The Latest
وحدت نیوز(اصفہان)حوزہ علمیہ اصفہان میں موجود پاکستانی طلاب کے گروہ عماریون حوزہ و روحانیت کی دعوت اور مجلس وحدت مسلمین اصفہان کے تعاون سے جامعتہ المصطفٰی العالمیہ اصفہان کے زیرانتظام مدرسہ حکیمیہ میں پاکستان کے بزرگ عالم دین اور جامعتہ المنتظر لاہور کے سربراہ علامہ حافظ ریاض حسین نجفی نے پاکستانی طلاب سے ملاقات کی اور بعد ازاں سیمینار سے خطاب کیا۔ حافظ ریاض حسین نجفی نے سیمینار سے خطاب کرتے ہوئے کہا کہ دنیا میں آنے والے انقلابات، مصر، تیونس، بحرین اور ترکی میں اٹھنے والے تحرکات ایران کے اسلامی انقلاب کا ثمرہ ہیں۔ اس میں کوئی شک نہیں کہ تشیع کی صورت میں موجود آئمہ اطہار (ع) کی محنت انقلاب اسلامی ایران کے بعد اس تیزی سے دنیا میں پھیلی ہے کہ پوری دینا میں اپنی جگہ بنا لی اور تمام مذاہب کو پیچھے چھوڑ دیا ہے
وحدت نیوز (پشاور)مجلس وحدت مسلمین خیبر پختونخوا نے ضمنی الیکشن میں صوبہ میں حاجی غلام احمد بلور سمیت عوامی نیشنل پارٹی کے امیدواروں کی حمایت کا اعلان کردیا ہے۔ جبکہ ملک میں دہشتگردی اور مذہبی انتہاء پسندی کے خاتمہ کیلئے مشترکہ طور پر آواز بلند کی جائے گی۔ اے این پی کے مرکزی رہنماء حاجی غلام احمد بلور نے ایک وفد کے ہمراہ مجلس وحدت مسلمین کے صوبائی آفس پشاور کا دورہ کیا۔ وفد میں عوامی نیشنل پارٹی کے رہنماء ہارون بلور، صوبائی جائنٹ سیکرٹری محمد فیاض بھی شامل تھے۔ دورہ کے موقع پر انہوں نے مجلس وحدت مسلمین خیبر پختونخوا کے ڈپٹی سیکرٹری جنرل علامہ سید عبدالحسین الحسینی سے ملاقات کی۔ اس موقع پر ایم ڈبلیو ایم کے صوبائی سیکرٹری تنظیم سازی علامہ سید وحید عباس کاظمی، سیکرٹری روابط اعتبار علی، صوبائی آفس مسول ارشاد حسین بنگش، صوبائی سیکرٹری اطلاعات ایس اے زیدی، ضلعی سیکرٹری جنرل کوہاٹ حاجی علی داد خان اور ضلع پشاور کے مسولین موجود تھے۔ ملاقات میں پشاور سمیت صوبہ کی صورتحال اور دیگر سیاسی امور زیر بحث آئے۔ اس موقع پر مجلس وحدت مسلمین اور عوامی نیشنل پارٹی کے مابین مختلف امور پر اتفاق رائے پایا گیا اور ایم ڈبلیو ایم نے این اے ون سمیت دیگر حلقوں میں ضمنی الیکشن میں حاجی غلام احمد بلور سمیت اے این پی کے امیدواروں کی مکمل حمایت کا اعلان کیا۔
بعدازاں علامہ سید عبدالحسین الحسینی اور حاجی غلام احمد بلور نے مشترکہ پریس کانفرنس سے خطاب کرتے ہوئے مشترکہ اعلامیہ جاری کیا۔ ان کا کہنا تھا کہ دونوں جماعتیں اس بات پر متفق ہیں کہ آئندہ دو طرفہ تعلقات اور تعاون برقرار رہے گا اور ملک و قوم کے مفاد میں رابطوں کو مزید وسعت دی جائے گی۔ اس امر پر اتفاق رائے پایا جاتا ہے کہ ملک میں دہشتگردی اور شدت پسندی کے خاتمہ کیلئے ہر سطح پر آواز بلند کی جائے گی۔ سیاسی سطح پر دونوں جماعتیں صوبہ خیبر پختونخوا میں دو طرفہ تعلقات کو فروغ دینے اور آئندہ بھی تعاون برقرار رکھنے پر اتفاق کرتی ہیں۔ علامہ عبدالحسین نے کہا کہ مجلس وحدت مسلمین خیبر پختونخوا ضمنی الیکشن 2013ء میں حلقہ این اے ون پر حاجی غلام احمد بلور کی مکمل حمایت کا اعلان کرتی ہے اور ان کو اسمبلی تک پہنچانے میں ہرممکن کردار ادا کرے گی۔ لہذا غلام احمد بلور سے توقع کی جاتی ہے کہ وہ انشاء اللہ قومی اسمبلی میں پہنچ کراپنے اہل تشیع ووٹرز کے حقوق کا بھی دفاع کریں گے۔
انہوں نے کہا کہ دونوں جماعتیں یہ سیاسی تعاون آئندہ بلدیاتی انتخابات میں بھی برقرار رکھنے کا اعلان کرتی ہیں اور آئندہ تعلقات برقرار رکھنے کیلئے دو رکنی کمیٹی تشکیل دینے کا اعلان کرتی ہیں۔ دونوں جماعتیں ملک میں فرقہ وارانہ ہم آہنگی کیلئے کردار ادا کریں گی اور مذہبی انتہاء پسندانہ اور فرقہ پرست سوچ رکھنے والے عناصر کی حوصلہ شکنی کی جائے گی۔ انہوں نے مزید کہا کہ دونوں جماعتیں ملک سے کرپشن، لاقانونیت، بدامنی، غیر ملکی مداخلت کے خاتمہ کیلئے اپنا سیاسی کردار ادا کریں گی۔ اور اس امر پر بھی اتفاق کرتی ہیں کہ ملک میں توانائی بحران پر قابو پانے کیلئے دوست ممالک چین اور ایران کی پیشکشوں سے استفادہ کرنے کیلئے ہر سطح پر آواز بلند کی جائے گی۔ آخر میں غلام احمد بلور نے حمایت کرنے پر مجلس وحدت مسلمین کے رہنماوں کا شکریہ ادا کیا اور اس ضرورت پر زور دیا کہ ملک میں فرقہ وارانہ ہم آہنگی کیلئے علمائے کرام کا کردار سب سے اہم ہے۔ جبکہ دونوں جماعتوں نے رابطے برقرار رکھنے کیلئے دو رکنی کمیٹی بھی قائم کرنے کا اعلان کیا۔
وحدت نیوز(اسلام آباد) مجلس وحدت مسلمین کے مرکزی سیکرٹری سیاسیات ناصر عباس شیرازی نے کہا ہے کہ سعودی عرب کی جانب سے پرامن مصری عوام کو دہشتگرد قرار دینا اور مصری فوج کی حمایت کا اعلان کرنا دراصل عالم اسلام کے قلب میں خنجر گھونپنے کے مترادف ہے۔ انہوں نے کہاکہ سعودی فرمانروا شاہ عبداللہ نے مصری ظالم فوج کی حمایت کا اعلان کرکے حقیقت میں امریکی و اسرائیلی موقف کی تائید ہے۔
ان کا کہنا تھا کہ ایسی فوج کی حمایت کرنا جس نے ایک ہی دن میں دو ہزار سے زائد نہتے پرامن عوام کا قتل عام کیا، قابل مذمت اور قابل نفرت فعل ہے۔ اس فوج نے اسرائیل کیخلاف تو کوئی کامیابی حاصل نہیں کی، لیکن ان کے مقاصد کی تکمیل کیلئے اپنے ہی عوام پر مظالم کے پہاڑ ڈھا رہی ہے۔ ناصر عباس شیرازی نے کہا کہ سعودی عرب، یو اے ای اور کویت کی جانب سے مصری فوج کیلئے بارہ ارب ڈالر کا اعلان کرنے کا مقصد عوامی تحریک کو کچلنا ہے، یہ ممالک جانتے ہیں کہ اگر مصر میں ایک جمہوری حکومت قائم ہوتی ہے تو عنقریب ان ممالک میں بھی عوام مطالبہ کریں گے اور سالہا سال سے قائم بادشاہتیں اپنے انجام کو پہنچیں گی۔ انہوں نے تمام سیاسی و مذہبی جماعتوں سے اپیل کی وہ مصری عوام کی پرامن جدوجہد کی حمایت اور ان کے قتل عام کیخلاف اپنی آواز بلند کریں۔ انہوں نے پاکستان کے دفتر خارجہ سے بھی مطالبہ کیا کہ وہ فوری طور پر حرکت میں آئے اور عالمی سطح پر مصر کے ایشو کو اٹھائے۔
