وحدت نیوز(نیوزڈیسک) شیخ نمر باقر النمر کی شہادت کے کچھ دیر بعد ان کی ویب سائٹ نے اس خط کو شائع کیا جو شہید نے شہادت سے پہلے اپنی ماں کو لکھا تھا۔

اس ویب سائٹ نے لکھا ہے کہ شیخ نمر سزائے موت کے حکم کی خبر سننے کے بعد نہ صرف پریشان نہیں ہوئے بلکہ یہ جملہ کہہ کر کہ ’’ خداوند عالم تمہیں خیر کی بشارت دے‘‘ خوش ہوئے۔

شیخ نمر کا اپنی ماں کو لکھا گیا خط:

’’میری صبور ماں ’’ام جعفر‘‘ کے نام

مادر گرامی! ہمیشہ خدا کا شکریہ ادا کرنا اور جو تقدیر کا فیصلہ ہو اسے قبول کرنا اس لیے کہ تقدیر الھی انسان کے فیصلہ سے بہت بہتر ہے جو کچھ وہ ہمارے لیے منتخب کرتا ہے وہ اس سے کہیں زیادہ عاقلانہ ہے جو ہم خود اپنے لیے انتخاب کرتے ہیں۔ ٹھیک ہے کہ ہمیں دعا کرنا چاہیے اور اپنی حاجتوں کو اللہ سے طلب کرنا چاہیے لیکن ہمارے لیے کیا بہتر ہے وہ ہم سے بہتر جانتا ہے۔

حمد و ثنا صرف خداوند عالم کو زیبا ہے کہ جو انسان کو حکم کرتا ہے اور انسان اس کے امر کے سائے میں بلندی حاصل کرتے ہیں۔ کوئی بھی کسی چیز کو اس کی جگہ سے ہلانے پر قادر نہیں ہے مگر یہ کہ اللہ کی مشیت اس کے پیچھے کارفرما ہو۔

مادر عزیز! جان لیں کہ اللہ دیکھ رہا ہے جان لیں کہ وہ انسان کے ذرہ ذرہ کاموں سے بھی آگاہ ہے اور انسان کے ارادے اس کی گرفت سے باہر نہیں ہیں۔ ہمارے لیے کافی ہے کہ ہم جان لیں کہ اگر کوئی واقعہ رونما ہوتا ہے تو وہ مشیت الہی کی بنیاد پر رونما ہوتا ہے نہ کسی اور چیز کی وجہ سے۔

آخر میں آپ اور تمام دیگر چاہنے والوں کو خدا کے حوالے کرتا ہوں کہ خداوند عالم بہترین محافظ ہے۔

                                                                          آپ کا عزیز شیخ نمر باقر النمر‘‘

واضح رہے کہ سعودی وزارت داخلہ نے آج صبح بروز سنیچر مورخہ ۲ جنوری ۲۰۱۶ کو سعودی عرب کے بزرگ شیعہ عالم دین آیت اللہ شیخ نمر باقر النمر کو ۴۶ افراد کے ہمراہ شہید کئے جانے کا اعلان کر دیا۔

وحدت نیوز (ٹوبہ ٹیک سنگھ) مجلس وحدت مسلمین پاکستان ٹوبہ ٹیک سنگھ کے زیر اہتمام مرکزی امام بارگاہ جھنگ روڈ میں ملک بھر کی طرح یوم سیاہ کے سلسلے میں احتجاجی مظاہرہ کیا گیا ۔سعودی شیعہ راہنماء باقر النمر کی شہادت پر ظالم آل سعود کے خلاف مظاہرہ سے مجلس وحدت مسلمین کے صوبائی راہنماء زاہد حسین مہدوی نے خطاب کرتے ہوئے کہا کہ سعودی آل سعود اصل میں آل یہود ہیں ۔باقر النمر کو شہید کر کے آل سعود نے اپنی نابودی کا سامان اپنے ہاتھ سے کر لیاہے ۔انہوں نے کہا کہ آیت اللہ شیخ باقر انمر کو صرف اس جرم میں شہید کر دیا گیا کہ وہ حکومت پر تنقید کرتے تھے ، آزادی کی حمایت ااور جنت البقع کے مزارات کی تعمیرات کا مطالبہ کرتے تھے کو سزائے موت اپنا تمام انسانی حقوق کی تنظیموں کے لئے لمحہ فکریہ ہے ۔ناحق بہایا گیایہ خون سعودی حکومت کو مہنگا پڑے گا شیخ باقر النمر کا قتل آل سعود کی سیاسی غلطی ہے ۔انہوں نے کہا کہ سعودی حکومت اپنی بقاء کے لئے نائجیریا ، بحرین ، یمن ، عراق ، شام ، افغانستان میں مسلمانوں کے خون سے اپنے ہاتھ رنگین کر رہی ہے انہوں نے سعودی وزیر خارجہ کے دورہ پاکستان کا بائیکاٹ کرتے ہوئے کہا کہ سعودی وزیر خارجہ کا دورہ پاکستان فرقہ واریت کو ہوا دینے کے لئے ہے اگر حکومت 34ملکی تکفیری فوجی اتحاد کا حصہ بنی تو محبان وطن عالم اسلام کی بقاء کے لیئے اٹھ کھڑے ہوں گے ۔مظاہرے سے ضلعی راہنماء حاجی محمد اسلم امامیہ اسٹوڈنٹس کے راہنماء عرفان حیدر نے بھی خطاب کیابعد ازاں ریلی مرکزی امام بارگاہ میں اختتام پذیر ہوگئی ۔

