وحدت نیوز(کراچی) ہیئت آئمہ مساجد و علمائے امامیہ کے زیر اہتمام کراچی میں رحمت علی ہال خراسان پر منعقدہ عزاداری پریس کانفرنس سے خطاب میں مرکزی رہنما علامہ باقر عباس زیدی، علامہ عباس کمیلی، علامہ مرزا یوسف حسین، علامہ علی کرار نقوی، علامہ شبیر میثمی، علامہ نعیم الحسن کا کہنا تھا کہ محرم الحرام سے قبل علماء و ذاکرین سمیت عزاداری پر لگائی جانے والی پابندیوں کو کسی بھی صورت قبول نہیں کیا جائے گا، محرم الحرام میں دنیا بھر کی طرح ملک خداداد پاکستان میں بھی عزاداری سید الشہداؑ کے اجتماعات منعقد کئے جائیں گے، گزشتہ چند دھائیوں سے عزاداری کے خلاف ایک مخصوص فکر رکھنے والے افراد سازشیں کر رہے ہیں۔ علامہ باقر عباس زیدی کا کہنا تھا کہ وفاقی و صوبائی حکومتیں نیشنل ایکشن پلان کا استعمال دہشتگردوں کے خلاف کرنے میں ناکام نظر آتی، جس کی واضح مثال ملک بھر میں کالعدم دہشتگرد جماعتوں کی جاری آزادانہ سرگرمیاں ہیں، شکارپور میں خودکش بمبار کا پکڑے جانا، اس بات کی واضح ثبوت ہیں کہ ملک بھر میں دہشتگردوں کا منظم نیٹ ورک قائم ہے، آخر کیوں حکومت و قانون نافذ کرنے والے ادارے ان کے خلاف بروقت آپریشن نہیں کرتے۔ انہوں نے کہا کہ عالمی حالات کے تناظر میں عراق، شام، بحرین، یمن اور سعودیہ میں دہشتگردی پھیلانے والے تکفیری دہشتگردوں کے تعلقات پاکستان میں موجود کالعدم دہشتگرد جماعتوں سے ہیں، اور داعشی دہشتگردوں کو بھی سب سے پہلے انہیں کالعدم جماعتوں نے ویلکم کیا۔

کانفرنس کے موقع پر شیعہ رہنماﺅں نے حکومت سے مطالبہ کیا کہ وہ نیشنل ایکشن پلان عمل درآمد کو یقینی بنائیں، کالعدم جماعتوں اور ان کے سہولت کاروں کے خلاف فوری ایکشن لیا جائے، لاﺅڈ اسپیکر ایکٹ کے نام پر عزاداری میں مداخلت برداشت نہیں کی جائے گی، لہذا اس میں نرمی کی جائے، محرم الحرام میں عزاداری کی مجالس و جلوسوں کو فول پروف سکیورٹی فراہم کی جائے، شکارپور سے گرفتار دہشتگرد کی تفتیشی رپورٹ منظر عام پر لائی جائے، سندھ بھر میں موجود کالعدم جماعتوں کے دفاتر اور تفرقہ انگیزی و دہشتگردی میں ملوث مدارس کے خلاف آپریشن کیا جائے، سندھ بھر بلخصوص کراچی میں کالعدم دہشتگرد جماعتوں کے آزادانہ اجتماعات پر پابندی اور ان دہشتگردوں کے خلاف آپریشن کیا جائے، حکومت و سیکورٹی اداروں میں شامل کالعدم جماعتوں کے سہولت کاروں کے خلاف فوری کاروائی عمل میں لائی جائے، کوئٹہ تافتان بارڈر پر ذائرین کی مشکلات کو حل کیا جائے، سیکورٹی اداروں کی جانب سے زائرین سے معاوضہ طلب کرنا رشوت خوری ہے، وفاقی حکومت اس کا فوری نوٹس لے، کوئٹہ، تافتان سے زیارات مقدسہ کیلئے جانے والے زائرین کی آسانی کیلئے خصوصی انتطامات کئے جائیں۔ کانفرنس میں مولانا علی مرتضیٰ زیدی، مولانا قرة العین عابدی، مولانا محمد حسین رئیسی، مولانا علی انور، مولانا صادق جعفری، مولانا نشان حیدر، سمیت علماء و زاکرین کی بڑی تعداد موجود تھی۔

