وحدت نیوز (شگر) مجلس وحدت مسلمین ضلع شگر گلگت بلتستان کی جانب سے شگرکے مختلف سیاسی وسماجی امور اور انکے حل کیلئے آل پارٹیز کانفرنس کا انعقاد کیا گیا، جس میں شگر میں موجود تمام سیاسی جماعتوں نے شرکت کی، جن میں میزبان ایم ڈبلیو ایم کے علاوہ پیپلزپارٹی، اسلامی تحریک، تحریک انصاف، مسلم لیگ نون اور شگر خاص کے روسائ وعمائدین کی کثیر تعداد میں شرکت کی۔ اس موقع پر مقررین کا کہنا تھا کہ یقیناً ایسا اتحاد علاقے کی تعمیروترقی میں مددگار ثابت ہوسکتا ہے اور دوسری طرف سیاسی اختلاف جمہوریت کا حسن ہے جسکا ہونا بھی ضروری ہے اور اس اختلاف کے زریعے سے مسائل کی نشاندہی ممکن ہوسکتے ہیں نہ یہ کہ اس اختلاف کو بنیاد بناکر دشمنی کرتے ہوے مار ڈھار کی سیاست کو فروغ دے۔

 

وحدت نیوز (کراچی) مجلس وحدت مسلمین صوبہ سندھ کے سیکرٹری جنرل علامہ مقصود علی ڈومکی نے کہا ہے کہ عزاداری کے خلاف کسی بھی قسم کی سازش کا ڈٹ کر مقابلہ کیا جائے گا۔ محرم الحرام کے دوران عزاداری اور عزاداروں کو مکمل سیکورٹی کی فراہمی کے لئے تمام تر انتظامات مکمل کرائے جائے گئے۔ ان خیالات کا اظہار انہوں نے وحدت ہاو¿س کراچی میں اپنی زیر صدارت منعقدہ اجلاس سے خطاب کرتے ہوئے کیا۔ اجلاس میںمحرم الحرام کے دوران کراچی میں منعقد ہونے والے عزاداری، مجالس اور جلوسوں کے پروگرامز کو حتمی شکل دے دی گئی اور ایک عزاداری سیل بھی قائم کردیا گیا ہے، جس کے انچارج علی حسین نقوی کو نامزد کیا گیا ہے۔ اجلاس سے خطاب کرتے ہوئے علامہ مقصود علی ڈومکی نے کہا کہ اس سال کراچی میں ہونے والی تمام مجالس، عزاداری اور جلوسوں کو مکمل سیکورٹی کی فراہمی کے لئے مجلس وحدت المسلمین نے انتظامات کو حتمی شکل دے دی ہے اس کے علاوہ محرم الحرام کے دوران صفائی ستھرائی اور دیگر تمام انتطامات کو بھی مکمل کریا جائے گا۔ انہوں نے عزاداری سیل کے قیام کا اعلان کرتے ہوئے کہا کہ علی حسین نقوی کی قیادت میں بننے والے سیل میں میر تقی ظفر ،علامہ مبشر حسن میثم عابدی ،زین رضا کو بحثیت ارکان شامل کیا گیا ہے۔ یہ سیل محرم الحرام کے دوران شہر میں ہونے والی تمام مجالس، جلوس اور عزاداریوں کی سیکورٹی کے ساتھ ساتھ ان علاقوں کی صفائی اور دیگر انتطامات کو مکمل کریں گے اور درپیش مشکلات کا ازالہ کریں گے۔ انہوں نے کہا کہ عزاداری کے خلاف کسی بھی سازش کو اب اس شہر کے شیعہ اور سنی بھائی مل کر ناکام بنائیں گے ۔

