وحدت نیوز(کراچی) مجلس وحدت مسلمین کے مرکزی سیکریٹری امور تبلیغات علامہ اعجاز بہشتی نے یونین کمیٹی 11جعفرطیاروارڈنمبر3ملیرکے نامزد بلدیاتی امیدواروں کی کارنرمیٹنگ سے خطاب کرتے ہوئے کہا کہ سیاسی فرعونوں سے نجات حاصل کرنے کیلئے حسینی جذبے سے سرشارعوام کا5دسمبرکو میدان میں آنا ضروری ہے، ا س موقع پر ایم ڈبلیوایم ضلع ملیر کے سیکریٹری جنرل احسن عباس رضوی، پاکستان عوامی تحریک کے رہنما خان محمد بلوچ ، نامزد امیدوار برائے چیئرمین جعفرالحسن، وائس چیئرمین عارف رضا، جنرل کونسلر وارڈنمبر3ممتاز مہدی رضوی نے بھی خطاب کیا۔علامہ اعجازبہشتی نے کہا کہ پروردگارعالم نے قرآن کریم میں مظلوموں کو حق حکومت دینے کا وعدہ کیا ہے ، خدا کے وعدے ہمیشہ سچے ہوتے ہیں ،ایم ڈبلیوایم کا انتخابات میں حصہ لینا کو ئی جذباتی اورغیر منطقی فعل نہیں ، عدل وانصاف کے قیام کیلئے مخلصین کاسیاسی طاقت حاصل کرناشرعی وعقلی فریضہ ہے،عوام پر حق حکمرانی جب تک فاسقین اور فاجرین کو حاصل رہے گا، عوام اپنے جائز حقوق کیلئے اسی طرح سرگرداں رہیں گے، مکتب اسلام میں سیکیولرازم ، کمیونزم کی کوئی گنجائش نہیں، ہمیں خدا نے وہ طاقت عطاکی ہے کہ وہ دنیا کے محروموں اور مظلوموں کو راہ نجات دکھا سکتے ہیں ، سابقہ الیکشن اور موجودہ بلدیاتی الیکشن میں حصہ لینے کا مقصد پسے ہو ئے طبقے کا با اختیار بنانے میں مدددینا ہے انشاء اللہ ایم ڈبلیوایم کے نامزد امیدوار کامیاب ہونے کے بعد تعلیمات علوی کی روشنی میں عادلانہ نظام سیاست کی بنیاد ڈالیں گے انہوں نے بلدیاتی انتخابات میں کالعدم گروہ سے اتحاد کرنے والی سیاسی جماعتوں کی پالیسیز کی شدید مذمت کی اور کہا کہ یہ نیشنل ایکشن پلان کی خلاف ورزی ہے ،الیکشن کمیشن اور حکمرانوں کو اس کا نوٹس لینا چاہیئے ،کالعدم گروہ کے ساتھ قومی جماعتوں کے پرچم لہرائے جا رہے ہیں جو اس بات کا ثبوت ہے کہ ان جماعتوں کو صرف اقتدار سے پیار ہے،یہ کرسی کے پجاری ملک کی اینٹ سے اینٹ بجانے والے گروہ کو اپنا کاندھا پیش کر کے ملکی آئین کا مذاق اڑا رہے ہیں،انہوں نے مزید کہا کہ ہم جمہوریت اور ملک کے آئین پر یقین رکھتے ہیں اور نام نہاد جمہوری جماعتوں اور حکمرانوں کی طرف سے غیر جمہوری رویہ اور آئین پاکستان کو تسلیم نا کرنے والے دہشت گردوں کے سرپرستوں کے خلاف خاموشی لمحہ فکریہ ہے،آج پاکستان میں ایک مخصوص سوچ اور نظریہ کو مسلط کرنے کی کوشش ہو رہی ہے،ہم اس انتہا پسندانہ سوچ کو مسلط نہیں ہونے دینگے،آئین پاکستان میں تمام مکاتب فکر کو یکساں آزادی حاصل ہے،عالمی دہشت گرد داعش کے پیروکار وں کے نظریہ اور سوچ کو دنیا اسلام کے ہر مہذب مسلمانوں نے نفی کی ہے۔