وحدت نیوز(تہران) رہبر انقلاب اسلامی آیت اللہ العظمٰی سید علی خامنہ ای نے کہا کہ غدیر کا اہم ترین پیغام اسلام میں حکومت کے قاعدے اور ضابطے کے عنوان سے امامت کا تعیّن ہے۔ منگل کو عید سعید غدیر کے موقع پر ایران کے زندگی کے مختلف شعبوں سے تعلق رکھنے والے افراد نے رہبر انقلاب اسلامی سے ملاقات کی۔ اس موقع پر رہبر انقلاب اسلامی نے عید غدیر کی مبارکباد پیش کرتے ہوئے کہا کہ واقعہ غدیر اسلامی معاشرے میں حکومت کے قاعدے اور ضابطے کی بنیاد ہے اور یہ واقعہ ثابت کرتا ہے کہ دین اسلام ضابطہ امامت و ولایت کے علاوہ، شاہی اور موروثی حکومتوں یا زور و زر، شہوت پرستی اور اشرافی حکومتوں جیسے کسی بھی حکومتی ماڈل کو قبول نہیں کرتا۔ آیت اللہ العظمٰی سید علی خامنہ ای نے امیرالمومنین حضرت علی علیہ السلام کی بے مثال خصوصیات خاص طور پر ان کی حکومتی خصوصیتوں منجملہ ان کے عدل و انصاف، تقویٰ کی جانب معاشرے کی ہدایت اور دنیوی باتوں سے دوری اور اجتناب کا ذکر کرتے ہوئے کہا کہ ایمان کامل، اسلام میں سبقت، راہ اسلام میں فداکاری، اخلاص، ایثار، عفو و درگذر حضرت علی علیہ السلام کی اہم ترین معنوی اور انسانی خصوصیات ہیں۔ رہبر انقلاب اسلامی نے غدیر کے موضوع کی اہمیت کا ذکر کرتے ہوئے پیغمبر اسلام کے لئے خداوند عالم کے اس حکم کی جانب اشارہ کرتے ہوئے کہ امامت کے تعین کے حوالے سے رسالت کا کام مکمل کر دیا جائے، کہا کہ یہ اسلامی عقیدہ محکم اور ناقابل انکار استدلال اور ماخذ پر استوار ہے، لیکن اس عقیدے کو اس طرح سے بیان نہیں کیا جانا چاہئے کہ جس سے اہل سنت بھائیوں کے جذبات مشتعل ہوں، کیونکہ کسی کے جذبات کو ٹھیس پہنچانا آئمہ معصومین علیھم السلام کی سیرت کے خلاف ہے۔

رہبر انقلاب اسلامی نے عالم اسلام میں اتحاد کی اہمیت پر زور دیتے ہوئے کہا کہ شیعہ کے نام سے دیگر اسلامی فرقوں کے جذبات کو جو لوگ مشتعل کرتے ہیں، درحقیقت وہ برطانوی شیعیت کے پیروکار ہیں، جس کے نتیجے میں داعش اورجبہہ النصرہ جیسے امریکہ اور برطانیہ کی خفیہ ایجنسی سے وابستہ خبیث اور آلہ کار گروہ  وجود میں آئے ہیں، جنھوں نے علاقے میں بے شمار جرائم کا ارتکاب کرتے ہوئے بڑے پیمانے پر تباہی مچائی ہے۔ آیت اللہ العظمٰی خامنہ ای نے کہا کہ ایران کے اقتصادی نظام میں دشمن اس لئے مشکلات پیدا کرنے کی کوشش کر رہا ہے، تاکہ ایرانی عوام اسلامی جمہوری نظام سے ناراض ہوجائیں۔ انہوں نے استقامتی معیشت پر عمل پیرا ہونے کے بارے میں اپنی بار بار کی تاکید کا ذکر کرتے ہوئے کہا کہ ان حالات میں حکومت، پارلیمنٹ اور مختلف  شعبوں کے حکام اور عوام کے ہر فرد  کی ذمہ داری ہے کہ وہ دشمن کے مقصد کو ناکام بنانے کے لئے اقدام اور منصوبہ بندی کریں۔ آیت اللہ العظمٰی سید علی خامنہ ای نے کہا کہ ان بے شمار نوجوانوں کی برکت سے جو اسلام اور دین کے احیا کے لئے مسلسل کوششوں میں لگے ہوئے ہیں، اسلامی جمہوریہ ایران مجموعی طور پر صحیح راستے پر گامزن ہے۔ انہوں نے کہا کہ یہ نوجوان امریکہ اور صیہونی حکومت جیسے ہر دشمن کو گھٹنے ٹیکنے پر مجبور کر دیں گے۔

