وحدت نیوز(کراچی) مجلس وحدت مسلمین پاکستان کراچی ڈویژن کے صدر علامہ علامہ شیخ محمد صادق نے وفد کے ہمراہ سانحہ عرشی شاپنگ مال عائشہ منزل کے جائے حادثہ کا دورہ کیا۔آتش زدگی سے متاثرہ عمارت اور دکانوں کا معائنہ کیا اور متاثرہ مکینوں اور دکانداروں سے ملاقات کی اور ان سے اظہار ہمدردی کیا،اس موقع پرایم ڈبلیوایم رہنماؤں نے میڈیا سے بات چیت کی اور حکومت سے متاثرین کی فوری بحالی کا مطالبہ کیا، وفد میں علامہ حیات عباس نجفی،علامہ ملک غلام عباس،سید رضی حیدر رضوی،سید زین رضا رضوی، مزمل حسین کاظمی اور وصی رضوی شامل تھے۔