وحدت نیوز (کراچی) مجلس وحدت مسلمین پاکستان کے مرکزی ڈپٹی سیکرٹری جنرل علامہ امین شہیدی نے کہا ہے کہ عالمی استعماری طاقتیں بالخصوص امریکہ، برطانیہ اور اسرائیل عالم اسلام کے لئے سب سے بڑا خطرہ ہیں۔ داعش، طالبان اور القاعدہ سمیت دیگر بین الاقوامی دہشت گرد تنظیموں کا ڈایا گرام انہی استعماری قوتوں کا تیار کردہ ہے، تاکہ اقوام عالم کے سامنے اسلام کی تصویر ایک بھیانک اور غیر انسانی مذہب کے طور پر پیش کی جاسکے، حکومت یوم علی علیہ السلام و یوم القدس کے جلوسوں کو خصوصی سکیورٹی فراہم کرے، کالعدم جماعتوں کے خلاف آپریشن سے ملک میں امن و امان قائم ہوسکتا ہے، کراچی آپریشن کو سیاست کی نظر نہ کیا جائے، زید حامد پاکستانی قوم کا بیٹا ہے، حکومت اداروں کی مجرمانہ خاموشی قابل مذمت ہے، زید حامد کو ظلم کے خلاف آواز بلند کرنے کی سزا دی جارہی ہے۔ ان خیالات کا اظہار مجلس وحدت مسلمین کے رہنماؤں بشمول علامہ امین شہیدی، علامہ علی انور جعفری، علامہ صادق جعفری، علامہ مبشر حسن، علامہ احسان دانش، سید رضا امام نقوی، ناصر حسین الحسینی سمیت دیگر نے کراچی پاک محرم ہال میں ایک پُر ہجوم پریس کانفرنس کرتے ہوئے کیا۔

علامہ امین شہیدی نے کہا کہ عالمی دہشت گرد تنظیم داعش پاکستان میں اپنی فکری بنیادیں مضبوط کرنے کے لئے پوری سرعت کے ساتھ سرگرم ہے، ان مذموم مقاصد کی تکمیل کے لئے کالعدم مذہبی تنظیمیں اور متشدد فکر کی حامل ہم خیال مذہبی شخصیات ان کی بھرپور معاونت کر رہی ہیں، ایسے عناصر اور ان سہولت کاروں پر اگر فوری اور مضبوط ہاتھ نہ ڈالا گیا تو پھر وطن عزیز کو ان دہشت پسند گروہوں کے چنگل سے چھڑانا آسان نہیں رہے گا۔ علامہ امین شہیدی کا کہنا تھا کہ طالبان اور لشکر جھنگوی سمیت دیگر کالعدم مذہبی جماعتوں کے ساتھ ماضی میں مفاہمتی پالیسی اپنائی گی، جس کے نتائج اسی ہزار لاشوں کے تحفوں کی صورت میں سامنے آئے، اس کے علاوہ ملک کو اقتصادی و معاشی بدحالی کا سامنا کرنا پڑا اور پوری دنیا میں پاکستان کا امیج بُری طرح متاثر ہوا۔ انہوں نے کہا القدس پر جابرانہ صیہونی تسلط ساری دنیا کے مسلمانوں کے لئے چیلنج ہے، قبلہ اول کی آزادی کے لئے تمام دنیا کے مسلمانوں کو اسرائیلی عزائم کے خلاف مل کر شدید ردعمل کا اظہار کرنا چاہیئے۔ اس سلسلے میں امام خمینی ؒ کے فرمان کے مطابق مظلومین سے اظہار یکجہتی کے لیے دنیا بھر میں یوم القدس ریلیاں منعقد کی جائیں گی۔ جن کا مقصد مظلومین سے اظہار ہمدردی اور غاصب اسرائیل سے نفرت کا اعلان ہے۔