وحدت نیوز (لاہور) مجلس وحدت مسلمین پاکستان صوبہ پنجاب کے سیکرٹری جنرل علامہ سید مبارک علی موسوی نے برادر انصر مہدی کو پاکستان کے حقیقی پیروان ولائت امامیہ طلباءکا چھیالیسواں مرکزی صدر منتخب ہونے پر مبارک باد پیش کی ہے ۔اور امید ظاہر کی ہے کہ وہ اپنے اعلیٰ تنظیمی تجربات سے دور حاضر کے تقاضوں سے ہم آہنگ قومی طلباء تنظیم کو فعال کریں گے اور قومی برادرتنظیموں جماعتوں کی باہمی قرابت کو مزید تقویت دیں گے، ان کا کہنا تھا کہ امامیہ اسٹوڈنٹس وہ نمایاں قومی تنظیم ہے جو نوجوانوں میں الہی و اسلامی اقدار کا احیا کرتی ہے اور مہدءبرحق کے ظہور کی راہیں ہموار کر رہی ہے، مجلس وحدت مسلمین اور آئی ایس او کا قومی معاملات میں اشتراک عمل ہمیشہ نمونہ عمل رہا ہے، جس کو ملت جعفریہ قدر کی نگاہ سے دیکھتی ہے، مجلس وحدت مسلمین پاکستان کے اعلیٰ مرکزی اور ہر سطح کے عہدوں پر فائز سابقین آئی ایس او قوم کی بہترین خدمات سر انجام دے کر ملت سازی کر رہے ہیں، یہی وجہ ہے کہ آئی ایس او کا ہر مرکزی صدرمجلس وحدت مسلمین پاکستان کی شوریٰ عالی کا رکن ہوتے ہیں۔

وحدت نیوز (لاہور) مجلس وحدت مسلمین کے زیر اہتمام حلقہ این اے 120 اسلام پورہ حیدر روڈ پر پاکستان تحریک انصاف کی امیدوار ڈاکٹر یاسمین راشد کے حق میں جلسہ منعقد کیا گیا،انتخابی جلسے میں بڑی تعداد میں حلقہ این اے 120 کے ووٹرز کارکنان نے شرکت کی ،جلسہ میں سنی اتحاد کونسل کے کارکنا ن بھی شریک ہوئے،انتخابی مہم کے سلسلے میں مجلس وحدت مسلمین کے جلسے سے مجلس وحدت مسلمین کے مرکزی سیکرٹری سیاسیات سید اسد عباس نقوی،سیکرٹری جنرل پنجاب علامہ مبارک موسوی،علامہ حسن ہمدانی،سید حسن رضا نقوی،سید حسن کاظمی،سید حسین زیدی،آغا نقی مہدی،رائے ناصر علی،رانا ماجد علی،خرم زیدی،سنی اتحاد کونسل کے چئیرمین صاحبزادہ حامد رضا،پاکستان تحریک انصاف کے رہنماوں چوہدری سرور،اعجاز چوہدری،عبدالعلیم خان،این اے 120 کی امیدوار ڈاکٹر یاسمین راشد نے شرکت کی۔ جلسے سے خطاب کرتے ہوئے سید اسد عباس نقوی نے کہا کہ انشااللہ ن لیگ کو سترہ ستمبر کو عدلیہ کے بعد قوم بھی مسترد کریگی،نواز شریف اور اس کے خاندان نے عوام کو غربت مہنگائی اور بے راوز گاری کے سوا کچھ نہیں دیا،آل شریف کا سیاسی دور ختم ہوچکا،انشااللہ حلقہ این اے 120 کے محب وطن عوام نے سترہ تاریخ کو فیصلہ کرنا ہے کہ وہ پاکستان میں انصاف اور دختر پاکستان کو منتخب کرنا ہے یا مودی کے یاروں کو خوش کرنا ہے،یقیناََ زندہ دلان لاہور قومی لٹیروں اور مودی کے یاروں کو مسترد کرینگے،اور نیا پاکستان کی بنیاد رکھنے میں اپنا کردار ادا کریں گے۔  علامہ مبارک موسوی نے کہا کہ ن لیگ کی شکست نوشتہ دیوار ہے،آج تعجب ہے کہ ان کو زائرین بھی یاد آرہے ہیں اور عزادار بھی،ہمیں سانحہ راجہ بازار یاد ہے،اور اس میں ن لیگی وزراء کے کردار سے بھی واقف ہیں،ملت جعفریہ اپنے سیاسی حقوق کے لئے میدان میں اتر چکی ہے،ہم انشااللہ ن لیگ کے ظلم ستم کا صلہ این اے 120 اور 2018 کے الیکشن میں سود سمیت چکا دینگے،اس موقع پر پی ٹی آئی کے رہنماوں نے مجلس وحدت مسلمین کا شکریہ ادا کرتے ہوئے کہا کہ کرپشن دہشتگردی اور انتہا پسندی کیخلاف ملکی ترقی کی سفر میں پی ٹی آئی اور ایم ڈبلیوایم ہمیشہ ساتھ رہے گی۔

