مظاہرین سے خطاب کرتے ہوئے علمائے کرام نے کہا کہ گستاخ نبی کے خلاف پُر امن ریلی نکالنا ہر مسلمان کا فرض ہے اور ان ریلیوں پر پولیس گردی کے واقعات قابل مذمت ہیں۔یوم عشق رسول ۖکے موقع پر ملک کے دیگر شہروں کی طرح کبیروالامیں بھی مجلس وحدت مسلمین پاکستان کے مرکزی سیکرٹری جنرل و قائد وحدت علامہ ناصر عباس جعفری کی اپیل پر یوم احتجاج منایا گیا، اس موقع پر مظاہرین نے ملتان روڈ کو مکمل طوربلاک کردیااور امریکہ و اسرائیل کے کلاف شدید نعرے بازی اور جھنڈے نذرآتش کیے، مظاہرے کی قیادت مجلس وحدت مسلمین خانیوال کے ضلعی سیکرٹری جنرل
 انصر عباس ، علامہ عابد حسین، عدیل زیدی سمیت دیگر رہنمائوں نے کی۔
مظاہرین سے خطاب کرتے ہوئے علمائے کرام کا کہنا تھا کہ  گستاخ نبی کے خلاف پُر امن ریلی نکالنا ہر مسلمان کا فرض ہے اور ان ریلیوں پر پولیس گردی کے واقعات قابل مذمت ہیں، کراچی اور لاہور میں مجلس وحدت مسلمین اور آئی ایس او کی ریلیوں پر کی جانے والی انتظامیہ کی پُرتشددکاروائیوں کی شدید مذمت کرتے ہیں اور شہیدناموس رسالت سید علی رضا تقوی کو خراج عقیدت پیش کرتے ہیں کہ جنہوں نے ماتھے پر گولی کھا کر پاکستان میں شیعیت کا سر فخر سے بلند کردیا۔
کبیروالا،جنوبی پنجاب،احتجاجی مظاہرہ،گستاخ رسول کے خلاف،کراچی کے واقعات کی مذمت،سید علی رضا تقوی کو خراج عقیدت پیش

گستاخ نبی امریکی پادری کے خلاف یوم عشق رسول کے موقع پر مجلس وحدت مسلمین پاکستان کے سیکرٹری جنرل اور قائد وحدت علامہ ناصر عباس جعفری کی اپیل پر پورے ملک کی طرح ملتان میں بھی لبیک یا رسول اللہ ریلی نکالی گئی، ریلی دربارحضرت شاہ شمس تبریز سے شروع ہوئی اور ر علی چوک، دولت گیٹ چوک اورحسین آگاہی بازار ہوتی ہوئی چوک گھنٹہ گھر پہنچی، ریلی میں خواتین کی ایک بہت بڑی تعداد موجود تھی، ریلی کی قیادت مجلس وحدت مسلمین ملتان کے سیکرٹری جنرل علامہ اقتدار حسین نقوی،مرکزی سیکرٹری تعلیم مجلس وحدت مسلمین یافث نوید ہاشمی علامہ قاضی نادر حسین علوی، علامہ سید سلطان احمد نقوی،علامہ احمد عباس گردیزی، علامہ محمد حسین مہدوی، علامہ مجاہد عباس گردیزی، مولانا عمران ظفر، مخدوم طارق عباس شمسی، مخدوم ظفر عباس شمسی، مخدوم حسن رضا مشہدی سمیت دیگر رہنمائوں نے کی۔
ریلی میں شریک ہزاروں افراد نے امریکہ و اسرائیل کے خلاف نعرے بازی کی اور ملعون امریکی پادری کو سزائے موت دینے کا مطالبہ کیا، ریلی سے خطاب کرتے ہوئے  مجلس وحدت مسلمین ملتان کے سیکرٹری جنرل علامہ اقتدار حسین نقوی نے کہا کہ آج پاکستان کی غیور عوام نے یہ ثابت کردیا ہے کہ مسلمان ایک ہیں ، گستاخ رسول کی سزا صرف اور صرف سزائے موت ہے ، اُنہوں نے کہا کہ ہم امریکی سفارتکاروں کو متنبہ کرتے ہیں کہ وہ جلد از جلد پاکستان کے دفع ہوجائیں ورنہ پاکستان اُن کے لیے قبرستان بن جائے گا۔
دیگر رہنمائوں کا کہنا تھا کہ آج جس طرح پورے پاکستان کے عوام یکجا ور متحد ہیں یہ اس بات کا ثبوت ہے کہ پاکستانی قوم امریکیوں سے سخت نفرت کرتی ہے، اُنہوں نے مزید کہا کہ یہودی کبھی بھی اسلام اور مسلمانوں کے خیر خواہ نہیں اُنہیں جب بھی موقع ملا اُنہوں نے اسلام کے خلاف زہر اُگلا یہی وجہ ہے کہ کبھی قرآن مجید کی بے حرمتی کی جاتی ہے تو کبھی گستاخانہ خاکے بنائے جاتے ہیں ، دشمن نے ہماری خاموشی سے ناجائز فائدہ اُٹھایا اور ہمارے نبی کی شان میں گستاخانہ فلم بنا ڈالی لیکن اب ان یہودیوں ایسا سبق سکھائیں گے کہ پھر کبھی اسلام کے خلاف کوئی سازش نہ کر سکیں۔