علامہ امین شہیدی نے کہا کہ انیس سے اکیس رمضان المبارک ملک بھر کی طرح شہر قائد میں مجالس و جلوس عزاء کا سلسلہ شروع ہو جائے گا، اس سے قبل وفاقی و صوبائی حکومت کو چاہئے کہ ان مجالس و جلوس عزاء کے پروگرامات کو مکمل سیکورٹی فراہم کریں اور کراچی کے بیش تر علاقوں میں بلدیاتی کاموں کو ہنگامی بنیادوں پر مکمل کر لیا جائے، تاکہ ان ایام میں عزادران کو مشکلات پیش نہ آئیں۔ یوم علی ؑ کے موقع پر ملک بھر میں مجالس و جلوس کے پروگرام منعقد کئے جاتے ہیں۔ کسی بھی ممکنہ دہشت گردی کے پیش نظر انتظامیہ کی طرف سے قبل از وقت سکیورٹی اقدامات انتہائی ضروری ہیں۔ علامہ امین شہیدی نے حکومت سے مطالبہ کیا کہ وہ یوم علیؑ اور یوم القدس کی ریلیوں کے دوران فول پروف سکیورٹی فراہم کرے، جس کی کُلی ذمہ داری انتظامیہ پر عائد ہوتی ہے۔ انتظامیہ کو چاہیئے کہ ان اہم مواقعوں پر سکیورٹی کے غیر معمولی اقدامات کئے جائیں، تاکہ دشمن کو کسی بھی شرپسندی کی کوشش میں کامیابی حاصل نہ ہوسکے، بصورت دیگر کسی بھی ناخوشگوار صورتحال کی تمام تر ذمہ داری متعلقہ انتظامیہ پر ہوگی۔ علامہ امین شہیدی نے حکومت پاکستان سے مطالبہ کیا کہ وہ سعودی جیل میں قید دفاعی تجزیہ نگار زید حامد کی رہائی کیلئے اقدامات کریں، بین الاقوامین قوانین کے مطابق اگر وہ مجرم ہیں تو مقدمہ اور سزا کا اختیار پاکستانی حکومت کو ہے انہیں فوری وطن واپسی لانے کے اقدامات کئے جائیں۔

وحدت نیوز (اسلام آباد) تحریک جوانان پاکستان اور فلسطین فاونڈیشن پاکستان کے زیر اہتمام راولپنڈی پریس کلب میں پریس کانفرنس سے خطاب کرتے ہوئے مجلس وحدت مسلمین کے مرکزی رہنما علامہ اصغر عسکری نے کہا ہے کہ مظلومین کی حمایت ہمارا تنظیمی منشور ہے۔ جسے ہم نے بلاتخصیص مذہب و ملت ہمیشہ مقدم رکھا۔پاکستان میں فرقہ واریت نا م کی کوئی چیز نہیں بلکہ دہشت گرد عناصراپنی مذموم کاروائیوں کے ذریعے یہ تاثر دینے میں پیش پیش ہیں تا کہ ملک میں فرقہ واریت کا بازار گرم کیا جا سکے۔ان ملک دشمن عناصر کو اپنے مقصد میں ناکامی ہو گی۔پاکستان میں بسنے والے تمام مکاتب فکر کے ذمہ داران با بصیرت اور دوراندیش ہیں اور انہوں نے ہمیشہ فرقہ واریت کی حوصلہ شکنی کی۔ جو شخص یا تنظیم فرقہ وارنہ تعصب کو پروان چڑھانا چاہتی ہے وہ کبھی بھی اس ملک کی مخلص نہیں ہو سکتی۔ انہوں نے کہا دنیا بھر کے مظلومین کی حمایت ہمارا شرعی و اخلاقی فریضہ ہے۔ اس وقت دنیا بھر کے مسلمان مشکلات کا شکار ہیں۔ فلسطین، یمن، برما، عراق، شام سمیت جہاں جہاں بھی ظلم ہو رہا ہے ہم نے مل کر اس کے خلا ف آواز بلند کرنی ہے۔ یوم القدس کی ریلی میں انشا اللہ ہم سب مل کر دشمن کے خلاف نفرت کا اظہار اور دنیا بھر کے مظلومین کے حق میں اپنی آواز بلند کریں گے۔