وحدت نیوز (پشاور) مجلس وحدت مسلمین پاکستان کے مرکزی سیکرٹری سیاسیات سید اسد عباس نقوی نے خیبر پختونخوا کے مختلف اضلاع کا دورہ کیا، اس موقع پر شعبہ سیاسیات کے رہنماء محسن شہریار، صوبائی سیکرٹری جنرل علامہ اقبال بہشتی، صوبائی ڈپٹی سیکرٹری جنرل علامہ وحید کاظمی، صوبائی ڈپٹی سیکرٹری جنرل علامہ سید عبدالحسین الحسینی، صوبائی سیکرٹری سیاسیات محمد قاسم بھی ان کے ہمراہ تھے۔ دورہ کے پہلے مرحلہ میں اسد نقوی ہری پور پہنچے جہاں انہوں نے مختلف شیعہ عمائدین کیساتھ نشست کی اور مجلس وحدت مسلمین کی سیاسی پالیسی بیان کی۔ علاوہ ازیں وہ وفد کے ہمراہ پشاور گئے جہاں ضلعی کابینہ کے اراکین اور شیگر شیعہ شخصیات کیساتھ ملاقاتیں کیں۔ دورہ کے اگلے مرحلہ میں وہ کوہاٹ گئے جہاں ایم ڈبلیو ایم کے دفتر میں علاقہ عمائدین کیساتھ نشست کی۔ اس موقع پر ایم ڈبلیو ایم کے مقامی مسئولین بھی موجود تھے۔

 وحدت نیوز (ملتان) مجلس وحدت مسلمین کے رہنمائوں کی محرم الحرام میں ہم آہنگی اور تعاون کے حوالے سے مذہبی،سیاسی اور سماجی شخصیات سے ملاقات کا سلسلہ جاری ہے، گزشتہ روز مجلس وحدت مسلمین کے صوبائی سیکرٹری جنرل نے وفد کے ہمراہ جماعت اہلسنت پاکستان کے رہنمائوں صوبائی ناظم علامہ فاروق خان سعیدی، قاری فیض بخش رضوی،علامہ رمضان شاہ فیضی،قاری مطیع الرسول سعیدی، پیر عزیز رسول سعیدی سے ملاقات کی، اس موقع پر مجلس وحدت مسلمین کے صوبائی سیکرٹری سیکرٹری سیاسیات مہر سخاوت علی،صوبائی ترجمان ثقلین نقوی اور ملک عامر کھوکھر موجودتھے۔ ملاقات کے موقع پردونوں جماعتوں کے رہنمائوں نے محرم الحرام کے حوالے سے مشترکہ جدوجہد کا اعلان کیا، علامہ اقتدار حسین نقوی نے کہا کہ محرم الحرام کے دوران شیعہ سنی اتحاد وقت کی اہم ضرورت ہے، جنوبی پنجاب میں شیعہ سنی اتحاد کے ذریعے دشمنوں کے منصوبے ناکام بنائیں گے، اُنہوں نے مزید کہا کہ گذشتہ چند دہائیوں سے عزاداری کے خلاف تکفیری فکر رکھنے والے افراد سازشیں کر رہے ہیں اور شیعہ سنی بھائی چارگی میں تفرقہ پیدا کرنا چاہتے ہیں، جس کو ہم مل کر کسی بھی صورت کامیاب نہیں ہونے دیں گے، حکومت ان کالعدم دہشتگرد جماعتوں اور ان کے سہولت کاروں کے خلاف فوری ایکشن لے، تاکہ محرم الحرام میں امن و امان کی فضا کو یقینی بنایا جا سکے۔ اس موقع پر مہر سکاوت علی نے کہا کہ لاڈ اسپیکر ایکٹ کے نام پر عزاداری میں بے جا مداخلت برداشت نہیں کی جائے گی، لہذا اس میں بھی نرمی کیجائے، گذشتہ محرم الحرام میں سکیورٹی کی صورتحال اتنی بہتر نہیں تھی اور دہشتگردی کے کچھ دلخراش واقعات بھی رونما ہوئے، علامہ فاروق خان سعیدی کا کہنا تھا کہ  محرم الحرام کے دوران شیعہ سنی اتحاد کی فضا ہموار کرنے میں اپنا بھرپور کردار ادا کریں گے، ملتان کو امن کا گہوارہ بنانے کے لیے ہر ممکن اقدام کریں گے، جماعت اہلسنت اپنا کردار ادا کرے گی۔