ریلی سے خطاب کرتے ہوئے مجلس وحدت مسلمین کے رہنمائوں کا کہنا تھا کہ پاکستان میں تمام تر برائیوں کی آماجگاہ امریکی سفارتخانے ہیں جب تک ان کو بند نہیں کیا جاتا پاکستان میں امن قائم نہیںہو سکتا۔
اسلام ٹائمز۔ یوم عشق رسول ۖ کے موقع پر ملک کے دیگر شہروں کی طرح ساہیوال میں بھی علامہ ناصر عباس جعفری کی اپیل پر مجلس وحدت مسلمین کے زیراہتمام لبیک یا رسولۖ احتجاجی ریلی نکالی گئی، ریلی نماز جمعتہ المبارک کے بعد بعد جامع مسجد جعفریہ سے شروع ہوئی، ریلی کے شرکاء نے بینرز اور پلے کارڈز اُٹھا رکھے تھے جن پر امریکی پادری کے خلاف نعرے درج تھے ، ریلی کے شرکاء امریکہ و اسرائیل مخالف شدید نعرے بازی کی۔
ریلی سے خطاب کرتے ہوئے مجلس وحدت مسلمین ساہیوال کے رہنمائوں نے کہا کہ پاکستان میں تمام تر برائیوں کی آماجگاہ امریکی سفارتخانے ہیں جب تک ان کو بند نہیں کیا جاتا پاکستان میں امن قائم نہیںہو سکتاکیونکہ پاکستان میں جاری فرقہ واریت اور ٹارگٹ کلنگ کی جڑیں امریکی سفارتخانوں سے ملتی ہیں ، اگر پاکستان حکمران چاہتے ہیں کہ ملک سے بد امنی اور فرقہ واریت کا خاتمہ ہو تو فی الفور امریکی سفارتخانوں کو بند کیا جائے۔
ایم ڈبلیو ایم کی ملتان میں لبیک یا رسولۖ اللہ احتجاجی ریلی
 ملتان میں سب سے بڑی ریلی مجلس وحدت مسلمین ملتان کی جانب سے نکالی گئی ، جو کہ دربار حضرت شاہ شمس سے شروع ہوئی اور علی چوک، دولت گیٹ چوک اورحسین آگاہی بازار ہوتی ہوئی چوک گھنٹہ گھر پہنچی جہاں ایم ڈبلیو ایم کے رہنمائوں نے مظاہرین سے خطاب کیا

باغ(بیورورپورٹ)یوم عشق رسول کے موقع پر باغ میں دیگر مکاتب فکر کی طرح انجمن جعفریہ کے زیر اہتمام مرکزی جامع مسجد اثناء عشری میں نماز جمعہ کی ادائیگی سے قبل ایک بڑا احتجاجی اجتماع منعقد ہواجس مین ضلع باغ کی تمام شعیہ تنظیموں کی بھرپور نمائندگی موجود تھی، احتجاجی اجتماع سے خطاب کرتے ہوئے مقررین نے توہین رسالت پر مبنی ناپاک فلم کی اشاعت پر اپنے شدید غم و غصے کا اظہار کرتے ہوئے اسے امریکہ اور اسرائیل کے متعصبانہ گٹھ جوڑ کا شاخسانہ قراردیا اور گستاخانہ فلم کی اشاعت پر ساری دنیا میں فوری پابندی عائد کرنے اور ملعون ٹیری جونز کو فوری پھانسی دینے کا مطالبہ کیا ہے ،مقررین نے کہا کہ شمع رسالت کے پروانے ناموس رسالت پر اپنی جانوں کو قربان کر دیں گے مگر نبی آخرالزمان کی شان میں کسی قسم کی گستاخی ہر گز برداشت نہیں کریں گے ،مقررین نے مسلم امہ کے غیر موثر کردار پر کڑی تنقید کرتے ہوئے افسوس کا اظہار کیا اور کہا کہ مسل امہ اس ناپاک جسارت کے خلاف فوری موثر کاروائی عمل میں لائے ،اجتماع سے علامہ محمد اقبال ساجدی،مولانا عبدالخالق،عالمہ سید ریاض حسین کاظمی،خواجہ منظور جعفری،خواجہ مشتاق جعفری،سید شبیر حسین گردیزیایڈووکیٹ،،وقار جعفری،اعجاز شہاب اور دیگر نے بھی خطاب کیا،آخر میں ایک قرارداد کے زریعے مطالبہ کیا گیا کہ گستاخوں کو سرعام پھانسی،امریکہ اور مغربی ممالک کا اقتصادی بائیکاٹ اور نیٹو کی سپلائی کی فوری بندش کا اعلان کیا جائے