وحدت نیوز (کراچی) مجلس وحدت مسلمین کے مرکزی سیکر ٹر ی سیاسیات ناصر عباس شیرازی نے کہا ہے کہ کراچی میں بلدیاتی انتخابات میں انشا اللہ مجلس وحدت مسلمین کے امیدواروں کی کامیابی یقینی ہے الیکشن ریفارمز (اصلاحات)کے بغیر ملک میں جمہوریت کا قیام ممکن نہیں،بلدیاتی انتخابات کے دوسرے مر حلہ میں میں الیکشن کمیشن کی کارکردگی مایوس کن رہی،موجودہ سیاسی جماعتوں نے دھونس دھاندلی اور من مانی کے نتائج حاصل کیے،جس کی لاٹھی اس کی بھینس کا قانون معاشرے میں بگاڑ کا سبب بنے گا،شفاف بلدیاتی نتخابات کے لئے نگران سیٹ اپ کا ہونا ضروری ہے اسی لئے ہم نے تجویز پیش کی تھی کہ مرکزی و صوبائی اسمبلیوں کے انتخابات کے ساتھ ہی بلدیاتی انتخابات کا انعقاد کیا جائے،تاکہ حکمران جماعتوں کو اس حق رائے دہی میں اثر انداز ہونے کا موقع نہ ملے،بنامساعد حالات اور حکمرانوں کی جانب سے بیورو کریسی اور ریاستی مشنری کے بے دریغ استعمال کے باوجود مجلس وحدت مسلمین نے پنجاب اور سندھ میں متعدد نشتوں پر کامیابی حاصل کرکے سیاسی عمل میں اپنا کردار ادا کیا،ان خیالات کا اظہار مجلس وحدت مسلمین کے مرکزی سیکرٹری سیاسیات سید ناصر شیرازی نے کراچی بلدیاتی انتخابات کے حوالے سے یو سی 26النور سو سائٹی میں الیکشن آفس کے افتتاح کے موقع پر کیا اس موقع پر ایم ڈبلیو ایم کے امیدوار یو سی 26کے چیئر مین میر تقی علی ،وائس چیئر مین علامہ مبشر حسن ،سمیت کارکنان کی بڑی تعداد موجود تھی انہوں نے کہا کہ سندھ میں مجلس وحدت مسلمین کے امیدواروں کو منظم دھونس اور دھاندلی سے ہرایا گیا اس کے باوجود جہاں ہمارے امیدوار کھڑے تھے دوسرے نمبر پر رہے،انشااللہ ہم اپنا سیاسی سفر کو جاری رکھیں گے،اور اس مورثی سیاسی نظام کے خاتمے تک چین سے نہیں بیٹھیں گے،ہمارے امیدواروں اور کارکنوں کو جگہ جگہ ہراساں کیا گیا،حیدر آباد میں ہمارے جیتے ہوئے یوسی 20 کے چئیرمین کو پانچ دفعہ ری کاونٹنگ کرکے ہرایا گیا،انشااللہ ہم بلدیاتی انتخابات کے آخری مرحلے میں بھی اپنا کردار اد کریں گے،موجودہ حکمرانوں کا رویہ اور طرز حکومت ہی جمہوریت کے لئے سب سے بڑا خطرہ ہے،انہوں نے میونسپل کمیٹی فیروز والہ ضلع شیخوپورہ،چینوٹ اور بدین سے نو منتخب مجلس وحدت مسلمین کے امیدواروں کو مبارکباد پیش کی۔دریں اثناء الیکشن آفس میں علامہ مبشر حسن نے بلدیاتی انتخابات میں کا میابی اورشہر میں امن و امان کیلئے خصوصی دعا کرائی۔

وحدت نیوز (کوئٹہ) اربعین امام حسین ؑپر کربلا معلیٰ کی زیارت کے خواہش مند درجنوں بسوں میں سوارسینکڑوں زائرین کو بالآخرتفتان بارڈتک سفر کی اجازت فراہم کردی گئی ہے جس کے بعد درجنوں بسیں ملک کے مختلف شہروں سے بلوچستان آنے والے زائرین کو لیکرلیویز اور ایف سی کی سکیورٹی میں کوئٹہ سے تفتان روانہ کردی گئی ہیں ،واضح رہے کہ  گذشتہ روز مجلس وحدت مسلمین کے رکن بلوچستان اسمبلی سید محمدرضا رضوی (آغارضا)نے اسمبلی اجلاس کے دوران ملک بھر سے کوئٹہ میں جمع ہونے والے زائرین کرام کو ایم او سی کے نام پر ڈیرہ اللہ یار اور قلعہ سیف