وحدت نیوز (سکردو) سفاکیت اور بربریت کے خلاف برسرپیکار عالمی حقوق کے عظیم علمبردار آیت اللہ باقرالنمر اور انکے درجنوں ساتھیوں کی آل سعود کے ہاتھوں شہادت کے خلاف ایک عظیم الشان احتجاجی ریلی مرکزی انجمن امامیہ اور مجلس وحدت مسلمین بلتستان ڈویژن کے زیراہتمام حسینی چوک اسکردو سے نکالی گئی۔ ریلی کے شرکاء نے ہاتھوں میں پلے کارڈز اور بینرز اٹھا رکھے تھے، جس پر آیت اللہ باقرالنمر اور انکے دیگر ساتھوں کی المناک شہادت پر سعودیہ حکومت کے خلاف نعرے درج تھے۔ شرکائے ریلی آل سعود کی ظالمانہ اقدام کے خلاف شدید نعرہ بازی کرتے ہوئے یادگار شہداء اسکردو پہنچے جہاں احتجاجی جلسے سے علماء کرام نے خطاب کیا۔ احتجاجی جلسے سے خطاب کرنے والوں میں ایم ڈبلیو ایم بلتستان کے سربراہ آغا علی رضوی، علامہ شیخ ڈاکٹر کاظم سلیم، شیخ جواد حافظی، آغا باقر رضوی اور دیگر شامل تھے۔ مقررین نے اپنے خطاب میں کہا کہ سعودی شہنشاہیت عالم اسلام کے چہرے پر بدنما داغ کی مانند ہے۔ سعودی عرب میں شیعہ مکتب فکر سے تعلق رکھنے والوں پر عرصہ حیات تنگ کیا جا رہا ہے اور اب بھی سینکڑوں بے گناہ قید میں ہیں۔ سعودی عرب میں انسانی حقوق کی بدترین خلاف ورزی پر عالمی حقوق کی تنظیموں کی خاموشی لمحہ فکریہ ہے۔ مقررین نے کہا کہ دنیا میں موجود جمہوریت کے چیمپئن کو سعودی عرب میں ہونی والی انسانی حقوق کی خلاف ورزی نظر نہیں آتی۔ آیت اللہ باقرالنمر کو امریکہ اور اسرائیل کی ایماء پر قتل کیا گیا ہے، انکا قتل آل سعود کی نابودی کا پیش خیمہ ثابت ہوگا۔ آل سعود نے ظلم کی تمام حدیں پار کر دی ہیں اور موجودہ نسل آل سعود کی حکومت کی سقوط کو اپنی آنکھوں سے دیکھے گی۔

وحدت نیوز (کوئٹہ) مجلس وحدت مسلمین پاکستان کے رہنماء علامہ مقصود علی ڈومکی نے گوٹھ بخش علی خان جکھرانی، دائو، دودا پور امیر آباد کا دورہ کیا، اس موقع پر گفتگو کرتے ہوئے انہوں نے کہا کہ خالص محمدی اسلام جس کے علم بردار امام خمینی تھے، اب عالمی انقلابی تحریک میں تبدیل ہوچکا ہے۔ نایئجیریا، سعودی عرب، بحرین سمیت دنیا کے درجنوں ممالک کے عوام سامراج مخالف اس انقلابی تحریک میں شامل ہوکر شیطان بزرگ امریکہ اور اس کے اتحادیوں کو رسوا کر رہے ہیں۔ آیة اللہ شہید باقر النمر کی شہادت آل سعود کے ظالمانہ اقتدار کے خاتمے اور ظالموں کے عبرت ناک انجام کا سبب بنے گی۔ انہوں نے کہا کہ سعودی وزیر خارجہ اور آل سعود کے ہاتھ معصوم انسانوں کے خون ناحق سے رنگین ہیں، سعودی وزیر خارجہ کی پاکستان آمد پر ان کا استقبال ایک قاتل دہشتگرد کے طور پر کیا جائے۔ آل سعود دنیا بھر میں تکفیری دہشتگردوں کے حامی اور سرپرست ہے، عالمی تکفیری دہشتگرد گروہ طالبان، القاعدہ اور داعش آل سعود کے دیئے ہوئے تحفے ہیں، تکفیری دہشت گردی کے خاتمے کے لئے آلِ یہود اور آل سعود کا خاتمہ ضروری ہے۔