وحدت نیوز (ملتان )مجلس وحدت مسلمین کے ضلعی سیکرٹری جنرل علامہ سید اقتدار حسین نقوی نے کہا کہ ملت جعفریہ پاکستان کے عظیم قائد علامہ سید عارف حسین الحسینی کی پچیسویں برسی 8ستمبر کو پریڈ گراؤنڈ اسلام آباد میں منعقد ہوگی۔ ان خیالات کا اظہار اُنہوں نے ملتان میں عمائدین سے گفتگو کرتے ہوئے کیا۔ اُنہوں نے مزید کہا کہ برسی کے اس عظیم الشان موقع پر ملک گیر دفاع وطن کنونشن منعقد ہوگا جس میں پاکستان کے طول وعرض سے ملت جعفریہ شرکت کرے گی۔
اُنہوں نے کہا کہ دفاع وطن کنونشن سے مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری، ڈپٹی سیکرٹری جنرل علامہ محمد امین شہیدی، علامہ حسن ظفر نقوی، علامہ شید شفقت شیرازی، سابق سینیٹر علامہ جواد ہادی، بزرگ عالم دین علامہ خورشید انور جوادی،گلگت بلتستان کے سیکرٹری جنرل علامہ نیئرعباس مصطفوی، مرکزی سیکرٹری سیاسیات سید ناصر عباس شیرازی، بزر گ عالم دین علامہ حیدرعلی جوادی، علامہ غلام شبیر بخاری، علامہ مظہرحسین کاظمی، علامہ مبارک علی موسوی، علامہ اعجاز حسین بہشتی سمیت علماء وذاکرین کی بہت بڑی تعداد خطاب کرے گی۔ اُنہوں نے مزید کہا کہ ملتان سے ایک بہت بڑا قافلہ کنونشن میں شرکت کرے گا۔ جہاں پر مجلس وحدت مسلمین کی آئندہ کی حکمت عملی کا اعلان کیا جائے گا۔
وحدت نیوز (نجف اشرف) خائن سعودی حکمرانوں نے اپنے محلات کو تو روشن رکھا ہوا ہے لیکن شہزادی کونین جناب فاطمہ زہراسلام اللہ علیہا اور دیگر مقدس شخصیات کی قبور کو ویران کر رکھا ہے ، یوم انہدام جنت البقیع پر جناب رسول خدا(ص) اور اہل بیت اطہار (ع) کے قلب پر قیامت ٹوٹی ہو گی، اسلامی ممالک نے بھی سعودی حکومت سے احتجاج نہ کر کے خدا اور رسول (ص) کو نا راض کیا ہے ، خداوند متعال جنت البقیع کی تعمیر نو کے لئے جلد امام حجت عج کا ظہور فرمائے ۔
ان خیالات کا اظہار مجلس وحدت مسلمین شعبہ نجف اشرف عراق کے سیکریٹری جنرل حجتہ السلام علامہ سید مہدی رضوی نجفی نے یوم انہدام جنت البقیع پر وحدت سیکریٹریٹ نجف سے جاری اپنے تعزیتی بیان میں کیا ان کا کہنا تھا کہ تیل کی دولت سے مالا مال آل سعود ایمان کی دولت سے محروم ہے ، جب ہی جنت البقیع میں عالم اسلام کی برگزیدہ ہستیوں کے مزارات کومسجد نبوی کی توسیع کے نام پر مسمار کر دیا ، جنت البقیع میں شیعہ اور سنی دونوں مسلک کی مشترکہ محترم ہستیاں مدفون ہیں لیکن افسوس کہ اس قیامت پر جس طرح ہمارے اہل سنت برادران و خواہران کو سعودی حکومت سے احتجاج کر نا چاہیئے تھا نہیں کیا۔