وحدت نیوز(لاہور) مجلس وحدت مسلمین پنجاب کے سیکرٹری جنرل علامہ مبارک علی موسوی نے کہا ہے کہ فیصل آباد میں دہشت گردوں کیخلاف جاری کومبنگ آپریشن کا رخ متعصب اہلکاروں نے بیلنس پالیسی کے تحت ملت جعفریہ کے نہتے اور پرامن لوگوں کی طرف موڑ دیا  ہے،مجلس وحدت مسلمین فیصل آباد کے کارکن ثاقب عباس خان کو گذشتہ رات بیلنس پالیسی کے تحت گھر سے بغیر کسی وارنٹ کے گرفتار کیا گیا ،فیصل آباد میں متعصب اہلکاروں نے چادر و چاردیواری کے تقدس کو پامال کرتے ہوئے گھر میں گھس کر خواتین کیساتھ بدسلوکی کی،خواتین کے تعلیمی اسناد اور قیمتی اشیاء بھی پولیس ساتھ لے گئی ہے،ہم اس جانبدارانہ اور متعصبانہ عمل کی شدید مذمت کرتے ہیں،محرم کے قریب آتے ہی انتظامیہ کا رویہ متعصبانہ اور جارحانہ ہونا اس بات کی دلیل ہے کہ پنجاب میں ہمارے پرامن کارکنان کیخلاف ایک منظم منصوبہ بندی کے تحت کاروائی کا ٹاسک دیا گیا ہے۔

انہوں نے کہا کہ آپریشن ضرب عضب کو متنازعہ بنانے کی سازش ہو رہی ہے،یہ آپریشن دراصل ملک دشمن ان دہشت گردوں کیخلاف شروع کیا گیا تھا ،جن کے ہاتھ اے پی ایس کے معصوم بچوں سے لے کر ستر ہزار سے زائد مظلوم پاکستانیوں کے خون سے رنگے ہوئے ہیں،بدقسمتی سے ان کے سیاسی سرپرست اور سہولت کار آزاد ہیں،لیکن دہشت گردی کے سب سے زیادہ متاثرہ فریق ملت تشیع کیخلاف متصبانہ کاروائیاں جاری ہے،ہم ان سازشوں سے بخوبی واقف ہیں،وزیر اعلیٰ پنجاب اور آئی جی پنجاب اس واقعے کا نوٹس لیں ،بصورت دیگر ہم سڑکوں پر نکلنے پر مجبور ہونگے۔

وحدت نیوز(مری) بھمبروٹ سيداں مرى ميں مجلس وحدت مسلمین  شعبہ خواتين کے زير اہتمام 11 جوڑوں کى اجتماعى شادى کى تقريب منعقد ہوئی۔شادى کے بندھن ميں بندھنے والے11 جوڑوں ميں سے 8 اہل تشيع سادات اور 3  اہل سنت جوڑے شامل ہيں ۔. تقريب کے مہمانان خصوصى ڈپٹى سيکرٹرى جنرل ايم ڈبليو ايم پاکستان ناصر عباس شيرازى ، سيکرٹرى جنرل ضلع راولپنڈى علامہ على اکبر کاظمى اور شعبہ خواتين کى مرکزى سيکرٹرى تربيت خانم سيدہ نرگس سجاد جعفرى تھيں۔شادى کى تقريب کے تمام انتظامات ايم ڈبليو ايم کے شعبہ ویلفیئرخير العمل فائونڈیشن  نے کيے تھے۔