وحدت نیوز (اسلام آباد) ۳ جنوری کو ایکسپریس نیوز پر  فرقہ پرست ،متعصب، ذرخریدصحافی احمد قریشی کے پروگرام میں شہید آیت اللہ باقرالنمر اور اہل تشیع مقدسات کے خلاف زہرافشانی کرنے پر وحدت سوشل میڈیا ٹیم نے  سماجی رابطے کی ویب سائٹ ٹیوٹر، فیس بک اور واٹس اپ کے زریعےشدید احتجاج کیا، یہ احتجاج رنگ لایا اور ایکسپریس نیوز   نے اس پروگرام کی وجہ سے شیعیان علی علیہ سلام کی دل آزاری کرنے  پر معافی مانگ لی ہے۔

اطلاع کے مطابق ایکسپریس نیوز کی اتنظامیہ نے کہا کہ ۳ جنوری کے پروگرام میں ناظرین کی دل آزاری ہوئی ہے اس پر ناظرین سے معافی مانگتے ہیں، ایکسپریس نیوز کی انتظامیہ نے کہا کہ وہ اس پروگرام میں پیش کی جانے والی رائے سے متفق نہیں جبکہ معاملے کی اہمیت کو مدِ نظر ضروری اقدامات اُٹھا لیے گئے ہیں اور تادیبی کاروائی کی جاچکی ہے۔

اس پروگرام کے نشر ہونے کے بعد سوشل میڈیا صارفین نے ٹوئیٹر اور دیگر سوشل میڈیا کے ذریعے شدید احتجاج کیااور اس پروگرام میں احمد قریشی کی جانب سے آل سعود کی حمایت میں دیئے جانے والے بیان اور شیخ النمر کو دہشتگرد قرار دینے پر احمد قریشی کو تنقید کا نشانہ بنایا۔

اسکے علاوہ دنیا بھر میں موجود پاکستانیوں سے سوشل میڈیا ٹیم نے رابط کرکے ایکسپریس نیوز کے مالک اور احمد قریشی کو  احتجاجی کالز کرنے پر آمادہ کیا ، اس عوامی رد عمل کے بعد ایکسپریس نیوز نے معافی مانگ لی ہے۔

ضرورت اس امر کی ہے کہ ایکسپریس نیوز کی انتظامیہ اپنے ادارے میں بیٹھے تین ناسوروں  احمد قریشی، مولانا طاہر اشرفی اور اوریا مقبول جان سے اپنے میڈیا آوٹ لیٹ کو پاک کریں، کیونکہ ان تینوں افراد کا مقصد مذہبی منافرات پھیلا کر پاکستان کی سالمیت کو کمزور کرنا ہے، اگر ایکسپریس کے مالک سلطان لاکھانی یہ کام کرنے سے قاصر ہیں تو ہم ان تینوں افراد کے جرائم میں سلطان لاکھانی کو بھی شریک جرم قرار دینے پر مجبو ہونگے۔

وحدت نیوز (فیصل آباد) معاشرتی بگاڑ سے پیدا ہونیوالی خرابیوں کے نتیجے میں صورتحال میں بہتری لانے کیلئے ضروری ہے کہ تعلیمات محمدؐ و آل محمدؐ کی ترویج او ر اشاعت کو منظم کیا جائے۔آج کا میلاداسی سلسلے کی ایک کڑی ہے، ان خیالات کا اظہار ضلعی سیکرٹری جنرل مجلس وحدت مسلمین ڈاکٹر سید افتخار حسین نقوی نے میلاد مدینۃ العلم سے خطاب کرتے ہوئے کیا۔انہوں نے مزید کہا کہ مجلس وحدت مسلمین تعلیمات محمد ؐو آل محمدؐ پر عمل کرتے ہوئے آگے بڑھ رہی ہے اور تھوڑے عرصے میں ملکی فضا کو تبدیل کردیا ہے طاقت و قوت کا سرچشمہ و حدت ہے او رکوئی معاشرہ اس سے انکار نہیں کرسکتا۔شیعہ سنی اخوت کو پروان چڑھایاجائے مسلمان جتنے ایک دوسرے کے قریب ہونگے اتنے ہی طاقتور اور مضبوط ہونگے۔ہمیں کسی بھی طبقے کیخلاف تنقیدو نفرت کا مظاہرہ نہیں کرنا چاہیے ہمیں برداشت اور ایک دوسرے کے احترام کو مقدم جاننا چاہئے،بعض مکاتب فکر کے کچھ لوگوں میں تنگ نظری دکھائی دیتی ہے اور وہ اپنے علاوہ پورے عالم اسلام کو کافر سمجھتے ہیں،آئیے آج عہد کریں کہ ہم اپنے اختلافات کو بلائے طاق رکھ امت محمدی کی عزت و وحدت کیلئے مل جل کرآگے بڑھیں گے۔

