ فلسطینی اور کشمیری مسلمانوں سمیت دنیا بھر کے مظلومین کی حمایت میں عالمی یوم القدس کے طور پر منایا جائے گا۔ مظلوم کی حمایت اور ظالم کی مخالفت ہمارے منشور کا حصہ ہی نہیں بلکہ شرعی فریضہ بھی ہے۔ اگر مسلمان حکمران اللہ تعالیٰ کے اس حکم کی تعمیل کرتے تو آج دنیا کے کسی بھی حصے میں مسلمانوں غیر مسلم حکومتوں کے مظالم کا شکار نہ ہوتے۔
کشمیر اور فلسطین میں مسلمانوں پر ڈھائے جانے والے مظالم پر عالم اسلام کی خاموشی امت مسلمہ کی بے حسی پر دلالت کرتی ہے۔ ہر باشعور مسلمان یوم القدس کے موقع پر ظلم کے خلاف آواز بلند کرتے ہوئے بھارت، اسرائیل اور امریکہ سے نفرت و بیزاری کا اظہار کرے۔ صدر ٹرمپ اپنے عرب اتحادیوں کے ساتھ مل کر ڈیل آف سنچری کے نام پر مسلمانوں کا قبلہ اول یہودیوں کے حوالے کرنے کا مصمم ارادہ کرچکے ہیں۔ صیہونیوں کے غاصبانہ قبضے کے دوران لاکھوں فلسطینیوں کو علاقہ بدر جبکہ ہزاروں افراد کو قیدی بنا کر ظلم و تشدد کے پہاڑ توڑے جا رہے ہیں۔ ان کا کہنا تھا کہ اسرائیلی فوج کے ہاتھوں مظلوم فلسطینیوں کا قتل عام ایک نہ ختم ہونے والے سلسلے کی شکل اختیار کرچکا ہے۔ یہی سارے مظالم کشمیر میں بھی اسی انداز سے دوہرائے جا رہے ہیں۔ عالمی استکباری قوتیں طاقت کے بل بوتے پر مسلمانوں سے ان کے وطن کو چھیننے کی کوششوں میں مصروف ہیں۔ دنیا بھر کے مظلومین کی حمایت میں آواز بلند کرنا ایک مذہبی، قانونی اور اخلاقی تقاضہ ہے، جو ہر حال میں پورا کیا جائے گا۔
کشمیر اور فلسطین کے مظلوموں کی حمایت بانی پاکستان قائد اعظم محمد علی جناح کے موقف کی تجدید ہے۔ یوم القدس پر ہمارا احتجاج ان استعماری قوتوں سے بیزاری کا دو ٹوک اعلان ہے، جو مسلمانوں کی سرزمین اور وہاں کے باسیوں کے مستقبل کا سودا کرنا چاہتے ہیں۔ فلسطین میں بسنے والے مقامی افراد چاہے ان کا تعلق کسی بھی مذہب سے ہو کو ریفرنڈم کے ذریعے اپنے مستقبل کے فیصلے کا حق دیا جائے، دنیا بھر کے مسلمان حکمران اگر اسرائیل کے خلاف اٹھ کھڑے ہوں تو اسرائیلی کا اپنی بقا کی جنگ میں شکست سے دوچار ہونا یقینی ہے۔ اسرائیل کا ناپاک وجود پوری دنیا کے لیے خطرہ بن چکا ہے۔ عالمی امن کے لیے اس سے چھٹکارا حاصل کرنا نہایت ضروری ہے، ملت اسلامیہ مظلومین کشمیر و فلسطین کو کبھی فراموش نہیں کرے۔
وحدت نیوز(لاہور) مجلس وحدت مسلمین شعبہ خواتین کی مرکزی سیکرٹری جنرل اور رکن پنجاب اسمبلی محترمہ سیدہ زھرا نقوی نے عالمی یوم القدس کی مناسبت سے اپنے پیغام میں کہا کہ قبلہ اول کی آذادی کے لیے جدو جہد کرنا ہر مسلمان پر فرض ہے مظلومین فلسطین کی حمایت میں آواز بلند کرنا اور غاصب اسرائیل و امریکہ کے خلاف برسر پیکار رہنا ہمارا فریضہ ہے۔