ڈپٹى سيکرٹرى ايم ڈبليو ايم پاکستان ناصر عباس شيرازى اور علامہ سيد على اکبر کاظمى نے نقدى اور تحائف نو بياہتا جوڑوں ميں تقسيم کيے اور جہيز بھى ديا گيا۔ تقريب سے خطاب ميں برادر ناصر عباس شيرازى نے نوبياتا جوڑوں کو مبارکباد پيش کى، انھوں نے سيکرٹرى جنرل علامہ راجہ ناصر عباس جعفرى کى جانب سے نيک خواہشات کا پيغام بھى پہنچايا اور منتظمين کى کاوش کو سراہا ،ان کا کہنا تھا کہ مجلس وحدت مسلمین رنگ نسل فرقہ يا مذہب کى تميز کيے بغير انسانى خدمت پر يقين رکھتى ہے۔

تقريب سے خطاب ميں اہل سنت عالم دين مولانا ابرار قادرى نے مجلس وحدت  مسلمین کى جانب سے اتحاد امت کےليے کى جانے والى کاوشوں کو خراج عقيدت پيش کيا۔انھوں نے کہا کہ مجلس وحدت نے شيعہ سنى مسلمانوں کو قريب لا کر تکفيرى سوچ رکھنے والے عناصر کو ان کے مزموم مقاصد ميں ناکام کرديا۔تقريب ميں اہليان علاقہ کى بڑى تعداد نے شرکت کى اور مجلس وحدت کے اس اقدام پر بھرپور خوشى کا اظہار کيااور متظمين بالخصوص دختر ڈاکٹر محمد على نقوى شھيد خانم زہرا نقوى کو خراج تحسين پيش کيا۔ تقريب ميں ضلع راولپنڈى کے سيکرٹر ى روابط اظہر کاظمى سيکرٹرى فلاح و بہبود ناصر عباس  شیعہ ايکشن کميٹى و انجمن جانثاران اہليبيت کے راہنما زاہد حسين جعفرى ،سا دات کوہسار ويلفئير ايسوسى ايشن کے بانى راہنما امداد حسين نقوى ،خطيب جامع مسجد بھمبروٹ سيداں مولانا ضيغم عباس جعفرى ،خطيب مسجد حسينى سنگسيرى مولانامنير بلوچ سماجى و مذہبى راہنما ٹيچر سيد ثاقب حسين جعفرى نے بھى شرکت کی۔

وحدت نیوز(کوئٹہ)⁠⁠ ⁠⁠⁠مجلس وحدت مسلمین کے مرکزی سیکریٹری جنرل علامہ راجہ ناصر عباس جعفری کی وزیر اعلی بلوچستان نواب ثنا اللہ زہری سے وزیر اعلی ہائوس میں ملاقات ،دونوں رہنمائوں کے درمیان  زائرین سے متعلق مسائل کے حل کیلئے گفتگو اور ملکی صورتحال پرتبادلہ خیال ، اس موقع پر ایم پی اے آغا رضا، علامہ ولایت حسین جعفری، سیکرٹری جنرل عباس علی، سابقہ اسپیکر بلوچستان اسمبلی جان محمد جمالی ، ایم پی اے طاہر محمود، ایم پی اے عاصم کرد گیلو اور دیگر معززین بھی موجود تھے ۔

علامہ راجہ ناصرعباس جعفری کی ایم ڈبلیوایم کے وفد کے ہمراہ وزیر اعلیٰ بلوچستان  سے ملاقات ہنہ اوڑک وزیر اعلیٰ گیسٹ ہاوس انتہائی خوشگوارماحول میں ہوئی،وزیر اعلی ٰبلوچستان نواب ثنا اللہ زہری نے ملاقات میں علامہ راجہ ناصر کو زائرین کے مسائل  حل کرنے میں مکمل تعاون کی یقین دہانی کرائی ،وزیر اعلی بلوچستان کا کہنا تھا کہ سیکورٹی خدشات کے سبب کانوائے کے ذریعہ سیکورٹی کو یقینی بنانے کی کوشش کی جاتی ہے ۔