ان کا کہنا تھا کہ جنت البقیع کی تعمیر نو کے لئے اگر بشر کو کسی سے کوئی امید وابسطہ ہے تو وہ جناب فاطمتہ الزہراسلام اللہ علیہاکے فرزند ارجمند امام مہدی عج کی ذات مبارکہ ہے ، خداوند متعال جنت البقیع کی تعمیر نو کے لئے جلد امام حجت عج کا ظہور فرمائے۔
وحدت نیوز (ٹیکسلا) امامیہ اسٹوڈنٹس آرگنائزیشن پاکستان کے زیراہتمام ٹیکسلا میں شہید قائد کی برسی کی مجلس سے خطاب کرتے ہوئے مجلس وحدت مسلمین کے مرکزی رہنما علامہ شبیر بخاری کا کہنا تھا کہ خداوند قدوس نے شہید کو اتنا بلند مقام عطا فرمایا تھا کہ آج بھی ملت کے دلوں میں شہید کی محبت زندہ ہے۔ امام خمینی (رہ) نے فرمایا تھا کہ شہید عارف حسین الحسینی امام حسین (ع) کے سچے فرزند تھے۔ مفتی جعفر کے دور میں ضیاء نے جب شیعہ قوم کی طاقت کا عملی مظاہرہ دیکھا تو اس نے تہیہ کر لیا تھا کہ اس قوم کی طاقت کو ختم کرکے دم لے گا، پھر اس نے تکفیری ٹولے کی بنیاد رکھی۔
ایم ڈبلیو ایم کے رہنما کا کہنا تھا کہ شہید قائد نے ملت تشیع کی وحدت کے لئے انتھک کوششیں کیں، حتیٰ کہ ایک موقع پر شیعہ قیادت کی وحدت کے لئے سفید کاغذ پر دستخط کر دیئے اور کہا کہ وحدت ملت کے لئے مجھے ہر شرط منظور ہے۔ علامہ شبیر بخاری نے کہا کہ ہمارے علماء کو سوچنا ہوگا کہ کیا ہمارے رویئے وہ ہیں جو شہید قائد کے تھے۔ شہید کے لئے قیادت اور اپنی ذات کوئی اہمیت نہ رکھتی تھی وہ صرف وحدت ملت کو اہمیت دیتے تھے۔ انہوں نے کہا کہ تشیع کے تمام داخلی گروہوں کی توپوں کے رخ ایکدوسرے کی طرف ہیں۔ انقلابی انقلابی سے اور بزرگ بزرگ سے لڑ رہا ہے۔ اسٹیج حسینی سے کربلائی کو کربلائی سے لڑوایا جارہا ہے۔
ایم ڈبلیو ایم کے رہنما کا کہنا تھا کہ آج ولایت علی ابن ابیطالب (ع) کو تشیع کے نظریات خراب کرنے کے لئے استعمال کیا جا رہا ہے۔ دشمن ہر گزرتے دن کے ساتھ منظم تر ہوتا جا رہا ہے۔ یزیدی ٹولے نے ہمارے ڈاکٹرز، انجینئرز اور وکلاء کو شہید کیا۔ آج تکفیری ٹولہ عام سنیوں کو تشیع کے خلاف بھڑکانے کی مہم میں سرگرم عمل ہے۔ جب تک ہم متحد نہ ہوں گے، خونخوار دشمن کا مقابلہ ممکن نہیں ہے۔ ملت تشیع کے درمیان وحدت پر زور دیتے ہوئے علامہ شبیر بخاری کا کہنا تھا کہ کچھ عرصہ قبل ہم نمائشی وحدت کی بات کرتے تھے کہ دشمن کے کے سامنے اکٹھے ہو جاؤ۔ لیکن آج حالات اس نہج پر پہنچ چکے ہیں کہ وحدت انتہائی ناگزیر ہوچکی ہے۔ علامہ شبیر بخاری نے کہا کہ شیعہ قوم اپنی قیادت کو مجبور کرے کہ وہ وحدت کا راستہ اختیار کریں۔ قیادتیں اور سیادتیں تشیع کی وحدت کے لئے ایک پلیٹ فارم پر جمع ہو جائیں۔ انقلابیوں سے کہتا ہوں کہ اگر اختلاف ہے تو عوام کی طاقت کو منتشر کرنے کی بجائے ولی فقیہ سے فیصلہ کروا لیں۔