وحدت نیوز(حویلیاں) مجلس وحدت مسلمین پاکستان کے مرکزی سیکرٹری فلاح بہبود و چیئرمین خیرالعمل فائونڈیشن نثارعلی فیضی نے کہا کہ پوری دنیا میں صاف پانی کی فراہمی ایک بڑا چیلنج بن چکا ہے پاکستان میں گلگت بلتستان سے لیکر کراچی جیسے بڑے شہر میں بھی پینے کے صاف پانی کی عدم دستیابی حکمرانوں کی گڈ گورننس کے لیے ایک سوالیہ نشان ہے حکمرانوں کے پاس اس غریب عوام کو سوائے جھوٹے وعدوں کے دینے کے لیے اب کچھ نہیں بچا اقتدار مال وزر کی جمع آوری سے زیادہ کچھ نہیں اس لوٹ کھسوٹ کا نتیجہ ہے کہ تمام ادارے بشمول پانی،بجلی،صنعت،سیاحت،تعلیم اور صحت دیوالیہ ہوتے چلے جا رہے ہیں اور عوام ان سہولیات سے محروم کبھی بھوک کبھی پیاس اور کبھی بجلی نہ ملنے سے موت کی نیند سو رہے ہیں۔ ان خیالات کا اظہار انہوں نے حویلیاں ضلع ایبٹ آباد میں پانی کے منصوبے کا افتتاح کرتے ہوئے کیا انکے ہمراہ خیبر پختونخواہ کے صوبائی سیکرٹری تنظیم سازی مولانا وحید کاظمی اور صوبائی سیکر ٹری فلاح و بہبود سید تہور عباس بھی موجود تھے ۔

معزین علاقہ سے گفتگو کرتے ہوئے نثار علی فیضی نے کہا کہ مجلس وحدت مسلمین پاکستان ، محروموں اور مستضعفوں کو ان کا حق دلوانے کی جدوجہد کر رہی ہے تاکہ عوام کی زندگی میں بہتری لائی جا سکے اور اس جدو جہد کے ذریعے سے عوام کو بنیادی سہولیات کی فراہمی بھی یقینی ہو سکے ۔ پانی کے منصوبے پر عملدرآمد پر علاقے کے معززین نے خیرالعمل فائونڈیشن اور خصو صا علامہ راجہ ناصر عباس جعفری اور نثار علی فیضی کا شکریہ ادا کیا کہ جن کے اقدامات سے اس علاقہ میں پینے کے صاف پانی کی فراہمی ممکن ہو سکی۔

وحدت نیوز (اسلام آباد) مجلس وحدت مسلمین پاکستان کے مرکزی جنرل سیکریٹری علامہ راجہ ناصر عباس جعفری نے کہا ہے کہ پاکستان میں خفیہ ایجنسی’’ را‘‘ کے ذریعے بھارت کی مداخلت کے شواہد کے بعد اس سے دوستانہ تعلقات کی خواہش کا کوئی جواز باقی نہیں رہتا۔ ملک میں سرگرم بیشترمذہبی انتہا پسند گروہوں کوبھارت کی طرف سے بھاری رقوم کی فراہمی کے ناقابل تردید ثبوت موجود ہیں۔مذہب کی آڑ میں کالعدم تنظیمیں اسلام دشمن طاقتوں کے اشاروں پر ناچ رہی ہیں۔ گزشتہ تین دہائیوں سے ان مذموم عناصر نے اس ملک کے امن و سکون کو جہنم رکھا ہے۔ہزاروں قیمتی بے گناہ انسانی جانوں کے خون سے ہاتھ رنگے جا چکے ہیں۔ہم ان داخلی دشمنوں کے ساتھ ساتھ ان سرحدی ممالک پر بھی کڑی نظر رکھنا ہو گی جو ملک دشمن قوتوں کو محفوظ پناہ گاہیں مہیا کرتے ہیں۔ پاکستان کی سا لمیت وبقا ہمیں ہر شے سے زیادہ عزیز ہے۔ہم نے ہمیشہ ہر اس شخص اور جماعت کے خلاف آواز بلند کی جو وطن عزیز کی ترقی و استحکام اور امن کی راہ میں رکاوٹ کا باعث ہو۔ انہوں نے کہا کہ بھارت پاکستان میں مذہب کے نام پر گزشتہ طویل عرصہ سے خون کا کھیل کھیل رہا ہے۔ وطن عزیز کے اندر موجود اس کے آلہ کارفرقہ واریت کے ذریعے ہماری وحدت و اخوت پر کاری ضرب لگانے کے درپے ہیں۔جس کا ہم نے بصیرت اور دانشمندی کے ساتھ مقابلہ کیا ہے۔انہوں نے کہا کہ اس ملک میں فرقہ واریت نام کی کوئی شے نہیں بلکہ یہ انتہا پسند قوتوں کی طرف سے آگ لگانے کی ناکام کوشش ہے۔علامہ ناصر عباس نے کہ پاکستان کو اقوام متحدہ سمیت تمام عالمی فورمز پر بھارت کی دخل اندازی کے خلاف آواز بلند کرنی چاہیے اور اس کے اصلی چہرے کو آشکار کرنا چاہیے۔