صوبائی سیکرٹری جنرل مجلس وحدت مسلمین علامہ عبدالخالق اسدی نے اپنے خیالات کا اظہار کرتے ہوئے کہا کہ سعودی عرب میں شیخ باقر النمر سمیت 47افراد کے سرقلم کرنے کی بھرپور مذمت کرتے ہیں،’’سعودیہ نواز‘‘ چینل نے باقرالنمر سمیت دیگر شہداء کی خبر کومنظر عام پر نہیں لائے،شیخ باقرالنمر کا قصور یہ تھا کہ وہ سعودی عرب میں جمہوریت اور شخصی آزادی کے حق میں تھے ،اسلام کے بادشاہ سمجھ بیٹھے ہیں کہ شیعہ سنی لڑا کر حکومتیں پکی ہوتی ہیں شیخ باقرالنمر ایک عاشق رسولؐ اور بے گناہ انسان تھے انکے قتل کی جتنی مذمت کی جائے کم ہے داعش کو پروان چڑھانے والے سن لیں کہ داعش کو اسرائیل اور یہودیوں کی مکمل حمایت حاصل ہے طالبان اسرائیل اور یہودیوں کے مفادات کیلئے کام کررہے ہیں آج تک داعش اور طالبان نے کسی یہودی کمپنی کو نقصان نہیں پہنچایا،34اسلامی ممالک کا اتحاد ایران اور عراق کو کچلنے کا مشن ہے ،افغانستان ٹوٹ گیا اسکو بچانے کیلئے اسلامی ممالک نے اتحاد نہیں بنایا،سعودیہ میں شہزادوں کا جشن منانا جائز ہے جبکہ عید میلادؐ منانا درست تصور نہیں کیا جاتا۔اختلاف رائے ہوسکتا ہے لیکن دشمنی نہیں ہوسکتی۔50ہزار بیگناہ اہل تشیع کو قتل کیا گیا،شہید باقرالنمرکی شہادت ضرور رنگ لائیگی سب علماء اکرام کی ذمہ داری ہے کہ شہید باقرالنمر کے قتل پر احتجاج کریں میلاد منانے والوں کو چن چن کر شہید کیا جارہا ہے،کراچی سے لیکر داتا دربار تک کتنے مزارات کو بربریت کا نشانہ بنایا گیا لاہور ،راولپنڈی میں سڑکوں کے نام پر 15سے16مزارات کو گرایا گیا پاکستان میں شیعہ ،سنی جھگڑا نہیں ہے ،رحمت العالمین کے بابرکت مہینے میں ہم سب کو اپنے گریبانوں میں جھانکنا چاہیے رب العزت پاکستان کو رہتی دنیا تک سلامت رکھے۔پی آئی اے،ریلوے سمیت دیگر اداروں کو خسارے کے نام پر پرائیویٹ کیا جارہا ہے اگر ادارے خسارے میں ہیں تو اربوں ،کھربوں روپے میٹروبس،اورنج ٹرین پر لگانے کی بجائے اداروں کی بہتری پر صرف کیے جائیں پاکستان کو جب بھی ہماری قربانی کی ضرورت پڑے گی ضرور دینگے۔قوم کو عزت و آبرو کیساتھ آگے بڑھیں گے۔دعا گو ہیں کہ فیصل آباد سمیت پاکستان میں امن و امان ،اتحاد،اخوت بھائی چارے کی فضا قائم ہو تاکہ سب مل جل کر کام کریں۔میلاد کی پروقار تقریب میں علامہ احسان علی جعفری،ملک بخش الٰہی،سید حسنین شیرازی،سید شاہد نقوی،ماسٹر بشیر خان،مولانا فضل کاظمی،علامہ ذاکر نقوی،مولانا تصور جعفری،عرفان حسینی،علامہ ضیاء الرحمن انوری،محی الدین کاظمی ایڈووکیٹ،مولانا حبیب رضا،مولانا منشاء سالک،سید مجاہد حسین،قاری عبدالحفیظ،چیئرمین یونین کونسل183چوہدری صباح بن ستار،سید صفدر رضا،پرویز اکر م میدانی ،مولانا محمد ابراہیم،علامہ فضل عباس،دلدار شاہ،سمیت مختلف مکاتب فکر سے تعلق رکھنے والے علماء اکرام وذاکرین بھی موجود تھے۔