انھوں نے کہا کہ قدس کی آذادی میں ہی مسلمین جہاں کی بقا اور استحکام مضمر ہے انھوں نے کہا کہ بیت المقدس کو نرغہ اعداء سے چھڑوانے کی تحریک ہر سال پہلے سے ذیادہ مضبوط اور منظم ہو رہی ہے۔ ان کا کہنا تھا کہ بھارت کی جانب سے کشمیر کی نہتی عوام پر عرصہ دراز سے انسانیت سوز مظالم ڈھاۓ جا رہے ہیں لیکن پوری دنیا ان اہم ترین ایشوز پر مجرمانہ خاموشی کا شکار ہے فلسطین و کشمیر کی آزادی مسلمانوں کا اہم مسئلہ ہے لیکن بہت سے اسلامی ممالک نے ان مسائل کو ہمیشہ نظر انداز کیا اور عالمی سامراجی طاقتوں کے ہاتھ مضبوط کیے۔
انھوں نے کہا کہ ہمارے ھادی و پیشوا مولا علی علیہ سلام نے ہمیں ہر ظالم کے خلاف چاہے وہ مسلمان ہو اور مظلوم کی حمایت میں چاہے وہ کافر ہی کیوں نہ ہو آواز بلند کرنے کا حکم دیا ھے لھذا ہم اپنی آخری سانس تک مظلومین و مستضعفین کی حمایت اور آذادی قبلہ اول کی جدوجہد کو ہر فارم پر جاری رکھیں گے۔
وحدت نیوز(اسلام آباد) عالمی یوم القدس کے موقع پر مظلومین کشمیر و فلسطین کے حق میں مجلس وحدت مسلمین کی جانب سے ایک اہم کانفرنس بعنون حمایت مظلومین فلسطین و کشمیر کانفرنس کا انعقاد کیا جارہا ہے۔یہ کانفرنس 20مئی بروز بدھ 26رمضان المبارک دن 3بجے نیشنل پریس کلب اسلام آباد میں منعقد ہوگی۔
کانفرنس سے سربراہ ایم ڈبلیو ایم علامہ راجہ ناصر عباس جعفری ،وفاقی وزیر انسانی حقوق محترمہ شیریں مزاری ،سابق چیئرمین سینیٹ جناب نیئر حسین بخاری ،سربراہ تحریک اہل حرم علامہ گلزار حسین نعیمی سمیت ڈپٹی جنرل سیکریٹری ملی یکجہتی کونسل ثاقب اکبر صاحب خطاب کریں گے ۔
وحدت نیوز (ملتان) امامیہ اسٹوڈنٹس آرگنائزیشن کے وفد نے مجلس وحدت مسلمین جنوبی پنجاب کے سیکرٹری جنرل علامہ سید اقتدار حسین نقوی سے ملاقات کی، اس موقع پر ڈویژنل صدر شہریار حیدر اور علی ثقلین بھی موجود تھے۔ ملاقات کے دوران عالمی یوم القدس کے حوالے سے جنوبی پنجاب میں علامتی احتجاج کے حوالے سے تبادلہ خیال کیا گیا۔
علامہ اقتدار حسین نقوی نے کہا کہ ہر سال کی طرح اس سال بھی فلسطینی مسلمانوں سے اظہار یکجہتی کے لیے رہبر کبیر امام خمینی رضوان اللہ علیہ کے فرمان کے مطابق یوم القدس منائیں گے۔ علامہ اقتدار نقوی نے کہا کہ اس سال یوم القدس منانے کا انداز مختلف ہوگا لیکن ہر حال میں ظالم کے خلاف اور مظلوم کے حق میں آواز بلند کریں گے۔
اُنہوں نے کہا کہ آج بھی فلسطینی ظلم اور بربریت کا شکار ہیں، غاصب صیہونی مسلسل اسلام کے خلاف سازشوں میں مصروف ہیں، انشاءاللہ ملک کے دیگر علاقوں کی طرح جنوبی پنجاب میں بھی مجلس وحدت مسلمین اور آئی ایس او مل کر یوم القدس منائیں گے۔
وحدت نیوز(ایبٹ آباد) مجلس وحدت مسلمین پاکستان کے ذیلی شعبہ المجلس ڈیزاسٹر مینجمنٹ سیل کی جانب سے ضلع ہری پور اور ایبٹ آباد میں سٹپ فارورڈ پاکستان کے تعاون سے 80 مستحق خاندانوں میں راشن بیگزتقسیم کئے گئے۔ واضح رہے کہ اس سے قبل اے ڈی ایم سی خیبر پختونخوا نے صوبے بھر میں 1500 سے زائد مستحق خاندانوں میں راشن تقسیم کیا ہے۔ دوسرے مرحلے میں سٹپ فارورڈ کے تعاون سے ایبٹ آباد اور ضلع ہری پور کے دور داراز علاقوں میں مستحق خاندانوں میں راشن تقسیم کیا گیا۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے ایم ڈبلیو ایم کے مرکزی سیکریٹریٹ میں پریس کانفرنس سے خطاب کرتے ہوئے کہا ہے کہ رمضان المبارک کا آخری جمعہ فلسطینی اور کشمیری مسلمانوں کی حمایت میں عالمی یوم القدس کے طور پر منایا جائے گا۔انہوں نے کہا کہ کشمیر اور فلسطین میں مسلمانوں پر ڈھائے جانے والے مظالم پر عالم اسلام کی خاموشی لمحہ فکریہ ہے۔ ہر باشعور مسلمان یوم القدس کے موقع پر ظلم کے خلاف آواز بلند کرتے ہوئے بھارت، اسرائیل اور امریکہ سے نفرت و بیزاری کا اظہار کرے۔ صدر ٹرمپ اپنے عرب اتحادیوں کے ساتھ مل کر ڈیل آف سنچری کے نام پر مسلمانوں کا قبلہ اول یہودیوں کے حوالے کرنے کا مصمم ارادہ کر چکے ہیں۔صیہونیوں کے غاصبانہ قبضے کے دوران لاکھوں فلسطینیوں کو علاقہ بدر جبکہ ہزاروں افراد کو قیدی بنایا کر ظلم وتشدد کے پہاڑ توڑے جا رہے ہیں ۔
انہوں نے کہا کہ اسرائیل فوج کے ہاتھوں مظلوم فلسطینیوں کا قتل عام ایک نہ ختم ہونے والے سلسلے کی شکل اختیار کر چکا ہے۔یہی سارے مظالم کشمیر میں بھی اسی انداز سے دوہرائے جا رہے ہیں۔عالمی استکباری قوتیں طاقت کے بل بوتے پر مسلمانوں سے ان کے وطن چھیننے کی کوششوں میں مصروف ہیں ۔دنیا بھر کے مظلومین کی حمایت میں آواز بلند کرنا ایک مذہبی، قانونی اور اخلاقی تقاضہ ہے جو ہر حال میں پورا کیا جائے گا۔کشمیر اور فلسطین کے مظلوموں کی حمایت بانی پاکستان قائد اعظم محمد علی جناح کے موقف کی تجدید ہے۔یوم القدس پر ہمارا احتجاج ان استعماری قوتوں کے لیے انکار کا دو ٹوک اعلان ہے جو اسرائیلی سرزمین اور وہاں کے باسیوں کے مستقبل کا سودا کرنا چاہتے ہیں۔
انہوں نے کہا فلسطین میں بسنے والے مقامی افراد چاہے ان کا تعلق کسی بھی مذہب سے ہو ریفرنڈم کے ذریعے مستقبل کے فیصلے کا حق دیا جائے۔انہوں نے کہا کہ مسلمان حکمران اگر اسرائیل کے خلاف اٹھ کھڑے ہوں تو اسرائیلی بقا خطرے میں پڑ جائے گی۔ اسرائیل کا ناپاک وجود پوری دنیا کے لیے خطرہ ہے۔عالمی امن کے لیے اس سے چھٹکارا حاصل کرنا ضروری ہے۔
ایک سوال کے جواب میں انہوں نے کہا کہ عزاداری ہمارا قانونی و آئینی حق ہے۔ہمارے درمیان یہ بات طے شدہ تھی کہ ایس او پیز پر عمل کرتے ہوئے مراسم عزا ادا کیے جائیں گے تاہم حکومت نے اپنے فیصلے میں اچانک تبدیلی کر کے ملت تشیع میں اضطراب پیدا کر دیا۔ اس غیر متوقع صورتحال کی ساری ذمہ داری وفاقی و صوبائی حکومتوں پر عائد ہوتی ہے جس نے انتظامی معاملات پر کمزور گرفت رکھتے ہوئے مسائل پیدا کیے۔انہوں نے کہ ملت تشیع قانون کی بالادستی پر یقین رکھتی ہے اور قانون شکنی کو جرم تصور کرتی ہے لیکن قانون کے نام پر مزہبی معاملات پر قدغن کی اجازت کسی کو نہیں دی جا سکتی۔