علامہ راجہ ناصر عباس جعفری کی جانب سے زائرین کو تافتان بارڈر پردرپیش مسائل کی نشاندہی پر وزیر اعلی بلوچستان کا مجلس وحدت مسلمین کےرکن بلوچستان اسمبلی آغا رضا کے ہمراہ تافتان بارڈر کا جلد ہی دورہ کرنے کا اعلان ،جبکہ  وزیراعلی بلوچستان  نے  پاکستان ہاوس کے لئے ایمبولینس سروس فراہم کرنے کا وعدہ بھی کیااور کہا کہ جلد ہی کانوائے کی تعداد کو ماہانہ بنیادوں پر دو سے چار تک بڑھانے کی بھرپور کوشش کی جائے گی،وزیر اعلی بلوچستان نے علامہ راجہ ناصر عباس کے تمام مطالبات کی تائید کی اور مسائل کو ترجیحی بنیادوں پر حل کرنے کی یقین دہانی کروائی ،وزیر اعلی بلوچستان کی جانب سے تفتان بارڈرپر زائرین کے قیام وطعام کیلئےایم ڈبلیوایم کے رکن بلوچستان اسمبلی آغا رضا کی تجویز پر بننے والے نئے پاکستان ہاوس پر کام کی رفتار  تیز کرنے کی ہدایت جاری کر دی گئی  جبکہ وزیر اعلی ٰنے زائرین سے اضافی چارجز پر انکوائری کروانے کا عندیہ دے دیا ۔

وحدت نیوز(کوئٹہ) مجلس وحدت مسلمین کے مرکزی سیکریٹری جنرل علامہ راجہ ناصر عباس جعفری دورہ تفتان کے بعد باحفاظت کوئٹہ واپس پہنچ گئے۔ دورہ تفتان بارڈر میں مجلس وحدت مسلمین کے رکن بلوچستان اسمبلی آغا محمد رضا، رکن شوری عالی مولانا سید ہاشم موسوی، مولانا ولایت جعفری اور دیگر رہنما و مسئولین بھی انکے ہمراہ تھے۔ علامہ راجہ ناصر عباس جعفری نے حکومتی دباو اور سیکیورٹی کلیئرنس نہ ملنے کہ باوجود دو روز قبل کوئٹہ سے براستہ دالبندین اور تفتان بارڈر کا سفر کیا تھا تاکہ وہاں پر زائرین امام حسین (ع) و امام رضا (ع) کو درپیش مسائل کا بذات خودجائزہ لے سکیں اور انکے حل کیلئے وفاقی وزیر داخلہ چوہدری نثار علی خان اور بلوچستان کی صوبائی حکومت کے ساتھ ملکر کوششیں کرسکیں۔ علامہ راجہ ناصر عباس نے ایک شب تفتان بارڈر پر زائرین کے ہمراہ بھی  گزاری۔

دوران قیام ایم ڈبلیو ایم کے سیکرٹری جنر ل علامہ راجہ ناصرعباس جعفری نے بلوچستان اسمبلی کے دالبندین تفتان سے منتخب رکن امان اللہ شادیزئی، کمشنر دالبندین، ڈپٹی کمشنر اور ونگ کمانڈر ایف سی کرنل قمر رشید سمیت ایف آئی اے اور امیگریشن آفس کے حکام سے اہم ملاقاتیں کیں۔ اس موقع پر علامہ راجہ ناصر عباس نے زائرین سے بھی ملاقات کی اور خطاب کیا۔ علامہ ناصر عباس نے دوران سفر مجلس وحدت مسلمین کے رکن اسمبلی آغا محمد رضا کی تجویز پر زائرین کے قیام وطعام کیلئےحکومت بلوچستان کی جانب سے زیر تعمیر "پاکستان ہاوس" کا بھی دورہ کیا۔ اس موقع پر انتظامیہ نے پاکستان ہاوس کو چند ماہ میں مکمل کرنے کی بھی یقین دہانی کروائی۔ ایف سی و ایف آئی اے کے حکام نے بھی علامہ راجہ ناصر عباس کو درپیش مسائل اورموجودسہولیات کے بارے میں آگاہ کیا۔ انتظامیہ نے علامہ ناصر عباس جعفری کوزائرین کو درپیش مسائل کے حل کے حوالے سے اپنے بھرپور تعاون کا یقین دلایا۔