وحدت نیوز (مظفر آباد ) بھارت فرقہ ورانہ فسادات کو ہوا دے کر مقبوضہ جموں و کشمیر میں وحدت کی فضا کو توڑنا چاہتا ہے، جس کی جتنی بھی مذمت کی جائے کم ہے، ہم سمجھتے ہیں ہیں مقبوضہ کشمیر میں بھی وہی عالمی استعمار جو ہر جگہ اپنی کارستانیوں سے وحدت کی فضا پامال کرنا چاہتا ہے، وہی وہاں بھی کارفرما ہے، مقبوضہ کشمیر میں ایسے واقعات پر آزاد جموں و کشمیر بالخصوص بیس کیمپ مظفرآباد میں گہری تشویش کی لہر ہے، یہ تمام سازشیں تحریک آزاد کشمیر کو دبانے کے لیئے کی جا رہی ہیں، شہدا کا خوں رائیگاں نہیں جائیگا، اور انشاء اللہ ایک دن وہ آئے گا کہ جب کشمیریوں کو بھی ان کا حق خود ارادیت ملے گا، اس لیئے کہ جس آواز کو دبانے کی جتنی زیادہ سازشیں کی جائیں وہ آواز اتنی ہی بلند ہوتی ہے، کشمیر میں شیعہ سنی مسئلہ سرے سے موجود ہی نہیں اور نہ ہی کسی سنی نے امام بارگاہ کی توہیں کی ہے بلکہ وحدت کی فضا کو توڑنے کے لیئے اس قسم کی سازش رچی گئی ہے۔

ان خیالات کا اظہار مجلس وحدت مسلمین ریاست آزاد جموں کشمیر کے سیکرٹری جنرل علامہ سید تصور حسین نقوی الجوادی نے تحریک آزادی کے بیس کیمپ میں میڈیا سے گفتگو کرتے ہوئے کیا،ان کا کہنا تھا کہ بھارت جس طریقے سے تحریک آزادی کو روکنے کے لیئے اوچھے ہتھکنڈے استعمال کر رہا ہے اس میں کبھی بھی کامیاب نہیں ہو گا، اقوام متحدہ کو بھی بھارت کی ان ستم ظریفیوں کا نوٹس لینا چاہیے، انہوں نے کہا کہ وہ وقت دور نہیں کہ جب کشمیری اپنی منزل کو پہنچ جائیں گے، کشمیریوں کی جدوجہد پرامن ہے اسے بھارت تشدد کے ذریعے سے جنگ بنانے کی کوشش کر رہا ہے۔آزاد کشمیر کے شہری مقبوضہ وادی کے باسیوں کی آزادی کی تحریک میں ان کے شانہ بشانہ ہیں اور مسئلہ کشمیر پر ہمیشہ اپنی آواز بلند کرتے رہیں گے،پچھلے دنوں توہین قرآن کا واقعہ ہوا، پھر چھ روزے دار نمازیوں کو بہیمانہ طریقے سے شہید کیا گیا اور اب امام بارگاہ کو نشانہ بنایا گیا ہے یہ سارے واقعات مقبوضہ کشمیر کے حالات خراب کرنے اور اسے خانہ جنگی کی طرف دھکیلنے کے مترادف ہیں تا کہ تحریک آزادی کشمیر کو کچلا جا سکے، کشمیریوں کی آواز کو دبایا جا سکے، لیکن کشمیریوں کی اس آواز کو دبانے کی کوشش کرنا بھارت کا ایک ناپاک منصوبہ ہے اور جس کی تکمیل کا خواب کبھی بھی شرمندہ تعبیر نہیں ہو گا۔ہم کشمیر میں جاری مظالم کی مذمت کرتے ہیں اور آل پارٹی حریت کانفرنس سے یہ مطالبہ کرتے ہیں کہ وہ اپنی آنکھوں کو کھلا رکھتے ہوئے ہوئے کشمیر میں وحدت کی فضا کو قائم رکھیں ۔حریت کانفرنس کو اس موقع پر اپنا بھرپور کردار ادا کرنا ہو گا۔