وحدت نیوز (ہالا) مجلس وحدت مسلمین شعبہ خواتین کی جانب سے حالہ میں جشن ولادت امام زمانہ منعقد کیا گیا جسمیں مجلس وحدت مسلمین شعبہ خواتین صوبہ سندھ کی سیکرٹری جنرل خواہر ہما مہدی جعفری،مجلس وحدت مسلمین شعبہ خواتین کی مرکزی کمیٹی کی رکن خواہر زہراء نجفی کے علاوہ آغا رضامحمد سعیدی (مدرس مرکز تبلیغات و تحقیقات اسلامی )نے بھی خصوصی شرکت کی اور خطاب کیا۔

 مجلس وحدت مسلمین شعبہ خواتین صوبہ سندھ کی سیکرٹری جنرل خواہر ہما مہدی جعفری نے شرکاء جشن سے ’’ غیبت امام عصر میں خواتین کےکردار‘‘ کے عنوان پر خطاب کرتے ہوئے کہا کہ امام زمانہ کا انقلاب عالمی انقلاب ہو گا لہذا امام ؑ کی حکومت پوری دنیا پر ہوگی اس کا احاطہ نہایت وصی پیمانے پر ہوگا لہذا اس لحاظ سے منتظر کی ذمداریاں بھی ذیادہ ہو گی لحاظ ہمارا اس جہانی اور عالمی انقلاب میں ہمارا کیا کردار ہو سکتا ہے اسکے لیے امام معصومﷺم ؑ فرماتے ہیں ’’ یہ وہ انقلاب ہوگا جس سے اسلام اور اہل اسلام کو غلبہ حا صل ہوگا‘‘ امام معصوم ؑ ایک منتظر کی ذمہ داریاں بیان فرما رہےہیں  کہ حکومت ِامام عصر میں نفاق اقر اہل نفاق کو ذلت و رسوائی کا سامنا کرنا ہوگا دعائے افتتاح میں امام فرماتے ہیں کہ پروردگار ہمیں اطا عت امام فرماتے ہوئے اس انقلاب عصر اور حکومت عصر کی طرف دعوت دینے کی توفیق عطا فرما۔