اللہ کے مقام پر روکنے کی شدید الفاظ میں مذمت کی تھی ، ان کا کہنا تھا کہ یہ ایک دو دن کا معاملہ نہیں ہمیشہ زائرین کو ایسی طرح مشکلات کا سامنا کرنا پڑتا ہے، جگہ جگہ درجنوں بسوں کو روکنے کے واقعات کے نتیجے میں کسی بھی ناخوشگوارواقعے کی ذمہ داری کس کے کاندھوں پر عائد ہوگی، انہوں نے اسپیکر بلوچستان کو مخاطب کرتے ہوئے کہا کہ صوبائی وزارت داخلہ زائرین کی فوری باحفاظت تفتان روانگی کے انتظامات کو یقینی بنائے ، جبکہ زیروپوائنٹ پر موجود ایف آئی اے کے امیگریشن عملے کی تعداد جو کہ فقط چار پانچ افرادپر مشتمل ہے میں بھی اضافہ کیا جائے تاکہ زائرین بروقت بارڈرکراس کرسکیں ۔

وحدت نیوز (سکردو) مجلس وحدت مسلمین پاکستان گلگت بلتستان ڈپٹی سیکرٹری جنرل علامہ آغا علی رضوی نے اپنے ایک بیان میں کہا کہ صوبائی زبانی دعوں اور باتوں کی بجائے عمل سے اپنی کارکردگی ثابت کرے اور فرقہ واریت کو ہوا دینے سے باز رہے ۔ انہوں نے کہا کہ حکومت کے سو دن پورے ہوتے ہی بلتستان اندھیرے میں ڈھوب گیا ہے، ٹھیکے من پسند افراد میں تقسیم ہو گئے ہیں، سرکاری اداروں میں ماورائے قانون تقرریاں شروع ہو چکی ہیں،قومی ایکشن پلان کو سیاسی انتقام اور مذہبی منافرت کی پرچار کے لیے استعمال ہو رہا ہے، گلگت سکردو روڈ کی تعمیر کو ختم کرنے کی کو شش ہو رہی ہے، حکمران جماعت انتخابات کے دنوں کیے گئے دعوں سے پیچھے ہٹ گئی ہے، انتقامی سیاست عروج پر ہے، گلگت بلتستان میں عوام کے لیے جاری گندم کے کوٹے میں کمی کر دی ہے جبکہ دوسری طرف حکومتی افراد اخبارات میں ہواوں میں محل تعمیر کرنے میں مصروف ہے۔حکمران جماعت عوام کو سہولت فراہم کرنے میں نہیں بلکہ اپنے مفادات کے حصول کے لیے سنجیدہ ہے۔ہم حکومت کے اچھے کاموں کو سراہتے بھی ہیں جیسے شگر اور کھرمنگ کو ضلع بنانے کا عمل ہے لیکن میں دیکھ رہا ہوں کہ یہ دونوں اضلاع نمائشی اضلاع میں بدل چکے ہیں اور دوسری طرف وزیراعلیٰ مزید اضلاع بنانے کی کوشش میں جو اپنی پسند کے علاقے ہیں ۔میں مطالبہ کرتا ہوں کہ اضلاع کا قیام تعصب کی بنیاد پر نہیں بلکہ آبادی کو ملحوظ خاطر رکھتے ہوئے کرے۔ بلتستان میں روندوں اور حلقہ نمبر دو کی آباد گلگت بلتستان میں موجود بہت سارے ضلعوں سے رقبے اور آبادی دونوں میں زیادہ ہیں لیکن ان دونوں جگہوں کے رہنے والوں کا قصور بلتستان میں ہونا ہے ۔ ہم علاقائیت کو ہوا نہیں دے رہے ہیں بلکہ چاہتے ہیں کہ انتظامی یونٹس کے قیام رقبے اور آبادی کو ملحوظ خاطر رکھ کر کیا جائے تاکہ ظلم و زیادتی نہ ہو۔ وزیراعلی گلگت بلتستان اگر مخلص ہے تو گلگت سکردو روڈ کی تعمیر میں رکاوٹ ڈالنے سے باز رہے۔ ہم حکومت کے سو دن اور الیکن میں کیے گئے وعدوں کو دیکھ رہے انہیں فرصت دینے اور اتمام حجت کے بعد خاموش نہیں رہیں گے اور اپنے مطالبات کو لے کر آگے آئیں گے اور اپنے حقوق کے لیے تحریک چلائی جائے گی۔