وحدت نیوز(کوئٹہ) فلسطین فاؤنڈیشن بلوچستان کے زیراہتمام مظلوم فلسطینی عوام سے اظہار یکجہتی کے لئے سالانہ آزادی القدس کانفرنس کی دعوتی مہم کے سلسلے میں مجلس وحدت مسلمین پاکستان کے مرکزی ترجمان علامہ مقصود علی ڈومکی نے امیر جماعت اسلامی بلوچستان مولانا عبدالحق ہاشمی سے ملاقات کی۔اور ان سے آزادی القدس کانفرنس کے انعقاد کے سلسلے میں مشاورت کی۔
اس موقع پر گفتگو کرتے ہوئے علامہ مقصود علی ڈومکی نے کہا کہ فلسطینی عوام گزشتہ ستر سال سے ایک مظلوم قوم کی حیثیت سے اسرائیل کے مظالم برداشت کر رہے ہیں۔ جبکہ امریکہ اور دیگر عالمی سامراجی قوتیں مظلوم فلسطینیوں کو ان کا حق دینے کے لئے تیار نہیں ہیں۔ غاصب اسرائیل کو سپورٹ کرنے کے لئے ڈیل آف سینچری کے نام سے ایک شرمناک منصوبہ تیار کیا گیا ہم تحریک آزادی فلسطین کی بھرپور حمایت کرتے ہیں۔
اس موقع پر گفتگو کرتے ہوئے مولانا عبدالحق ہاشمی نے کہا کہ فلسطین کے عوام مظلوم ہیں ہیں اور بیت المقدس اور قبلہ اول کی تحریک آزادی کو دنیا بھر کے مسلمانوں کی حمایت حاصل ہے۔ انہوں نے کہا کہ پاکستان کے عوام مظلوم فلسطینی عوام کے ساتھ ہیں۔ درایں اثناء علامہ مقصود علی ڈومکی نے فلسطین کانفرنس کے سلسلے میں نیشنل پارٹی کے رہنما سابق وزیر اعلی بلوچستان ڈاکٹر عبدالمالک بلوچ ممتازعالم دین مولانا انوارالحق حقانی جماعت الدعوہ کے صوبائی امیر مولانا رانا محمد اشفاق کو دعوت دی۔
وحدت نیوز(لاہور)مجلس وحدت مسلمین پاکستان کے مرکزی ڈپٹی سیکریٹری جنرل علامہ احمد اقبال رضوی کا ایم ڈبلیو ایم کے صوبائی سیکرٹریٹ میں دیگر رہنماؤں علامہ حسن ہمدانی، علامہ محمد خان مھدوی، نجم عباس خاں کے ہمراہ پریس کانفرنس سے خطاب کرتےہوئے کہناتھا کہ حکومت اور ہمارے قائدین کے درمیان یوم علی ع پر عزاداری کے معاملات طے ہو چکے اور حکومت نے ایس او پیز کے تحت جلوس و مجالس کے انعقاد کی اجازت دے دی تھی یکسر اس فیصلے کو بلاجواز واپس لیا گیا جس سے عزادران کے مذہبی جذبات کو شدید ٹھیس پہنچی۔ایک غیر یقینی صورتحال پیدا کر کے ملت تشیع کو اضطراب میں مبتلا کرنا قابل مذمت اور غیر ذمہ دارانہ اقدام ہے۔
انہوں نے کہا کہ اس صورتحال کی تمام تر ذمہ داری وفاقی اور صوبائی حکومتوں پر عائد ہوتی ہے ۔حکومتی صفوں میں موجود انتہا پسندوں کے فکری سہولت کار ایک بار پھر ملک دشمن عناصر کو فرقہ واریت پھیلانے کی دعوت دے رہے ہیں۔ملک کے امن وامان کو تباہ کرنے کی اس کوشش کو روکنے کے لیے سنجیدہ اور عنکی اقدامات کرنے ہوں گے۔نارووال میں چادر اور چاردیواری کے تقدس کو جس ڈھٹائی سے پامال کیا گیا وہ قابل مذمت ہے۔صوبائی حکومت ذمہ داران کے خلاف تادیبی کاروائی کرے۔
علامہ احمد اقبال رضوی نے مزید کہا کہ یوم علی ع کے حوالے درج ہونے والے مقدمات واپس لینے کا بھی مطالبہ کرتے ہیں فلسطین اور بیت المقدس پر اسرائیلی تسلط کسی صورت قابل قبول نہیں ہے۔ کشمیر اور فلسطین کے مظلومین کی پر زور حمایت جاری رکھیں گے۔ موجودہ صورتحال کو مدنظر رکھتے ہوئے یوم القدس بھر پور طریقے سے منایا جائے گا۔