وحدت نیوز (کراچی )جب تک آل سعود جنت البقیع میں مزارات مقدسہ اجداد ، اصحاب ، ازدوا ج رسول صل اللہ علیہ و آلہ وسلم اور دختر رسول حضرت فاطمتہ الزہراسلام کی تعمیر نو نہیں کرواتی ، چاہے مکہ مکرمہ اور مدینہ منورہ میں دودھ اور شہد کی نہریں بہا دے کسی کام کی نہیں ،زائرین خانہ خدا اور حرمین شریفین کی خدمت خدا ، رسول (ص) اور آل رسول کو ناراض کر کے نہیں ہوتی۔
ان خیالات کا اظہار مجلس وحدت مسلمین کراچی ڈویژن کے رہنما علامہ علی انور جعفری نےخوجہ جامع مسجد کھارادر کے باہر بعد نماز جمعہ یوم انہدام جنت البقیع کی مناسبت سے احتجاجی مظاہرے سے خطاب کر تے ہو ئے کیا ، اس احتجاجی مظاہرے کا انعقاد مجلس وحدت مسلمین کراچی ضلع جنوبی اور شیعہ علماء کونسل کی جانب سے کیا گیا تھا، جب کے شیعہ علماء کونسل کے رہنما علامہ ناظر عباس تقوی اور علامہ جعفر سبحانی نے بھی احتجاجی مظاہرے سے خطاب کیا ۔
مقررین کا کہنا تھا کہ حجاج کرام کی خدمت اورخانہ کعبہ کی میزبانی کا سلہ خدا کی بارگاہ میں رسول اور آل رسول کو تکلیف پہنچا کر نہیں ملتا، سعودی شاہی حکومت نے جنت البقیع میں مزارات مقدسہ اجداد ، اصحاب ، ازدوا ج رسول صل اللہ علیہ و آلہ وسلم اور دختر رسول حضرت فاطمتہ الزہراسلام کو منہدم کر کے عالم اسلام کو رنجیدہ کیا ہے ، پورا عالم اسلام آج پھر آل سعود سے مطالبہ کرتا ہے کہ جلد ازجلد جنت البقیع کی ازسر نو تعمیر کی جائے ۔
وحدت نیوز (لاہور)مجلس وحدت مسلمین پنجاب کے سیکرٹری اطلاعات مظاہر شگری نے لاہور میں پنجاب اسمبلی کے سامنے صحافی تنظیموں کے احتجاجی مظاہرے میں صحافی برادری سے اظہار یکجہتی کرتے ہوئے کہا کہ ایکسپریس نیوز کراچی پر ہونے والا حملہ دراصل آزادی صحافت پر قدغن اور سچائی کی آواز کو دبانے کی مکروہ حرکت ہے، پاکستان میں حکومت نام کی کوئی چیز نہیں۔ انہوں نے کہا کہ مجلس وحدت مسلمین حق اور سچ کے سفر میں صحافی برادری کے شانہ بشانہ کھڑی ہے، دہشت گردی ملک کو دیمک کی طرح چاٹ رہی ہے ملک کے طول عرض میں کوئی بھی محب وطن محفوظ نہیں، اب بھی دہشت گردوں سے مذاکرات کرنا اور اں کے لیے نرم گوشہ رکھنا پاکستان کی سالمیت کو داو پر لگانے کے مترادف اور معصوم بے گناہ محب وطن شہدا کے خون سے غداری کے مترادف ہے۔