انہوں نے  کہ لہذا ہماری ذمہ داری پھر کیا بنتی ہے جب ایک ایسی ہستی کے منتظر ہیں جو ہر چیز کو اسکے حاصل مقام دیں گے تو پھر ہماری سب سے پہلی ذمہ داری ایسے میں کیا ہے کہ ہم خود دیکھے کے ہمارے وجود میں ہمارے اعمال میں ہماری زندگیوں میں ہر چیز اسکے اصل مقام پر ہے یعنی نماز ہے تو آیا وہ اس انداز سے ہے جیسی ہونی چاہیے ہماری زندگی کے دیگر اعمال ہم اس انداز میں انجام دیں رہے ہیں جیسے دینے چاہیے لہذا سب سے پہلے ہمیں اپنی ذات میں اپنی زندگیوں میں ایک منتظرامام عصرکو سب سے پہلے اپنی زندگی میں تبدیلی لانا ضروری ہے۔لشکر امام میں خواتین بھی ہوگی ان کا کردار کیا ہوگا؟ جسطرح رسول اللہﷺ کے دور میں روایت ملتی ہے کے جسطرح رسول اللہﷺکے سپاہی جب زخمی ہوتے تو وہ خواتین زخمیوں کی مرہم پٹی کرتی تھیں لہذا امام عصر کے دورحکومت میں بھی خواتین کو نہایت اہم ذمہ داریاں دی جائے گی جیسے کہ مسلمانوں کی فلاح کے متعلق جو بڑے اہم امور ہوگے ان میں بھی امام انکو شامل کرئیں گے۔لہذا یہاں یہ بات واضح ہو جاتی ہے کے خواتین کا بھی سیاسی اور اجتماعی معاملات میں اہم کردار ہے اسلیئے ہمیں ابھی سے سیاسی اور اجتماعی میدان میں اپنی ذمدایوں کو ادا کرنا ہوں گی ابھی سے عصر امام کے لیے خود کو تیار کرنا ہوگا جیسے ابھی بلدیاتی الیکشن آنے والے ہیں آپ میں سے کوئی خاتون اگر یہ سمجھتی ہے کہ میں اسطرح ذیادہ بہتر انداز میں لوگوں کی مظلوموں کی مدد کر سکتی ہوں تو اس چاہیے کہ وہ آگے آئے یوں ہی تو تیاری ہوگی عالمی انقلاب کی مگر ہم کو اسلامی شرعی اصولوں کی پابندی کا خیال کرتے ہوئے سب سے پہلے اپنے گھر سے اپنے معاشرے سے ہی اٹھانا ہوگا تاکہ ہم بہتر ین انداز سے اپنی بہترین صلاحیتوں کے ساتھ انقلاب امام حجت کا استقبال کر سکے۔ ہم اپنے ملک کے آبادی کا ایک بہت بڑا حصہ ہیں ہم کو نظر انداز نہیں کیا جاسکتا خواتین وہ جو گھر کے نظام کو بہتر بناتی ہے ا س کا کردار معاشرئے کے نظام کو بہتر بنانے میں نہایت اہمیت کا حامل ہے۔اسلامی حجاب میں رہتے ہوئے ،فرائض و واجبات کی پابندی کرنے کے ساتھ اگر وہ سیاسی اور معاشرتی ذمہ داریاں بھی ادا کرئے تو معاشرے کو بہترین بنانے میں ان سے بہتر کوئی اپنا کردار ادا نہیں کر سکتا ۔خواتین اسلامی وحدت کا پرچار سب سے بہتر انداز میں کرسکتی ہیں ہم دیکھتے ہیں کہ مردوں کہ مقابل خواتین روابط کو قائم رکھنے میں ذیادہ فعال ہوتی ہیں لہذا عالمی انقلاب کو اور اسکے پیغام کو دوسرے مکتب فکر تک پہچانے میں پہچائے اپنی مجالس،جشن کی محافل جو امام حجت سے متعلق ہوں تاکہ دوسروں کو بھی معلوم ہو کہ وہ بے سہارا نہیں امام حجت صرف ہمارے نہیں ان کے بھی امام ہیں تاکہ وہ بھی محسوس کر سکے کہ وہ بھی بے سہارا نہیں انکا ولی و سرپرست موجود ہے تاکہ وہ بھی خود کو آمدہ کرسکے امام حجت کے انقلاب کے لیے عقیدت انکے دلوں میں بھی موجود ہے بس ہمارا کام اس محبت کو اس قدر کرنا ہے کے وہ نکھر کر سامنے آجائے،آخر میں خانم ہما مہدی جعفری نےکہاکے بس ہماری ذمہ داری بنتی ہے کہ ہم جس جگہ بھی ہو جو د ہوں کوئی بھی  مقام و منصب رکھتے ہوں جہاں کہی بھی ہوں اپنے منتظر ہونے کے ناطے اپنی ذمہ داریوں کو محسوس کریں ۔