وحدت نیوز (کراچی) انجمن ثار اللہ مارٹن روڈ کی جانب سے مسجد و امام بارگاہ شاہ نجف مارٹن روڈ میں یوم انہدام جنت البقیع کےحوالے سے ایک سیمینار کا انعقاد کیا گیا۔ سیمینار میں مجلس وحدت مسلمین پاکستان سندھ کے ڈپٹی سیکریٹری جنرل علامہ صادق رضا تقوی، جعفریہ الائنس کے سربراہ علامہ عباس کمیلی، اہل سنت عالم دین جناب اعجاز الدین سہروردی، مولانا تقی مہدوی، مولانا محمد علی شاکری اور مولانا دلشاد علی مہدوی نے خطاب کیا۔ اس موقع پر مولانا طالب موسوی بھی موجود تھے۔ کانفرنس میں شیعہ سنی افراد کی ایک بڑی تعداد موجود تھی۔ کانفرنس سے خطاب کرتے ہوئے علامہ صادق رضا تقوی نے آل سعود کے کردار پر روشنی ڈلاتے ہوئے کہا کہ آل سعود برطانوی استعمار کی ایجاد ہیں اور ان کا کام بھی مسلمانوں میں اختلافات کو ہوا دینا ہے، یہ لوگ آج بھی یہ یہی کام انجام دے رہے ہیں اور ان کی کوشش ہے کہ شیعہ سنی دونوں مکاتب فکر کے پیروکاروں کو آپس میں دست و گریباں کریں۔ انہوں نے مزید کہا کہ قبرستان بقیع کی تعمیر کسی مکتب و فرقے سے وابستہ نہیں بلکہ یہ عالم اسلام کی عظیم شخصیات کی قبور اور مزارات مقدسہ کا منہدم ہونا پورے عالم اسلام کا مشترکہ مسئلہ ہے اور اس کیلئے ہم سب مسلمانوں کو آواز اٹھانی چاہیئے۔

وحدت نیوز (لاہور)  تحریک انصاف پاکستان نے پنجاب حکومت کی طرف سے غیر جماعتی بنیاد پر بلدیاتی انتخابات کرانے کے اعلان کیخلاف بدھ کو لاہور میں آل پارٹیز کانفرنس بلانے کا فیصلہ کیا ہے۔ پنجاب اسمبلی کے قائد حزب اختلاف محمود الرشید نے آل پارٹیز کانفرنس میں شرکت کیلئے مجلس وحدت مسلمین کو دعوت دی ہے جو قبول کرلی گئی ہے۔ ایم ڈبلیو ایم کی طرف سے سیکرٹری سیاسیات ناصر عباس شیرازی کی سربراہی میں وفد پنجاب کی سطح پر ہونے والی کل جماعتی کانفرنس میں شرکت کریگا۔ اس سے پہلے ایم ڈبلیو ایم کے وفد نے محمود الرشید سے بیٹے کی وفات پر ان گھر پر تعزیت کی اور دعا مغرفت کی۔ وفد میں پنجاب کے سیکرٹری جنرل علامہ عبدالخالق اسدی، ناصر عباس شیرازی، علامہ احمد اقبال رضوی اور اسد نقوی شامل تھے۔

وحدت نیوز (سرگودھا)   مجلس وحدت مسلمین پاکستان کے مرکزی سیکرٹری تنظیم سازی و امور خارجہ سید شفقت شیرازی نے ایم ڈبلیو ایم سرگودھا دفتر کا دورہ کیا اور تنظیمی مسئولین سے خصوصی نشستیں کیں۔ انہوں نے امامیہ اسٹوڈنٹس آرگنائزیشن پاکستان سرگودھا ڈویژن کے عہدیداران سے گفتگو کرتے ہوئے تنظیمی فعالیت کو بڑھانے پر زور دیا۔ انہوں نے کہا کہ جہاں جہاں آئی ایس او مضبوط اور فعال ہے وہاں پر ایم ڈبلیو ایم مضبوط ہے۔ انہوں نے حالات حاضر پر گفتگو کرتے ہوئے کہا کہ شام میں حالات بشار الاسد حکومت کے حق میں جا رہے ہیں۔ میں دیکھ رہا ہوں کہ شام ان بحرانوں سے نکل کر اسلامی جمہوریہ ایران کی طرح زبردست قوت بن کر ابھرے گا۔ انہوں نے شامی جوانوں کے حوصلوں کو داد دیتے ہوئے کہا کہ ان جوانوں میں حزب اللہ کی تصویر نظر آتی ہے۔ انہوں نے کہا کہ پاکستانی جوانوں کے جذبات شامی جوانوں کے حوالے سے قابل داد ہیں لیکن شامی عوام بیداری کی طرف جا رہے ہیں اور جلد بحران پر قابو پاکر دشمن کو عبرت ناک شکست دیں گے۔

 ایم ڈبلیو ایم کے مرکزی سیکرٹری امور خارجہ نے کہا کہ مصر میں اخوان المسلمون حکومت بری طرح ناکام ہوچکی تھی اور انہوں نے عوامی امنگوں کا جنازہ نکال دیا تھا۔ جس کے نتیجے میں ان کو حکومت سے ہاتھ دھونے پڑے۔ انہوں نے ساری صورت حال پر افسوس کا اظہار کرتے ہوئے کہا کہ مصری عوامی کو حق دیا جانے چاہیے کہ وہ اپنی مرضی کی حکومت منتخب کرسکیں۔ ایک سوال کے جواب میں انہوں نے کہا کہ ایران کی نومنتخب حکومت انقلاب کو مزید تقویت دے گی اور جس طرح انتخابات میں سامراجی قوتوں کے دانت کھٹے کئے تھے، دیگر مذموم عزائم میں بھی سامراج کو ناکامی ہوگی۔