ان کا کہنا تھا کہ حکومت محب وطن عوام اور صحافی برادری کو اگر تحفظ نہیں دے سکتی تو ان کو حکمرانی کا کوئی حق نہیں ان نااہل حکمرانوں کی شرمناک پالیسیوں نے پاکستان کو دنیا میں بدنامی کے سوا کچھ نہیں دیا، ہم پرامن ،مستحکم پاکستان کے لیئے جدوجہد جاری رکھیں گے اور دہشت گرودں اور اُن کے آقاوں کے مذموم عزائم کو کبھی کامیاب نہیں ہونے دینگے۔ انہوں نے مطالبہ کیا کہ حکومت واقعے میں ملوث دہشت گردوں کو فی الفور گرفتار کرے اور صحافی برادری کی تحفظ کو یقینی بنائے۔ صحافی تنظیموں کی طرف سے کیے گئے مظاہرے میں صدر لاہور پریس کلب ارشد انصاری، ایڈیٹر روزنامہ ایکسپریس ایاز خان، بیوروچیف اے آر وائی عارف حمید بھٹی، بیوروچیف ایکسپریس محمد الیاس، صدر کیمرہ میں ایسوسی ایشن، سیفما سمیت صحافتی تنظیموں کے درجنوں کارکنوں نے شرکت کی۔
وحدت نیوز (ملتان ) مجلس وحدت مسلمین ملتان کے ضلعی سیکرٹری جنرل اور معروف عالم دین علامہ سید اقتدار حسین نقوی نے ایک وفد کے ہمراہ گزشتہ روز شیعہ علماء کونسل ملتان کے رہنما علامہ سید مجاہد عباس گردیزی کی عیادت کی اور اُن کی صحتیابی کے لیے دعا بھی کرائی۔ اس موقع پر مجلس وحدت مسلمین کے ڈپٹی سیکرٹری جنرل محمد عباس صدیقی، سید شبر رضا زیدی، ثقلین نقوی، سخاوت علی ودیگر ان کے ساتھ تھے۔
علامہ سید مجاہد عباس گردیزی نے اس موقع پر علامہ سید اقتدار حسین نقوی اور اُن کے وفد کا شکریہ ادا کرتے دعائے صحت کی اپیل کی۔ جبکہ علامہ سید اقتدار حسین نقوی اور محمد عباس صدیقی نے اس موقع پر سید مجاہد عباس گردیزی کو دُعا کرتے ہوئے کہا کہ خدا وند متعال آپ کو صحت کاملہ وعاجلہ نصیب فرمائے اور بہت جلد دوبارہ خدمت دین میں مصروف ہونے کا موقع عطا کرے۔
دریں اثنا مجلس وحدت مسلمین کے رہنما علامہ سید اقتدار حسین نقوی نے معروف نوحہ خوان اور دربار حضرت لعل شاہ کے مخدوم سید عباس رضا مشہد ی کو ٹیلیفون کیا اور اُن کی خیریت دریافت کی۔ اُنہوں نے کہا کہ خداوند متعال آپ کو صحت عطا فرمائے۔
وحدت نیوز (مشہدمقدس ) مجلس وحدت مسلمین شعبہ مشہد مقدس کے سیکرٹری جنرل حجتہ الاسلام والمسلمین عقیل حسین خان نے 8 شوال المکرم کو یوم انہدام جنت البقیع کے موقع پر اپنے ایک بیان میں کہا ہے کہ سعودی حکومت نے آل محمد (ص) سے دشمنی کی انتہا کر دی اور آل محمد کی دشمنی میں اتنے اندھے ہوئے کہ اُنہیں یہ بھی یاد نہ رہا کہ اسی جنت البقیع کے قبرستان میں جہاں آل نبی (ص) دفن ہے وہیں کئی انبیائے کرام (ع) کی قبور بھی ہیں۔ 8 شوال کا دن تاریخ انسانیت کا تاریک ترین دن ہے، آج کے دن اُمت محمدی (ص) کے دعوے داروں نے آل محمد(ص) پر ظلم کی انتہا کر دی۔ آخر کس منہ سے بروز محشر نبی اکرم صلی اللہ علیہ والہ وسلم کے سامنے پیش ہوں گے۔
عقیل حسین خان نے مزید کہا کہ عالم اسلام کو چاہیے وہ جنت البقیع کی تعمیر کے لیے عالمی تحریک چلائیں تاکہ جنت البقیع کی غربت دور ہوسکے ہے۔ اُنہوں نے کہا کہ یہ کیسے مسلمان ہیں کہ جنہوں نے باپ کے مزار کو تو سجا رکھا لیکن وہ بیٹی جو اُن کے دل کا ٹکڑا ہے اُس کے مزار پہ آج دھوپ کی چادر ہے؟۔