وحدت نیوز (حیدرآباد) مجلس وحدت مسلمین شعبہ خواتین صوبی سندھ کی سیکر ٹری جنرل خواہر یما مہدی جعفری کی ہدایت کے مطابق سندھ کے مختلگ اضلاع میں بچت بازار لگائے گئے ۔حیدرآباد ڈویژن شعبہ خواتین کی جانب سے درگاہ شریف یونٹ 4 میں بچت فیسٹیول لگایا گیا اس فیسٹیول میں استعمال شدہ اشیاء کو دوبارہ قابل استعمال بنا کر نہایت کم قیمت میں فروخت کیا گیا۔اس استعمال شدہ اسیائ کو نہایت خوبصورتی کے ساتھ دوبارہ قابل استعمال بنایا گیا تھا ان اشیاء میں شامل کپڑے،آرٹی فیشل جیولئری ،برتن، الیکڑونکس وغیرہ کی اشیاہ شامل تھیں۔ اسکے علاہ بھی مجلس وحدت مسلمین حیدرآباد ڈویژن شعبہ خواتین کی جانب سے بہت سے اسٹالز لگائے گئے ۔اس بچت بازار کی خصوصیت بیان کرتے ہوئے صوبہ سندھ شعبہ خواتین کی سیکرٹری جنرل خواہر ہما مہدی جعفری کا کہنا تھاکے ہمارا اس بچت بازار لگانے کا مقصد یہ تھا کہ اس مہنگائی کے دور میں جہاں ہرطرف مہنگائی اپنے زور پر ہے اور ایک غریب انسان کے لیےنہایت مشکل ہوتا ہےکے وہ رمضان اور عید کی خوشیاں منا سکے اور خریداری کر سکے اور اپنے بچوں کو وہ خوشیاں دے سکے جو انکا حق ہے لہذا ہم نے کو شیش کی کہ ہم وہ استعمال شدہ جمع کریں جوقابل استعمال ہوں حیدرآباد ڈویژن شعبہ خواتین نے چار دنو ں میں ان اشیاء کو منتخب کیا جو کے بہتر حالت میں تھیں اسکے بعد ان تمام چیزوں کو مزید بہتر اور خوبصورت بنانے میں حیدرآباد ڈویژن شعبہ خواتین نے نہایت بڑھ چڑھ کر حصہ لیا اور پھر ان تمام چیزوں کو اس بچت بازار میں بہترین انداز میں پیش کیا گیا۔

 صوبہ سندھ شعبہ خواتین کی سیکرٹری جنرل خواہر ہما مہدی جعفری اس بچت بازار کی سب سے نمایاں خصوصیت بیان کرتے ہوئے کہاکہ اس میں آنے والے کوئی بھی خالی ہاتھ نہیں گئے کیوں کے ہم نے قیمت کے بجائے اس ماہ مبارک میں مہنگائی کے ستائے لوگوں میں خوشیاں باٹنے کو ترجیح دی۔مجلس وحدت مسلمین شعبہ خواتین حیدرآباد ڈویژن کی جانب سے خصوصی طور پر بچت بازار میں شیعہ ایکشن کمیٹی،پیام اسلامی فاونڈیشن اور مجلس وحدت مسلمین حیدرآباد ڈویژن کے سیکرٹری جنرل آغا امداد نسیمی کو دعوت دی گئی جنہوں نے بچت بازار کا دورہ کیا اور ایک منفرد بچت بازار کے انعقاد پر بارکباد پیش کرتے ہوئے اسطرح کے مزید منفرد پروگرامز کرتے رہنے کی تا کید کی۔اسکے علاوہ شیعہ ایکشن کمیٹی کے عہدیدار عزادار نقوی نے بھی بچت بازار کا دورہ کیا اور مجلس وحدت مسلمین حیدرآباد ڈویژن شعبہ خواتین کو منفرد پروگرام کے انعقاد پر مبارک باد پیش کی۔