وحدت نیوز (گلگت) مجلس وحدت مسلمین گلگت بلتستان کے ترجمان محمد الیاس صدیقی نے اپنے بیان میں کہا ہے کہ تانگیر دیامر میں دہشت گرد کا سکیورٹی فورسز پر بم حملہ کرکے فرار ہونا انتہائی افسوس کا مقام ہے۔ ان منظم دہشت گردوں کے خلاف وسائل سے محروم گلگت بلتستان پولیس مقابلہ کرسکتی ہے اور نہ ہی پولیس کو جدید خطوط پر ٹریننگ دی گئی ہے۔ دیامر میں چھپے ان دہشت گردوں کے خلاف ضرب عضب طرز کا اعلانیہ فوجی آپریشن کیا جائے۔ مقامی پولیس کو ایسے خطرناک دہشت گردوں کی گرفتاری کیلئے بھیج دینا قیمتی انسانی جانوں کو ضائع کرنے کے مترادف ہے۔ ایک دہشت گرد کا 8 پولیس اہلکاروں کو زخمی کرکے فرار ہونے میں کامیاب ہونا خطرے کی گھنٹی ہے، اگر حکومت واقعی دیامر کو دہشت گردوں سے پاک کرنا چاہتی ہے تو آپریشن ضرب عضب طرز کا اعلانیہ فوجی آپریشن شروع کرکے پورے علاقے کو دہشت گردوں سے پاک کرے۔ الیاس صدیقی نے کہا کہ مغویوں کی تاحال عدم بازیابی حکومت کی ناکامی اور دہشت گردوں سے ہمدردی کا ثبوت ہے اور مغویوں کی بازیابی کیلئے دیامر جرگے کے پاؤں پڑنا ریاست کی کمزوری ہے۔ انہوں نے کہا کہ امن دہشت گردوں سے بھیک مانگنے سے نہیں ہوگا بلکہ ان کی بیخ کنی سے ممکن ہوگا۔

وحدت نیوز(کراچی) جمہوریت معاشرے کا حسن ہے،کرپٹ اور دہشت گرد عناصرنے سیاسی نظام کو تباہ وبربادکردیا،بلدیاتی الیکشن سیاسی فرعونوں سے نجات کا بہترین موقع ہے، محدوداختیارات کے باوجود اہلیان یوسی جعفرطیارکے بنیادی مسائل کے حل کیلئے شب و روز کوشاں رہیں گے، 5دسمبرکویوسی جعفرطیارکے عوام نے خیمے کو ووٹ دینے کا ارادہ کرکے علاقے کی محرومیوں کے خاتمے کافیصلہ کرلیا ہے، ان خیالات کا اظہاریونین کمیٹی 11جعفرطیارسے مجلس وحدت مسلمین کے نامزدامیدواربرائے چیئرمین جعفرالحسن نے کارنرمیٹنگ سے خطاب کرتے ہوئے کیا، اس موقع پر علامہ شیخ صلاح الدین ، ایم ڈبلیوایم ضلع ملیرکے سیکریٹری جنرل احسن عباس رضوی، شیعہ علماء کونسل ضلع ملیرصدرآفتاب مرزا، نامزدوائس چیئرمین عارف رضا ، نامزدکونسلرزمختارحسین ، اسد علی زیدی،شہباز علی ، ممتاز مہدی اور عظیم پریانی بھی موجود تھے۔

جعفرالحسن کا کہنا تھا کہ مجلس وحدت مسلمین نے عوام کو لائق، معتدل، قابل اور جوان مقامی قیادت سے متعارف کروادیا ہے، جن کا ماضی و حال بے داغ اور مستقبل عوامی خدمت کے جذبے سے روشن ہے، اہلیان یوسی جعفرطیار نے گذشتہ دس برس انتہائی مشکلات ،زبوں حالی اور کسم پرسی کے عالم میں گذارے ہیں ،گذشتہ الیکشن میں ذبردستی منتخب ہونے والے سیاسی نمائندوں نے تعصب اور اقرباء پروری کو فوقیت دیتے ہوئے اس حلقے کے عوام کو پتھروں کے دور میں بھیج دیا، سیوریج کے نظام کی زبوں حالی، سڑکوں کی خستگی اور گندگی کے ڈھیروں نے عوام کا جینا دوبرکردیا ہے، انشاء اللہ 5دسمبر کا سورج یوسی جعفرطیارکیلئے تبدیلی کی نویدلیکر طلوع ہوگا